Kronikë e zezë

Dhunohen dy të mitura në Gjakovë, të dyshuarit janë të moshës madhore

Sot do të parashtrohen dy kërkesa për caktimin e masës së paraburgimit për dy të dyshuarit.

Published

4 years ago

on

Viktimat që raportuan të martën se janë dhunuar në Gjakovë janë të mitura, ndërsa të dyshuarit të moshës madhore. Këtë e ka konfirmuar zëdhënësi i Drejtorisë Rajonale të Policisë në Gjakovë, i cili ka thënë po ashtu se janë iniciuar dy raste hetimi për veprën penale “dhunimi”.

Ai ka bërë të ditur se lidhur me rastet në fjalë janë duke u zhvilluar hetime nga njësitet përkatëse të policisë në koordinim me prokurorin përkatës.

“Dje në dy raste të ndara janë arrestuar dy persona të moshës madhore ndaj të cilëve në konsultim me prokurorin përgjegjës janë iniciuar dy raste hetimi për vepër penale ‘dhunimi’. Viktimat në dy rastet në fjale janë të mitura. Me vendim të Prokurorit të Shtetit dy të dyshuarit janë ndalur në mbajtje për 48 orë”, ka thënë ai.

Ndërsa Yllka Juniku Shehu nga Prokuroria Themelore në Gjakovë, ka bërë të ditur se sot gjatë ditës do të parashtrojnë dy kërkesa për caktimin e masës së paraburgimit për dy të dyshuarit.

“Prokuroria Themelore në Gjakovë, sot do të parashtrojë dy kërkesa për caktimin e masës së paraburgimit për dy personat e dyshuar, për veprën penale ‘dhunimi’. Dy rastet janë raste të ndara, dhe të dyja viktimat janë të mitura, ndërsa dy të dyshuarit janë madhor”, ka thënë ajo.

Ndërkaq Policia e Kosovës përmes raportit 24-orësh njoftoi sot për dy raste të dhunimit në Gjakovë.

Sipas raportit, njëri rast kishte ndodhur rreth orës 13:00, ku bëhet e ditur se viktima është dërguar për trajtim mjekësor.

“Gjakovë 04.10.2022 – 13:00. Viktima femër kosovare ka raportuar se dy persona të dyshuar të maskuar me dhunë e kanë futur në veturën e tyre dhe kanë dhunuar seksualisht. Viktima është dërguar për trajtim mjekësor. Pas hetimeve të zhvilluara është identifikuar një i dyshuar kosovar dhe i njëjti është arrestuar dhe me vendim të prokurorit është dërguar në mbajtje”, thuhet në njoftim.

Ndërsa rasti tjetër sipas po këtij raporti, kishte ndodhur pasdite rreth orës 18:00, kur një vajzë ka raportuar se me dhunë është futur me dhunë në veturë dhe është përdhunuar.

“Gjakovë 04.10.2022 – 18:05. Viktima femër kosovare ka raportuar se i dyshuari mashkull kosovar me dhunë e ka futur në veturën e tij dhe kanë kryer marrëdhënie seksuale pa dëshirën e saj. I dyshuari është arrestuar dhe me vendim të prokurorit pas intervistimit është dërguar në mbajtje”, thuhet tutje.

Related Topics:
Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

3 hours ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

3 hours ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

3 hours ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Kronikë e zezë

Sekuestrohen pistoleta, thika dhe drogë

Published

3 hours ago

on

July 30, 2026

By

Policia e Kosovës ka zhvilluar një sërë aksionesh gjatë 29 korrikut në disa komuna të vendit, ku janë arrestuar disa persona të dyshuar për posedim të paautorizuar të armëve, përdorim të armëve të zjarrit dhe posedim të substancave narkotike.

Në Prishtinë, një person u arrestua pasi gjatë kontrollit iu gjet një sasi e vogël e substancës narkotike dhe dy thika. Me vendim të prokurorit ai u dërgua në mbajtje.

Në Podujevë, dy persona u arrestuan pasi policia u gjeti 18.22 gramë substancë narkotike, një thikë, një peshore, dy bluarës, dy pako me letra dhe tre telefona. Pas intervistimit, njëri prej tyre u dërgua në mbajtje, ndërsa tjetri u lirua në procedurë të rregullt.

Po në Podujevë, në fshatin Kerpimeh, pas raportimit për të shtëna me armë në një aheng familjar, policia sekuestroi një revole me mulli, dy pistoleta – njëra me gaz – dhe gjashtë fishekë. Tre persona u arrestuan, por më pas u liruan në procedurë të rregullt me vendim të prokurorit.

Në Obiliq, gjatë kontrollit në një shtëpi u gjet dhe u konfiskua një armë automatike AK-47 me një karikator pa fishekë, ndërsa i dyshuari u dërgua në mbajtje.

Raste të tjera të përdorimit dhe posedimit të paautorizuar të armëve u regjistruan edhe në Shtime, Prizren, Gjakovë, Vushtrri dhe Skenderaj. Në disa prej rasteve u sekuestruan pistoleta, armë automatike AK-47, fishekë dhe armë me gaz, ndërsa disa të dyshuar u dërguan në mbajtje, kurse të tjerë u liruan në procedurë të rregullt.

Në Vushtrri, policia po heton një rast të rëndë, ku një person dyshohet se ka shtënë me armë zjarri në drejtim të një veture me tre punëtorë të KRU Mitrovica, të cilët kishin shkuar për ta shkyçur nga rrjeti i ujësjellësit. Sipas raportit, i dyshuari i ka kanosur dhe ofenduar punëtorët para se të largohej nga vendi i ngjarjes.

Të gjitha rastet janë duke u trajtuar nga njësitet përkatëse policore në koordinim me prokuroritë kompetente.

D.L

Continue Reading

Të kërkuara