Lajmet

Dhjetra të vrarë e të plagosur në sulmet ajrore në Jemen të udhëhequra nga Arabia Saudite

Kjo sipas Kryqit të Kuq.

Published

4 years ago

on

Dhjetra të vrarë dhe të plagosur në sulmet ajrore të udhëhequra nga Arabia Saudite në qytetet e Jemenit, thanë disa OJQ.

Më shumë se 100 njerëz janë vrarë ose plagosur pas një sulmi ajror në një burg të drejtuar nga rebelët në Jemen, sipas Kryqit të Kuq.

Sulmi i udhëhequr nga Arabia Saudite goditi një burg në Saada, një qytet veriperëndimor i kontrolluar nga rebelët Houthi që nga viti 2014.

Më shumë se 100 të burgosur u vranë ose u plagosën, tha Basheer Omar, një zëdhënës i Komitetit Ndërkombëtar të Kryqit të Kuq në Jemen.

“Numri ka të ngjarë të rritet, për fat të keq”, tha Omar, duke shtuar se Kryqi i Kuq kishte zhvendosur disa nga të plagosurit në objekte tjera.

Kjo vjen pasi grupi rebel Houthi pretenduan një sulm me dron dhe raketa në një zonë industriale të Abu Dabit të hënën, duke vrarë tre persona dhe duke plagosur gjashtë.

Nga “Save the Children” thonë se sulmet ajrore në Jemen kanë vrarë të paktën tre fëmijë dhe më shumë se 60 të rritur, ndërsa të paktën 100 të tjerë u plagosën.

Në një deklaratë të veçantë, OJQ-ja ‘Mjekët pa Kufij’ e përmend numrin e vetëm të të plagosurve në “rreth 200” persona.

“Ka ende shumë trupa në skenën e sulmit ajror, shumë njerëz të zhdukur”, tha në një deklaratë Ahmed Mahat, kreu i misionit të organizatës në Jemen.

“Është e pamundur të dihet se sa njerëz janë vrarë. Duket se ka qenë një akt i tmerrshëm dhune”./UBTNews/

Related Topics:
Continue Reading

Lajmet

Shqipëria e përmbyll Eurovision 2026 në vendin e 13-të

Published

2 hours ago

on

May 17, 2026

By

Shqipëria, e përfaqësuar nga Alis me këngën “Nan”, e ka përmbyllur Eurovision 2026 me gjithsej 145 pikë, duke u renditur në vendin e 13-të në finalen e madhe.

Performanca e artistit shqiptar u prit pozitivisht gjatë mbrëmjes, duke marrë duartrokitje të shumta dhe reagime të mira nga publiku.

Interpretimi emocional dhe vokali i kontrolluar i Alisit e vendosën Shqipërinë mes performancave që tërhoqën vëmendje gjatë finales, ndërsa kënga “Nan” u komentua gjerësisht edhe në rrjetet sociale.

Mbështetja për përfaqësimin shqiptar ishte e dukshme si në sallë, ashtu edhe online, duke e kthyer performancën në një nga momentet më të përfolura të natës.

Fitues i Eurovision 2026 u shpall Bullgaria, e përfaqësuar nga DARA me këngën “Bangaranga”.

Continue Reading

Lajmet

Bullgaria fiton Eurovision 2026

Published

2 hours ago

on

May 17, 2026

By

Bullgaria është shpallur fituese e Eurovision 2026, pas një finaleje të mbushur me emocione dhe garë të fortë mes vendeve pjesëmarrëse.

Përfaqësuesja bullgare, DARA, triumfoi me këngën “Bangaranga”, një performancë energjike që u vlerësua si nga publiku, ashtu edhe nga juritë profesioniste. Artistja u dallua për prezencën skenike, ritmin dinamik dhe atmosferën që krijoi në arenë.

Bullgaria qëndroi mes favoriteve gjatë gjithë mbrëmjes dhe siguroi pikët vendimtare në fund të votimit, duke arritur fitoren e madhe të këtij edicioni.

Pas shpalljes së rezultateve, delegacioni bullgar festoi në skenë, ndërsa reagime të shumta pati edhe në rrjetet sociale.

Ndërkohë, Shqipëria, e përfaqësuar nga Alis me këngën “Nan”, e përfundoi garën me gjithsej 145 pikë

Continue Reading

Lajmet

Dizajnerët kosovarë prezantojnë Kosovën në Eurovision përmes modës

Published

12 hours ago

on

May 17, 2026

By

Kosova është e pranishme në Eurovision përmes krijimtarisë së dizajnerëve të saj, ndonëse nuk merr pjesë si shtet në garë.

Dy dizajnerët kosovarë, Valdrin Sahiti dhe Drenusha Xharra, kanë veshur prezantuesen e finales së Eurovision Song Contest 2025, Victoria Swarovski, në skenën që u mbajt në Vjenë.

Sipas mediave ndërkombëtare, Sahiti ka dizajnuar një fustan në ngjyrë smerald-jeshile me detaje që theksojnë siluetën, ndërsa Xharra është autore e një fustani ngjyrë vjollcë të veshur gjatë mbrëmjes finale.

Kjo prani vlerësohet si një përfaqësim i rëndësishëm i dizajnit kosovar në një nga skenat më të mëdha ndërkombëtare të muzikës dhe televizionit.

Continue Reading

Lajmet

Alis drithëron skenën e finales së Eurovision 2026 me “Nan”

Published

13 hours ago

on

May 16, 2026

By

Këngëtari nga Shkodra, Alis Kallaçi, ka dhuruar një performancë të fuqishme dhe plot emocion në finalen e Eurovision 2026, ku u ngjit i pesti në renditje me këngën “Nan”.

Pas paraqitjes së suksesshme në gjysmëfinale, Alis performoi edhe njëherë në skenën madhështore në Vjenë, duke sjellë një interpretim që kombinoi emocionin, energjinë dhe një prezantim unik artistik. Pjesë e performancës ishte sërish aktorja Rajmonda Bulku, e cila me praninë e saj i dha këngës një dimension simbolik dhe emocional, duke theksuar mesazhin për figurën e nënës shqiptare.

Performanca u shoqërua me flamurin kuqezi dhe një atmosferë elektrizuese në sallë, ndërsa publiku reagoi me duartrokitje dhe brohoritje të shumta. Ekspertët e Eurovisionit e kanë cilësuar Alisin si një nga vokalet më të spikatura të këtij edicioni.

Paraqitja e Shqipërisë në finalen e madhe u konsiderua një moment krenarie për publikun shqiptar dhe një nga performancat më emocionale të natës.

Continue Reading

Të kërkuara