Lajmet

Dëshmitari i tetë fillon dëshminë në gjykimin ndaj Thaçit dhe të tjerëve

Paraprakisht, nga ana e trupit gjykues janë trajtuar tri çështje.

Published

on

Dëshmitari i tetë me kodin 04323 do të fillojë dëshminë e tij të hënën, në Dhomat e Specializuara të Kosovës (DhSK), në Hagë, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Paraprakisht, nga ana e trupit gjykues janë trajtuar tri çështje, raporton “Betimi për Drejtësi”.

Kryetari i trupit gjykues, gjykatësi Charles Smith bëri të ditur se kanë vendosur që të ndryshojë urdhrin me gojë të 23 marsit me të cilin kishin pranuar një dokument në tërësinë e tij, duke e pranuar tani vetëm në pjesët përkatëse që do të përdor mbrojtja e Veselit.

Kjo është vendosur në bazë të parashtrimeve të mbrojtjes së Veselit, përmbushjes së kritereve të rregullës 154 dhe që nuk ka pasur kundërshtime nga palët.

Çështja e dytë kishte të bënte me kërkesën e Zyrës së Prokurorit të Specializuar (ZPS-së) për riklasifikim të disa dokumenteve.

Gjykatësi pyeti mbrojtjes dhe se askush nuk e kundërshtoi kërkesën për riklasifikim të ZPS-së.

Kurse, lidhur me çështjen e tretë e cila ishte mocioni i ZPS-së për të kufizuar praninë në sallën e gjyqit, trupi gjykues vendosi që mbrojtja të përgjigjet lidhur me këtë më së largu deri në fund të orarit të punës më 15 qershor dhe nëse ZPS ka kundër-përgjigje, këtë ta parashtrojë deri në fund të orarit më 16 qershor.

Seanca po vazhdon në sesion privat. Ndryshe, në seancën e sotme të pranishëm në sallë të gjykimit janë të gjithë të akuzuarit.

Gjatë muajit prill ka filluar gjykimi derisa në seancën e 3 prillit, Zyra e Prokurorit të Specializuar (ZPS) dhe mbrojtësi i viktimave kanë paraqitur deklarimet hyrëse dhe pas leximit të aktakuzës së ndryshuar nga ana e ZPS-së, ish-presidenti Hashim Thaçi, ish-kryeparlamentarët Kadri Veseli dhe Jakup Krasniqi, si dhe ish-deputeti Rexhep Selimi, u deklaruan të pafajshëm për veprat penale që iu vihen barrë.

Më 4 prill mbrojtja e Thaçit, Veselit dhe Selimit kanë dhënë fjalën hyrëse derisa më 5 prill mbrojtja e Krasniqit ka dhënë fjalën hyrëse.

Më 11 prill ka filluar paraqitja e provave të Prokurorisë ku dëshmitarja e parë e mbrojtur e Prokurorisë, ka dhënë dëshminë e saj më 11 prill,  12 prill,  13 prill dhe më 17 prill.

Më 17 prill ka filluar dëgjimi i dëshmitarit të dytë, po ashtu i mbrojtur, i cili ka vazhduar dhënien e dëshmisë edhe më 18 prill, 19 prill dhe 20 prill, ku ka përfunduar dhënien e dëshmisë edhe dëshmitari i tretë, kurse më 10 maj ka filluar dhënien e dëshmisë dëshmitari i katërt, dëshmia e të cilit përfundoi më 17 maj.

Tutje, dëshmitari i pestë ka filluar dëshminë më 17 maj dhe e përfundoi më 22 maj, ku filloi dëshminë dëshmitari i gjashtë i cili përfundoi dëshminë më 23 maj, në të njëjtën ditë me dëshmitarin e shtatë.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.  

Më 29 prill 2022, Zyra e Prokurorit  të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

Lajmet

Kryeziu: Paraqitja e kryeministrit Kurti në Gjykatë nuk është standard i dyfishtë në raport me ftesën nga Prokuroria Speciale

Published

on

By

Zëdhënësi i Qeverisë së Kosovës, Përparim Kryeziu thotë se paraqitja e kryeministrit në detyrë, Albin Kurti në Gjykatë në rastin e kanosjes ndaj tij nuk është standard i dyfishtë në raport me ftesën nga Prokuroria Speciale.

Në Gjykatën Themelore në Prishtinë sot është mbajtur seanca e shqyrtimit fillestar, ku Faton Klinaku dhe Nuredin Selmani akuzohen për kanosje ndaj kryeministrit në detyrë, Albin Kurti. I pranishëm ka qenë edhe Kurti.

Klinaku dhe Selmani nuk e kanë pranuar fajësinë, duke thënë se nuk kanë kryer vepër penale, teksa Kurti nuk ka paraqitur kërkesë për dëmshpërblim.

Kryeziu përmes një postimi në rrjetin social, Facebook tha se Kurti nuk e ka refuzuar asnjëherë ftesën e Prokurorisë Speciale për të dëshmuar. Sipas tij, Kurti ka shprehur gatishmëri për të bashkëpunuar duke kërkuar që intervista të zhvillohet në zyrën e tij.

Sa i përket ftesës së Prokurorisë Speciale, kryeministri Kurti asnjëherë nuk ka refuzuar që të japë dëshminë e tij. Përkundrazi, ai ka shprehur gatishmërinë e plotë për të bashkëpunuar me drejtësinë dhe për të respektuar parimin e transparencës dhe llogaridhënies, duke kërkuar që intervistimi të zhvillohet në zyrën e tij, një praktikë kjo që ka ndodhur edhe më parë“, shkruan Kryeziu.

Kryeziu thotë se Kurti në Gjykatë sot u paraqit si palë e dëmtuar.

Ndërkaq në lidhje me rastin e kanosjes, zyrtarët hetues të autorizuar nga Prokuroria e kanë intervistuar kryeministrin Kurti pikërisht në zyrën e tij më 10 qershor 2025. Sot ai u paraqit në gjykatë si palë e dëmtuar“, thuhet ndër të tjerash në postimin e tij.

Kujtojmë se Prokuroria Speciale ka kërkuar që Kurti të paraqitet për intervistim në cilësinë e dëshmitarit në rastin e rezervave shtetërore.

Kryeministri në detyrë, kishte insistuar që intervistimi të kryhet në objektin e Qeverisë së Kosovës, teksa për mos paraqitje në Prokurorinë Speciale, Kurti ka pranuar gjobë nga Gjykata Themelore në Prishtinë./D.B/KP

Continue Reading

Bota

​Aksionet amerikane përfundojnë në rënie pas vendimit të gjykatës që vë në dyshim tarifat e Trump

Published

on

By

Aksionet amerikane u mbyllën me rënie në ditën e parë të tregtimit të javës, pasi një gjykatë apeli vendosi të premten se shumica e tarifave të Presidentit të SHBA-së Donald Trump ishin të paligjshme.

Indeksi Dow ra të martën me 0.55%, ose 249.07 pikë, duke u mbyllur në 45,295.81. Të hënën, tregjet u mbyllën për shkak të Ditës së Punës.

Nasdaq ra me 0.82%, ose 175.92 pikë, duke u mbyllur në 21,279.63. S&P 500 ra me 0.69%, ose 44.72 pikë, në 6,415.54.

Ndërkohë, Indeksi i Luhatshmërisë (VIX), i njohur edhe si “indeksi i frikës”, u rrit me 6.51% në 17.17.

Për më tepër, investitorët parashikuan një rritje të normave të obligacioneve duke filluar nga shtatori. Ndërsa rendimenti 30-vjeçar tejkaloi 4.97%, rendimenti 10-vjeçar i Thesarit u rrit në 4.27%.

Rënia pasoi vendimin e Gjykatës Federale të Apelit të SHBA-së, e cila zbuloi se Trump nuk ka autoritetin për të zbatuar shumicën e tarifave të tij.

Pushteti kryesor i Kongresit për të vendosur taksa të tilla si tarifat i është dhënë ekskluzivisht degës legjislative nga Kushtetuta“, tha gjykata. “Tarifat janë një fuqi thelbësore e Kongresit”.

Për t’i dhënë administratës Trump kohë për të paraqitur një peticion në Gjykatën Supreme për të përmbysur vendimin, gjykata e apelit shtyu zbatimin e vendimit të saj deri më 14 tetor.

Trump tha të martën se do t’i kërkojë Gjykatës Supreme një vendim të përshpejtuar në mënyrë që të përmbysë vendimin e gjykatës së apelit sa më shpejt të jetë e mundur.

Nëse hiqni tarifat, mund të përfundojmë duke u bërë një vend i botës së tretë“, u tha Trump gazetarëve në Shtëpinë e Bardhë.

Do të shkojmë në Gjykatën Supreme, mendojmë nesër, sepse na duhet një vendim i hershëm“, deklaroi Trump, duke thënë se “struktura financiare e vendit tonë” është në rrezik.

