Lajmet

Dëme të konsiderueshme si pasojë e vërshimeve në Mitrovicë, ndihma nga shteti zero

Dalja e lumit Ibër nga shtrati si pasojë e vërshimeve ka bërë që shtëpitë afër tij të bëhen të pabanueshme.

Published

3 years ago

May 29, 2023

Betim Gashi

Mbi 30 000 euro llogaritet të jetë vlera e dëmeve të shkaktuara nga vërshimet në “Lagjen e Boshnjakëve”. Po ashtu dëme të ngjashme ka pasur edhe në pjesë të tjera të Mitrovicës

Dalja e lumit Ibër nga shtrati si pasojë e vërshimeve ka bërë që shtëpitë afër tij të bëhen të pabanueshme. E këtë “fat” pati shtëpia e 21-vjeçares ngjitas lumit Ibër në “Lagjen e Boshnjakëve”.

“Lagjja e Boshnjakëve”, shtëpia e 21-vjeçares brenda

Tmerrin e 19 janarit, 21-vjeçarja e cila nuk pranoi t’i përmendet emri, e përshkruante si diçka që kishte lënë shumë pasoja.

“E tërë shtëpia është dëmtuar nga vërshimet. Pasojat janë të mëdha për arsye se ne nuk mundemi të kthehemi në shtëpinë tonë”, deklaroi ajo.

Mimikat e fytyrës së vajzës të bënin të kuptoje se asgjë në shtëpinë e saj nuk është si më parë.

“Për momentin ne jemi duke banuar në një banesë në jug sepse në shtëpi nuk ka mundësi jetese”, tha ajo.

21-vjeçarja tha se sipas inspektoriatit që ka vlerësuar dëmet, vlera monetare e tyre është afro 30000 euro.

Ndihmat e vetme që iu kanë ofruar kësaj familjeje kanë qenë nga shoqatat humanitare

“Shteti nuk ka ndihmuar asgjë, po ashtu deri më tani nuk ka asnjë ndihmë as nga komuna. Ndryshe, shoqatat humanitare të cilat ishin “Inciativa” dhe “Bereqeti” na kanë ndihmuar me pako ushqimore dhe higjenike”.

Ajo shtoi se Lindrit Misini, i cili udhëheq shoqatën humanitare “Djemtë e Mitrovicës”, ka ofruar ndihmë për rregullimin e shtëpisë. Mirëpo më pas ai ka hequr dorë me pretekstin se shuma është e madhe.

Ndryshe, 21-vjeçarja shpreson se komuna do të marrë inciativën për t’iu ndihmuar.

Shenjat nga vërshimet vërehen edhe në lagjen “2 Korriku”. Rrugët nga hyrja e deri në dalje ishin të gjitha të baltosura. Lumi Sitnica kishte goditur pothuajse çdo shtëpi të kësaj lagjeje.

Malsor Peci banor i “2 Korrikut” tha se vërshimet e fundit kishin depërtuar brenda shtëpisë.

“Dëmet brenda shtëpisë kanë qenë kryesisht në kuzhinë, korridor dhe në banjo. Në aspektin monetar shuma e këtyre dëmeve arrin afro 2000 euro”, theksoi ai.

Lagjja “2 Korriku”, shtëpia e Malsor Pecit gjatë vërshimeve

Peci theksoi se shuma e premtuar nga komuna për kompensimin e demeve nuk i kanë rënë në dorë familjes së tij.

“Përkrahje nga shteti dhe komuna nuk kemi pasur. Megjithëse ne kemi aplikuar në komunë me shpresën që do t’i marrim 2500 euro të premtuara nga komuna. Mirëpo ne si familje ende nuk i kemi marrë, por thuhet që një pjesë e familjeve të prekura nga vërshimet në ketë lagje i kanë marrë”, tha ai.

Ai përfundoi se banorët e kësaj shtëpie janë ndjerë keq emocionalisht sepse e njëjta situatë kishte ndodhur para dy viteve, mirëpo asokohe dëmet ishin më të vogla.

Familja e Azem Alilit hapi dyert për UBTNews, familje kjo që i përkiste komunitetit ashkali. Si të gjthë banorët e kësaj lagjeje edhe kjo familje kishte dëme materiale. Motra e kryefamiljarit shprehet se të gjitha këto dëme të cilat iu shkaktuan kryesisht te orenditë shtëpiake, në pamundësi riparimi, janë detyruar t’i hudhin.

Ngjashëm me parafolësit, ajo pohoi se ndihmat kryesisht ishin nga shoqatat humanitare (“Iniciativa” dhe “Bereqeti”) dhe jo nga shteti apo komuna.

Në lidhje me ndihmën e ofruar për këto familje, kompensimin e dëmeve të cilat arrijnë shumën prej mijëra eurove si dhe strehimin e familjeve që kanë pasur dëme ekstreme si pasojë e këtyre vërshimeve, komuna nuk ka pranuar të jep përgjigje.

Ndryshe, vërshime të mëdha sikurse në Mitrovicë pati edhe në komunën e Skenderajit.
Ndërsa vendet e tjera të prekura nga vërshimet ishin: Peja, Istogu dhe Drenasi./UBTNews/

(Arbnora Pllana dhe Florinda Kelmendi, studente të vitit të tretë në Fakultetin Media dhe Komunikim në UBT)

Related Topics:Mitrovice Lagjja e Boshnjakeve

Up Next

E konfirmon Specialja: Hashim Thaçi ndodhet në Kosovë

Don't Miss

Hong Kongu mohon arrestimin e studentit ujgur

Vendi

Votohet Qeveria Kurti me 66 vota pro

Published

4 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

4 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

6 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

8 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.