Lajmet

Dhjetë shenjat që tregojnë se një mjedis pune është pozitiv

Dhjetë karakteristika të mirëqenies në vendin e punës dhe të një mjedisi pozitiv pune.

Published

4 years ago

on

Të qenit pjesë e një kompanie e cila beson që vendi punës e bën ndryshimin edhe në jetën jashtë saj, është zakonisht puna që e doni ose jo. Mjedisi pozitiv i punës është çelësi i punës për të pasur sukses. Në një mjedis të kundërt, ulet vetëbesimi dhe krijohet energjia e keqe te punonjësit, prandaj mundësia për të pasur sukses në karrierë me atë lloj punë është jashtëzakonisht e vështirë.

Autorja e librit “Surviving the Toxic Workplace” Linda Durre, tregon që gjatë kohës sa e ushtronte profesionin e psikoterapeutes nga shumë njerëz ishte pyetur “Si të menaxhohet negativiteti në punë?” “A ka kompani të mira ku mund të punoj”, “Si mund ta gjej një dhe të mund të punësohem?” e të tjera pyetje të tilla.

Sipas saj, janë dhjetë karakteristika të mirëqenies në vendin e punës dhe të një mjedisi pozitiv pune.

Vlera pozitive

Deklarata pozitive për misionin e kompanisë, përshkruan më së miri përkushtimin e lartë që ka kompania ndaj cilësisë dhe shërbimit ndaj njëri-tjetrit, kompanisë, klientëve dhe aksionarëve. Kompania synon që të arrijë qëllimin e saj në mënyrë etike, të ndershme dhe e vetëdijshme që po punon për ta përmirësuar mirëqenien dhe planetin.

Atmosferë relaksuese dhe produktive

Anëtarët e kompanisë kënaqen kur vjen koha të shkojnë në punë, e po ashtu ndihen të vlerësuar, në njohuri për gjërat në punë dhe të shpërblyer. Shenja të frikës, dominimit, bullizmit, ngacmimeve seksuale dhe të sulmeve nuk janë pjesë e këtyre mjediseve. Krijimtaria, produktiviteti dhe të menduarit jashtë kornizave janë në lulëzim e sipër.

Angazhimi për shkëlqim

Punonjësit e japin më të mirën, po më të mirën prej vetes. Ata përpiqen që të jenë më të mirët dhe të ofrojnë produkte dhe shërbime më cilësi të lartë. Po ashtu, marrin përgjegjësi për veprimet apo vendimet e tyre.

Komunikim i hapur dhe i sinqertë

Të gjithë komunikojnë me “letra të shpalosura”, duke i zgjidhur vështirësitë në një mënyrë pozitive. Askush nuk luan “lojëra të ndotura” të hakmarrjes, kur marrin kritika të arsyeshme. Në vend të kësaj, ata i marrin këto kritika si mundësi për t’u rritur në karrierë.

Bashkëpunim, mbështetje dhe fuqizim

“Mund ta bëj”, “shkojmë edhe më tutje” dhe “po fitojmë” janë shenja të një mjedisi pozitiv të punës. Punonjësit kanë një ndjenjë shoqërie, bashkëpunimi dhe fuqie. Konkurrenca e shëndoshë këtu shihet pa goditje pas shpinës dhe të këqija.

Humor

Punonjësit i mbajnë gjërat në prizmin e argëtimit, kënaqen dhe qeshin shumë. Siç e dimë e qeshura e liron hormonin e endrofinës, antidepresivin tonë natyral.

Dhembshuri, respekt dhe mirëkuptim

Mirësia dhe mirëkuptimi mbizotërojnë kur punonjësit përballen me sfida të tilla si aksidente, sëmundje, tragjedi personale dhe fatkeqësi natyrore. Në këtë mënyrë ata nuk do të marrin parasysh asnjë vështirësi në punë, kur trajtohen mirë, me mirëkuptim, dhembshuri dhe respekt.

Fleksibiliteti

Kompania dhe punonjësit e saj përqafojnë ndryshimin, akomodojnë tendenca dhe teknologji të reja dhe përfshijnë aftësi të reja. Ata e dinë që nëse nuk e bëjnë, biznesi do të përfundojë në një vend të vjetër, nga i cili askush nuk do ta kthejë shikimin.

Përforcimi pozitiv

Njerëzit kanë nevojë për mirënjohje dhe vlerësim për t’u motivuar. Komplimentet e vërteta, shpërblimet, vlerësimet, ngritjet, promovimet dhe certifikatat e arritjeve bëjnë mrekulli! Në kompani me frymë pozitive kompania falënderon punonjësit rregullisht në këto mënyra.

Theksohet shëndeti, familja dhe mjedisi

Kompania ofron sigurim shëndetësor gjithëpërfshirës, ajo ka vende ku punonjësit mund të relaksohen, zyra që janë të ndriçuara me ndriçim natyral dhe llampa inkadeshente dhe jo me halogjen ose floureshente. Organizata është e vetëdijshme për mjedisin duke inkurajuar energjinë diellore dhe riciklimin. 

Related Topics:
Continue Reading

Lajmet

​Rritet numri i përfituesve nga skemat e pensioneve

Published

12 hours ago

on

January 21, 2026

By

Agjencia e Statistikave të Kosovës (ASK) bën të ditur se në muajin dhjetor 2025, krahasuar me muajin dhjetor 2024, është rritur numri i përfituesve nga disa skema pensionale dhe sociale.

