Aktualitet

Deputetja e AAK-së e bindur se do të votohet buxheti

Published

5 years ago

on

Deputetja e Aleancës për Ardhmërinë e Kosovës (AAK), Albena Reshitaj është shprehur e bindur se buxheti për vitin 2021 do të votohet, madje në të dy leximet.

Reshitja në një intervistë për Ekonomia Online, tha se me mosvotimin e buxhetit do të shkaktohet bllokadë për vendin. Madje ajo thotë se do të jetë problem edhe sa i përket organizimit të zgjedhjeve të parakohshme.

“Shpresoj që buxheti do të votohet do të kalojë në të dy leximet, sa më parë që është e mundur pasi që në të kundërtën do të kemi edhe një bllokadë tjetër. AAK-ja që nga fillimi ka qenë shumë konstruktive në raport me nevojat e qytetarëve duke u nisur prej pandemisë, duke u nisur prej Ligjit për pandeminë dhe kemi dhënë kontribut edhe brenda neneve dhe e kemi votuar e kemi përkrahur që nga fillimi gjithashtu edhe Ligjin për Rimëkëmbjen Ekonomike dhe sot jemi të gatshëm, gjithë grupi i AAK-së për ta votuar buxhetin. Unë besoj që do të votohet, në bazë të informatave që kam do të shkaktohet një bllokadë një problem ju e dini që jemi në prag të zgjedhjeve, normalisht që do të jetë e vështirë edhe për këtë aspekt”, deklaroi ajo.

Reshitaj ka folur edhe për fillimin e vaksinimit të qytetarëve në veri nga ana e Serbisë. Sipas saj, kjo vaksinë mund të jetë vetëm mashtrim dhe se me këtë rast Serbia synon ta dëmtojë integritetin territorial të Kosovës, raporton EO.

Ndërsa tha se Kosova duhet që të bëjë përpjekje maksimale për ta siguruar vaksinën sa më parë.

“Në momentin që një produkt i quajtur mjekësor futet në mënyrë ilegale në një shtet, atëherë lind dyshimi nëse ai është medicinal, nëse ai është me të vërtet ai i cili mendohet. Prandaj edhe si profesionist kemi arsye të dyshojmë, kjo mund të mos jetë vaksinë, thjeshtë mund të jetë një medikament mashtrues dhe për këtë arsye jemi të shqetësuar dhe ndikuar në dy drejtime, edhe në atë se na është futur në shtet një produktet në mënyrë ilegale, sidomos kur flasim për shëndetin dhe e dyta shohim dhe e kuptojmë që Serbia edhe përmes shëndetësisë serbe në Kosovë, provon ende të dhunojë dhe të dëmtojë, të cenojë integritetin territorial të Kosovës. Mund të them që Serbia është duke dhënë një shembull të një shteti jo humanitar dhe jo njerëzor. Dua të besoj që nuk do të jemi të fundit, ata që do ta marrin vaksinën. Dua të besojë që Qeveria ka bërë përgatitjet e nevojshme. Kosova duhet ta marrë vaksinën në të kundërtën do të jemi të dështuar”, deklaroi Reshitaj.

Related Topics:
Continue Reading

Aktualitet

Lëndohen pesë persona në një aksident zinxhirorë

Published

18 minutes ago

on

July 18, 2025

By

Pesë persona kanë marrë lëndime trupore si pasojë e një aksidenti mes pesë veturash sot rreth orës 12:00 në magjistralen Prishtinë-Pejë, konkretisht në Sllatinë.

Lajmin e ka bërë të ditur Luljeta Mehmeti nga zyra për media e Policisë së Kosovës. Sipas saj, të lënduarit janë dërguar për tretman mjekësor, ndërsa njësitë policore janë duke e trajtuar rastin.

“Duke u bazuar në të dhënat fillestare nga tereni, ju informojmë se me datën 18.07.2025 rreth orës 12:00 në drejtimin Prishtinë- Pejë, respektivisht në fshatin Sllatinë, është raportuar për një aksident trafiku zinxhiror ku të përfshira kanë qenë pesë (5) vetura. Lidhur me rastin të gjitha njësitë relevante duke përfshirë edhe ato mjekësore, kanë dal në vendin e ngjarjes. Si pasojë e këtij aksidenti, deri me tani raportohet për pesë (5) persona të lënduar të cilët kanë pranuar trajtim mjekësor. Njësitë kompetente policore janë duke e trajtuar rastin për procedurat e mëtejme”, ka thënë Mehmeti. /Telegrafi

Continue Reading

Aktualitet

Greva e punëtorëve të sigurimit fizik në QKUK po vazhdon

Published

23 minutes ago

on

July 18, 2025

By

Greva e punëtorëve të sigurimit fizik në QKUK po vazhdon që nga data 11 korrik, për shkak të moszgjidhjes së çështjes së punësimit të tyre në QKUK. Kryetari i Sindikatës së sektorit privat, Jusuf Azemi bëri të ditur se të hënën do të hapen ofertat e reja, në kuadër të procesit të tenderimit.

