Shëndet

Çka i ndodh trupit nëse pini ujë më shumë sesa duhet

Published

6 months ago

on

Uji është thelbësor për çdo qelizë të trupit të njeriut, por sasia e tepërt shkakton hidratim të tepërt, gjendje që mund të bëhet serioze

Sa ujë duhet të pirë në ditë?

Nuk ka formulë të saktë për të gjithë. Sipas ekspertëve, nëse pini ujë kur keni etje dhe urina është me ngjyrë të verdhë të çelët, jeni në nivel të mirë hidratimi.

Një udhëzim i përgjithshëm është tetë gota ujë në ditë, por kjo sasi ndryshon sipas aktivitetit fizik, klimës, shëndetit, shtatzënisë ose gjidhënies.

Çfarë ndodh kur pini shumë ujë?

Kur pini sasi të mëdha uji shpejt, kaloni në një gjendje që quhet mbihidratim i lehtë në intoksikim ujor, ose helmim nga uji. Kjo ndodh kur uji hyn me tepricë në qeliza, duke i bërë të fryhen. Kur qelizat e trurit fryhen, përjetoni përgjumje, dhimbje koke, presion të lartë të gjakut ose rrahje të ngadalta të zemrës.

Natriumi, elektrolit i rëndësishëm që ruan ekuilibrin e lëngjeve në trup, bie kur pini shumë ujë, duke shkaktuar një gjendje të rrezikshme të quajtur hiponatremi. Në raste të rënda, kjo mund të çojë në konvulsione, komë ose vdekje.

A ka pasur raste vdekjesh nga pirja e tepërt e ujit?

Rastet më të zakonshme ndodhin në situata ekstreme si gara për pirjen e ujit ose pas një nate që kalohet duke festuar e kërcyer ndërkohë që njeriu djersin e konsumon drogën e quajtur ekstazi.

Kush rrezikohet më shumë?

Gjatë ushtrimeve ekstreme: si maratonat, ku njerëzit pinë shumë ujë nga frika e dehidrimit, në sëmundje; si ato të zemrës, sëmundjet e veshkave, cirroza e mëlçisë, diabeti me sheqer shumë të lartë dhe probleme hormonale si SIADH dhe sëmundja Addison.

Shenjat që tregojnë se po konsumoni ujë së tepërmi:

Urinë e tejdukshme

Shkoni shpesh në tualet (më shumë se 8-10 herë në ditë)

Të përziera, të vjella, diarre

Dhimbje koke pulsuese që nuk kalon

Konfuzion dhe mjegull në tru

Fryrje ose zbardhje e duarve, këmbëve dhe buzëve

Dobësi dhe ngërçe muskulore

Lodhje ekstreme

Po te foshnjat?

Nuk kanë nevojë për ujë shtesë gjatë muajve të parë të jetës, përveç qumështit të gjirit ose formulës. Pirja e tepërt e ujit shkakton irritim, temperaturë të ulët trupore, fryrje të fytyrës, konvulsione dhe urie të tejdukshme. Nëse dyshoni për intoksikim ujor te një foshnjë, duhet të kontaktoni menjëherë mjekun.

Sa ujë duhet pirë?

Gratë nga 19 deri në 30 vjeç, duhet të pinë rreth 2.7 litra ujë në ditë;

Burrat nga 19 deri në 30 vjeç duhet të pinë rreth 3.7 litra ujë në ditë;

Nëse jeni aktiv ose jetoni në klimë të nxehtë, mund të keni nevojë për më shumë ujë;

Sipas WebMD , në këto kushte gratë mund të pinë 3 shishe uji nga 1 litër në ditë dhe burrat mund të pinë 4 shishe uji nga 1 litër në ditë.

Rreth 2 litra ujë nuk është e mjaftueshme për shumicën e njerëzve, sidomos nëse kanë shenja të dehidrimit si etja, urina e errët, marramendja, lodhja, goja e thatë dhe sytë e lodhur.

Related Topics:
Continue Reading

Shëndet

Lajthitë, aleat i zemrës dhe energjisë së përditshme

Published

32 minutes ago

on

December 3, 2025

By

Lajthitë janë një burim i shkëlqyer energjie, të pasura me acide yndyrore të pangopura, vitaminë E dhe vitamina B, si dhe minerale të dobishme.

Konsumimi i tyre ndihmon në parandalimin e sëmundjeve kardiovaskulare, forcimin e kockave, uljen e kolesterolit të keq dhe përmirësimin e shëndetit të muskujve dhe nervave.

Vitamina E mbron lëkurën nga plakja e parakohshme dhe rrezet UV, ndërsa flavonoidet dhe fitosterolët ndihmojnë funksionin vaskular.

Vitamina B6 dhe B9 janë të domosdoshme për sistemin nervor dhe sintezën e hormoneve, ndërsa B2 dhe B3 mbështesin qelizat e kuqe të gjakut dhe sistemin digjestiv.

Lajthitë mund të konsumohen të papërpunuara, të pjekura, në kos, drithëra, ëmbëlsira ose çokollata.

Për të ruajtur freskinë, ruajini të mbyllura në frigorifer.

