Lajmet

Danimarka akuzohet se ka ndihmuar ShBA-në për spiunimin e zyrtarëve evropianë

Published

4 years ago

May 31, 2021

Betim Gashi

Mediat daneze raportojnë se shërbimi sekret i Danimarkës ndihmoi Shtetet e Bashkuara të Amerikës të spiunonte politikanët evropianë, duke përfshirë kancelaren gjermane, Angela Merkel nga viti 2012 deri në vitin 2014.

Shërbimi i Inteligjencës së Mbrojtjes (FE) bashkëpunoi me Agjencinë e Sigurisë Kombëtare të ShBA-së, (NSA), për të mbledhur informacione, sipas transmetuesit të shërbimit publik danez, Danmarks radio (DR).

Shërbimi i Inteligjencës hetoi edhe rastet e zyrtarëve të tjerë nga Gjermania, Franca, Suedia dhe Norvegjia.

Akuza të ngjashme rrodhën edhe në vitin 2013. Pastaj, sekretet e zbuluara nga sinjalizuesi amerikan Edward Snowden pretenduan se kishin përgjuar telefonin e kancelares gjermane nga NSA.

Kur u bënë ato akuza, Shtëpia e Bardhë nuk e mohoi rastin, por tha se telefoni i zonjës Merkel nuk ishte duke u përgjuar në atë kohë dhe nuk do të ndodhte në të ardhmen. Gjermania është një aleate e ngushtë e ShBA-së.

Presidenti gjerman, Frank-Walter Steinmeier dhe një zëdhënës i Angela Merkel kanë thënë se ata nuk ishin në dijeni për përfshirjen e Danimarkës në këtë rast deri në raportin e radio Danmarks, i cili u transmetua edhe në media të tjera evropiane gjatë fundjavës.

NSA thuhet se ka hyrë në mesazhet me tekst dhe bisedat telefonike të një numri individësh të shquar duke përgjuar kabllot daneze të internetit në bashkëpunim me FE.

Përgjimi, i cili u kodua si “Operacioni Dunhammer”, i mundësoi NSA-së të merrte të dhëna duke përdorur numrat e telefonit të politikanëve si parametra kërkimi, sipas Danmarks Radio.

Çfarë reagimi ka pasur?

Radio Danmarks intervistoi nëntë burime, të gjithë thuhet se kishin qasje në informacionin e klasifikuar që e ka FE.

Së bashku me zonjën Merkel, ministri i atëhershëm i jashtëm gjerman Frank-Walter Steinmeier dhe udhëheqësi i opozitës në atë kohë, Peer Steinbrück, thuhet gjithashtu se ishin në shënjestër.

“Politikisht unë e konsideroj skandal”, tha Steinbrück para mediave gjermane.

Ministri i Mbrojtjes i Danimarkës, Trine Bramsen, i cili thuhet se ishte informuar më herët për spiunazhin, i tha Danmarks Radio se “përgjimi sistematik i aleatëve të ngushtë është i papranueshëm”.

Pas raportit të ri, Snowden akuzoi presidentin e ShBA-së, Joe Biden se ishte “përfshirë thellë në këtë skandal. Biden ishte nënkryetar i ShBA-së në kohën kur ndodhi survejimi.

“Duhet të ketë një kërkesë të qartë për zbulimin e plotë publik jo vetëm nga Danimarka, por edhe partneri i tyre i lartë gjithashtu”, shkroi ai në Twitter.

Në vitin 2013, Snowden – një ish-kontraktor për Agjencinë Qendrore të Inteligjencës së ShBA-së (CIA) – zbuloi në media detaje të vëzhgimit të gjerë të internetit dhe telefonit nga inteligjenca amerikane.

Atëherë Shtetet e Bashkuara të Amerikës e akuzuan atë për “vjedhje të pronës qeveritare”, për “komunikim të paautorizuar të informacionit kombëtar të mbrojtjes” dhe “komunikim me paramendim të informacionit të klasifikuar”.

Para provave që ai ekspozoi, zyrtarët e lartë të inteligjencës amerikane kishin këmbëngulur publikisht se NSA kurrë nuk kishte mbledhur me vetëdije të dhëna nga regjistrat privatë të telefonit./UBTNews

(Hana Shala, studente në Shkenca Politike në UBT)

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

1 hour ago

June 28, 2025

UBTNews

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

përmes platformës elektronike të KQZ-së në https://qv.kqz-ks.org
ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Lajmet

Serbët festojnë Vidovdanin mes masave të shtuara të Policisë së Kosovës

Published

1 hour ago

June 28, 2025

UBTNews

Grupe serbësh janë drejtuar për në Graçanicë për të nisur festimet e atij që njihet si Vidovdan. Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Lajmet

PDK me kërkesë të qartë, zhbllokimi i Kuvendit sipas Kushtetueses

Published

2 hours ago

June 28, 2025

UBTNews

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

4 hours ago

June 28, 2025

UBTnews

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.