Lajmet

Del në shitje shtëpia fantazmë 38 milionë dollarëshe

Published

5 years ago

on

Ish-shtëpia e komedianes së ndjerë në të cilën kishte jetuar për 28 vjet, u shfaq në një episod të Celebrity Ghost Stories në vitin 2009.

Kur ikonikja Joan Rivers vdiq në vitin 2014, apartament i saj i patëmetë në Upper East Side në Manhattan thuhet se u shit për 28 milion dollarë. Sipas New York Post, shtëpia u ble nga një anëtar i panjohur i një familje mbretërore të Lindjes së Mesme, i cili kohët e fundit e ktheu atë në treg për 38 milion dollarë.

Prona mburret me pamje mahnitëse të Parkut Qendror, i cili menjëherë provon çmimin e tij të majmë. Shtëpia me katër dhoma gjumi, me pesë banjo gjithashtu arrin në 5,200 metra katrorë dhe përfshin dy tarraca.

Shtëpia është projektuar në stilin klasik neo-francez nga arkitekti i nderuar Horace Trumbauer dhe dihet se është një nga veprat e tij më të mëdha në qytet. Detajet e mëdha prej ari dhe tavanet e larta janë karakteristikat e zakonshme të apartamentit, i cili të kujton Pallatin e Versajës.

Përtej dekorit të zbukuruar, hapësirës së pafund, mobiljeve, dhe një listë të plotë të pjesëve të tjera zbukuruese, ekziston një tjetër tipar jashtëzakonisht dallues në këtë shtëpi.

Në vitin 2009, vendi bëri një paraqitje në një episod të Celebrity Ghost Stories, gjatë së cilës Rivers thirri një priftëreshë vudu për të hequr qafe qenien paranormale që ajo i referohej si Znj. Spencer.

Rivers ishte e bindur se fantazma kishte zënë vend në shtëpi dhe ne e kuptojmë, sepse as ne nuk do të donim të largoheshim nga apartament./UBTNews

Related Topics:
Continue Reading

Lajmet

Një i arrestuar për dyshime për falsifikim dokumentesh dhe keqpërdorim të detyrës zyrtare

Published

3 minutes ago

on

May 21, 2026

By

Sipas raportit të Policisë së Kosovës, në koordinim me prokurorin për krime të rënda, janë realizuar kontrolle në dy lokacione të ndryshme në rajonin e Prishtinës dhe Mitrovicës, me qëllim të sigurimit të provave lidhur me dyshimet për veprën penale të falsifikimit të dokumenteve.

Gjatë këtij operacioni, janë shoqëruar dy të dyshuar meshkuj kosovarë, të cilët dyshohet se në bashkëveprim kanë kryer falsifikim të dokumenteve, si dhe keqpërdorim të pozitës apo autoritetit zyrtar.

Si prova materiale janë sekuestruar një laptop, telefona mobilë, para në euro dhe dokumentacione të ndryshme.

Me vendim të prokurorit kompetent, njëri nga të dyshuarit është arrestuar dhe dërguar në mbajtje, ndërsa i dyshuari tjetër është liruar në procedurë të rregullt.

Rasti po vazhdon të hetohet nga organet kompetente.

Continue Reading

Lajmet

UBT organizon ligjëratë me arkitektin austriak Heinz Neumann mbi arkitekturën, ndërtimin dhe dizajnin bashkëkohor

Published

1 hour ago

on

May 21, 2026

By

UBT, gjegjësisht Fakulteti i Arkitekturës dhe Planifikimit Hapësinor do të organizojë një ligjëratë tematike ndërkombëtare me titull “Competitions, Building Constructions and Design”, duke mirëpritur në Kosovë arkitektin e njohur austriak Heinz Neumann, një personalitet me kontribut të shquar në fushën e arkitekturës, urbanizmit dhe projektimit bashkëkohor.