Presidenti argumentoi gjithashtu se vendimi i së premtes ishte arsyeja pse aksionet amerikane ranë të martën, duke thënë: “Ata duan tarifat”.

Analistë të tjerë fajësuan rënien për pasigurinë mbi tarifat, jo për një qëndrim pro ose kundër taksave tregtare.

Në lajme të tjera për tregjet, indeksi i menaxherëve të blerjeve të prodhimit ISM (PMI) u rrit në 48.7% në gusht, 0.7 pikë përqindjeje më shumë se korriku, por nën pritjet e tregut.

Aksionet e kompanisë amerikane të ushqimit dhe pijeve PepsiCo u rritën me 1.1% pas lajmit se Elliott Investment Management kishte blerë një aksion prej gati 4 miliardë dollarësh në kompani.

Aksionet e firmës ushqimore Kraft Heinz ranë me gati 7% pas njoftimit se kompania po planifikonte të ndahej në dy kompani të ndara./D.B/KP

Continue Reading

Lajmet

Kurti telefonon Zhegrovën pas transferimit: Ne të gjithë jemi krenarë me të

Published

on

Kryeministri në detyrë i Republikës së Kosovës, Albin Kurti e ka uruar futbollistin Edon Zhegrova për transferimin e tij të madh në gjigantin italian, Juventus.

Përmes një postimi në llogarinë e tij zyrtare në Instagram, Kurti njoftoi se ka biseduar me videolidhje me yllin kosovar, Edon Zhegrova.

“Nuk ka lajm më të rëndësishëm këtë javë sesa lajmi për transferimin e Edon Zhegrovës në Juventus. Lojtari më i ri i “Zonjës së Vjetër”, që ëndrrën e tij e bëri realitet, tash është ëndrra e shumë të rinjve që e duan futbollin siç e do Edoni. Ai është shumë krenar që po e përfaqëson vendin e popullin tonë në futbollin ndërkombëtar, e ne të gjithë jemi krenarë me të. Me Hajrën sot e uruam dhe përgëzuam për këtë arritje të tij të jashtëzakonshme dhe i uruam gjithë shëndet, fat e shumë suksese!”, shkroi Kurti.

/S.K/EO/

Continue Reading

Lajmet

KQZ miraton procedurën për votimin jashtë Kosovës

Published

on

By

Komisioni Qendror i Zgjedhjeve ka miratuar procedurën për votim jashtë Kosovës, sipas së cilës, zarfi me fletëvotime duhet të pranohet nga personi i regjistruar.

Në mbledhjen e 54-të të KQZ-së, u tha se qëllimi i këtij dokumenti është të përshkruajë të gjitha veprimet për përgatitjen e materialve për votimin jashtë Kosovës.

Procedura parasheh që pakoja me fletëvotime që KQZ ua dërgon përmes postës votuesve jashtë vendit mund të pranohet vetëm nga vetë personi i regjistruar.

Zyrtari i postës duhet të sigurohet që të kontrollojë përmes dokumentit identifikues personin për të cilin është i dedikuar zarfime fletëvotime”, thuhet në këtë procedurë të KQZ-së.

Zarfi i cili do t’i dërgohet votuesit, përmban: fletëvotimet; zarfin e fshehtësisë; udhëzuesin me informacione se si plotësohen fletëvotimet dhe si realizohet votimi përmes postës; zarfin kthyes dhe shiritin mbyllës.

Në votimin jashtë Kosovës për votim me postë në Zgjedhjet Lokale, detyrë e votuesit është që pakon me fletëvotime ta dërgojë në ndonjërën nga kutitë postare të KQZ-së që hapen në shtete të ndryshme.

Sipas KQZ-së, adresat e kutive postare do të publikohen nga KQZ para fillimit të periudhës së votimit me postë.

Në këtë mbledhje, KQZ mori vendim edhe për decertifikimin e 9 kandidatëve nga subjekte të ndryshme politike, si: Prishina në dorën tënde (1); Partia Demokratike e Kosovës (1); Lëvizja për Bashkimin e Shqiptarëve (1); Partia Liberale Egjitpiane (2) dhe Alternativa (4). Këta kandidatë, ishin certifikuar më herët nga KQZ për pjesëmarrje në Zgjedhjet Lokale, të cilat do të mbahen më 12 tetor 2025./D.B/KP

Continue Reading

Të kërkuara