Lajmet

​Çmimet e naftës drejt 80 dollarëve, fokusi është ngushtica e Hormuzit

Tregjet u tronditën këtë javë nga përshkallëzimi i krizës në Detin e Kuq.

Published

on

Çmimet e naftës u ngritën sot në tregjet ndërkombëtare drejt 80 dollarëve pasi investitorët kanë frikë nga përshkallëzimi i konfliktit në Lindjen e Mesme dhe ndërprerje në transportin e naftës përmes ngushticës së Hormuzit.

Në tregun e Londrës, çmimi i një fuçie pas mesditës ishte më i lartë me 2.21 dollarë se në mbylljen e djeshme të tregtisë dhe arriti në 79.62 dollarë. Në tregun amerikan një fuçi u tregtua me një çmim më të lartë prej 2.13 dollarë, nga 74.15 dollarë.

Tregjet u tronditën këtë javë nga përshkallëzimi i krizës në Detin e Kuq.

Në fund të vitit të kaluar, Houthi jemenas, të cilët e quajnë veten Ansar Allah, filluan të sulmojnë anijet tregtare të lidhura me Izraelin në ngushticën Bab al-Mandab në hyrje të Detit të Kuq për të treguar mbështetje për Hamasin palestinez në konfliktin me Forcat e armatosura izraelite në Rripin e Gazës.

Natën e së enjtes deri të premten, SHBA dhe Britania u përgjigjën me sulme ndaj objektivave ushtarakë në Jemen të lidhura me grupin, i cili njoftoi përgjigjen. Përshkallëzimi ka nxitur frikën në tregun e naftës se konflikti midis Izraelit dhe Hamasit mund të përhapet në të gjithë rajonin dhe të ndërpresë furnizimet.

Pasojat e një pezullimi më të gjerë të rrjedhës së naftës përmes ngushticës së Hormuzit do të ishin deri në tre herë më të forta se goditjet e çmimeve të viteve ’70.

Ngushtica e Hormuzit, e cila kontrollohet nga Irani, është një pikë e rëndësishme në rrugët e trafikut në Lindjen e Mesme. Dje, Marina iraniane kapi një cisternë që po transportonte naftë bruto irakiane me destinacion Turqinë në jug të ngushticës.

“Pasojat e një pezullimi të mundshëm më të gjerë të rrjedhave të naftës përmes ngushticës së Hormuzit do të ishin deri në tri herë më të forta se goditjet e çmimeve të viteve 1970 dhe dyfishi i ndikimit të luftës së Ukrainës në tregun e gazit dhe do të shtoheshin në gjendjen tashmë të brishtë në zinxhirët e furnizimit dhe nivelet e inventarit”, tha Saul Kavonic nga MST Marquee.

Më shumë se 20 milionë fuçi naftë kalojnë çdo ditë përmes ngushticës së Hormuzit, që korrespondon me afërsisht një të pestën e konsumit total global, thonë analistët e ING në një shënim.

Eksportuesi kryesor i naftës Arabia Saudite bëri thirrje për përmbajtje dhe shmangie të përshkallëzimit

Presidenti Joe Biden tha se sulme në Jemen janë një mesazh i qartë se SHBA dhe partnerët nuk do të tolerojnë sulmet ndaj personelit të saj ose të lejojnë aktorët armiqësorë të kërcënojnë lirinë e lundrimit.

Një zëdhënës i Houthi u përgjigj se grupi do të vazhdojë të synojë anijet që shkojnë drejt Izraelit.

Eksportuesi kryesor i naftës, Arabia Saudite bëri thirrje për përmbajtje dhe shmangie të përshkallëzimit, duke shtuar se po monitoron situatën me shqetësim të madh.

Organizata e Vendeve Eksportuese të Naftës (OPEC) njoftoi se dje çmimi i një fuçie të shportës së naftës të anëtarëve të saj ka rënë lehtë, në 78.88 dollarë.

Aktualitet

Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis

Published

on

Profesori i Fakultetit të Studimeve të Sigurisë në UBT, Bahri Gashi, është ftuar të kontribuojë si recensues i punimeve shkencore ndërkombëtare në një nga platformat më prestigjioze botërore të botimeve akademike, Taylor & Francis, me seli në Mbretërinë e Bashkuar.

