Kulturë

Dashunia për ty

Published

on

Poezi nga Primo Shllaku

Me të dashtë ty
domethanë me pasë nji plagë gojëhapun në gjoks,
nji plagë që duhet rritë,
që sduhet ta shëroj,
nji plagë që mduhet ta mbaj të thartë e të dhimbshme
për t’i pjellorue kshtu
të gjithë fluturimet
gjithë vullnetin
që kam nevojë
sa herë që më duhet të vorros
të kaluemen tande
që merr fund
me ardhjen time.

Lifestyle

Fuqia e intuitës së femrës

Published

on

Intuita e një femre është shumë më pranë së vërtetës, se sa siguria e një mashkulli” – Rudyard Kipling

Ndoshta po mendoni se tema e intuitës nuk ka asgjë shkencore, që nuk është madje as një disiplinë që duhet marrë në konsideratë. Nëse ndalemi një çast për të menduar, do të kuptojmë se shumicën e vendimeve i marrim në mënyrë të pandërgjegjshme. Jo vetëm: studimet mbështesin idenë që para se ndërgjegjja të vlerësojë objektivisht një mundësi me po-të dhe jo-të e saj, pjesa e pandërgjegjshme e trurit e ka marrë vendimin duke u bazuar tek intuita. Përse ndodh kjo?

Bazohemi më shumë te ndjenjat sesa te racionaliteti? Në të vërtetë është tamam kështu. Intuita, parandjenja, shqisa e gjashtë, janë sinonime për të përshkruar tentativën e njeriut për ta drejtuar vëmendjen drejt faktit të caktuar, një rrethane, mbi çdo gjë a person, për të kuptuar pa asnjë gabim të vërtetën.

INTUITA DHE TRURI I PANDËRGJEGJSHËM

Një familjar i juaji ndihet pa qejf nga një sëmundje me shenja të çuditshme, që e bëjnë të vështirë përcaktimin e një diagnoze. Shkoni te specialisti, që ju vë përballë dy mundësive: të vendosni të dhënat në një kompjuter të sofistikuar, i cili do t’ju tregojë hapat që duhet të ndiqni për të kuruar të afërmin ose t’i besoni mjekut me karrierë të gjatë. Cilën mundësi do të ndiqni? Sigurisht që preferoni mjekun. Ndonjëherë nuk na shërben inteligjenca e bazuar mbi analizën e logjikën: i besojmë “intuitës” për mjekun, i cili nëpërmjet vëzhgimit, përvojës dhe ndjesive rreth kësaj çështjeje do të japë një zgjidhje.

Jeni në shtrat dhe papritmas, nga hiçgjëja vjen ndjesia e paparashikuar. Jeni të çlodhur e truri ju dhuron një imazh të papritur. Nga doli kjo gjë? Nuk bëhet fjalë për arsyetim logjik e të peshuar mirë: është më shumë ndjesi, intuitë që del papritur nga pjesa e pandëgjegjshme e trurit. Por, nga se është i përbërë truri i pandërgjegjshëm? Intuitat dalin nga përvojat e magazinuara në tru, nga gjithçka që kemi përjetuar, qofshin këto suksese apo dështime.

RËNDËSIA E INTUITËS

Një përgjigje që truri na jep kur ndodhemi përballë një dileme apo pavendosmërie. Nëse do të bënim sforcim logjik, duke plotësuar analiza racionale sa herë që jemi të dyzuar, do të kemi nevojë për kohë dhe energji. Iidetë tona janë emotive, ose “i ndjejmë”, pak herë i analizojmë nëpërmjet mendimit të peshuar. Dimensionet i shtyjnë ekspertë të fushës të hetojnë studiojnë si është e mundur që agjentët që lëvizin fijet e ekonomive arrijnë të marrin vendimet në punë.

