Sport

Conte: Arsenali e meriton të jetë lider i tabelës

Skuadra e Contes, ndërkohë, mbetet në vendin e pestë me 33 pikë.

Published

on

Trajneri i Tottenhamit, Antonio Conte beson se Arsenali dhe Manchester City janë dy skuadrat e vetme që mund të luftojnë për titullin e Premierligës pas humbjes 2-0 të së dielës ndaj “Gunners” në derbin e Londrës Veriore .

Skuadra e Contes, ndërkohë, mbetet në vendin e pestë me 33 pikë nga 19 ndeshje pesë pikë prapa Manchester United.

Duke folur për mediat pas ndeshjes, Conte këmbënguli se ai nuk ishte i zhgënjyer me performancën e ekipit të tij kundër një prej skuadrave që ai mendon se janë përfshirë në një garën për titull.

“Sa i përket paraqitjes, nuk jam i zhgënjyer. Nuk jam i zhgënjyer sepse e dinim që loja mund të ishte vërtet e vështirë sepse Arsenali është një ekip vërtet, vërtet i fortë dhe gjithashtu sonte tregoi se e meriton të qëndrojë në krye të ligës. meritojnë të jenë pretendentë për titull”, tha Conte në konferencën e tij për shtyp pas ndeshjes.

“Për mendimin tim Arsenali dhe City janë dy skuadrat e vetme që mund të luftojnë për Premier Ligën këtë sezon. Në të njëjtën kohë jam pak i zhgënjyer për mënyrën se si humbëm”, shtoi ai.

Disa ditë pasi njoftoi tërheqjen e tij nga futbolli ndërkombëtar, fituesi i Kupës së Botës Lloris bëri një tjetër gabim me fanellën e Tottenhamit, duke devijuar krosin e Bukayo Sakas në rrjetën e tij pas 14 minutash.

Megjithatë, besimi i Contes te 36-vjeçari mbetet i fortë si kurrë më parë, duke thënë, “Në këtë situatë është gjithmonë e vështirë. Mendoj se nuk është pozitive të fokusohesh vetëm në një apo dy situata. Unë e di se futbolli është ky dhe ndonjëherë mund të bësh maksimumin dhe të shpëtosh shumë situata, por sinqerisht e konsideroj Hugon një nga portierët më të mirë në botë dhe kjo mund të ndodhë”, tha në fund italiani.

Sport

Nga sfidat e një atleti e deri tek problemi shëndetësor që pati, intervistë ekskluzive me Tirron Mamusha

Published

on

n’Ritëm ka zhvilluar intervistë me atletin nga Gjakova, Tirron Mamusha me të cilin diskutuam për garat e fundit, sfidat por dhe sukseset e profesionit të tij.

Ai më tutje ndau me dëgjuesit e Campus Radio momente nga jeta private duke zbuluar se pati një lëndim dhe kaloi rreth 6 muaj të vështirë e madje nuk pati shpresë se do i’a arrijë që të vrapojë përsëri.

Duke qenë një ndër atletët që premton shumë, Tirroni pohon faktin se motivohet nga njerëzit që e rrethojnë dhe se kur ndodhet në garë ajo që e mendon është vetëm të jetë në Top 3.

Campus Radio-n mund ta dëgjoni në 100.7FM dhe në platformë online:

TUNE IN: https://www.ubt-uni.net/sq/media-dhe-evente/ubt-radio-kampusi/

/UBT News/

Continue Reading

Sport

​Prishtina 01 fituese e Kupës së Kosovës në futsall

Published

on

By

Finalja e Kupës së Kosovës në futsall dhuroi spektakël të vërtetë në Pallatin e Rinisë dhe Sporteve në kryeqytet, ku FC Prishtina 01 doli fituese ndaj FC Vjosa me rezultat 5:4, pas vazhdimeve. Në një atmosferë elektrizuese në një palestër po thuajse të stërmbushur me tifozë, të dyja skuadrat ofruan një prej ndeshjeve më emocionuese të këtij edicioni.

