Çka janë vrimat e vogla që shfaqen në bluza?

Published

2 hours ago

October 30, 2024

Albina Zeneli

Një grua ka mbetur e habitur me disa vrima të vogla që shfaqen vazhdimisht në fund të bluzave të bashkëshortit të saj.

Siç duket, më në fund është kuptuar arsyeja pse, dhe përgjigjja nuk është aq misterioze sa mund të mendoni, shkruan The Mirror.

E habitur nga vrimat e çuditshme, të cilat vazhduan të shfaqeshin vazhdimisht tek bluzat e burrit të saj, vendosi të pyes njerëzit në internet rreth kësaj.

“Pse ndodh vazhdimisht me bluzat e bashkëshortit tim? Sinqerisht, ai blen një bluzë të re dhe brenda ditës ka vrima aty. Të gjitha rrobat e mia janë të paprekura”, shkroi një grua.

Sipas stilistes, Alison Gary, arsyeja pse kjo ndodh është për shkak të fërkimit ndaj pajisjeve metalike – të tilla si zinxhirët ose rripat.

“Vrimat zakonisht shkaktohen nga fërkimi ndaj pjesës metalike në xhinse”, shpjegoi ekspertja.

Related Topics:bluza ferkimi metalike vrima xhinse

Don't Miss

Do të ju befasojë, ky vend i rajonit e ka pagën mesatare më të lartë

Published

3 hours ago

October 30, 2024

Albina Zeneli

Paga mesatare dallon nga vendi në vend, por rroga mujore neto e dërguar për punonjës në gusht në Kroaci, i vetmi vend anëtar i BE-së nga rajoni, ishte 1.324 euro, që është 11,8 për qind më shumë krahasuar me vitin e kaluar në të njëjtën periudhë.

Paga mesatare në maj të vitit 2024 në Mal të Zi ishte 832 euro, që është 4,9% më shumë krahasuar me të njëjtën periudhë të vitit 2023.

Kurse, në Serbi, kjo pagë mesatare është 96.649 dinarë serbë apo 824 euro, njoftoi Enti Republikan i Statistikave, paga mesatare është më e lartë për 14,6 për qind krahasuar me të njëjtën periudhë të vitit 2023.

Paga mesatare neto e paguar në Bosnjë e Hercegovinë gjatë gushtit të këtij viti është 1.392 marka të konvertueshme ose 708 euro, që është rënie prej 0,8% krahasuar me korrikun e të njëjtit vit.

Të dhënat e Entit Shtetëror të Statistikave të Maqedonisë së Veriut tregojnë se paga mujore neto e paguar për punonjës, në gusht 2024, është 41.097 denarë (668 euro), kjo do të thotë se paga mesatare neto është 12,9 për qind më e lartë krahasuar me të njëjtin muaj të vitit të kaluar.

Përndryshe, në vendet e rajonit Kosova ka pagën mesatare më të ulët dhe, sipas të dhënave të Agjencisë së Statistikave, është 570 euro. /UBTNews/

Kuriozitete

A e dini sa kilogramë sheqer konsumoni për 1 vit?

Published

3 hours ago

October 30, 2024

Albina Zeneli

Konsumi i sheqerit është rritur dukshëm në dekadat e fundit pasi është një përbërës kyç në shumë ushqime dhe pije të përpunuara.

Pavarësisht se ekspertët paralajmërojnë shpesh për rreziqet si: Obeziteti, diabeti dhe sëmundjet kardiovaskulare zgjedhjet tona ushqimore mbeten të ngarkuara me sheqerna.

Një studim nga Talker Research zbulon se sa sheqer konsumon një person çdo vit dhe efektet shëndetësore që i shkakton. Sipas rezultateve individi konsumon rreth 36 kilogramë sheqer, gjë që është tronditëse dhe në të njëjtën kohë ngre pikëpyetje për efektet e këtij konsumi të tepruar në shëndetin e përgjithshëm.

Kur është më e fortë dëshira për diçka të ëmbël?

Kushtet e zakonshme janë shikimi i filmit (31%), pas ngrënies (vaktit) (31%), për të marrë më shumë energji në mes të ditës (30%) ose pas një dite të keqe (19%).

Koha më e zakonshme që pjesëmarrësit raportuan se ndjenin nevojën sheqer ishte në orën 15:00, është alarmante që personi mund t’i rezistojë një ëmbëlsire, çokollate për vetëm 13 minuta para se të dorëzohet. “Përplasja” e sheqerit, kur energjia bie ndjeshëm, ndodhi rreth 33 minuta pas konsumimit të një ëmbëlsire, ku efektet kryesore ishin lodhja (42%), keqardhja (25%) dhe mungesa e përqendrimit (21%).

Pozitive është që një pjesë e madhe e konsideron hidratimin e rëndësishëm. Në veçanti, më shumë se gjysma e pjesëmarrësve (51%) thanë se po përpiqen të pinë më shumë ujë, me synimin për të reduktuar dëshirat për sheqer dhe për të përmirësuar shëndetin e tyre të përgjithshëm. /UBTNews/

Kulturë

Arkeologji: Arka e Noes gjendet në hartën 3 000-vjeçare prej guri!

Published

4 hours ago

October 30, 2024

UBT NEWS

Një ngjarje e rëndësishme në fushën e arkeologjisë ka ndodhur së fundmi, pasi shkencëtarët kanë arritur të deshifrojnë një hartë të lashtë babilonase, e cila besohet se mund të tregojë vendndodhjen e Arkës së Noes, sipas raportimeve nga nypost.com.

