Sport

David Luiz: Flamengo ka kualitet për të garuar në Ligën e Kampionëve

Lëndimet e kanë hendikepuar rikthimin e tij në futbollin brazilian.

Published

3 years ago

November 26, 2021

UBT news

David Luiz beson që skuadra braziliane Flamengo padyshim ka kualitetin që të jetë pjesë e Ligës së Kampionëve, para ndeshjes finale të Copa Libertadores kundër Palmeiras.

Ish-mbrojtësi i Chelseat dhe Arsenalit David Luiz u transferua te Flamengo këtë shtator, duke i dhënë fund periudhës 14 vjeçare në futbollin evropian, pas përfundimit të kontratës së tij me Arsenalin, përcjell KosovaPress.

Lëndimet e kanë hendikepuar rikthimin e tij në futbollin brazilian, por skuadra e tij ka arritur që të prek finalen e Amerikës Jugore, me një start perfekt prej gjashtë ndeshjeve me fitore që nga faza e grupeve.

Në fakt, mbrojtësi 34 vjeçar debutoi në gjysmëfinale të kësaj gare kundër skuadrës së Barcelona SC, paraqitja e parë kjo që prej operimit në gju sa ishte tek Arsenali.

Tani, Luiz beson që skuadra e tij Flamengo ka kualitet në skuadër për të luajtur në garat më prestigjioze evropiane.

“Unë besoj që kjo është e saktë”, u përgjigj Luiz në pyetjen se nëse Flamengo do të mund të kualifikohej në Ligën e Kampionëve.

“Kemi një strukturë të jashtëzakonshme, lojtarë të kalibrit të lartë, lojtarë të cilët kanë luajtur në vende të ndryshme dhe me kualitet të madh. Unë besoj, po, pa dyshim që ne kemi kualitetin për të luajtur në Ligën e Kampionëve”, shtoi Luiz.

Skuadra braziliane Flamengo është në kërkim të titullit të saj të dytë amerikano-jugor në tre sezonet e fundit, ku në finale do të takohet me kampionin aktual të kësaj gare Palmeiras.

Lajmet

Superliga e Kosovës: Ballkani barazon 1-1 me Feronikelin

Published

15 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

18 hours ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

19 hours ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

20 hours ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.