Në këtë rol të rëndësishëm, profesori Gashi do të angazhohet në recensimin e artikujve shkencorë në fusha strategjike si:

  • Inteligjenca dhe Kundërinteligjenca;
  • Siguria Kombëtare;
  • Mbrojtja dhe Politikat e Sigurisë.

Kontributi i tij do të jepet në kuadër të revistës akademike të specializuar “International Journal of Intelligence and CounterIntelligence”, një revistë e indeksuar në platformat më të larta ndërkombëtare të certifikimit shkencor, e cila gëzon reputacion të lartë në komunitetin akademik dhe profesional të sigurisë.

Ky angazhim i profesorit të UBT-së është një dëshmi e qartë se UBT po fuqizon gjithnjë e më shumë praninë e tij në skenën ndërkombëtare të kërkimit shkencor, duke rritur besueshmërinë e akademikëve të saj dhe duke kontribuar në zhvillimin e fushave të rëndësishme për sigurinë dhe mbrojtjen në nivel global.

Continue Reading

Aktualitet

​Kransiqi i LVV-së në KQZ me aksion simbolik pas vendimit të PZAP-së për Listën Serbe

Published

on

Në mbledhjen e sotme të Komisionit Qendror të Zgjedhjeve anëtari i saj nga radhët e Lëvizjes Vetëvendosje, Alban Krasniqi në hyrje të mbledhjes vendosi mbishkrimin “Po pluralizmit, jo terrorizmit”. Ky veprim i Krasniqit erdhi pas vendimit të Panelit Zgjedhor për Ankesa dhe Parashtresa, i cili kërkoi nga Komisioni Qendror i Zgjedhjeve të certifikojë Listën Serbe për pjesëmarrje në zgjedhjet lokale të 12 tetorit 2025.

Gjatë kësaj mbledhje, me qëllim të përmirësimit të listave votuese, u miratua edhe largimi i 1 mijë e 514 personave të vdekur.

Arianit Elshani, udhëheqës i Këshillit i Operacioneve Zgjedhore, tha se shifra në fjalë është verifikuar bashkë me zyrtarët ekzekutiv të Komisioneve Komunale të Zgjedhjeve.

“Bëhet fjalë për 1 mijë e 514 persona të evidentuar si të vdekur të cilët në bazë të verifikimeve që janë bërë nga zyrtarët ekzekutiv të Komisioneve Komunale të Zgjedhjeve në terren, ku kanë marrë përsipër një listë të personave që janë mbi 95 vjeç dhe figurojnë në listën votuese”, tha ai.

E me kërkesë të qytetarëve të lagjes “Marigona Residence”, Komisioni Qendror i Zgjedhjeve miratoi edhe hapjen e qendrës së re të votimit në këtë lagje.

Elshani tha se kjo ka qenë kërkesë e 260 votuesve dhe se qendra e votimit do të jetë në shkollën “Internacional School of Prishtina-ISP”.

“Bëhet fjalë për shkollën ‘Internacionale School of Prishtina – ISP’ që gjendet në lagjen Marigona këta votues kanë qenë të alookuar për të votuar në një qendër tjetër të votimit në fshatin Peroc në ‘Miladin Mitiq’, mirëpo është kërkuar një numër prej 260 votuesve në këtë rast ekziston mundësia me u bartë në këtë qendër të votimit”, deklaroi ai.

Në këtë mbledhje u votua edhe udhëzimi për votimin e Personave me Nevoja të Veçanta (VPNV), i cili synon lehtësimin dhe garantimin e të drejtës kushtetuese për të votuar për të gjithë qytetarët pa përjashtim dhe ka për qëllim të përcaktojë mënyrën e regjistrimit, evidentimit dhe votimit të Peronave me Nevoja të Veçanta, të cilët nuk mund të votojnë në vendvotimin e tyre.

 

Continue Reading

Aktualitet

Kosova humb 114 milionë euro për energji, Shoqata e Prodhuesve fajëson institucionet

Published

on

Shoqata e Prodhuesve Vendor ka reaguar ashpër pas lajmeve se Kosova ka humbur 114 milionë euro nga projektet e Bashkimit Evropian të dedikuara për fushën e energjisë, si pasojë e sanksioneve të vendosura nga BE-ja.

Përmes një reagimi në Facebook, përfaqësuesi i shoqatës, Kushtrim Ajvazi, ka kritikuar institucionet e vendit për, siç e quan ai, dështimin në ruajtjen e interesit shtetëror dhe ekonomik.

