Nëse Joshua Kimmich ishte një përforcim prioritar për Xavi Hernández, ai është gjithashtu një prioritet për Hansi Flick, trajnerin e ri të Barçës që me shumë gjasë do të prezantohet këtë javë si i tillë. Të dy bashkëpunuan në kombëtaren gjermane dhe në Bayern Munich.

Kontaktet janë avancuar, por negociatat janë ndërprerë për shkak të mosmarrëveshjes ekonomike që ekziston mes ofertës së paraqitur nga Barcelona dhe dëshirave financiare të lojtarit gjerman.

Sipas burimeve të ndryshme, Kimmich aktualisht fiton rreth 19.5 milionë euro bruto, një shifër që Barcelona përpiqet ta arrijë. Në realitet janë dy elementë që vonojnë marrëveshjen.

Më pas, sfida është të ruhet një bilanc pagash që do të rritet në sezonin e ardhshëm me pagën e Leëandoëskit, e cila është afër 30 milionë euro. Kërkesat e Kimmich bien ndesh me nevojat e Barçës, kështu që do të duhet të shohim në muajt e ardhshëm se çfarë do të ndodhë me këtë inkorporim të mundshëm./UBTNews/

Ardhja e Hansi Flick në Barcelonë do të sjellë ndryshime të rëndësishme në klub pasi ish-trajneri i Bayern Munichut dhe Gjermanisë ka të ngjarë të zbatojë taktika të reja, të cilat mund të rezultojnë në largimin e disa lojtarëve. Ndërsa asgjë nuk është konfirmuar ende, besohet se Flick mund të heqë disa lojtarë nga skuadra dhe këtu është një vështrim se cilët mund të jenë ata lojtarë.

Kishte bisedime për rinovimin e kontratës së Ferran Torres, por me largimin e Xavit dhe ardhjen e Flickut, këto plane mund të ndryshojnë. Tashmë duhet theksuar se Ferran e humbi vendin në skuadër gjatë gjysmës së dytë të sezonit, kryesisht për shkak të një dëmtimi dymujor.

Megjithatë nëse Barcelona do të sjellë sulmues të rinj, disa lojtarë do të duhet të shiten dhe Torres mund të jetë njëri prej tyre. Preferenca e Flick për anësorët që mund të kryejnë një sërë trukesh, siç shihet me Kingsley Coman dhe Leroy Sane te Bayerni, nuk e favorizon Torresin. Ndërsa ai mund të jetë vërtet një kundërshtar i ndërlikuar, atij i mungon shpejtësia e lojtarëve si Lamine Yamal, Coman apo Sane.

Mbrojtësi veteran Sergi Roberto është afër vazhdimit të kontratës, por me largimin e Xavit është e paqartë nëse Flick dëshiron ta mbajë atë.

Një zgjatje njëvjeçare e kontratës është në tryezë, por Roberto gjithashtu ka një ofertë nga një klub tjetër dhe vazhdimësia e tij do të varet nga planet e Flick. Pavarësisht vullnetit të Barcelonës për ta mbajtur atë, e ardhmja e Robertos do të varet nëse Flick e sheh atë si pjesë të strategjisë së tij.

Oriol Romeu pritet të largohet nga Barcelona dhe ardhja e teknikut gjerman mund ta konfirmojë këtë. Paraqitjet e Romeut kanë rënë pas një fillimi të fortë dhe ai nuk i përshtatet profilit të një lojtari të tipit Flick pasi ai preferon mesfushorë që janë taktikisht të mprehtë, si Thiago Alcantara, dhe Romeu nuk përputhet me këtë kërkesë.

Kjo është arsyeja pse është e sigurt të supozohet se preferencat taktike të Flick e bëjnë të pamundur praninë e vazhdueshme të Romeut në Barcelonë./UBTNews/

Për të dytin sezon radhazi, dy rivalët e Mançesterit do të takohen në finalen e FA Cup.

Ndeshja Manchester City-Manchester United do të fillojë nga ora 14:00, ndërsa Andy Madley do të referojë finalen.

Skuadra e Pep Guardiola synon të bëhet skuadra e parë që fiton FA Cup të njëpasnjëshme qe nga Arsenali në sezonet 2013/14 dhe 2014/15.

Përpara finales, United i Erik ten Hag e ngriti trofeun 12 herë në historinë 153-vjeçare të garës, pesë më shumë se City, por trofeu i fundit i Djajve të Kuq ishte në sezonin 2015/16.

Sezonin e kaluar, City mposhti United me rezultat 2:1 për të fituar Kupën FA 2023, pasi Ilkay Gundogan shënoi dy herë në finale.

Përzgjedhësja e Kombëtares së Kosovës në futboll për femra, Anneli Andersen, e ka publikuar listën e Dardaneve, të cilat janë përzgjedhur për dy ndeshjet e dyta të ciklit kualifikues për Kampionatin Evropian 2025.

Dardanet ndeshjen e parë do ta zhvillojnë kundër Kroacisë, në stadiumin “Zahir Pajaziti” në Podujevë, më 31 maj. Ndeshjen e dytë Dardanet do ta zhvillojnë në stadiumin “Branko Cavlovic-Cavlek” në Karlovac, më 6 qershor, kundër Kroacisë.

Kombëtarja e Kosovës në kualifikimet për Evropianin 2025, bënë pjesë në Ligën B, në Grupin B4, së bashku me Uellsin, Kroacinë dhe Ukrainën. Në dy ndeshjet e para ka pësuar humbje ndaj Ukrainës dhe Uellsit.