Kronikë e zezë

Deklarohen të pafajshëm katër mjekët e akuzuar për trajtim të pandërgjegjshëm ndaj një 36 vjeçareje e cila vdiq në QKUK

Deklarimin rreth fajësisë, të akuzuarit e dhanë pas leximit të aktakuzës nga prokurori.

Published

3 years ago

on

Në seancën fillestare të mbajtur të mërkurën në Gjykatën Themelore në Prishtinë, Vjosa Zejnullahu, Selman Demolli, Myzeine Muja dhe Bashkim Sheholli janë deklaruar të pafajshëm për veprën penale “Trajtim i pandërgjegjshëm mjekësor”.

Deklarimin rreth fajësisë, të akuzuarit Zejnullahu, Demolli, Muja dhe Sheholli, e dhanë pas leximit të aktakuzës nga prokurori Bashkim Zeqaj, raporton “Betimi për Drejtësi”.

Pas deklarimeve të tilla, gjykatësi i rastit Avni Syla, i njoftoi të akuzuarit lidhur me të drejtën e tyre për të paraqitur kërkesë për hudhje të aktakuzës dhe kundërshtim të provave.

Ndryshe sipas aktakuzës së lexuar nga prokurori Zeqaj, ekziston dyshimi i bazuar që të pandehurit në cilësinë e mjekëve më 20 janar 2016 në Prishtinë, në QKUK, duke qenë të vetëdijshëm që me veprimet e tyre mund të sjellin deri te vdekja pacienten, kanë përdorur haptazi metoda të papërshtatshme të trajtimit dhe në atë rast kanë shkaktuar përkeqësimin e gjendjes shëndetësore së të dëmtuarës, tani të ndjerës S.F nga Prishtina.

Tutje sipas aktakuzës, e pandehura e parë Vjosa Zejnullahu nuk ka kërkuar mendimin e mjekëve të tjerë për të vendosur nëse e dëmtuara duhet të trajtohet fillimisht me urgjencë apo terapi intensive, ajo ka dëgjuar ankesën e pacientes për reagimin ndaj transfuzionit të gjakut dhe kanë vazhduar me dhënien e gjakut gabimisht.

Gjithnjë sipas aktakuzës së lexuar nga prokurori, e njëjta duke anashkaluar konsultimin me tranfuziologun, kur ajo e ka dërguar pacienten në qendrën urgjente nuk ka dërguar edhe qesen me gjak, për të parë cili gjak i është dhënë të dëmtuarës duke ditur faktin që ka grupe të ndryshme të gjakut, por e shkatërroi si provë kryesore në këtë rast.

Tutje, thuhet se i pandehuri i dytë Selman Demolli dhe e pandehura e tretë Myzeine Muja nuk kanë vepruar sipas protokollit standard për trajtimin e pacientit sepse nuk kanë dhënë rekomandime për konsultim me transfuziologun, pasi që të dëmtuarës i është keqësuar gjendja dukshëm gjatë marrjes së gjakut, në atë mënyrë të gjithë ata nuk kanë marrë veprime për trajtimin e pacientes me anti-reaksion, pastaj dhanë konkluzione të gabuara duke vendosur që në vend që të thërrasin për konsultë transfuziologun, e kanë thirrë neurologun-të pandehurin e katërt Bashkim Shehollin.

Në aktakuzën e lexuar nga prokurori, thuhet se i pandehuri i katërt Bashkim Sheholli nuk ishte mjek kompetent për këtë rast, por urdhëroi diçka tjetër që nuk ishte në përputhje me protokollin duke rekomanduar edhe të bëhet CT e trurit të pacientit, duke e anashkaluar konsultë me transfuziologun.

Gjithnjë sipas aktakuzës së lexuar nga prokurori, të gjithë si ekip nuk kanë rekomanduar mbajtjen e qeses me gjak të cilën e ka marrë e dëmtuara, për analiza të mëtejshme ku në këtë rast gjendja përkeqësohet dhe ndodh vdekja e të dëmtuarës, të ndjerës S.F.

Në këtë rast, secili prej tyre akuzohet se ka kryer vepër penale “Trajtim i pandërgjegjshëm mjekësor” nga neni 260, par. 4 lidhur me par.1 të Kodit Penal.

Related Topics:
Continue Reading

Kronikë e zezë

Pesë raste të dhunës në familje në raportin 24 orësh të Policisë

Published

3 days ago

on

January 5, 2026

By

Pesë raste të dhunës në familje janë raportuar në raportin 24 orësh të Policisë së Kosovës.

Në Prishtinë një burrë e ka sulmuar fizikisht vëllain e tij. I dyshuari gjendet në arrati.

“Raportohet se pas një mosmarrëveshje ankuesi m/k është sulmuar fizikisht nga vëllai i tij i dyshuari mashkull kosovar. Viktima nuk ka pranuar tretman mjekësor, ndërsa i dyshuari gjendet në arrati.”

Ndërsa, në Deçan një grua është sulmuar nga bashkëshorti i saj. Ai është arrestuar dhe pas intervistimit është dërguar në mbajtje.

“Raportohet se pas një mosmarrëveshje viktima f/k, është sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është liruar në procedurë të rregullt.”

Një burrë tjetër në Malishevë dyshohet se ka ushtruar dhunë fizike dhe psikike ndaj gruas së tij. Ai është dërguar në mbajtje.

“Raportohet  se pas një mosmarrëveshje verbale, bashkëshorti i saj i dyshuari m/k ka ushtruar dhunë fizike dhe psikike ndaj viktimës femër me nënshtetësi të huaj. Viktima ka pranuar tretman mjekësor ndërsa i dyshuari është arrestuar dhe pas intervistimit me vendim të prokurorit është dërguar në mbajtje.”

