Lajmet

CT e Toraksit me 20% Zbritje në Çmim gjatë Muajit Tetor në United Hospital

Published

on

Tetori shënon një muaj të rëndësishëm për ndërgjegjësimin dhe kujdesin shëndetësor, dhe United Hospital vjen me oferta të veçanta për shërbimet e tomografisë së kompjuterizuar (CT). Ky muaj, jo vetëm që ofron zbritje në çmime, por edhe garanton një standard të lartë të sigurisë dhe kujdesit për pacientët përmes pajisjeve më të avancuara të CT. Në këtë kuadër, United Hospital ofron:

CT e Toraksit me 20% Zbritje gjatë Tetorit

Tomografia e kompjuterizuar e toraksit është një metodë esenciale diagnostikuese për të vlerësuar gjendjen e mushkërive, zemrës, trakesë dhe organeve të tjera të vendosura në kraharor. Kjo procedurë përdoret gjerësisht për të identifikuar probleme të tilla si infeksione, pneumoni, emboli pulmonare, tumore, sëmundje kardiovaskulare dhe të tjera.

Gjatë muajit Tetor, pacientët kanë mundësinë të kryejnë një CT të toraksit me 20% zbritje në çmim, nga 70€ në 56€. Kjo ofertë është ideale për pacientët që kërkojnë diagnostikim të hershëm dhe të saktë të sëmundjeve respiratore apo të zemrës, duke përfituar nga një kontroll i detajuar dhe pa vonesa.

Pajisja CT në United Hospital me Reduktim prej 40% të Ekspozimit ndaj Rrezatimit

Një nga shqetësimet më të mëdha të pacientëve gjatë përdorimit të pajisjeve të imazherisë është ekspozimi ndaj rrezatimit. Pajisja e avancuar CT e United Hospital ka teknologji të përparuar që mundëson një reduktim prej 40% të ekspozimit ndaj rrezatimit, duke e bërë këtë procedurë më të sigurt për pacientët, veçanërisht për ata që kanë nevojë për skanime të shpeshta.

Ky përmirësim teknologjik është një hap i rëndësishëm për të reduktuar rreziqet potenciale nga rrezatimi, duke siguruar një balancë ideale midis cilësisë së imazhit dhe sigurisë së pacientit. Pajisjet tona ofrojnë një saktësi të lartë në diagnostikim, ndërsa njëkohësisht minimizojnë rrezikun nga ekspozimi i tepërt ndaj rrezatimit.

Përfitoni nga Këto Shërbime gjatë Tetorit

Në United Hospital, ne jemi të përkushtuar për të ofruar shërbime të kujdesit shëndetësor të standardit më të lartë, me fokus në diagnostikimin dhe trajtimin e sëmundjeve përmes teknologjive të avancuara. Oferta për CT të toraksit me 20% zbritje dhe përdorimi i pajisjes me 40% më pak rrezatim janë shembuj të përkushtimit tonë për të ofruar kujdes të sigurt, të përballueshëm dhe të saktë.

Pacientët që kanë simptoma të tilla si kollë kronike, dhimbje në kraharor, probleme me frymëmarrjen apo historik të sëmundjeve respiratore, duhet të përfitojnë nga këto oferta për të bërë një diagnostikim të hershëm. Rezultatet e imazherisë me CT ofrojnë të dhëna të qarta që ndihmojnë mjekët të përcaktojnë trajtimet më efektive për pacientët.

Për të rezervuar një kontroll, ju mirëpresim të kontaktoni United Hospital në 038 60 70 70 dhe 046 60 70 70 dhe të përfitoni nga këto oferta ekskluzive gjatë Tetorit. Kujdesi për shëndetin tuaj është prioriteti ynë, dhe zbritjet e veçanta, së bashku me teknologjinë e përparuar, garantojnë një eksperiencë të sigurt dhe efikase në diagnostikimin tuaj./UBTnews/

Aktualitet

Kryeministri Kurti takoi kongresistin amerikan James McGovern

Published

on

Kryeministri në detyrë i Republikës së Kosovës, Albin Kurti u takua në Capitol Hill, Washington D.C., me kongresistin nga radhët e Partisë Demokratike, James McGovern. Kurti ishte i shoqëruar nga zëvendësministrja e Punëve të Jashtme dhe Diasporës, Liza Gashi dhe ambasadori i Kosovës në Shtetet e Bashkuara të Amerikës, Ilir Dugolli.

Ata diskutuan për zhvillimet e fundit në Kosovë dhe me këtë rast kryeministri Kurti e njoftoi kongresistin McGovern për progresin në vend dhe vendimet e Qeverisës së Kosovës për pranimin dhe zhvendosjen e përkohshme të shtetasve të vendeve të treta nga SHBA-të, heqjen e tarifës doganore ndaj të gjitha produkteve me origjinë nga SHBA, si dhe vazhdimin e programit Kompakt të Korporatës së Sfidave të Mijëvjeçarit për Kosovën nga administrata e re amerikane.

Kryeministri Kurti gjithashtu e falënderoi kongresistin McGovern për angazhimin e tij të palodhshëm në kërkimin e drejtësisë për vëllezërit Bytyqi, si dhe për mbështetjen e vazhdueshme që i ka dhënë avancimit të marrëdhënieve Kosovë-SHBA.

