Lajmet

Deputetët edhe sot diskutojnë për 100 ditë të Qeverisë Kurti II

Published

4 years ago

August 3, 2021

UBT news

Edhe sot në Kuvendin e Kosovës do të diskutohet për 100 ditë qeverisje të Qeverisë Kurti II.

Seanca për debat e iniciuar nga Grupi Parlamentar i Partisë Demokratike të Kosovës (PDK) do të filloj në ora 10:00.

Të hënën deputetët e Kuvendit diskutuan për 100 ditë të Qeverisë Kurti, për çka kjo e fundit u kritikua nga opozita.

Deputeti i Lëvizjes Vetëvendosje, Adnan Rrustemi është mburrur me punën e ekzekutivit në 100 ditë qeverisje, derisa theksoi se reforma në sistemin e drejtësisë po jetësohet.

Nga PDK, si iniciuesi e këtij debati u tha se Qeveria nuk ka filluara që ta jetësojë asnjë prej zotimeve, për të cilat edhe e mori votën e qytetarëve më 14 shkurt të 2021.

Në cilësi të iniciuesit të këtij debati, kryetari i GP të PDK-së, Abelard Tahiri, theksoi domosdoshmërinë e diskutimit për 100 ditët e punës së çdo qeverie, e në rastin konkret, të Qeverisë së Kosovës.

Raporti për 100 ditë të punës së Qeverisë së Kosovës sipas kryetarit të Lidhjes Demokratike të Kosovës, Lumir Abdixhiku, është i thatë, dëshpërues. Ai pati kritika për krahasimin e ekonomisë për shtatë muajt e parë të vitit me atë të vitit të kaluar, kur vendi ishte i mbyllur përshkak të pandemisë. E që kjo sipas tij është një tentim që pazotësia e Qeverisë Kurti II të mbulohet me numra.

Ndryshim tjetër i Qeverisë u tha të jetë edhe qëndrimi për reciprocitetin ndaj Serbisë.

Gjithçka që është bërë nga Qeveria Kurti, deputeti i Aleancës për Ardhmërinë e Kosovës (AAK), Pal Lekaj tha të jetë shkarkimi i bordeve dhe rehatimi i bashkëpartiakëve.

Por gjitha kritikat e opozitës i ka hedhur poshtë i pari i Qeverisë, Albin Kurti.

Ai tha se qeveria e tij nuk krahasohet me të kaluarat duke theksuar edhe se gara e tij nuk është me të kaluarën por me të ardhmen. Kryeministri Kurti theksoi se 100 ditë të qeverisjes së tij janë kthesë drejtë zhvillimit

Kreu i qeverisë tha se me reformat e nisura në drejtësi dhe financa e ekonomi, është rritur besimi i qytetarëve. Po në këtë frymë, ai tha se shteti i Kosovës shpesh herë pas luftës është përmendur për të keq në raportet e jashtme, ndërsa tani, sipas tij, kjo na filluar të ndryshojë.

Në vazhdim, kryeministri Kurti foli edhe për luftimin e pandemisë, për të cilën ka thënë se ka qenë prioritet i qeverisë së tij, për anulimin e disa kontratave dhe marrëveshjeve të bashkëpunimi, që, sipas tij, janë cilësuar si të dëmshme, për shkatërrimin e disa grupeve kriminale etj.

Seanca vijoi me diskutime të deputetëve, të cilët paraqitën pikëpamjet e tyre lidhur me punën e qeverisë gjatë periudhës 100-ditore. Përderisa deputetë nga radhët e opozitës adresuan kritika, deputetë të pozitës vlerësuan lart punën e ekzekutivit.

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

12 hours ago

September 27, 2025

Driton Iseni

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

Dorëzimi i abstrakteve: 10 tetor 2025
Njoftimi i pranimit & rishikimi shkencor: 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

Gjuha dhe kultura në arsim
Përdorimi i teknologjisë në mësimdhënie dhe të nxënë
Komunikimi ndërkulturor dhe shumëgjuhësia
Praktikat e qëndrueshme në edukimin gjuhësor
Inteligjenca artificiale dhe ndikimi i saj në të nxënit e gjuhëve
Përkthimi, interpretimi dhe komunikimi global
Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Lajmet

Gjykata spanjolle liron Dani Alves-in

Published

2 days ago

September 26, 2025

UBT News

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

Lajmet

Caktohet data, Pogba rikthehet në fushë

Published

2 days ago

September 26, 2025

UBT News

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/