Sport

Dështimi i Francës, Deschamps gati të paguajë faturën, shfaqet emri i Zidane

“Të gjithë do të mësojmë nga kjo disfatë”.

Published

4 years ago

on

Për herë të parë në 11 vite, që nga eliminimi në grupe në Botërorin e Afrikës së Jugut, Franca dështon të prekë 8 më të mirat e një turneu madhor. Realiteti është i pabesueshëm për faktin se në fillim të turneut, por edhe gjatë tij, “Gjelat” ishin favoritët kryesorë për të shkuar në finale dhe për të triumfuar, me kualitetet në përbërje.

“Të gjithë do të mësojmë nga kjo disfatë”. Me këto fjalë u shfaq pas eliminimit, trajneri i Francës Dider Deschamp, stoli i të cilit tashmë lëkundet më shumë se kurrë.

Dështimi në këtë Europian mund t’i faturohet pikërisht trajnerit 52-vjeçar i cili ka vendosur në rrezik të gjithë kreditin e fituar me triumfin në Botërorin e Rusisë. Unë jam i qetë. Ky është futbolli. Kur fiton është meritë e futbollistëve dhe kur humb është faji i trajnerit.

“I pranoj përgjegjësitë, por e di se do të kemi të hëna më të lumtura”, tha numri një i pankinës së Francës, nën hijen e të cilit prej kohësh qëndron një tjetër emër i madh si ai Zinedine Zidane.

Ish-trajneri i Realit të Madridit, 3 herë fitues i Champions League ka shprehur prej kohësh dëshirën për të drejtuar kombëtaren dhe dëshira e tij mund të plotësohet së shpejti. Teksa edhe kontrata e Deschamp përfundon me fundin e Botërorit Katar 2022, emri i Zizu është më i lakuari për stolin e gjelave dhe një ndryshim i tillë mund të vijë më shpejt nga sa ishte menduar.

Related Topics:
Continue Reading

Lajmet

Kosova ballafaqohet sot me Spanjën për Euro U21

Published

10 hours ago

on

September 9, 2025

By

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Continue Reading

Lajmet

Kosova mposht Suedinë në stadiumin “Fadil Vokrri”

Published

11 hours ago

on

September 9, 2025

By

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/

Continue Reading

Lajmet

Santos nuk është më trajner i Azerbajxhanit

Published

1 day ago

on

September 8, 2025

By

Azerbajxhani ka ndërprerë kontratën e trajnerit të ekipit kombëtar Fernando Santos me pëlqim të ndërsjellë, tha të hënën federata e futbollit të vendit (AFFA), disa ditë pas humbjes 5-0 ndaj Islandës në një ndeshje kualifikuese për Kupën e Botës ka shkruar Reuters.

Santos, i cili më parë e udhëhoqi Portugalinë drejt fitores në Kampionatin Evropian dhe Ligën e Kombeve, ka mbetur pa fitore në 11 ndeshje që kur mori drejtimin e Azerbajxhanit në qershor 2024, ndërsa pësoi nëntë humbje.

Azerbajxhani pësoi pesë gola brenda gjysmë ore loje, ndërsa u shkatërrua nga Islanda në ndeshjen e tyre të parë të Grupit D në kualifikueset e Kupës së Botës 2026 të premten.

Ayxan Abbasov, trajneri i ekipit U21 të vendit, do të jetë në krye kur Azerbajxhani të përballet me Ukrainën në ndeshjen e tyre të radhës kualifikuese për Kupën e Botës të martën, shtoi AFFA.

Mes kandidatëve për të zëvendësuar Santosin është edhe italiani Gianni De Biasi, i cili ka drejtuar më parë Azerbajxhanin nga korriku 2020 deri në nëntor 2023. Gjatë periudhës së tij, De Biasi grumbulloi 10 fitore, 8 barazime dhe 21 humbje në 39 ndeshje, me 34 gola të shënuar dhe 56 të pësuar./S.K/Reuters/

Continue Reading

Lajmet

​Kosova mëson kundërshtarët për parakualifikueset e Eurobasket 2029

Published

1 day ago

on

September 8, 2025

By

Në Raundin e Parë të Parakualifikimeve të FIBA EuroBasket 2029, Kosova ka mësuar kundërshtarët, ku dardanët do të ballafaqohen me Shqipërinë dhe Sllovakinë.

Dardanët janë shortuar në Grupin C dhe raundi i Parë të Parakualifikimeve të FIBA EuroBasket 2029 zhvillohet në kryeqytetin letonez, Riga.

Raundi do të luhet në tre dritare: nëntor 2025, shkurt 2026 dhe qershor-korrik 2026.

Kualifikimet do të jenë katër kombëtare, tre fitueset e grupeve si dhe vendi i dytë më i mirë./S.K/KP/

Continue Reading

Të kërkuara