Ngjarja do të mbahet më 22 maj 2026, duke filluar nga ora 13:30, në ambientet e Parkut Shkencor, Inovativ dhe Teknologjik të UBT-së (Biblioteka), duke sjellë për studentët, stafin akademik dhe profesionistët e fushës një mundësi të rëndësishme për të përfituar njohuri dhe përvoja nga një ekspert me karrierë të gjerë ndërkombëtare në projektim arkitektonik dhe zhvillim urban.

Arkitekti Heinz Neumann njihet për angazhimin e tij në projekte të shumta profesionale dhe akademike në nivel ndërkombëtar, ndërsa gjatë ligjëratës do të trajtojë tema që lidhen me konkurset arkitektonike, proceset moderne të ndërtimit, projektimin inovativ dhe sfidat bashkëkohore të arkitekturës dhe urbanizmit.

Ky aktivitet synon të krijojë një platformë të avancuar akademike dhe profesionale ku studentët do të kenë mundësinë të lidhen drejtpërdrejt me praktikat më moderne të arkitekturës ndërkombëtare, duke kuptuar më mirë raportin ndërmjet kreativitetit, funksionalitetit dhe teknologjisë në projektim.

Në këtë ngjarje do të marrin pjesë gjithashtu përfaqësues të odave profesionale dhe asociacioneve të arkitekturës dhe ndërtimit, duke e kthyer aktivitetin në një hapësirë të rëndësishme të dialogut profesional, shkëmbimit të ideve dhe krijimit të bashkëpunimeve ndërmjet akademisë dhe industrisë.

Continue Reading

Lajmet

Në New York promovohet romani “Një fije shprese, Një fije shkrepëse” i Ag Apollonit

Published

1 hour ago

on

May 21, 2026

By

Në ambientet e Konsullatës së Përgjithshme të Republikës së Kosovës në New York do të mbahet promovimi i romanit “Një fije shprese, Një fije shkrepëse” të autorit Ag Apolloni.

Ngjarja organizohet nën kujdesin e ambasadorit Blerim Reka dhe do të ketë si folës profesorin David Damrosch. Promovimi do të zhvillohet sot, më 21 maj 2026, në orën 17:30, në adresën 801 2nd Ave, Suite 301, New York.

Romani “Një fije shprese, Një fije shkrepëse”, i botuar në vitin 2020, është një vepër dokumentare që trajton pasojat e luftës në Kosovë përmes historive të nënave që humbën familjarët e tyre, përfshirë Ferdonije Qerkezin nga Gjakova dhe Pashke Markun nga Zllakuqani.

Vepra sjell një reflektim të thellë mbi dhimbjen, kujtesën dhe qëndresën njerëzore, ndërsa aktiviteti pritet të mbledhë komunitetin shqiptar dhe dashamirësit e letërsisë në SHBA.

Continue Reading

Lajmet

Ministri Gashani vlerëson sukseset e kick-boksierëve kosovarë në garat ndërkombëtare

Published

2 hours ago

on

May 21, 2026

By

Ministri i Sportit dhe Rinisë, Blerim Gashani, ka zhvilluar një takim me drejtuesit e Federatës së Kick Boksit të Kosovës, të udhëhequr nga kryetari Fatmir Makolli, si dhe me sportistët që përfaqësuan Kosovën në kampionatin botëror në Turqi.

Gjatë takimit u prezantuan aktivitetet, planet dhe programi i federatës, ndërsa u diskutua edhe për organizimin e garave dhe zhvillimin e mëtejmë të këtij sporti në vend.

Një vëmendje e veçantë iu kushtua rezultateve të arritura në “Turkish WAKO World Cup”, ku Kosova fitoi një medalje të artë dhe dy të bronzta.

Nga ministria u theksua se këto rezultate dëshmojnë nivelin e lartë të përgatitjes dhe potencialin e sportistëve kosovarë në arenën ndërkombëtare.

Në takim u diskutua gjithashtu për vazhdimin e mbështetjes institucionale ndaj federatës dhe sportistëve, me synim avancimin e mëtejmë të kick boksit dhe përmirësimin e kushteve për zhvillimin e tij në vend.

Continue Reading

Të kërkuara