Sasia e rekomanduar: 20–30 gramë në ditë (rreth 20–25 kokrra), idealisht në mëngjes për energji gjatë ditës. /A.Z/UBT News/

Continue Reading

Shëndet

Një pije e thjeshtë që lufton stresin dhe efektet e ushqimeve të yndyrshme

Published

1 hour ago

on

December 3, 2025

By

Një studim i ri nga Universiteti i Birminghamit tregon se pirja e kakos mund të ndihmojë zemrën dhe trurin të rikuperohen më shpejt nga efektet e stresit, veçanërisht pas konsumit të ushqimeve të yndyrshme.

Studiuesit zbuluan se ushqimet me yndyrë pengojnë funksionin vaskular dhe oksigjenimin e trurit gjatë stresit, duke vonuar rikuperimin.

Flavanoli epikatehin në kakao ndihmon në relaksimin e enëve të gjakut, përmirëson qarkullimin dhe ul presionin e lartë të gjakut, një reagim i zakonshëm ndaj stresit.

Në studim morën pjesë 23 të rinj të shëndetshëm, të cilëve u dhuroheshin vakte të yndyrshme e pije kakao me përmbajtje të lartë ose të ulët epikatehini, para testimeve. Grupi me kakao të pasur me epikatehin rikuperoi më shpejt funksionin vaskular pas stresit.

Dr. Katarina Rendeiro shpjegon se yndyra vonon rikuperimin për shkak të rritjes së triglicerideve dhe proteinës C-reaktive, që ulin prodhimin e oksidit nitrik, një molekulë e rëndësishme për zgjerimin e enëve të gjakut. Epikatehini në kakao ndihmon pikërisht këtë proces.

Përveç kakos, edhe çaji jeshil, manaferra, rrushi dhe korja e mollës ndihmojnë në rritjen e oksidit nitrik dhe reduktimin e stresit oksidativ.

Studiuesit sugjerojnë:

5.5 lugë kakao të papërpunuar

2 filxhanë çaj jeshil

300 g manaferra

Për të arritur sasinë e flavanoleve që sjell përfitime të dukshme për zemrën dhe trurin gjatë periudhave stresuese. /A.Z/UBT News/

 

 

 

 

Continue Reading

Shëndet

Si të lehtësoni dhimbjet e kockave në mënyrë natyrale?

Published

4 hours ago

on

December 3, 2025

By

Dhimbjet e kockave po bëhen një problem i zakonshëm, sidomos te njerëzit që nuk bëjnë shumë aktivitet fizik.

Shumë kërkojnë ilaçe qetësuese, që dëmtojnë stomakun e mëlçinë nëse përdoren me tepri. Natyrisht, ekzistojnë alternativa të shëndetshme.

Vlerat e vajit të ullirit:

I pasur me polifenolë, që ngadalësojnë plakjen e qelizave.

Parandalon inflamacionin dhe përmirëson qarkullimin e gjakut.

Vlerat e kripës së detit:

Përmban magnez dhe minerale që forcojnë kockat dhe muskujt.

Ndihmon sistemin imunitar, përmirëson qarkullimin e gjakut dhe ul tensionin.

Kura me vaj ulliri dhe kripë:

Përbërësit: 1 gotë ujë, 20 lugë gjelle vaj ulliri, 10 lugë gjelle kripë deti.

Përziejini dhe masazhoni zonën e dhimbshme 3–20 minuta çdo ditë për 10 ditë.

Rezultatet: Lëvizshmëri më e mirë, dhimbje e reduktuar dhe qarkullim i përmirësuar.

Në disa raste, lëkura mund të skuqet, por një peshqir i ngrohtë dhe pak pudër mund të ndihmojnë. Kjo kurë është natyrale dhe e sigurt. /A.Z/UBT News/

Continue Reading

Shëndet

Sekreti i shijes, pse nuk duhet të shkrini mishin para gatimit?

Published

21 hours ago

on

December 2, 2025

By

Shkrirja e mishit të pulës dhe i mishrave të tjerë mund të jetë rrezik për shëndetin!

Ja përse nuk është mirë të veproni kështu!

Kur mishi qëndron gjatë në temperaturë dhome, krijimi i baktereve është i pashmangshëm, madje barten edhe në duart tuaja, në lecka të kuzhinës, në enë dhe mund të shkaktojnë sëmundje të rrezikshme.

Edhe më keq është shkrirja e mishit në furrë me mikrovalë, pos që temperatura e lartë i përshtatet zhvillimit të baktereve, dëmtohet edhe tekstura e mishit. Ajo që është më së miri duhet që një natë para se ta gatuani gjellën, mishin duhet ta zhvendosni nga frizi në frigorifer.

Ekziston edhe një metodë e shpejtë – mishin futeni në qese plastike, lidheni qesen mirë dhe vendoseni në një enë me ujë të ftohtë. Është shumë me rëndësi që uji të mos ketë kontakt të drejtpërdrejtë me mishin. Assesi mos e përdorni ujin e ngrohtë, por vetëm të ftohtë.

Mbase nuk e keni ditur, mirëpo nëse nuk keni kohë, fare nuk ka nevojë ta shkrini mishin e pulës!

Bëjeni me erëza dhe futeni në furrë apo zieni si zakonisht dhe çdo gjë do të jetë sikur ta kishit shkrirë, vetëm që përpunimi termik patjetër duhet të zgjatë dyfish më shumë.

Kjo mënyrë nuk rekomandohet vetëm kur e fërgoni mishin, vazhdimisht do të lëshojë ujë e do spërkatë në të gjitha anët. /A.Z/UBT News/

Continue Reading

Të kërkuara