Kronika e zezë

Dënohet me burgim të përjetshëm për vrasjen dhe djegien e vëllait

Kështu njoftoi Gjykata Themeloren ë Gjakovë.

Publikuar

1 vit më parë

më

8 Shkurt, 2023

nga

UBTNews

Gjykata Themelore në Gjakovë ka shpallur aktgjykim dënues ndaj të akuzuarit G. K., duke e dënuar me burgim të përjetshëm për vrasjen e vëllait të tij.

Sipas aktakuzës së Prokurorisë Themelore në Gjakovë, ai akuzohet për dy vepra penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve” vepra të sanksionuara me Kodin Penal të Republikës së Kosovës (KPRK).

Kryetari i Trupit gjykues i Departamentit për Krime të Rënda, Drilon Haraçia, pas mbajtjes së shqyrtimit gjyqësor, e shpalli fajtor dhe i shqiptoi dënim me burgim të përjetshëm, thuhet në komunikatën për media.

“I pandehuri G.K., akuzohet se me datën 11 shkurt 2020, në fshatin Bërnjak, Komuna e Rahovecit, pikërisht në shtëpinë e tani të ndjerit, për shkak të konflikteve që kishin mes tyre lidhur me pronën, i akuzuari G.K., me dashje ka privuar nga jeta vëllain e tij, B.K., ku me pas e ka djegur trupin e të ndjerit dhe mbetjet i ka hedhur në një vend deri tani të pa identifikuar, me qëllim për ti zhdukur gjurmët e krimit”, thuhet po aty.

I pandehuri ka qenë i dënuar më parë për vrasjen e bashkëshortes nga Gjykata e Lozanës në Zvicër.

Kundër këtij aktgjykimi, palët kanë të drejtë ankese në afat prej pesëmbëdhjetë (15) ditëve nga dita e pranimit të aktgjykimit në formë të shkruar.

Etiketaburgim i perjetshem vrasje

E rradhës

Rrahu gruan, arrestohet një burrë në Kaçanik

Mos e humb

Një person gjendet i vdekur në Prishtinë

Vazhdo të lexosh

Kronika e zezë

Gjuajtje me armë në Prishtinë pas një mosmarrëveshje në komunikacion

Rasti është duke u hetuar.

Publikuar

20 orë më parë

më

24 Prill, 2024

nga

UBTNews

Policia e Kosovës ka dhënë detaje për të shtënat me armë zjarri në Hajvali. Siç bën të ditur policia në raportin 24-orësh pas një mosmarrëveshjeje në komunikacion, një person ka shtënë me armë zjarri në drejtim të tjetrit.

Në vendin e ngjarjes njësia e hetimeve dhe krimteknikës ka sekuestruar një gëzhojë. Rasti është duke u hetuar.

“Rr. Brigada 153, Hajvali, Prishtinë. Ankuesi mashkull kosovar ka njoftuar se pas një mosmarrëveshje në komunikacion, një i dyshuar nga një veturë ka shtënë me armë zjarri në drejtim të tij. Në vendin e ngjarjes njësia e hetimeve dhe krimteknikës kanë sekuestruar një gëzhojë. Rasti duke u hetuar”, thuhet në raportin e Policisë së Kosovës.

Vazhdo të lexosh

Kronika e zezë

U nis për në shkollë e nuk u kthye më, babai njofton se i është zhdukur vajza në Pejë

E konfirmon Policia e Kosovës.

Publikuar

2 ditë më parë

më

23 Prill, 2024

nga

UBTNews

Policia e Kosovës njofton se dje një 12-vjeçare është raportuar e zhdukur në Pejë. Sipas raportit të fundit të policisë, vajza ishte nisur në shkollë dhe nuk është kthyer më.

“Rr. Nëna Terezë, Pejë 22.04.2024 – 07:45. Ankuesi mashkull kosovar, ka njoftuar policinë se vajza e tij 12 vjeçare ka dalë nga shtëpia për të shkuar në shkollë dhe nuk është kthyer. Rasti në hetime”, thuhet në raportin 24-orësh të policisë.

Vazhdo të lexosh

Kronika e zezë

Policia konfiskon dy armë të gjata, një elektroshok dhe një sasi të municionit në veri

Kështu është bërë e ditur nga Policia e Kosovës.

Publikuar

4 ditë më parë

më

21 Prill, 2024

nga

UBTNews

Dy armë zjarri të llojit AK-47, disa karikatorë, një sasi e municionit dhe një elektroshok janë sekuestruar në Zveçan. Kështu është bërë e ditur nga Policia e Kosovës.

“Policia e Kosovës posedon informacione lidhur me personin e dyshuar mashkull serb të cilit i përket shtëpia e banimit, e i cili dyshohet se gjendet në Serbi”, thuhet në njoftimin e Policisë.

Tutje bëhet e ditur se ky rast nuk ndërlidhet me procesin e votimit, për apo kundër largimit nga funksioni i Kryetarëve të Komunave të Mitrovicës së Veriut, Zubin Potokut, Leposaviqit dhe Zveçanit.

Vazhdo të lexosh

Kronika e zezë

Operacion antidrogë i Policisë: Kapen 50 kg drogë, arrestohen katër persona

Katër persona të dyshuar dërgohen në mbajtje.

Publikuar

4 ditë më parë

më

21 Prill, 2024

nga

UBTNews

Policia e Kosovës bashkë me AKI-në dhe Prokuorinë kanë idenfitikuar katër persona të dyshuar për veprën penale “Blerja, posedimi, shpërndarja dhe shitja e paautorizuar e narkotikeve”.

Në vazhdën e operacionit në kontrollin e realizuar në shtëpinë e njërit prej të dyshuarve S.S në Suharekë kanë sekuestruar para, drogë dhe armë.

Katër persona të dyshuar dërgohen në mbajtje, konfiskohet drogë në vlerë rreth 70 mijë euro, sekuestrohen dëshmi tjera relevante gjatë operacionit antidrogë.

Policia e Kosovës (PK) në bashkëpunim me Agjencinë e Kosovës për Inteligjencë (AKI) dhe prokurorinë, pas një pune intensive operative dhe hetimore në terren kanë arrit të realizojnë identifikimin e katër (4) personave të dyshuar në drejtim të veprës penale “Blerja, posedimi, shpërndarja dhe shitja e paautorizuar e narkotikëve”.

Lidhur me rastin është njoftuar Prokuroria dhe në vazhdën e operacionit policor me autorizim nga prokurori/ja kujdestare është realizuar kontrolli i shtëpisë së të dyshuarit me iniciale (S. S.) në fshatin “Grejkoc” të Suharekës dhe gjatë kontrollit si prova/dëshmi materiale janë sekuestruan si në vijim:

Pesë (5) paketime të mbushura me substancë të dyshuar narkotike e llojit Marihuanë me peshë 50.600.

Kilogram (Pesëdhjetë kilogram e 600 gram).

Një (1) pushkë gjuetie dhe 30 fishek.

Një (1) diviar.

Një (1) veturë,.

Një (1) telefon Samsung me kartela të operatorëve Vala dhe Ipko.

Një (1) peshore digjitale.

Para të Gatshme, (1425) Njëmijë e katërqind e njëzet e pesë Euro.

Një (1) Iphone 12 pro.

Një (1) telefon Samsung.

Një (1) telefon Iphone XS.

Një (1) Telefon Nokia.