Kronika e zezë

Dhunohen dy të mitura në Gjakovë, të dyshuarit janë të moshës madhore

Sot do të parashtrohen dy kërkesa për caktimin e masës së paraburgimit për dy të dyshuarit.

Published

on

Viktimat që raportuan të martën se janë dhunuar në Gjakovë janë të mitura, ndërsa të dyshuarit të moshës madhore. Këtë e ka konfirmuar zëdhënësi i Drejtorisë Rajonale të Policisë në Gjakovë, i cili ka thënë po ashtu se janë iniciuar dy raste hetimi për veprën penale “dhunimi”.

Ai ka bërë të ditur se lidhur me rastet në fjalë janë duke u zhvilluar hetime nga njësitet përkatëse të policisë në koordinim me prokurorin përkatës.

“Dje në dy raste të ndara janë arrestuar dy persona të moshës madhore ndaj të cilëve në konsultim me prokurorin përgjegjës janë iniciuar dy raste hetimi për vepër penale ‘dhunimi’. Viktimat në dy rastet në fjale janë të mitura. Me vendim të Prokurorit të Shtetit dy të dyshuarit janë ndalur në mbajtje për 48 orë”, ka thënë ai.

Ndërsa Yllka Juniku Shehu nga Prokuroria Themelore në Gjakovë, ka bërë të ditur se sot gjatë ditës do të parashtrojnë dy kërkesa për caktimin e masës së paraburgimit për dy të dyshuarit.

“Prokuroria Themelore në Gjakovë, sot do të parashtrojë dy kërkesa për caktimin e masës së paraburgimit për dy personat e dyshuar, për veprën penale ‘dhunimi’. Dy rastet janë raste të ndara, dhe të dyja viktimat janë të mitura, ndërsa dy të dyshuarit janë madhor”, ka thënë ajo.

Ndërkaq Policia e Kosovës përmes raportit 24-orësh njoftoi sot për dy raste të dhunimit në Gjakovë.

Sipas raportit, njëri rast kishte ndodhur rreth orës 13:00, ku bëhet e ditur se viktima është dërguar për trajtim mjekësor.

“Gjakovë 04.10.2022 – 13:00. Viktima femër kosovare ka raportuar se dy persona të dyshuar të maskuar me dhunë e kanë futur në veturën e tyre dhe kanë dhunuar seksualisht. Viktima është dërguar për trajtim mjekësor. Pas hetimeve të zhvilluara është identifikuar një i dyshuar kosovar dhe i njëjti është arrestuar dhe me vendim të prokurorit është dërguar në mbajtje”, thuhet në njoftim.

Ndërsa rasti tjetër sipas po këtij raporti, kishte ndodhur pasdite rreth orës 18:00, kur një vajzë ka raportuar se me dhunë është futur me dhunë në veturë dhe është përdhunuar.

“Gjakovë 04.10.2022 – 18:05. Viktima femër kosovare ka raportuar se i dyshuari mashkull kosovar me dhunë e ka futur në veturën e tij dhe kanë kryer marrëdhënie seksuale pa dëshirën e saj. I dyshuari është arrestuar dhe me vendim të prokurorit pas intervistimit është dërguar në mbajtje”, thuhet tutje.

Aktualitet

​4 të lënduar në një aksident trafiku në Bresalc të Gjilanit

Published

on

Katër persona kanë pësuar lëndime si pasojë e një aksidenti të komunikacionit në Bresalc të Gjilanit.

Valon Osmani nga policia rajonale në Gjilan, ka bërë të ditur se në aksident kanë qenë të përfshira dy automjete.

“Rreth orës 16:30, kemi pranuar informacion për një aksident trafiku në fshatin Bresalc të komunës së Gjilanit. Në këtë aksident të përfshira kanë qenë dy automjete, ku përpos dëmeve material lëndime trupore kanë pësuar katër persona. Të njëjtit janë dërguar në qendrën Emergjente të Spitalit rajonal të Gjilanit ku janë duke pranuar tretman mjekësor”, ka thënë ai.

Rrethanat e aksidentit po hetohen nga Njësiti rajonal i Komunikacionit Rrugor në Gjilan.