Ky artefakt, i datuar rreth 3,000 vjet më parë, ka tërhequr vëmendjen e arkeologëve për shekuj me radhë, duke mbajtur të fshehura sekretet e tij. Pllaka prej balte, e cila u zbulua në Lindjen e Mesme dhe më vonë u ble nga Muzeu Britanik në vitin 1882, përmban simbole dhe gdhendje që janë studiuar për një kohë të gjatë.

Pjesa e pasme e kësaj pllake ka shkruar disa paragrafë në kuneiform, të cilat përshkruajnë krijimin e Tokës dhe elementet që ekzistonin përtej saj. Shkencëtarët i referohen këtyre gdhendjeve si “Imago Mundi”, një përfaqësim i Mesopotamisë së Lashtë, e njohur si Iraku modern, e rrethuar nga “Lumi i hidhur”.

Pas një muaji të analizave të detajuara, studiuesit janë të bindur se simbolet në pllaka janë referenca të qarta për tregimet biblike, duke sugjeruar se ajo vepron si një çelës sekret që udhëzon udhëtarët për rrugën që duhet të ndjekin dhe rreziqet që mund të hasin gjatë saj. Një pasazh i veçantë në tekst thekson se ata që janë në udhëtim duhet të kalojnë “shtatë lega për të parë diçka që është e trashë si një enë parsiktu”.

Termi “parsiktu” sugjeron dimensionet e një anijeje të nevojshme për të mbijetuar përmbytjen e madhe, duke e lidhur këtë zbulim me shkrimet e tjera të lashta babilonase. Një tjetër pasazh duket se ofron udhëzime për të arritur në “Urartu”, një vend që tradita beson se ishte pika e zbarkimit të një arkë gjigante, sipas poemave të lashta mesopotamiane, që zakonisht quhet Arka e Noes.

Urartu, e njohur edhe si Ararat, ndodhet në majën e një mali në Turqi, dhe sipas besimeve, aty u ul arka pas një periudhe 150-ditore përmbytjeje. Kjo tregon se historia e Arkës së Noes, siç është përshkruar në Bibël, ka një paralel të fortë me mitologjinë babilonase.

Në versionin babilonas, perëndia Ea dërgon një përmbytje për të shkatërruar njerëzimin, përveç një familjeje të caktuar. Utnapishtim, protagonist i këtij tregimi, ndërton arkën e tij dhe mbush atë me kafshë, duke mbijetuar gjatë përmbytjeve të tmerrshme. Pas përfundimit të tyre, ai dhe familja e tij zbarkojnë në majën e Urartu, duke mbyllur kështu një cikël historik që lidhet me legjendat e lashta.

Ky zbulim i ri përfaqëson një hap të rëndësishëm në kuptimin e lidhjeve midis mitologjisë, historisë dhe praktikave të lashta kulturore, duke sjellë në pah rolin e rëndësishëm që këto tregime kanë pasur në formimin e identitetit dhe besimeve të popujve të lashtë./UBTNews/

Kuriozitete

Mënyrat si të parandaloni pluhurin në shtëpi!

Published

22 hours ago

October 29, 2024

Albina Zeneli

Pluhuri është një problem i zakonshëm në çdo shtëpi, i cili formohet kudo: në raftet, qoshet dhe nën mobiljet. Sidoqoftë, ka disa masa të thjeshta që mund të ndihmojnë në minimizimin e tij.

Përdorni tapet për fshirjen e këpucëve, një nga burimet kryesore të pluhurit në shtëpi janë ne vetë. Pluhuri mund të hyjë përmes dritareve, dyerve dhe çarjeve në mure. Vendosja e një tapeti të vogël në hyrjen kryesore mund të ndihmojë në kapjen e pluhurit nga këpucët para se ato të hyjnë brenda.

Mbani dritaret e mbyllura, çdo herë që hapni dritaret, pluhuri ka mundësi të hyjë. Mbyllja e tyre sa më shpesh që të jetë e mundur mund të ndihmojë në reduktimin e sasisë së pluhurit në ambientin tuaj.

Mbani bimë pranë dritareve, nëse nuk mund t’i mbani dritaret gjithmonë të mbyllura, vendosja e bimëve në parvazet e dritareve ose ballkoneve ndihmon në filtrimin e pluhurit. Bimët janë të njohura për aftësinë e tyre për të përmirësuar cilësinë e ajrit.

Pastroni filtrin e kondicionerit çdo tre muaj, filtrat e kondicionerëve mund të grumbullojnë pluhur dhe papastërti me kalimin e kohës. Pastrimi i tyre çdo tre muaj ndihmon në zvogëlimin e ndotjes së ajrit në shtëpi.

Pastroni rregullisht shtratin, shtrati është një vend i njohur për grumbullimin e pluhurit. Pastroni çarçafët, mbulesat dhe jastëkët çdo dy javë dhe sigurohuni që të ajrosni shtratin disa herë në ditë.

Kujdesuni për pastërtinë e kafshëve tuaja, kafshët shtëpiake gjithashtu kontribuojnë në pluhur. Pastroni dhe krihni macet dhe qenushët tuaj, si dhe pastroni shtratin e tyre për të reduktuar qimet dhe papastërtitë.

Merrni një pastrues ajri, një pastrues ajri mund të ndihmojë në përmirësimin e cilësisë së ajrit duke reduktuar ndotësit, përfshirë pluhurin. Ai funksionon duke filtruar ajrin dhe duke mbajtur pluhurin të mbërthyer në filtër.

Me këto masa, mund të minimizoni pluhurin në shtëpinë tuaj dhe të krijoni një ambient më të pastër dhe më të shëndetshëm. /UBTNews/