Sport

Conor McGregor prezanton jahtin 50m të gjatë, me rrëshkitse ajri dhe fushë golfi (fotot)

Published

5 years ago

on

Luftëtari i arteve të përziera marciale Conor McGregor është duke u rekuperuar nga dëmtimi tij në kavilje në super-jahtin e tij 50 metra të gjatë, që mburet me një rrëshkitëse ajri deri në det dhe një fushë golfi pluskuese.

Ashtu si dhe rivali i tij i ringut rival Floyd Mayweather, Conor McGregor nuk ka hezituar kurrë të shfaqë trofetë e pasurisë së tij ekstreme.

Gjatë gjithë karrierës së tij në kategorinë e dyluftimeve UFC, McGregor është mburrur rregullisht për pasurinë e tij, edhe pse tashmë ka vetëm një fitore që prej vitit 2016. Gjithsesi profilet e tij në rrjetet sociale janë të mbushura me pamje nga makinat luksoze, veshjet e firmave të luksit dhe superjahtet.

Më së fundmi irlandezi tregon në rrjetet online jahtin e ri 50 metra të gjatë, të cilin e përshkruan si “hapi im  parë në lojën e super-jahteve”.

Në një seri postimesh McGregor shpërndan foto e video të mjetit gjigand duke u mburrur me lehtësirat në bordin e tij.

“Kuvertë e trefishtë. ky superjaht është hapi im i parë në botën e super-jahteve. Ka pishinë me ujë deti, mund të ecësh gjatë gjithë perimetrit të tij, e sigurtë dhe për fëmijët”, thotë McGregor.

Pas dëmtimit të rëndë në kavilje që pësoi në duelin me Dustin Poirier muajin e kaluar McGregor thotë se do të rekuperohet me stil në jahtin e tij, edhe pse për momentin gjendet në hotelin Beverly Hills në Los Angeles.

Ai ka postuar foto nga stërvitja në palestrën e hotelit, me një peshë të rëndë të varur nga mesi i këmbëve të tij, teksa mban protezë mbrojtëse në këmbën e majtë.

Në të tjera pamje ai shihet duke ecur me paterica apo duke bërë pompa toke me muzikën e Bruno Mars’ “Versace on the Floor” në sfond.

Related Topics:
Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

2 hours ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

6 hours ago

on

November 13, 2026

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

6 hours ago

on

November 13, 2026

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

6 hours ago

on

November 13, 2026

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara