Teknologji

Coinbase shkurton për herë të dytë vendet e punës

Gjiganti amerikan i kriptove po kërkon të ulë shpenzimet.

Published

3 years ago

January 12, 2023

Betim Gashi

Coinbase do të shkurtoje 950 vende pune ose 20 përqind të fuqisë punëtore si dhe të mbyllë disa projekte ndërsa gjiganti amerikan i kriptove po kërkon të ulë shpenzimet.

Është raundi i dytë i largimeve nga puna pasi i pari braktisi 18% të fuqisë punëtore ose afro 1,100 vende pune. CEO dhe bashkëthemeluesi i Coinbase, Brian Armstrong ishte shprehur e nuk ekzistonte mënyrë tjetër për të reduktuar kostot dhe shpenzimet.

Ai tha këto dy lëvizje do të ulin kostot e kompanisë me 25% brenda tre muajve të ardhshëm. Kompania llogarit që shpenzimet pas ristrukturimit do të ulen me 149 deri në 163 milionë dollarë.

Në raportet e fundit financiare kompania llogariti humbje prej 500 milionë dollarë për vitin e kaluar. Ndërsa kompanitë në industri të tjera në mënyrë agresive po marrin masa për të ulur kostot, bursa të tjera kanë bërë të njëjtën gjë si Coinbase.

Kraken kishte thënë se do të largonte 1,100 punonjës ose 30% të fuqisë punëtore.

Armstrong tha se industria kripto po vuan për fajin e disa aktorëve të paskrupullt që me shumë gjasa po i referohej Sam Bankman-Fried dhe themeluesve të fondit Three Arrows Capital Kyle Davies dhe Su Zhu.

Gjatë vitit të kaluar vlera e aksioneve të Coinbase ka rënë me 83%. Armstrong nuk specifikoi se cilat projekte firma ka planifikuar të mbyllë. /CIO Albanian

Teknologji

Tesla lanson versionin më të lirë të Model 3 në Evropë për të rritur shitjet

Published

4 hours ago

December 8, 2025

UBT News

Tesla ka sjellë në Evropë versionin me çmim më të ulët të Model 3, duke synuar të ringjallë shitjet pas reagimeve negative ndaj angazhimit të Elon Musk me Donald Trump dhe dobësimit të kërkesës për automjete elektrike.

Modeli i ri 3 Standard është i listuar me çmim prej 37,970 euro dhe ofron një rreze veprimi mbi 480 km, pavarësisht se ka hequr disa nga karakteristikat premium të versioneve më të shtrenjta.

Ky lëvizje vjen pas lansimit të SUV Model Y me çmim më të ulët, në Evropë dhe SHBA, duke synuar të tërheqë gamë më të gjerë blerësish.

Shitjet e Teslës në Evropë kanë pësuar rënie, ndërsa kompania përballet me konkurrencë të fortë nga prodhuesi kinez BYD, i cili për herë të parë e ka tejkaluar Teslën në tregun evropian gjatë pranverës.

Mbështetja e Musk për fushatën e Trump dhe angazhimi në administratën e mëparshme ka shkaktuar reagim negativ nga blerësit. /A.Z/UBT News/

Teknologji

Smartphone-i Edge 70 vjen me stil të sofistikuar dhe kristale Swarovski

Published

6 hours ago

December 8, 2025

UBT News

Motorola ka prezantuar një version të ri të smartphone-it Edge 70, pas lansimit fillestar në tetor me tre ngjyra Pantone: Gadget Grey, Lily Pad dhe Green Bronze.

Ky edicion i ri vjen me një nuancë të veçantë, që shënon ngjyrën Pantone të vitit 2026, e quajtur Cloud Dancer.

Kjo ngjyrë përshkruhet si “një bardhësi e ajrosur që sjell qartësi në vend të rrëmujës, butësi në vend të spektaklit dhe prezencë në vend të presionit”. Cloud Dancer “vepron qetësues dhe frymëzues, duke reflektuar balancën dhe sofistikimin në mënyrë perfekte”.