“Përfundimisht kryetari i Shoqatës (së Sigurimit Fizik të QKUK-së) me drejtorin e SHSKUK-së dhe me drejtorin e QKUK-së kanë ardhur në përfundim që të të hënë hapen ofertat e reja. Shumë normale se ne si Sindikatë e kemi vetëm një mundësi: nëse kompanitë nuk merren vesh mes vete, nuk pajtohen , do t’i tregojmë edhe ne dhëmbët tanë se këto kompani që të gjitha nuk e kanë respektuar ligjin”, tha ai.

Azemi shtoi se do të kërkojnë nga kompanitë që së paku të u falin dy muaj, derisa të përfundojë tenderimi i këtij procesi të rregullt dhe se do të kërkojnë në njëfarë forme do t’u bien në gjunjë për hir të këtë punëtorëve.

Përndryshe, ai theksoi se greva po shkon shumë mirë deri më tani.

Continue Reading

Aktualitet

Inspektorati Policor i Kosovës hap zyrat e reja në Mitrovicën e Veriut

Published

51 minutes ago

on

July 18, 2025

By

Përmes një njoftimi për media të IPK-së, është bërë e ditur se janë hapur zyrat e reja të IPK-së ku ndër të tjera thuhet se në ceremoninë e organizuar me këtë rast morën pjesë  Ministri i Brendshëm, Xhelal Sveçla, Kryeshefi i IPK-së, Kushtrim Hodaj, kryetari i Komunës së Mitrovicës , Erden Atiq si dhe zyrtarë e eprorë nga ARC, IPK dhe Policia e Kosovës.

Tutje në njoftim thuhet se zyrat e reja të IPK-së tani janë në lagjen e Boshnjakëve, në rrugën “Çlirimi” në objektin e Ministrisë së Punëve të Brendshme.

“Në fjalimet e rastit, hapja e zyrave të reja u konsiderua si një hap i rëndësishëm drejt fuqizimit të kapaciteteve të Inspektoratit Policor të Kosovës. Sveçla dhe Hodaj theksuan rëndësinë e zyrave të reja të IPK-së për përmirësimin e shërbimeve dhe forcimin e besimit të qytetarëve në sundimin e ligjit  në Kosovë. Kryeshefi i IPK-së, gjatë fjalës së tij, falënderoi Ministrinë e Brendshme dhe Agjencinë për Regjistrim Civil (ARC) për mbështetje të vazhdueshme në realizimin e këtij projekti të rëndësishëm”, thuhet në njoftim.

Po ashtu ministri i Brendshëm gjatë ceremonisë, theksoi rëndësinë e hapjes së zyrave të reja të IPK-së, duke e vlerësuar këtë si një hap të rëndësishëm për forcimin e rendit dhe ligjit në këtë pjesë të Kosovës./Telegrafi

Continue Reading

Bota

Zelensky: Sanksionet e reja kundër Rusisë të mirëpritura

Published

2 hours ago

on

July 18, 2025

By

Presidenti ukrainas, Volodymyr Zelensky mirëpriti paketën e 18-të të sanksioneve të BE-së kundër Rusisë duke e quajtur atë “një vendim thelbësor dhe në kohë, veçanërisht tani që Rusia ka përshkallëzuar brutalitetin e sulmeve të saj ndaj qyteteve dhe fshatrave tona”.

“Do të doja të shprehja mirënjohjen time për presidenten e Komisionit, Ursula von der Leyen dhe të gjithë udhëheqësit e shteteve anëtare të BE-së për unitetin dhe qëndrimin e tyre parimor”, shkroi ai në X.

Zelensky falënderoi gjithashtu presidentin e Këshillit Evropian, Antonio Costa dhe “Danimarkën për një fillim vërtet pozitiv të presidencës së saj të BE-së”.

Shtetet anëtare të BE-së kanë rënë dakord për një paketë të 18-të sanksionesh që synon Rusinë, pas pushtimit të Ukrainës, thanë sot disa diplomatë.

Paketa e sanksioneve synon sektorët financiarë dhe të energjisë të Rusisë dhe vjen në përgjigje të refuzimit të presidentit Vladimir Putin për të rënë dakord për një armëpushim pa kushte në Ukrainë.

Sllovakia e kishte bllokuar paketën, duke përmendur shqetësime në lidhje me importet e saj të gazit. Dje, kryeministri Robert Fico tha se kishte udhëzuar përfaqësuesit e Sllovakisë të miratonin masat.

Sllovakia, e cila më parë kishte bllokuar miratimin e kësaj pakete të re sanksionesh, e 18-ta që nga pushtimi i Ukrainës nga Rusia në shkurt 2022, më në fund pranoi të hiqte veton e saj pasi mori garanci./atsh

Continue Reading

Të kërkuara