Lajmet

Çitaku për anëtarësim të Kosovës në Këshillin e Evropës: Ky është momenti kyç

Ajo ka rithekesuar edhe kërkesën e PDK-së që Qeveria të ndajë 100 milionë euro për ushtrinë.

Published

4 years ago

March 9, 2022

UBT news

Nënkryetarja e Partisë Demokratike të Kosovës (PDK), Vlora Çitaku, thotë se Qeveria e Kosovës duhet të angazhohet dhe të punojë për anëtarësimin e Republikës së Kosovës në Këshillin e Evropës.

Çitaku në një konferencë për medie theksoi se me krijimin e një situate të re, ku Rusia është suspenduar nga Këshilli i Evropës për shkak të agresionit ndaj Ukrainës, është momentumi që Qeveria të nisë procedurën e anëtarësimit në këtë strukturë të rëndësishme.

Ajo ka rithekesuar edhe kërkesën e PDK-së që Qeveria të ndajë 100 milionë euro për ushtrinë.

“Nga shkurti i këtij viti për shkak të agresionit ndaj Ukrainës, Rusia është suspenduar nga Këshilli i Evropës dhe me këtë rast Kosovës i është hapur një mundësi e re të cilën ne nuk duhet ta humbim. Anëtarësimi i Kosovës në Këshillin e Evropës përben një përfitim të shumëfishtë dhe e ndihmojnë vendin tonë drejtë fuqizimit të demokracisë, sundimit të ligjit dhe bashkëpunimit me familjen e gjerë evropiane. Në mes të tjerash është përfitim për qytetarët e vendit të cilëve do tu mundësohet qasja e drejtpërdrejtë në gjykatën evropiane të drejtave të njeriut në Strasburg, aty ku zbatohen parimet e drejtësisë së kartës evropiane të të drejtave të njeriut. Neni 3 i Statutit të Këshillit të Evropës, obligon një shtet që të respektojë parimin e sundimit të ligjit si dhe respektojë të drejtat e njeriut, dy shtylla që ne si shtet i kemi të konsoliduar tashmë si kritere”, tha Çitaku.

Nënkryetarja e PDK-së tregon edhe për rrugët në të cilat duhet të kalojë Kosova për anëtarësim, por që nënvizon se Kosova duhet të aplikojë dhe të jetë e koordinuar me aleatët e saj.

“Ne i kemi kërkuar Qeverisë që menjëherë të shikojë buxhetin për këtë vit për të shtuar 100 milionë euro për ushtrinë në mënyrë që Kosova të rrisë kapacitetet e veta ndërsa çdo vit me buxhet të përfshihen së paku 2 për qind GDP-së vendit. Por reagimi emergjent ndaj kërcënimeve rreth sigurisë nuk mund të zëvendësoj në mënyrë afatgjate atë për të cilën Kosova ka nevojë siç është anëtarësimi në BE dhe NATO. Për këtë arsye duke parë zhvillimet që po ndodhin kudo përreth nesh, ne i bëjmë thirrje Qeverisë të rrisë aktivitetin në rrafshin diplomatik. Kjo është një rrugë në të cilën jemi nisur dhe Kosova ka destinacion, mirëpo koha është që ta ndryshojmë ritmin dhe qeveria jonë duhet ta zë këtë ritëm. Partia Demokratike e Kosovës ë ka mbështetur dhe ka dhënë kontribut në rezolutën e miratuar në kuvend mirëpo ne vlerësojmë se ky është momenti kyç vendimtarë për aplikim në Këshillin e Evropës”, tha ajo.

Po ashtu, Çitaku e pyetur edhe për ngritjen enorme të çmimeve tha se Partia Demokratike e Kosovës, do të dalin me një deklarim të veçantë dhe me propozimet e tyre kundrejt këtij problemi.

Vendi

Përmbyllet afati i njoftimit në KQZ: 22 parti dhe 3 koalicione konfirmojnë pjesëmarrjen në zgjedhje

Published

7 minutes ago

May 8, 2026

UBTNews

Në mesnatën e 7 majit ka përfunduar afati zyrtar që partitë e regjistruara në Kosovë të njoftojnë Komisionin Qendror të Zgjedhjeve mbi pjesëmarrjen e tyre në zgjedhjet e ardhshme dhe formimin e koalicioneve parazgjedhore. Zëdhënësi i KQZ-së, Valmir Elezi, bëri të ditur se nga 53 partitë e regjistruara, 22 prej tyre kanë konfirmuar pjesëmarrjen, ndërsa 9 parti kanë njoftuar mospjesëmarrjen. Gjithashtu, janë zyrtarizuar 3 koalicione të përbëra nga gjithsej 9 parti politike.

Partitë që kanë njoftuar garimin në zgjedhje janë Partia Socialdemokrate, Kosovaki Nevi Romani Partia, Partia Socialdemokrate e Ashkalinjve, Za Slobodu Pravdu i Opstanak, Lista Serbe, Yenilikçi Türk Hareket Partisi, Lidhja Demokratike e Kosovës, Fjala, Lëvizja Përparimtare e Romëve të Kosovës, Partia Rome e Bashkuar e Kosovës – PREBK, Socialdemokratska Unija, Jedinstvena Goranska Partija, Kosova Demokratik Türk Partisi, Nova Demokratska Stranka, Iniciativa e Re Demokratike e Kosovës, Kosovski Savez, Partia Balliste, Partia Qytetare për Mirëqenie Sociale, Partia Liberale Egjiptiane, Aleanca për Ardhmërinë e Kosovës, Stranka Demokratske Akcije dhe Partia Demokratike e Kosovës.