Një veçori e veçantë e këtij edicioni janë kristalet Swarovski, të cilat ofrojnë “një detaj eterik që i lejon kreativitetit të marrë frymë dhe thellon fokusin, duke rikthyer qetësinë në xhepa, pëllëmbë dhe jetën digjitale”.

Smartphone-i pritet të dalë në tregje të përzgjedhura në mbarë botën, megjithatë çmimi e data e saktë nuk janë zbuluar. /A.Z/UBT News/

Teknologji

Apple drejt marrëveshjes së re me Intel për prodhimin e çipave

Published

7 hours ago

December 8, 2025

UBT News

Apple përdorte për vite me radhë çipat e Intel në laptopët dhe kompjuterët desktop, por u largua prej tyre pasi kompania lançoi çipat e saj të serisë M, të dizajnuar plotësisht brenda Apple.

Tani duket se dy kompanitë janë pranë një marrëveshjeje të re, por këtë herë rolet do të jenë të ndryshme. Intel nuk do të ketë asnjë rol në fazën e projektimit, ai shërben vetëm si prodhues çipash për Apple.

Apple synon të mos mbështetet tërësisht te TSMC për prodhimin e çipave të saj, dhe Intel paraqet një alternativë të rëndësishme.

Sipas analistit të GF Securities, Jeff Pu, pritet që Apple dhe Intel të arrijnë një marrëveshje për prodhimin e një pjese të çipave të serisë A për modelet iPhone jo-Pro, duke filluar nga viti 2028.

Fillimisht, Intel do të prodhonte vetëm një përqindje të vogël të këtyre çipave, ndërsa TSMC do të mbetet furnizuesi kryesor.

Muajin e kaluar, analisti Ming-Chi Kuo raportoi se Intel pritet të nisë prodhimin e çipave të serisë M të Apple për modelet më të ulëta të Mac dhe iPad, duke filluar nga mesi i vitit 2027.

Për prodhimin e këtyre çipave të serisë M, Apple do të përdorë procesin e avancuar 18A të Intel, i cili konsiderohet si teknologjia më e hershme nën 2nm e prodhuar ndonjëherë në Amerikën e Veriut. /A.Z/UBT News/

Teknologji

Netflix bëhet pronar i Warner Bros dhe HBO pas marrëveshjes gjigante

Published

3 days ago

December 5, 2025

UBT News

Netflix ka fituar garën për blerjen e “Warner Bros.” dhe “HBO” në një marrëveshje prej rreth 72 miliardë dollarësh (plus borxhin), një lëvizje që mund të riformësojë rrënjësisht industrinë e Hollywoodit.

Megjithatë, marrëveshja pritet të hasë rishikim të rreptë rregullator në SHBA dhe jashtë saj.

“Warner Bros. Discovery” synon të ndahet në dy kompani të veçanta në vitin 2026: Netflix do të blejë pjesën “Warner”, ndërsa “Discovery Global” do të mbajë CNN-in dhe kanalet e tjera kabllore.

Paramount konsiderohej pretendent kryesor, madje me mbështetje politike nga presidenti amerikan Donald Trump, por Netflix e kaloi me një ofertë më agresive dhe duke pranuar të njëjtën tarifë të lartë “breakup fee” në rast dështimi të marrëveshjes.

Shumë politikë dhe figura të industrisë kanë shprehur shqetësime për ndikimin në konkurrencë dhe në kinematë tradicionale.

Netflix thotë se asetet e WBD-së janë plotësuese dhe premton të ruajë publikimet teatrale për filmat e “Warner Bros.” Sipas analistëve të Bank of America, nëse blerja finalizohet, Netflix do të bëhet fuqia dominuese e padiskutueshme në botën e transmetimit. /A.Z/UBT News/