Në Malishevë, një person me probleme mendore ka thyer dhe demoluar gjësende në shtëpi. Ai është ndaluar për 48 orë.

“Raportohet se i dyshuari mashkull kosovar me probleme mentale ka thyer dhe demoluar gjësende të ndryshme në shtëpi. I dyshuari është arrestuar dhe me vendim të prokurorit është dërguar për tretman mjekësor nën masën e ndalimit prej 48 orësh.”

Një grua në Rahovec ka raportuar se është kanosur nga ish bashkëshorti i saj.

“Raportohet se ish bashkëshorti i ankueses f/k ,i dyshuari mashkull kosovar (m/k) e kishte kanosur përmes rrjeteve sociale. Rasti nën hetime.”

Continue Reading

Lajmet

Njëzet shtete me burgjet më të stërmbushura

Published

5 days ago

on

January 3, 2026

By

Statistikat janë gjithnjë interesante. I pëlqejnë publikut, i cili mëson prej tyre gjëra interesante, të cilat mund të mos i ketë ditur, apo nuk ka pasur interes të shtuar për to.

Një nga statistikat interesante ka të bëjë me numrin e personave të burgosur në shtete të ndryshme. Dhe habitesh nga shifrat milionëshe, qindar e dhjetëra mijëshe.

Le t’i shohim në vazhdim 20 shtetet që kanë më së shumti persona të burgosur:

  1. SHBA – 1.808.100
  2. Kina – 1.690.000
  3. Brazili – 850.577
  4. India – 573.220
  5. Rusia – 433.006
  6. Turqia – 362.422
  7. Tajlanda – 274.277
  8. Indonezia – 273.541
  9. Meksiko – 233.687
  10. Irani – 189.000
  11. Afrika e Jugut – 157.054
  12. Egjipti – 120.000
  13. Argjentina – 117.680
  14. El Salvadori – 109.579
  15. Pakistani – 87.712
  16. Bangladesh – 74.851
  17. Nigeria – 84.767
  18. Franca – 78.509
  19. Polonia – 70.927
  20. Arabia Saudite – 68.056

Continue Reading

Lajmet

Aksioni i Policisë me AKI-në, arrestohen dy të huaj për kontrabandim me migrantë

Published

2 weeks ago

on

December 24, 2025

By

Policia e Kosovës më saktë Sektori i Hetimeve të Departamentit për Kufi, në bashkëpunim dhe në asistencë edhe të Agjencisë së Kosovës për Inteligjencë (AKI), pas një periudhe disa mujore monitorimi nga institucionet kompetente, ka arrestuar një shtetas jordanez dhe një shtetase turke, nën dyshimin për kryerje të veprës penale “Kontrabandim me migrantë”.

Policia njofton se sipas të dhënave hetimore, i lartcekuri dyshohet se ka organizuar ardhjen e shtetasve të huaj, kryesisht nga shtetet e Lindjes së Mesme dhe Azia, me qëllim të hyrjes së tyre në Republikën e Kosovës, prej nga më pas dyshohet se bëhej kontrabandimi i tyre në drejtim të vendeve të Bashkimit Evropian.

“Po ashtu ndaj të njëjtit egziston dyshimi se ka udhëhequr një grup të mirë organizuar kriminal, të cilët dyshohet se kanë përfituar mjete të konsiderueshme financiare nga kjo veprimtari e paligjshme”, thuhet në njoftimin e Policisë.

Lidhur me rastin është realizuar kontrolli tek personi i dyshuar ku janë gjetur dhe konfiskuar gjithsej 53 (pesëdhjetë e tre) pasaporta të shtetasve jordanezë.

Policia në fund tha se për veprimet e ndërmarra është konsultuar edhe prokuroria kompetente, me vendimin e së cilës dy të dyshuarit dërgohen në ndalim për 48 orë./S.K/KP/PK/

Continue Reading

Lajmet

Aksion i madh kundër korrupsionit në Prishtinë, arrestohen 7 persona

Published

3 weeks ago

on

December 19, 2025

By

Një aksion i gjerë kundër korrupsionit është zhvilluar më 18 dhjetor 2025 në rajonin e Prishtinës, nën udhëheqjen e Prokurorisë Speciale të Republikës së Kosovës, ku janë arrestuar disa persona të dyshuar për vepra të rënda penale.

Sipas njoftimit zyrtar, operacioni është realizuar nga Drejtoria për Hetimin e Krimeve Ekonomike, pas një periudhe monitorimi dhe hetimi, përfshirë edhe zbatimin e masave të veçanta hetimore.

Aksioni lidhet me dyshimet për përfshirje në vepra penale si korrupsioni, keqpërdorimi i detyrës zyrtare, dhënia dhe marrja e ryshfetit, ushtrimi i ndikimit, mashtrimi si dhe armëmbajtja pa leje.

Gjatë këtij aksioni policor janë arrestuar shtatë persona me inicialet: F.I., J.M., N.K., M.D., B.D., Sh.T. dhe G.L. Të dyshuarit, sipas autoriteteve, janë kapur në flagrancë gjatë shkëmbimit të parave.

Me vendim të Prokurorisë Speciale, shtatë të arrestuarit janë ndaluar për 48 orë. Gjatë kontrolleve të zhvilluara në kuadër të operacionit janë sekuestruar rreth 20 mijë euro para të gatshme, armë, bizhuteri, dokumente të ndryshme, pajisje elektronike si dhe tri automjete.

Autoritetet kanë bërë të ditur se hetimet lidhur me këtë rast janë duke vazhduar, në koordinim të plotë ndërmjet Policisë së Kosovës dhe Prokurorisë Speciale të Republikës së Kosovës./S.K/KP/

Continue Reading

Të kërkuara