Gjatë bisedës, të dy u dakorduan të punojnë së bashku për forcimin e bashkëpunimit ekonomik ndërmjet dy vendeve, me theks të veçantë në rritjen e investimeve në biznes dhe në krijimin e mundësive të reja për zhvillim ekonomik./S.K/EO/

 

Continue Reading

Botë

Udhëheqësit në Lindjen e Mesme dhe Evropë mirëpresin planin e paqes për Gazën

Published

on

Udhëheqësit evropianë dhe të Lindjes së Mesme kanë mirëpritur një plan të ri paqeje të SHBA-së për Gazën, ndërsa Presidenti Donald Trump e paralajmëroi Hamasin ta pranonte atë.

Plani, i dakordësuar nga Trump dhe udhëheqësi izraelit Benjamin Netanyahu, propozon një ndërprerje të menjëhershme të operacioneve ushtarake.

Ai përcakton që brenda 72 orësh Hamasi duhet të lirojë 20 pengje izraelite të gjalla dhe mbetjet e pengjeve që besohet se janë të vdekur, në këmbim të qindra banorëve të Gazës të ndaluar, shkruan BBC.

Një burim palestinez i njohur me negociatat e armëpushimit i tha BBC-së se zyrtarëve të Hamasit u është dhënë plani 20-pikësh i Shtëpisë së Bardhë.

Ai kërkon që Hamasi të mos ketë asnjë rol në qeverisjen e Gazës dhe lë derën hapur për një shtet përfundimtar palestinez.

Duke folur në një konferencë për shtyp pas bisedimeve në Shtëpinë e Bardhë, Trump e quajti planin një ditë historike për paqen.

Por, ai tha se Netanyahu do të ketë mbështetjen e SHBA-së për të përfunduar punën e shkatërrimit të kërcënimit të Hamasit nëse Hamasi nuk pajtohet me planin.

Netanyahu më pas tha se Izraeli do ta përfundojë punën nëse Hamasi e refuzon planin ose nuk e zbaton atë./S.K/KP/

 

Continue Reading

Lajmet

Dinamo Zagreb mposht Slaven Belupon, shkëlqen Arbër Hoxha

Published

on

Dinamo Zagreb e mposhti Slaven Belupon me rezultatin 4-1 dje në kampionatin kroat, ku protagonist ishte Arbër Hoxha, i cili në minutat e fundit të pjesës së parë shënoi dhe më pas asistoi për t’i dhënë avantazhin e dyfishtë Dinamos së Zagrebit.

Tashmë asgjë nuk është rastësi për sulmuesin e Kombëtares, që në javën e kaluar shënoi ndaj Hajduk Splitdhe se trajneri aktual i klubit kroat, por edhe i mëparshmi, kanë folur për Arbër Hoxhën.

“Pas stërvitjeve të para në fazën përgatitore i thashë të ishte i duruar se do të luante, dhe më vjen mirë që kisha të drejtë për të. Ka shpërthim, di të shënojë, të dalë në kundërsulm”, u shpreh pas fitores trajneri i Dinamo Zagreb, Mario Kovaçeviç.

Ndërkohë ish-trajneri i klubit kroat, Sergej Jakiroviç, ishte ai që këmbënguli për ta transferuar sulmuesin shqiptar te Dinamo Zagreb.

“Çfarëdo që të them për Arbërin është si të harxhoj fjalët, sepse e njoh shumë mirë atë djalë dhe ishte iniciativa ime që erdhi te Dinamo Zagreb. Sa herë më kanë tallur kur e kam quajtur ‘raketë’, por unë e di mirë çfarë kam thënë dhe qëndroj pas çdo fjale. Dua të theksoj se ai vetë kishte dëshirë të madhe për të ardhur te Dinamo Zagreb, më tha se do të vinte për fazën përgatitore sidoqoftë dhe do të nënshkruante çfarëdo të ishte, vetëm që të bëhej pjesë e jona. Do të veçoja edhe faktin se një pjesë të madhe të punës e ka bërë Robert Markulin nga Slaven Belupo, të cilin e falenderoj edhe në këtë rast, sepse Dinamo Zagreb sot ka një lojtar me karakter dhe cilësi të shkëlqyera”, tha ai.

“Personalisht doja ta sillja Arbërin te Hull Siti këtë verë, por për shkak të bllokimit të merkatos nuk ishte e mundur. Kjo ju tregon mjaftueshëm se çfarë mendoj për të”, vazhdoi ai./S.K/KP/

 

Continue Reading

Lajmet

Ismajli ulet në fushë dhe kërkon zëvendësim në Kombëtaren e Shqipërisë

Published

on

Ardian Ismajli ka shfaqur shqetësim në ndeshjen që Torino po luante ndaj Parmës. Mbrojtësi i Kombëtares kërkoi menjëherë zëvendësim në minutën e 75-të, pasi e kishte të pamundur të vazhdonte.

Torino ishte në disavantazh 2 me 1, pikërisht në transfertën e Parmës që ka vlerë për javën e pestë të Seria A.

Ismajli mungoi në fillimin e kampionatit për shkak të njëdëmtimi, ndërsa tashmë fati i keq duket se po e ndjek sërish.

Përpara kujtojmë se është edhe sfida delikate e Kombëtares me Serbinë, ku në tetor do të vendoset, nëse Shqipëria do të vazhdojë të arrijë për t’u kualifikuar në Botërorin 2026./S.K/KP/

Continue Reading

Të kërkuara