Continue Reading

Aktualitet

Arrestohet një person i dyshuar për posedim të Kokainës në Prizren në vlerë rreth 300 mijë euro

Published

on

Policia e Kosovës, konkretisht hetuesit e Njësisë Rajonale për Hetimin e Trafikimit me Narkotikë në Prizren, në bashkëpunim me Prokurorinë Themelore në Prizren, kanë ndërmarrë veprime operative të suksesshme që kanë rezultuar me arrestimin e një personi të dyshuar për përfshirje në veprimtari kriminale të lidhur me substanca narkotike.

Me datë 11 gusht 2025, në rrugën “Viljam Voker” në Prizren, është arrestuar i dyshuari me iniciale H.K. (1994) shtetas i Republikës së Kosovës.

Gjatë kontrollit të realizuar në dy lokacione me urdhër të prokurorit kompetent, në njërën nga lokacionet janë gjetur dhe sekuestruar si prova materiale:

· Substancë e dyshuar narkotike e llojit kokainë, me peshë totale 4 kg e 440 gram;

· Dy (2) peshore elektronike;

· Të holla (para) në vlerë prej 260 euro;

· Një (1) pajisje për vakumim të qeseve plastike;

· Një (1) motoçikletë PIAGGIO VESPA;

· Një (1) telefon mobil iPhone 15 Pro Max;

· Një (1) skalper;

· Sasi e konsiderueshme e qeseve plastike për paketim.

Sipas vlerësimeve, sasia e sekuestruar e substancës narkotike, në tregun ilegal, mund të kapë vlerën deri në 300,000 (treqind mijë) euro.

I dyshuari është shoqëruar në Polici, ku është intervistuar në prani të avokatit të caktuar sipas detyrës zyrtare. Pas intervistimit, me vendim të prokurorit të shtetit, i njëjti është ndaluar për 48 orë.

Hetimet lidhur me këtë rast janë duke vazhduar nga ana e Njësisë së antidrogës në Prizren në koordinim me Prokurorinë Themelore në Prizren.

Policia e Kosovës mbetet e përkushtuar në luftën kundër narkotikëve dhe fton qytetarët që të bashkëpunojnë, duke raportuar çdo informacion të dyshimtë tek organet e rendi.

Continue Reading

Aktualitet

​Aksident në Komoran, humb jetën një person dhe dy të lënduar rëndë

Published

on

Një aksident i rëndë ka ndodhur në fshatin Komoran të Drenasit, ku si pasojë një person ka humbur jetën dhe dy të tjerë janë lënduar. Aty kanë qenë të përfshira gjashtë automjete.

Zëdhënësi i Policisë së Kosovës, Daut Hoxha ka konfirmuar se rreth orës 18:20, është raportuar një aksident trafiku me gjashtë automjete të përfshira dhe persona të lënduar, i cili ka ndodhur te udhëkryqi, te ura në Komoran, në drejtimin Pejë-Prishtinë.

Hoxha tha se pas pranimit të informatës, njësitë policore kanë dalë në vendngjarje, ndërkohë që janë njoftuar edhe ekipet e emergjencës mjekësore dhe njësia e zjarrfikësve, për të reaguar për t’u ofruar ndihmën e nevojshme personave të përfshirë dhe për menaxhimin e situatës.

Ndërkaq, Naser Syla, drejtor i Emergjencës në QKUK, ka thënë se një person ka vdekur dhe dy të tjerë janë në gjendje të rëndë shëndetësore.

Continue Reading

Kronika e zezë

Vritet një person në Prishtinë, nisin hetimet

Published

on

Policia e Kosovës ka konfirmuar se një person është vrarë me armë zjarri mbrëmë në Hajvali të Prishtinës. Lidhur me këtë rast autoritetet tashmë kanë nisur hetimet dhe janë në kërkim të një personi të dyshuar i cili është identifikuar.

Rreth orës 22:00, është raportuar për gjuajtje me armë zjarri, në Hajvali, ku është vrarë një person. Vdekja e viktimës mashkull është konstatuar nga ekipi mjekësor në QKUK. Policia ka nisë një hetim për zbardhjen e rastit, ndërkohë që është në kërkim të personit të dyshuar i cili tashmë është identifikuar”, tha Policia e Kosovës.

Drejtori i Emergjencës, Naser Syla tha se viktima është sjell pa shenja jete në emergjencë./UBTNews/

Continue Reading

Të kërkuara