“Për informaten tuaj, Kosova ka humbur 114 milionë € projekte në fushën e energjisë nga sanksionet e BE-së. Këto mjete ishin të destinuara për zhvillim dhe stabilitet të furnizimit energjetik”, ka shkruar Ajvazi.

Ai ka hedhur poshtë arsyetimin e institucioneve që dalja e Kosovës në tregun e lirë të energjisë ishte një kusht nga BE-ja.

“Mos e përdorni më arsyetimin se e kemi pas kusht nga BE-ja me dalë në treg të lirë, se është marre për juve”, ka përfunduar ai

Continue Reading

Aktualitet

UBT ofron Master në Psikologji me standarde evropiane

Published

on

UBT ofron programin Psikologji në nivelin Master, i cili synon përgatitjen e profesionistëve të aftë për të kuptuar mendjen dhe sjelljen njerëzore, si dhe për t’u shërbyer individëve dhe komunitetit në fusha të ndryshme të shëndetit mendor.

Ky program dyvjeçar, i akredituar sipas standardeve më të larta evropiane, ofron njohuri dhe përvojë praktike në psikologjinë klinike, këshilluese, edukative dhe organizative. Studentët mësojnë teknika të avancuara të vlerësimit psikologjik, terapitë moderne, si dhe metodologjitë kërkimore të cilat u japin atyre kompetencat e nevojshme për t’u bërë pjesë aktive e zgjidhjes së sfidave psiko-sociale.

Misioni i programit

Programi ka për qëllim të edukojë dhe fuqizojë psikologët e ardhshëm përmes një kurrikule kërkimore, duke promovuar praktikën etike, të menduarit kritik dhe ndjeshmërinë kulturore. Theksi vihet te përgatitja e profesionistëve që do të kontribuojnë jo vetëm në shëndetin mendor dhe kërkimin shkencor, por edhe në zhvillimin e politikave të nivelit kombëtar e ndërkombëtar.

Çfarë ofron Masteri në Psikologji?

  • Kurse të specializuara në psikologji klinike, këshillim, psikologji zhvillimore dhe sociale
  • Një kurrikulë të përputhur me standardet EuroPsy
  • Praktika në institucione shëndetësore, shkolla, organizata joqeveritare dhe komunitete
  • Pjesëmarrje në projekte kërkimore dhe punë në terren
  • Përfshirje në aktivitete të komunitetit me fokus në shëndetin mendor

Karrierë dhe ndikim shoqëror

Diplomuarit e këtij programi janë të përgatitur për një gamë të gjerë rolesh profesionale, nga psikoterapia dhe këshillimi, deri te politika publike dhe hulumtimi shkencor. Ata do të jenë në gjendje të kryejnë vlerësime e ndërhyrje psikologjike, të hartojnë projekte kërkimore, të promovojnë shëndetin mendor në komunitet dhe të ndikojnë në hartimin e politikave sociale dhe shëndetësore.

Stafi dhe kërkimi shkencor

Fakulteti i Psikologjisë në UBT kontribuon në një kulturë të gjallë akademike dhe kërkimore, në përputhje me Strategjinë e Kërkimit 2024–2029. Programi synon zhvillimin e projekteve ndërdisiplinore, bashkëpunimet globale dhe botime shkencore, duke e vendosur Kosovën në hartën ndërkombëtare të studimeve psikologjike.

UBT bashkëpunon ngushtë me institucione shëndetësore dhe organizata të komunitetit për të zhvilluar iniciativa në shëndetin mendor, trajnime profesionale dhe konsultime. Deri në vitin 2029, Masteri në Psikologji synon të jetë:

  • Lider kombëtar në kërkimin dhe trajnimin psikologjik
  • Partner i njohur në Evropën Juglindore
  • Qendër e konferencave dhe botimeve ndërkombëtare
  • Promovues i mirëqenies psiko-sociale nëpërmjet arsimit cilësor dhe përfshirjes në komunitet

Struktura e studimeve

Programi ofron një kurrikulë të balancuar midis teorisë dhe praktikës, me lëndë të avancuara si Psikologji Klinike dhe Psikoterapi, Psikologji Kognitive, Psikopatologji, Psikometri, Etikë në Psikologji dhe përfundon me tezën e masterit dhe praktikën profesionale.

APLIKO TANI ONLINE!

Continue Reading

Të kërkuara