Në anën tjetër, mospjesëmarrjen e kanë njoftuar Partia Demokratike e Unitetit, Balli Kombëtar i Kosovës, Lëvizja Qytetare Vatra, Bashkimi për Ndryshim Anamorava, Partia e Drejtësisë, Srpski Narodni Pokret, Partia Reforma Demokratike, Aleanca Kosova e Re dhe Nisma Socialdemokrate. Sa i përket koalicioneve, janë regjistruar koalicioni VAKAT, Ashkalitë e Bashkuar dhe koalicioni rreth Lëvizjes Vetëvendosje që përfshin edhe subjektet Guxo, Alternativa dhe PSHDK.

KQZ sqaron se ky njoftim është proces i ndarë nga certifikimi i subjekteve të reja, i cili përfundon më 10 maj, ndërsa afati i fundit për dorëzimin e listave të kandidatëve për deputetë nga të gjitha subjektet është data 12 maj 2026./Ekonomia online/

Aktualitet

Tri raste të dhunës në familje brenda 24 orëve

Published

35 minutes ago

May 8, 2026

UBTNews

Në raportin 24-orësh të Policisë së Kosovës janë regjistruar tri raste të dhunës në familje në qytetet e Pejës, Rahovecit dhe Skenderajt.

Në rastin e parë në Pejë, një burrë dhe një grua dyshohen se kanë ushtruar dhunë psikike ndaj një viktime femër.

Lidhur me këtë ngjarje, e dyshuara është arrestuar, ndërsa i dyshuari tjetër ndodhet ende në kërkim policor.

Pas intervistimit, me vendim të prokurorit, e dyshuara është liruar në procedurë të rregullt.

Ndërkaq, në Rahovec është raportuar se një grua ka pranuar mesazhe me përmbajtje kërcënuese nga një i dyshuar mashkull, rast i cili aktualisht ndodhet nën hetime. Ndërsa në Skenderaj, një person është arrestuar nën dyshimin se ka sulmuar fizikisht një grua.

Pas intervistimit, me urdhër të prokurorit, i dyshuari është dërguar në mbajtje.

Vendi

Gjashtë të arrestuar për korrupsion e keqpërdorim detyre

Published

17 hours ago

May 7, 2026

UBTNews

Prokuroria Themelore në Prishtinë, në bashkëpunim me Inspektoratin Policor dhe Policinë e Kosovës, ka realizuar sot një aksion në Prishtinë, Fushë Kosovë dhe Obiliq.

Si rezultat i këtij operacioni, janë arrestuar gjashtë persona (F.S., L.R., N.S., A.I., A.Sh. dhe B.B.), të cilët dyshohen për një sërë veprash penale, përfshirë keqpërdorimin e pozitës zyrtare, marrjen dhe dhënien e ryshfetit, mashtrimin dhe legalizimin e përmbajtjes së rreme.

Gjatë operacionit, organet e rendit kanë sekuestruar prova materiale të rëndësishme, ndër të cilat dy vetura në vlerë rreth 80,000 euro, një orë të markës “Rolex” me vlerë deri në 10,000 euro, pesë telefona celularë dhe dokumentacione të ndryshme.

Të dyshuarit janë dërguar në mbajtje për 48 orë, ndërsa Prokurori i Shtetit pritet të kërkojë caktimin e masave të sigurisë brenda afatit ligjor.

“Prokuroria Themelore në Prishtinë vazhdon të mbetet e përkushtuar në luftën ndaj kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin”, thuhet në njoftimin zyrtar.

Lajmet

Ekstradohet një shtetas i Maqedonisë së Veriut, kërkohej përmes INTERPOL-it për narkotikë

Published

18 hours ago

May 7, 2026

UBTNews

Policia e Kosovës, përmes Drejtorisë për Bashkëpunim Ndërkombëtar Policor dhe në koordinim me institucionet e drejtësisë, ka realizuar këtë të enjte ekstradimin e një shtetasi maqedonas për në Maqedoninë e Veriut.

I dyshuari ishte arrestuar më parë në Kosovë, pasi kërkohej me letërreshtim ndërkombëtar nga INTERPOL-i për veprën penale “Posedim, shpërndarje dhe shitje e paautorizuar e substancave narkotike”.

Ekstradimi u krye në përputhje me ligjet në fuqi dhe si rezultat i bashkëpunimit të ngushtë ndërmjet autoriteteve të Republikës së Kosovës dhe atyre të Maqedonisë së Veriut.

Policia e Kosovës ka bërë të ditur se do të vazhdojë shkëmbimin e informacioneve me organizatat ndërkombëtare për parandalimin dhe zbulimin e aktiviteteve kriminale, si dhe për kapjen e personave që tentojnë t’i shmangen drejtësisë.