Lajmet

Dëmtohet mbi 1.5 milion euro buxheti nga keqpërdorimet e ligjit për sponsorizime

Publikuar

4 javë më parë

më

Zyra Kombëtare e Auditimit ka gjetur një numër të konsiderueshme të shkeljeve në financimin e federatave sportive nga ana e Ministrisë së Kulturës, Rinisë dhe Sportit, sidomos nga procesi i përfitimit nga ligji i sponsorizimeve si dhe mbështetja financiare e federatave sportive në mënyrë direkte nga ana e MKRS-së.

Duke shpalosur të dhënat nga raporti, anëtarja e Komisionit për Mbikëqyrjen e Financave Publike, Mirlinda Tishukaj-Sadiku tha se Zyra e Auditimit ka konstatuar se nga lëshimet në këto dy procese, buxheti i shtetit është dëmtuar me mbi 1.5 milion euro.

“Nga mostrat të cilat i ka analizuar Zyra Kombëtare e Auditimit rezulton se në ATK janë vërejtur se rreth 1 milion e 573 mijë e 246 mijë euro është dëmtuar buxheti i shtetit. Në këtë vlerë hyjnë 490 mijë e 347 euro që janë liruar bizneset nga tatimi dhe këto fonde nuk janë transferuar në klube, ndërsa rreth 1 milionë e 83 mijë e 246 euro bizneset i kanë sponsorizuar klubet pa u pajisur me vërtetim nga Ministria e Kulturës, Rinisë dhe Sportit…Federatat sportive në Kosovë, nga 2020 deri më 25 tetor 2022 nuk kanë qenë të licencuara. Ato kanë filluar të licencohen me radhë nga data 25 tetor 2022. Edhe pse federata nuk kanë qenë të licencuara dhe nuk kanë pasur të drejtë të zhvillojnë aktivitetet sportive dhe të financohen nga Ministria e Kulturës, Rinisë dhe Sportit apo sponsorizimit, Ministria e Kulturës ia ka financuar këto federata edhe gjatë kësaj periudhe kohore. Bazë më këtë financim është marrë vendimi i ministrit i datës 30 prill 2021 për vazhdimin e vlefshmërisë së licencave të federatave sportive”, tha Tishukaj-Sadiku.

Më këto të gjetura është pajtuar edhe vet ministri i Ministrisë për Kulturë, Rini dhe Sport, Hajrulla Çeku. Ai ka thënë para komisionit se edhe nga vetë ana e ministrisë që ai e drejton është nisur një proces tashmë që ka për synim hetimin e disa dyshimeve për keqpërdorim të Ligjit të sponsorizimit dhe se tashmë me këtë çështje po merret Policia e Kosovës. Ndërsa për financimin direkt të federatave, Çeku tha se kjo po bëhet në bazë procesit për kategorizimin e federatave.

“Nga raporti ynë i brendshëm për sponsorizime për vitin 2022, nga lista e përfituesve të sponsorizimit, ne i kemi identifikuar, por ka qenë më tepër një listë e dyshimeve që i kemi pasur mbi shumat e sponsorizimit, kemi kontaktuar me Departamentin e Krimeve Ekonomike të Policisë së Kosovës dhe ato shqetësime tona të cilat kanë qenë shqetësime edhe të komunitetit që kanë ardhur tek ne i kemi bartur në Policinë e Kosovës dhe kemi kërkuar që ata të zhvillojnë hetime në lidhje me këto dyshime të bazuara sipas mendimit tim…Kur është fjala për financimin e federatave, natyrisht legjislacioni ynë i sportit e parasheh procesin e kategorizimit të federatave dhe ky proces i kategorizimit në fund pas vlerësimeve që bëhen nga komisionet profesionale nxjerrë listën e pikëve për secilën federatë që është minimal i nevojshëm për financimin e federatave”, tha Çeku.

Ndërsa, drejtori i ATK-së, Ilir Myrtezaj deklaroi se tashmë ka disa raste kur kompanitë janë detyruar që t’i kthejnë paratë që nuk i kanë paguar si tatim duke u mbuluar me Ligjin e Sponsorizimit.

“Aty ku nuk janë përmbushur të gjitha kriteret që kërkohen me ligj të sponsorizimit, me ligj të TAK-ut dhe me rregullore, normalisht që i kemi detyruar kompanitë që t’i kthejnë mjetet, që ta paguajnë tatimin që nuk e kanë paguar duke e justifikuar me gjoja dhënien e sponsorizimeve. Jo vetëm dy, por në të gjitha rastet janë kthyer mjetet…Në të gjitha rastet ku është konstatuar, e që shuma është mbi 1 milion euro”, theksoi Myrtezaj.

Etiketa
Vazhdo të lexosh

Lajmet

Shfaqet një lloj i ri i virusit mpox në Kongo

Publikuar

48 minuta më parë

më

26 Qershor, 2024

nga

Një lloj i ri i virusit mpox që përhapet me shpejtësi përgjatë kufirit lindor të Republikës Demokratike të Kongos është “tepër shqetësues”, thonë zyrtarët shëndetësorë që monitorojnë përhapjen e tij.

Virusi mund të shkaktojë plagë në të gjithë trupin dhe në shumë raste mund të jetë edhe vdekjeprurës.

Përhapja aktuale është nxitur nga transmetimi seksual, por ka prova që ky lloj mund të transmetohet edhe përmes kontaktit të ngushtë lëkurë me lëkurë.