Ndoshta ata udhëhiqen nga ndjenjat dhe interesat pa vënë në punë logjikën për të marrë vendime. Mund të pyesim, nëse është pozitive apo jo ta lëmë veten të udhëhiqemi nga intuita. Jeta jonë është me momente të tilla, ku zemra na ka bërë të ndjekim një rrugë a një tjetër… Duhet të themi se vendimet e pandërgjegjshme, janë të lidhura me atë çka jemi, me personalitetin e me vlerat tona. Sipas ekspertëve, intuita më e mirë shfaqet në momentet e relaksit, kur mendja është më e kthjellët dhe e çlodhur. Frymëzimi dhe idetë shfaqen vetë gjatë natës, larg stresit dhe tensioneve. Duhet vetëm të dimë t’i dëgjojmë.

PËRMIRËSONI PERCEPTIMIN

Mund të kuptojmë e perceptojmë rrethanat dhe ngjarjet nëpërmjet perceptimit të drejtpërdrejtë, asaj çka kuptojmë nga të tjerët dhe nëpërmjet intuitës.

Perceptimi na ndihmon qartësisht me situatën, ajo çka kuptojmë na lejon të marrim informata të përgjithshme, që jo gjithmonë i përkasin së vërtetës, dhe na përballin me rrezikun e informacioneve jo të sakta. Perceptimi i drejtpërdrejtë mund të jetë i besueshëm, me kusht që mendja të jetë e lirë nga paragjykimet e të reflektojë në harmoni mbi atë që është parë e dëgjuar, ndërsa mendimet që krijojmë nga të tjerët, ato indirekte, nuk janë të çliruara nga paragjykimet.

Ndaj këshilla jonë është: mos krijoni mendime, vlerësime apo këndvështrime duke u bazuar në faktet që ju referojnë të tjerët. Ajo që perceptojmë mbi ngjarjet dhe rrethanat, provokon te ne reagime që gjenerojnë mendime dhe veprime.

Continue Reading

Magazinë

Ed Sheeran blen një apartament luksoz në New York me vlerë 10 milionë euro

Published

on

Ed Sheeran vazhdon të zgjerojë perandorinë e tij tashmë mbresëlënëse të pasurive të patundshme.

Këngëtari britanik, pasuria e të cilit vlerësohet rreth 350 milionë euro, së fundmi bleu një apartament të ri në Brooklyn, New York, për më shumë se 10 milionë euro.

Apartamenti ndodhet në një kompleks luksoz pikërisht në bregdet, dhe çuditërisht, fqinji i tij është reperi amerikan Kendrick Lamar.

Sheeran dhe gruaja e tij, Cherry Seaborn, me të cilën është i martuar që nga viti 2019 dhe me të cilën ka dy vajza – Lyra (4 vjeçe) dhe Jupiter (2 vjeçe), kanë kohë që marrin me qira një apartament në të njëjtën ndërtesë, për të cilin kanë paguar më shumë se 25 mijë euro në muaj.

Blerja e pronës së re u krye nëpërmjet një kompanie të posaçme të themeluar nga Ed dhe Cherry, sipas dokumenteve nga New Yorku, transaksioni u krye pa marrë kredi – e blenë apartamentin me para në dorë. Në këtë mënyrë, morën edhe lehtësime tatimore, veçanërisht nëse vendosin ta shesin pronën një ditë.

Apartamenti mbulon një sipërfaqe prej afërsisht 315 metrash katrorë dhe ofron lukse që përfshijnë dy palestra, një recepsion 24-orësh dhe një garazh me stacione karikimi për automjete elektrike. Ai zotëron të paktën 27 prona në Mbretërinë e Bashkuar

Kjo nuk është as prona e parë dhe as e vetmja në pronësi të muzikantit të famshëm. Ai zotëron të paktën 27 prona në Mbretërinë e Bashkuar, duke përfshirë një shtëpi luksoze në Notting Hill me vlerë 20 milionë euro si dhe apartamente në zona elitare të Londrës si Covent Garden, Holland Park dhe Whitechapel.

Ed zotëron pesë prona në Holland Park me vlerë prej 30 milionë eurosh dhe dy apartamente pranë Battersea Dogs and Cats Home. Ka gjithashtu katër apartamente në Covent Garden, si dhe pesë apartamente në Wiverton Tower në Whitechapel. Vetëm këto prona vlejnë më shumë se 45 milionë euro.

Ai është pronar i restorantit ‘Bertie Blossoms’ në Portobello Road, jashtë qytetit ka edhe vilë në Itali me vreshta e një pronë në Suffolk që vendasit e quajnë Sheeranville. Në vendlindje Framlingham, Suffolk, ku u zhvendos në një shtëpi të vjetër në fermë më 2012, Ed ka blerë që atëherë katër prona të tjera përreth.

Thashethemet thonë se artisti bleu disa prona në Londër pikërisht për të shmangur ankesat e fqinjëve për zhurmën nga festat private.

Continue Reading

Magazinë

‘Je i vdekur për mua’: Plas sërish mes vëllezërve Beckham

Published

on

Cruz Beckham, më i vogli nga vëllezërit Beckham, ka publikuar disa mesazhe shumë të forta në rrjetet sociale gjatë muajve të fundit.

Mesazhet që ndau në Instagram Notes përmbajnë fjalë: “Je një mashtrues,” “Tani je idiot,” “Karma e menjëhershme do të të marrë,” “Je i vdekur për mua.”

Këto fjalë të ashpra vijnë në mes të një grindjeje të ashpër familjare mes Cruz, vëllait Brooklyn Beckham dhe bashkëshortes së tij Nicola Peltz.

Sipas burimeve, Cruz duket se ka përshkallëzuar situatën, ndërsa Brooklyn dhe Nicola janë distancuar edhe më shumë duke mos i ndjekur më në Instagram vëllezërit Cruz dhe Romeo Beckham. Një burim tha se Brooklyn dhe Nicola nuk e bënë këtë qëllimisht, por mund të jenë bllokuar nga pala tjetër pa e ditur.

Sipas informacioneve, Brooklyn, 26 vjeç, i ka thënë familjes se nuk dëshiron më asnjë kontakt me ta dhe nuk do t’u përgjigjet atyre që përpiqen të afrohen.

Grindja mes tyre ka prekur edhe tensionet mes Nicola Peltz dhe nënës së Brooklyn, Victoria Beckham, e cila thuhet se e bëri Nicola-n të qajë gjatë dasmës së saj në prill 2022, kur i mori “rolin” kryesor në kërcimin e çiftit.

Victoria, ish-anëtare e Spice Girls dhe tani dizajnere mode, dyshohet se u mërzit për shkak se Nicola nuk veshi një prej fustaneve të saj të dasmës.

Ndërkohë Brooklyn ka bërë të qartë se do të zgjedhë gjithmonë bashkëshorten e tij.

Continue Reading

Lifestyle

30 korrik – Dita Botërore e Miqësisë

Published

on

Jo të gjithë e dinë, por sot është Dita Botërore e Miqësisë. Pavarësisht se festohet në ditë të ndryshme në vende të ndryshme, zyrtarisht festimi i saj daton më 30 korrik.

Kjo datë u zgjodh nga OKB që prej vitit 1958. Fillimisht u përdor për qëllime biznesi, lidhur me industrinë  e prodhimit të kartolinave, me qëllim shitjen e tyre. Pavarësisht se atëherë u cilësua si “mashtrim marketingu”, kartolinat apo lulet vazhdojnë të mbeten një traditë popullore.

Dita Botërore e Miqësisë konsiderohet edhe si momenti ku duhet të falënderoni miqtë që keni pranë, t’i vlerësoni ata dhe të shprehni se sa me fat jeni që i keni. Koncepti i Ditës së Miqësisë filloi për herë të parë në vitin 1930 në Shtetet e Bashkuara si një ide komerciale për të promovuar kartolina urimi.

Në vitin 2011, Asambleja e Përgjithshme e Kombeve të Bashkuara shpalli zyrtarisht 30 korrikun si Ditën Ndërkombëtare të Miqësisë, me qëllimin për të inkurajuar paqen dhe solidaritetin.

 

Continue Reading

Të kërkuara