Kronikë e zezë

Dënohet me burgim të përjetshëm kosovari që e vrau gruan e tij në Gjermani

Published

4 years ago

on

Gjykata Rajonale në Regensburg të Gjermanisë ka shpallur të mërkurën aktgjykim dënues për kosovarin 56-vjeçar që e kishte vrarë me thikë bashkëshorten e tij në tetor të vitit të kaluar, njofton “BR24”.

Kosovari pasi e kishte kryer veprën kishte shkuar në Polici dhe kishte deklaruar se e vrau bashkëshorten. Ai e kishte therur bashkëshorten disa herë me thikë.

Dyshohet se arsyeja e vrasjes ishte xhelozia. Pasi bashkëshortja e tij ishte telefonuar nga një numër i panjohur, 56-vjeçari kishte menduar se ajo po e tradhtonte. Por në të vërtetë në atë moment bashkëshortja tashmë e ndjerë ishte telefonuar nga vëllai i saj. Por në të vërtetë në gjykatë është thënë se arsyeja e vrasjes ishte pasi i pandehuri kishte humbur “fuqinë” dhe më bashkëshortja nuk kishte frikë nga ai.

Siç është treguar nga dëshmitarët bashkëshortja kishte jetuar me vite si skllave. Fëmijët gjatë procesit kishin thënë se nuk janë gëzuar si në një familje normale kur ktheheshin në shtëpi. Sa herë ktheheshin pyesnin nëse kryefamiljari ishte aty.

Fuqinë 56-vjeçari kishte filluar të humbiste kur kishte vuajtur dënim me burgim prej nëntë muajve pasi ishte zënë duke treguar kokainë. Pas daljes dëshmitarët thanë se ai kishte vërejtur se familja ia ka dalë shumë mirë pa të dhe kjo e pengoi.

Gjykatësi Michael Hammer tha se arsyeja e vrasjes në fakt është egoizmi, pasi donte të kthente rendin e vjetër në shtëpi, ku e mbante bashkëshorten si skllave. Xhelozia ishte vetëm një arsye për të arsyetuar veprën.

Related Topics:
Continue Reading

Lajmet

Plagoset me armë zjarri një person në Pejë

Published

4 days ago

on

December 15, 2025

By

Policia e Kosovës ka njoftuar se është plagosur me armë zjarri një person mbrëmë në Pejë.

Lajmin e ka konfirmuar zëdhënësi i policisë për rajonin e Pejës, Fadil Gashi, i cili bëri të ditur se dyshohet që kjo ka ndodhur aksidentalisht.

Ai bëri të ditur se në bazë të informacioneve, i plagosuri është jashtë rrezikut për jetë.

“Pas orës 19:00 policia është njoftuar nga Spitali i Pejës se një person ka shkuar atje i lënduar nga arma e zjarrit. Ai dyshohet se është plagosur aksidentalisht nga një person. I plagosuri është jashtë rrezikut për jetë”, thuhet në konfirmim.

Gashi gjithashtu tha se i dyshuari është shoqëruar për në stacion policor./S.K/EO/PK/

Continue Reading

Lajmet

Vetëplagoset me armë zjarri një 50-vjeçar në Lipjan

Published

4 days ago

on

December 15, 2025

By

Një burrë është vetëplagosur me armë zjarri në fshatin Mirenë të Lipjanit, ku viktima, 50-vjeçar, u dërgua fillimisht për trajtim në Qendrën e Mjekësisë Familjare në Drenas, ndërsa më pas u transferua në QKUK për kujdes të specializuar.

Drejtori i Emergjencës Naser Syla, deklaroi se gjendja e tij ishte stabile.

“Janë kryer ekzaminimet e nevojshme,pasi ishte në sallën operative të Emergjencës duke u intervenuar nga ekipët e anestezionit dhe urologjisë, pas operacionit u transferua në Klinikën e Urologjisë për trajtim të metutjeshëm”, deklaroi Syla.

Rreth ngjarjes u deklarua edhe Policia e Kosovës.

Zëdhënësja për rajonin e Prishtinës Flora Ahmeti, deklaroi se në koordinim me Prokurorin e Shtetit po hetohen të gjitha rrethanat që lidhen me rastin.

“Rreth orës 12:00,   policia është njoftuar se në fshatin Mirenë të Lipjanit, një  person (mashkull) është plagosur me armë zjarri. Njësitet  policore kanë dalë në vendngjarje dhe në koordinim me Prokurorin e shtetit,janë duke u marrë me hetimin e të gjitha rrethanave që lidhen me rastin, ndërkohë që personi i lënduar është dërguar për tretman mjekësor”, tha Ahmeti./S.K/EO/PK/

Continue Reading

Lajmet

Vdes 26 vjeçari që u aksidentua në Leposaviq

Published

1 week ago

on

December 10, 2025

By

Personi që ishte në gjendje të rëndë pas aksidentit mes dy veturave në Leposaviq ka vdekur njoftoi Policia e Kosovës.

Lajmin e ka konfirmuar zëdhënësi i policisë për rajonin e Mitrovicës së Veriut, Erduan Baliqi.

Ai bëri të ditur se viktima është nga Leposaviqi me inicialet M.Dh, i lindur në vitin 1999.

“Personi që ka qenë në gjendje kritike ka vdekur. Viktima është nga Leposaviqi me inicialet M.Dh, i lindur në vitin 1999.”, tha Baliqi.

Continue Reading

Lajmet

Policia shqipton mbi 1 mijë e 800 gjoba trafiku brenda 24 orëve të fundit

Published

2 weeks ago

on

December 8, 2025

By

Policia e Kosovës ka njoftuar se ka shqiptuar 1855 gjoba për kundërvajtësit e trafikut vetëm brenda 24 orëve të fundit.

Brenda kësaj periudhe gjithashtu janë raportuar 22 aksidente trafiku me dëme materiale, kurse 9 aksidente trafiku kanë përfunduar me të lënduar.

Policia e Kosovës po ashtu arrestuar 5 persona nga të cilët 3 janë dërguar në mbajtje./S.K/PK/

Continue Reading

Të kërkuara