Pjesa e parë përfundoi në barazim, 2:2. Për Prishtinën 01 dy herë realizoi Drilon Maxharraj, ndërsa për Vjosën shënuan Jetmir Gashi dhe Jesus Rivas.

Në pjesën e dytë, Halim Selmanaj dhe Ramadan Alaj i dhanë epërsinë Prishtinës me rezultat 4:2, por Vjosa reagoi fuqishëm. Fillimisht, Jesus Vidal ngushtoi rezultatin në 4:3, ndërsa në sekondat e fundit një autogol i Melos Kelmendit barazoi gjithçka në 4:4, duke çuar ndeshjen në vazhdime.

Në vazhdimet dy herë nga 5 minuta, Fitim Krasniqi shënoi golin vendimtar për 5:4, duke i siguruar FC Prishtina 01 trofeun e çmuar të Kupës së Kosovës në futsall. Ky është trofeu i katërt për këtë skuadër në këtë garë dhe i treti radhazi.

Spektakli i mbrëmjes u zbeh kur kishin mbetur 25 sekonda deri në fund të vazhdimeve, kur skuadra e Vjosës refuzoi ta vazhdojë lojën në shenjë pakënaqësie ndaj një vendimi të gjyqtarëve. Kjo shkaktoi reagime edhe nga tifozët e shumtë të Vjosës, të cilët hodhën gjësende në parket. Gjyqtarët pritën për pesë minuta rikthimin e ekipit në fushë, por kjo nuk ndodhi, dhe më pas dhanë shenjë për përfundimin e ndeshjes.

 

Continue Reading

Sport

Akil Gjakova mbetet pa medalje në Evropianin e xhudos

Published

on

Akil Gjakova ka mbetur pa medalje në Kampionatin Evropian të xhudos, i cili po mbahet në Podgoricë të Malit të Zi.

Pasi u eliminua në çerekfinale, garuesi kosovar u mposht edhe në meçin e parë të repesazhit, përmes së cilit po e kërkonte medaljen e bronztë.

Akili humbi me Ippon nga hungarezi Daniel Szegedi në kategorinë deri në 73 kilogramë. Në çerekfinale Gjakova u mposht në çerekfinale nga gjeorgjiani Lasha Shavdatuashvili në një meç maratonik. Gjakova e kishte kaluar rrethin e parë pa luftë, ndërsa në atë të dytë e mposhti francezin Maxime Gobert.

Në xhiron e tretë, ai fitoi kundër moldavit Victor Sterpu, për t’u ndalur më pas në çerekfinale dhe në repesazh, dje garoi edhe xhudisti tjetër kosovar, Dardan Cena, i cili u ndal në të tetën e finales. Kosova e mbylli eksperiencën në Evropianin e xhudos me një medalje, atë të artë të fituar dje nga Distria Krasniqi.

Më herët dje, në rrethin e parë u eliminua garuesja tjetër kosovare, Laurine Gashi.

Continue Reading

Sport

Xherdan Shaqiri për mentalitetin e tij: Në fushë jam shqiptar, në jetën e përditshme zviceran!

Published

on

Futbollisti i Baselit, Xherdan Shaqiri së fundmi ishte në një intervistë në emisionin “Blu Sport” në Zvicër.

Shaqiri bëri një deklaratë të fuqishme që ka nxitur shumë reagime në rrjetet sociale.

Ish-lojtari i Liverpoolit tha se në fushë është një shqiptar i vërtetë, kurse në jetën e përditshme një zviceran.

“Unë jam shqiptar në fushën e futbollit, zviceran në jetën e përditshme”, u shpreh Shaqiri.

33-vjeçari nga Zhegra e Gjilanit gjatë këtij sezoni ka zhvilluar 32 ndeshje me Baselin, ka shënuar 16 gola dhe ka bërë 18 asiste.

Continue Reading

Të kërkuara