Kronikë e zezë

Dënohet me 500 euro gjilanasi, grushtoi kunatën e tij

Published

5 years ago

on

F.B., është dënuar të enjten me 500 euro gjobë pasi e ka pranuar se e ka goditur me grushte kunatën e tij pasi fillimisht i ishte drejtuar me fjalë fyese shkaku i një mosmarrëveshje.

Pas leximit të aktakuzës nga prokurori Halim Burovci, i akuzuari e ka pranuar fajësinë dhe ka deklaruar që e ndien vetën fajtor për veprën penale për të cilën ngarkohet.

Lidhur me këtë, gjyqtarja e Gjykatës Themelore të Gjilanit, Luljeta Shabani e ka aprovuar fajësinë e të pandehurit dhe ka shpallur aktgjykim dënues ndaj tij.

F.B nga ana e prokurorisë së shtetet akuzohet se në korrik të këtij viti me qëllim të cënimit të dinjitetit të një personi tjetër brenda familjes, pas një mosmarrëveshje me kunatën e tij, i ka shkaktuar lëndime të lehta trupore, raporton “Betimi për Drejtësi”

Tutje, avokate Sadbere Maliqi mbrojtëse e të akuzuarit ka thënë se e mbështet pranimin e fajësisë pasi është konsultuar me te para se të marrë këtë vendim.

Prokuroria Themelore në Gjilan, në gusht të këtij viti ka ngritur aktakuzë ndaj tij duke e ngarkuar atë me veprën penale lëndim i lehtë trupor nga neni 185 paragrafi 3 nën paragrafi 3.1lidhur me paragrafin 1 nënparagrafin 1.4 tëKodit Penal të Republikës së Kosovës, vepër kjo e dënueshme me burg deri në 3 vite.

Sipas prokurorisë, në korrik të vitit 2021, i pandehurit pas një mosmarrëveshje verbale me kunatën e tij të dëmtuarën Sh.B, e godet me grushte dhe i shkakton lëndime të lehta derisa e kanos edhe vëllain e saj, XH.B

Related Topics:
Continue Reading

Lajmet

Prishtinë: Arrestohet i dyshuari për lëndim të rëndë trupor

Published

21 hours ago

on

August 19, 2026

By

Një person ka pësuar lëndime të rënda trupore si pasojë e një sulmi fizik që ka ndodhur në rrugën “Nikolla Tesla” në Prishtinë.

Sipas raportit 24-orësh të Policisë së Kosovës, incidenti ka ndodhur pas një mosmarrëveshjeje mes dy personave, me ç’rast i dyshuari e ka sulmuar viktimën duke i shkaktuar lëndime të rënda në kokë.

Viktima është dërguar menjëherë për trajtim të nevojshëm mjekësor në Qendrën Klinike Universitare të Kosovës (QKUK).

Ndërkaq, i dyshuari është arrestuar nga policia dhe, me vendim të prokurorit të shtetit, është dërguar në mbajtje.

Continue Reading

Lajmet

Tre të mitur arrestohen në Pejë pas përleshjes, një person dyshohet se u ther me thikë

Published

21 hours ago

on

August 19, 2026

By

Sipas raportit të Policisë së Kosovës, tre të mitur meshkuj janë arrestuar në Pejë pas një përleshjeje, gjatë së cilës një person dyshohet se është therur me thikë.

Rasti ka ndodhur më 18 gusht, rreth orës 09:40, në rrugën “Agim Qela”. Sipas Policisë, gjatë përleshjes, njëri nga viktimat ka pësuar lëndime nga therja me thikë, ndërsa një person tjetër ka marrë lëndime të lehta trupore.

Të dy viktimat janë dërguar për tretman mjekësor.

Gjatë intervenimit, nga të dyshuarit janë konfiskuar një thikë dhe një pistoletë me gaz.

Pas intervistimit, me vendim të prokurorit, të tre të dyshuarit janë dërguar në mbajtje./A.K/

Continue Reading

Lajmet

Tentoi të grabiste një market në Prishtinë, nxori mjetin e mprehtë ndaj punëtores

Published

21 hours ago

on

August 19, 2026

By

Sipas raportit të Policisë së Kosovës, një shtetas i Algjerisë është arrestuar në Prishtinë nën dyshimin për vjedhje grabitqare në një market.

Rasti ka ndodhur më 18 gusht, rreth orës 19:15. Sipas Policisë, i dyshuari gjatë incidentit ka nxjerrë një mjet të mprehtë para punëtores së marketit, por është ndaluar dhe arrestuar nga një zyrtar policor.

Gjatë kontrollit, nga i dyshuari është sekuestruar një mjet i mprehtë metalik dhe dy telefona celularë, ndërsa njëri prej telefonave dyshohet se rezulton të jetë i vjedhur.

Pas intervistimit, me vendim të prokurorit, i dyshuari është dërguar në mbajtje./A.K/

Continue Reading

Lajmet

Katër raste të dhunës në familje në Gllogoc, Fushë Kosovë, Leposaviq e Mitrovicë

Published

21 hours ago

on

August 19, 2026

By

Sipas raportit të Policisë së Kosovës, katër raste të dhunës në familje janë raportuar më 18 gusht në Gllogoc, Fushë Kosovë, Leposaviq dhe Mitrovicë të Jugut.

Në Gllogoc, sipas Policisë, një grua dyshohet se është sulmuar fizikisht nga bashkëshorti i saj. Viktima ka pranuar tretman mjekësor, ndërsa pas inicimit të rastit, ajo së bashku me fëmijët është dërguar në strehimore. I dyshuari është liruar në procedurë të rregullt.

Në Fushë Kosovë, Policia ka raportuar se një grua dyshohet se në vazhdimësi ka përjetuar dhunë fizike dhe psikike nga bashkëshorti i saj. I dyshuari është arrestuar dhe, me vendim të prokurorit, është dërguar në mbajtje.

Në fshatin Belucë të Leposaviqit, sipas raportit policor, një person dyshohet se ka shfaqur sjellje agresive dhe ka demoluar disa gjësende në shtëpi. Policia ka bërë të ditur se dyshohet se ai ka probleme të shëndetit mendor dhe është dërguar për trajtim në Spitalin e Mitrovicës. Rasti është iniciuar në konsultim me prokurorin.

Ndërsa në Mitrovicë të Jugut, Policia ka raportuar se një grua dyshohet se është sulmuar fizikisht nga djali i saj. I dyshuari është arrestuar dhe, me vendim të prokurorit, është dërguar në mbajtje./A.K/

Continue Reading

Të kërkuara