Lajmet

Dhjetëra varre të krishtera vandalizohen në Jerusalem

Peshkopi tha se varrezat u krijuan në mesin e shekullit të 19-të.

Published

on

Një peshkop i Jeruzalemit tha këtë javë se ishte “i tmerruar” nga përdhosja e dhjetëra varreve të krishtera në skajin e qytetit të vjetër, ndërsa policia po hetonte vandalizmin.

Varret prej guri ishin copëtuar, me kryqet të rrëzuara në varrezat protestante në malin Sion, ku të krishterët besojnë se u zhvillua Darka e Fundit e Jezusit.

“Ne zbuluam se më shumë se 30 gurë varresh dhe kryqe u copëtuan”, u tha gazetarëve Hosam Naoum, një peshkop anglikan.

Autoritetet e kishës thanë se dëmi u zbulua të martën, ndërsa pamjet e kamerave të sigurisë nga 1 janari treguan dy persona duke vandalizuar vendin ndërsa mbanin veshje hebreje.

“Këto akte kriminale ishin të motivuara nga fanatizmi fetar dhe urrejtja kundër të krishterëve” tha Dioqeza Episkopale e Jeruzalemit në një deklaratë.

Policia izraelite tha të martën se kishte nisur një hetim për “prishjen e një numri të madh gurësh varresh në varrezat protestante”.

Peshkopi tha se varrezat u krijuan në mesin e shekullit të 19-të.

Ministria e Jashtme e Izraelit bëri thirrje që autorët të ndiqen penalisht, duke shkruar në Twitter se “ky akt imoral është një fyerje ndaj fesë”.

Mali i Sionit shtrihet jashtë mureve të qytetit të vjetër dhe ka tërhequr pelegrinët për shekuj me radhë. Gjithashtu nderohet nga hebrenjtë, si vendvarrimi i mbretit biblik David.

Në dhjetor 2021, udhëheqësit e kishës paralajmëruan se “të krishterët janë bërë objektiv i sulmeve të shpeshta dhe të qëndrueshme nga grupet ekstreme radikale” në Jerusalem dhe më gjerë në Tokën e Shenjtë./UBTNews/

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara