Teknologji

Dalin detajet e reja të iPhone SE 4

Published

11 months ago

on

Apple do të prezantojë një iPhone të ri vitin e ardhshëm dhe tani janë shfaqur disa detaje të reja.  iPhone SE 4 i Apple do të ketë një kamerë të vetme të pasme 48MP, si dhe një kamerë TrueDepth përpara 12MP, sipas burimeve nga zinxhiri furnizues i Koresë së Jugut.

LG Innotek i Koresë së Jugut është furnizuesi kryesor i moduleve të kamerës së përparme dhe të pasme për iPhone më të përballueshëm, i cili do të kushtojë rreth 400 dollarë, transmeton Telegrafi.

Apple pritet ta prezantojë atë në tremujorin e parë të vitit të ardhshëm. Gjithashtu, kompanitë Foxconn dhe Cowell Electronics janë përgjegjëse për furnizimin e pjesëve të caktuara të kamerës.

iPhone 16 aktual përdor një objektiv të pasmë me kënd të gjerë 48 MP, të cilën Apple e quan gjithashtu një objektiv Fusion për shkak të aftësisë së saj për t’u përdorur për foto standarde dhe foto të prera me zmadhim 2x.

Gjithashtu, iPhone 16 ka një kamerë selfie TrueDepth prej 12 MP, që tregon se gjenerata e katërt iPhone SE mund të ketë të njëjtat kamera, përveç një kamere shtesë Ultra Wide.

iPhone SE 4 thuhet se ka një dizajn të të gjithë ekranit të ngjashëm me iPhone 14, Face ID në vend të teknologjisë Touch ID, një OLED 6.06 inç në vend të një ekrani LCD, një port USB-C, një bateri nga iPhone 14 , 8 GB RAM dhe mbështetje për Apple Intelligence.

Është gjithashtu e mundur që butoni Action të zëvendësojë çelësin “me zë”. Për më tepër, iPhone SE 4 duhet të bëhet pajisja e parë me çipin 5G të Apple.

Gjenerata e tretë ende aktuale iPhone SE mbërriti më 8 mars 2022. Pasardhësi është planifikuar të debutojë në mars 2025.

Related Topics:
Continue Reading

Teknologji

The Sims Mobile po i vjen fundi, EA konfirmon mbylljen e lojës

Published

17 hours ago

on

October 22, 2025

By

Pas gati tetë vitesh që nga debutimi në mars të vitit 2018, kompania Electronic Arts (EA) ka njoftuar se do ta mbyllë përfundimisht lojën The Sims Mobile më 20 janar 2026.

Përditësimi i fundit i lojës është publikuar këtë të hënë, ndërsa më 21 tetor loja do të hiqet nga dyqanet digjitale.

Meqë The Sims Mobile funksionon përmes serverëve online, pas mbylljes nuk do të jetë më e mundur të luhet apo të ruhet progresi.

EA ka shprehur mirënjohje për komunitetin e lojtarëve: “The Sims Mobile dhe komuniteti i The Sims janë plot kreativitet, imagjinatë dhe mirësi. Na keni mahnitur me tregimet dhe krijimet tuaja. Jemi krenarë që kemi ndarë këtë udhëtim me ju dhe kemi përgatitur disa surpriza teksa afrohemi në kapitullin e fundit të lojës.”

Gjatë muajve të ardhshëm, EA do të organizojë 14 ngjarje speciale brenda lojës, përfshirë misione me kohë të kufizuar dhe gjueti thesari.

Edhe pse tashmë nuk mund të bëhen blerje me para të vërteta, lojtarët përdorin monedhën që kanë mbledhur deri tani. Energjia e lojtarëve është bërë e pakufizuar, duke e bërë më të lehtë përfundimin e projekteve dhe shijimin e lojës në muajt e fundit.

Nga 6 janari 2026, të gjitha objektet në Build Mode dhe Create A Sim do të zhbllokohen plotësisht, në mënyrë që lojtarët të personalizojnë lirisht shtëpitë dhe personazhet e tyre “përpara se të fiken dritat”.

Mbyllja e lojës vjen në një kohë kur EA dhe studioja Maxis po përgatiten për Project Rene, projektin e ri të serisë The Sims, i cili do të jetë i disponueshëm në disa platforma, përfshirë edhe celularët.

Megjithatë, ky vendim është një lajm i hidhur për fansat që kanë investuar kohë dhe para në The Sims Mobile, si dhe për ata që shqetësohen për ruajtjen afatgjatë të lojërave online.

Në komunitetin e The Sims, veçanërisht midis fansave LGBTQ+, ka pasur reagime të përziera – sidomos në dritën e raporteve për planet e mundshme të shitjes së EA-së tek një grup investitorësh që përfshin Fondin e Investimeve Publike të Arabisë Saudite.

Në çdo rast, mbyllja e The Sims Mobile shënon fundin e një epoke për shumë lojtarë, ndërsa vëmendja tashmë po zhvendoset drejt së ardhmes së serisë me Project Rene. /A.Z/UBT News/

 

Continue Reading

Teknologji

Samsung zbulon zyrtarisht projektin “Moohan”, kufjet e reja Galaxy XR

Published

22 hours ago

on

October 22, 2025

By

Samsung ka zbuluar zyrtarisht projektin Moohan, i njohur publikisht si kufjet XR të kompanisë, të cilat pritet të lansohen me emrin Galaxy XR.

Pajisja, që u prezantua gjatë panairit CES, tani po merr debutimin e plotë në një ngjarje të dedikuar të planifikuar për orën 2 të mëngjesit.

Platforma dhe fuqia e pajisjes

Sipas detajeve të para, Galaxy XR do të funksionojë me sistemin operativ Android XR të zhvilluar nga Google, ndërsa do të fuqizohet nga procesori më i avancuar i Qualcomm, Snapdragon XR2+ Gen 2.

Samsung ka deklaruar se “Android XR është projektuar për t’u shkallëzuar në të gjitha format”, duke sinjalizuar plane më të gjera në fushën e realitetit të zgjeruar dhe pajisjeve inteligjente.

Projekte të tjera në zhvillim

Edhe pse kufjet Galaxy XR janë fokusi kryesor i këtij lansimi, raportohet se Samsung po punon në syze inteligjente dhe formate të tjera XR, pjesë e Projektit Haean dhe Projektit Jinju, që njihen si iniciativa të brendshme të kompanisë.

Këto produkte nuk pritet të prezantohen sot, por më shumë detaje zbulohen gjatë eventit të transmetuar drejtpërdrejt. /A.Z/UBT News/

Continue Reading

Teknologji

Porsche prezanton drejtuesin e ardhshëm të kompanisë

Published

2 days ago

on

October 21, 2025

By

Bordi Mbikëqyrës i Porsche AG ka emëruar Michael Leiters si Drejtor Ekzekutiv të kompanisë, me detyrën që do ta marrë zyrtarisht më 1 janar 2026.

Leiters do të pasojë Oliver Blume, i cili ka udhëhequr Porsche për 10 vjet dhe do të vazhdojë karrierën e tij si Drejtor Ekzekutiv i Grupit Volkswagen.

Sipas Wolfgang Porsche, kryetarit të Bordit Mbikëqyrës, Blume udhëhoqi kompaninë me sukses në periudha të vështira, duke arritur rezultate rekord financiare, hyrje në tregje të reja dhe suksese të rëndësishme në sportet motorike.

Blume deklaroi se pas një dekade në krye të Porsche, ka vendosur të përqendrohet plotësisht te Volkswagen.

Ndërkohë, Michael Leiters vjen nga pozicioni i Drejtorit Ekzekutiv të McLaren Automotive, ku punoi që nga viti 2022.

Më parë, ai ka qenë Drejtor i Teknologjisë në Ferrari për mbi tetë vjet dhe ka punuar për më shumë se 13 vjet në Porsche, ku ishte përgjegjës për modelet Macan dhe Cayenne. /A.Z/UBT News/

Continue Reading

Teknologji

Meta mbyll Messenger për desktop në Windows dhe Mac

Published

2 days ago

on

October 21, 2025

By

Meta ka njoftuar se aplikacioni i Messenger për desktop në Windows dhe Mac do të mbyllet.

Që nga 15 dhjetori, përdoruesit do të duhet të përdorin direkt Facebook për të vazhduar bisedat nga kompjuteri i tyre.

Gjatë procesit të mbylljes, përdoruesit do të marrin një njoftim brenda aplikacionit dhe do të kenë 60 ditë për të përdorur Messenger përpara se të mbyllet përgjithmonë.

Meta rekomandon që përdoruesit të ruajnë historikun e bisedave para se aplikacioni të zhduket, përndryshe të dhënat mund të humbasin përgjithmonë.

Ndërkohë, aplikacioni Messenger për desktop nuk është më i disponueshëm në Apple App Store. /A.Z/UBT News/

Continue Reading

Të kërkuara