Sipas ASK-së, rritje e numrit të përfituesve është shënuar në: skemën për Pensionet Paraplegjike dhe Tetraplegjike (12,6%); skemën e pensioneve të Forcës së Sigurisë së Kosovës (8,6%); skemën për përkrahje financiare familjeve që kanë fëmijë me aftësi të kufizuara (8,0%); skemën e pensioneve bazike të moshës (7,5%); skemën e kompensimit për punëtorët e arsimit që punuan gjatë vitit shkollor 1990/91 deri në vitin shkollor 1998/99 (5,1%); skemën e pensioneve për personat me aftësi të kufizuara (4,5%); si dhe skemën për veteranët e luftës (2,7%).

Po ashtu, rritje është shënuar edhe te skema e kompensimeve për personat e verbër (1,2%) dhe skema e pensioneve të Trupave Mbrojtëse të Kosovës (TMK) (0,8%).

Ndërsa, në muajin dhjetor 2025, krahasuar me muajin dhjetor 2024, kishte rënie të numrit të përfituesve nga: skema për pensionet invalidore me 27,5 %; skema për pensionet e Trepçës me 20,6 %; skema për pensionet familjare me 10,6 %; skema e ndihmës sociale me 10,3 %, skema e pensioneve kontribut-paguesve të moshës me 2,0 %, skema për familjet e dëshmorëve dhe invalidët e luftës e1,4 %).

Continue Reading

Lajmet

Profesorët e Fakultetit të Medias dhe Komunikimit publikojnë në revistën e indeksuar në Scopus

Published

13 hours ago

on

January 21, 2026

By

Profesorët e Fakultetit të Medias dhe Komunikimit në UBT, dr. Votim Hanoli dhe dr.Ferid Selimi, së bashku me koautoren Elda Sinani, publikuan punimin “Hedonizmi në epokën digjitale: Një analizë e përdorimit të rrjeteve sociale si burim kënaqësie”, në revistën ndërkombëtare “Architectural Image Studies”, e indeksuar në platformën Scopus.

Ky punim trajton marrëdhënien mes hedonizmit dhe përdorimit të rrjeteve sociale në kontekstin e epokës digjitale. Në një shoqëri gjithnjë e më të ndërvarur nga teknologjia dhe komunikimi virtual, rrjetet sociale janë shndërruar në mjete të fuqishme për përmbushjen e nevojave emocionale dhe psikologjike të individëve, përfshirë kënaqësinë e menjëhershme, vëmendjen dhe vlerësimin social.

Duke u mbështetur në teori të tilla si Teoria e Kultivimit (George Gerbner), dhe Teoria e kornizimit (Framing) e (Goffman), studimi eksploron motivimet hedoniste që qëndrojnë pas sjelljes së përdoruesve në platformat digjitale.

Për të analizuar këtë fenomen, u realizua një studim empirik ku të dhënat tregojnë se shumica e të rinjve e përjetojnë përdorimin e rrjeteve sociale si një burim kënaqësie të menjëhershme, sidomos në lidhje me marrjen e pëlqimeve, ndarjen e përmbajtjeve personale dhe ndërveprimet sociale. Megjithatë, një pjesë e konsiderueshme e të anketuarve raportuan gjithashtu ndjenja boshllëku, ulje të vetëbesimit dhe varësi emocionale ndaj këtyre platformave.

Rezultatet sugjerojnë se rrjetet sociale funksionojnë si një mekanizëm i fuqishëm për përmbushjen e nevojave hedoniste, por gjithashtu ngrenë shqetësime lidhur me ndikimet afatgjata në mirëqenien psikologjike. Punimi përfundon me sugjerime për ndërgjegjësim mediatik dhe përdorim më të vetëdijshëm të teknologjisë dhe mediave sociale./UBTNews

Linku i revistës: Architectural Image Studies, 2184-8645

https://journals.ap2.pt/index.php/ais

https://www.scopus.com/sourceid/21101247624

Continue Reading

Lajmet

“Liria ka Emër” thërret protestë më 17 shkurt, me moton “Drejtësi jo politikë”

Published

14 hours ago

on

January 21, 2026

By

Me moton “Drejtësi jo politikë”, më 17 shkurt në sheshin “Skëndërbeu” do të protestohet në mbrojtje të ish-krerëve të Ushtrisë Çlirimtare të Kosovës.

Kjo protestë do të fillojë në orën 14:00 dhe organizohet në përvjetorin e shpalljes së Pavarësisë së Kosovës.

Protesta kësaj radhe organizohet nga organizata “Liria ka Emër”.

Ne një konferencë për media, përfaqësues të kësaj organizate kanë përmendur shkeljet që janë bërë gjatë këtij procesi gjyqësor, për cka thanë se përmes protestës do të kërkojnë drejtësi.

Vitin e kaluar janë organizuar pesë protesta me thirrjet “Drejtësi per Çlirimtarët”.

Protesta e parë është mbajtur në Prishtinë, më pas në Hagë, Tiranë, Strasburg e në Shkup.

Continue Reading

Aktualitet

UBT në BETT 2026 në Londër – prezanton modelin unik të Smart City

Published

14 hours ago

on

January 21, 2026

By

Si i vetmi institucion nga rajoni, UBT po prezantohet me hapësirën e vet në panairin më të madh botëror të teknologjisë në arsim, BETT 2026 në Londër, krahas kompanive globale si Google, Meta dhe të tjera.

Në këtë ngjarje globale, UBT prezanton platformën unike inovative për Smart City (All-in-One Solution), si dhe zgjidhje inovative në fushën e EdTech-ut, platformat digjitale dhe projektet kërkimore për transformimin e arsimit përmes inteligjencës artificiale.

Ekipi i UBT-së, gjatë tri ditëve, do të prezantojë përpara mijëra pjesëmarrësve dhe përfaqësuesve të sektorit të arsimit dhe industrisë edukative, duke ofruar produkte teknologjike, shërbime dhe sisteme smart për tregun global.

Continue Reading

Të kërkuara