Ekspertët globalë të shëndetit thonë se varianti i ri rrezikon përhapjen ndërkufitare dhe ndërkombëtare të virusit. Madje konsiderohet si “lloji më i rrezikshëm” i përhapur ndonjëherë./UBTNews/

Vazhdo të lexosh

Lajmet

Sulmi terrorist në Banjskë, tre të dyshuarve iu vazhdohet paraburgimi edhe nga dy muaj

Publikuar

1 orë më parë

më

26 Qershor, 2024

nga

Gjykata Themelore në Prishtinë ka marrë vendim, me të cilin aprovuar kërkesën e Prokurorisë Speciale të Republikës së Kosovës (PSRK), ashtu që ua ka vazhduar masën e paraburgimit edhe nga dy muaj (secilit veç e veç) tre të dyshuarve Vladimir Toliq, Blagoje Spasojeviq dhe Dushan Maksimoviq, për sulmim terrorist ndaj Policisë së Kosovës në Banjskë.

Lajmin për “Betimi për Drejtësi” e ka konfirmuar bashkëpunëtorja profesionale nga zyra e kryetares së kësaj gjykate, Medina Gashi.

“Referuar kërkesës tuaj për informata, ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve V.T, B.S dhe D.M, Gjykata themelore në Prishtinë – Departamenti Special me datë 21.06.2024 ka marrë Aktvendim dhe ka aprovuar kërkesën e Prokurorisë Speciale të Republikës së Kosovës, ashtu që masa e paraburgimit tre të pandehurve iu është vazhduar në kohëzgjatje prej 2 (dy) muaj”, thuhet në përgjigjen e gjykatës.

Toliq, Spasojeviq dhe Maksimoviq gjenden nën masën e paraburgimit nga data 26 shtator 2023.

Ata dyshohen për veprat penale “Veprat e rënda kundër rendit kushtetues dhe sigurisë së Republikës së Kosovës”, “Sulm kundër rendit kushtetues të Republikës së Kosovës”, “Përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës” dhe “Mbajtja në pronësi, kontroll ose posedim të paautorizuar të armëve”.

Në Bajsnkë të Zveçanit, në orët e hershme të 24 shtatorit 2023, ishte vrarë rreshteri Afrim Bunjaku si dhe ishin plagosur dy të tjerë. Pastaj, të vrarë kishin mbetur edhe tre sulmues, kurse të tjerët ishin larguar pasi ishin strehuar për disa orë në Manastirin e Bajnskës.

Ministri  i Punëve të Brendshme, Xhelal Sveçla kishte publikuar pamje të Milan Radoiçiq, ku kishte theksuar se Radoiçiq ka qenë udhëheqës i këtij grupi terrorist dhe i sulmit ku mbeti i vrarë polici Afrim Bunjaku. E vetë Radoiçiq e kishte marrë përsipër përgjegjësinë për sulmin terrorist.

Vazhdo të lexosh

Lajmet

Pas vendimit të Kushtetueses, veteranët paralajmërojnë protesta

Publikuar

1 orë më parë

më

26 Qershor, 2024

nga

Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtarë të Kosovës (OVL-UÇK), Faton Klinaku ka reaguar pas vendimit të Gjykatës Kushtetuese për mospërfshirjen e veteranëve në ligjin për pagën minimale.

Përmes një postimi në llogarinë e tij në Facebook, Klinaku ka paralajmëruar protesta kundër pushtetit të Kurtit, i cili sipas tij po punon kundër veteranëve të UÇK-së.

“Qëndrimet tona se do t’i vazhdojmë protestat kundër këtij pushteti i cili vazhdimisht ka punuar kundër veteranëve të luftës së UÇK-së dhe shtresave tjera të shoqërisë, mbeten të pandryshueshme”, ka shkruar ai.

Kujtojmë se sot gjatë ditës, Gjykata Kushtetuese i dha të drejtë qeverisë për Ligjin për Pagën Minimale i cili nuk i përfshin pensionet e veteranëve të luftës së UÇK-së.

Sipas njoftimit, Kushtetuesja e ka vlerësuar kërkesën e kryetarit të grupit parlamentar të AAK-së, Besnik Tahirit dhe nëntë deputetëve të tjerë, ku konstatoi se neni 2 i Ligjt për Veteranët e Luftës së UÇK-së nuk është në kundërshtim më Ligjin për Ndryshimin dhe Plotësimin e Ligjeve që Përcaktojnë Shumën e Beneficionit në Lartëri të Pagës Minimale.

Vazhdo të lexosh

Lajmet

Stoltenberg me lëvdata për Rutten: Po e lë NATO-n në duar të sigurta

Publikuar

2 orë më parë

më

26 Qershor, 2024

nga

Shefi aktual i NATO-s, Jens Stoltenberg e ka lavdëruar pasardhësin e tij në krye të Aleancës, Mark Rutte.

“Marku është një transatlanticist i vërtetë, një lider i fortë dhe një ndërtues i konsensusit. I uroj atij çdo sukses ndërsa ne vazhdojmë ta forcojmë NATO-n. E di që po e lë NATO-n në duar të sigurta”, tha ai.

Mark Rutte, kryeministri holandez në largim, është zgjedhur zyrtarisht si sekretari i ardhshëm i përgjithshëm i NATO-s.

Aleanca ushtarake tha në një deklaratë se “Këshilli i Atlantikut të Veriut vendosi ta emërojë kryeministrin holandez Mark Rutte si Sekretarin e Përgjithshëm të ardhshëm të NATO-s, duke pasuar Jens Stoltenberg”.

“Rutte do të marrë funksionet e tij si Sekretar i Përgjithshëm nga 1 tetori 2024, kur mandati i Stoltenberg përfundon pas dhjetë vjetësh në krye të Aleancës”, u tha në njoftim.

Vazhdo të lexosh

Të kërkuara