Shëndet

Cili është arrori më i mirë për shëndetin sipas dietologëve?

Lloji që duhet ta blini dhe konsumoni me shumicë janë fistikët.

Published

4 years ago

on

Nëse jeni duke kërkuar një ushqim të përsosur që t’ju mbajë të ngopur deri në vaktin e ardhshëm, arrorët duhet të jenë zgjedhja juaj.

Shkëmbimi i patateve të skuqura me një grusht arrorë, mund t’ju ​​mbajë të ngopur për më gjatë dhe krahas shijes së mrekullueshme do të përfitoni edhe një sërë vlerash për organizmin.

Por para se të shkoni për t’i blerë është e rëndësishme të dini se disa arrorë janë më të shëndetshme se të tjerët.

AgroWeb.org në këtë artikull ju njeh se cili arror është më i miri për shëndetin dhe pse!

Cili është arrori më i mirë sipas dietologëve?

Sigurisht, të gjithë arrorët duhet të kenë një vend në regjimin tuaj ushqimor, por nëse ka një lloj që duhet ta blini dhe konsumoni me shumicë janë fistikët.

Arsyeja është se fistikët janë shumë më të pasur në vlera ushqyese në krahasim llojet e tjera.

Ato janë një burim i proteinave të plota dhe një burim i shkëlqyer i yndyrnave të shëndetshme, fibrave dhe mikronutrientëve thelbësorë, përfshirë vitaminën B, kaliumin, hekurin dhe magnezin.

Sasia e rekomanduar për konsum ditor është rreth 65 g fistikë (të paqëruar). Jo vetëm që mund t’i shijoni si një vakt i ndërmjetëm, por nëse dëshironi mund t’i përfshini edhe në ushqime si kosi, drithërat, sallata dhe ëmbëlsira të ndryshme.

Përfitimet shëndetësore nga konsumi i fistikëve

Të dhënat shkencore tregojnë se fistikët kanë pak kalori, shumë proteina, yndyrna të pangopura dhe shumë pak yndyrna të ngopura.

Prandaj ato janë një rival i rëndësishëm i arrorëve të tjerë dhe i frutave të thata që rekomandohen për mbajtjen nën kontroll të peshës.

Dhe falë yndyrnave të mira që luajnë një rol të rëndësishëm në uljen e kolesterolit të keq, konsumimi i tyre forcon shëndetin e zemrës.

Në përmbajtjen e tyre fistikët kanë një nivel të lartë bakri, i cili ndihmon në përthithjen e hekurit nga organizmi. Ky proçes ndihmon gjithashtu në kurimin e sëmundjeve si ajo e anemisë.

Ndërsa vajrat natyralë që gjenden tek këta arrorë kanë cilësi fantastike për të ushqyer lëkurën dhe mbrojtur atë nga thatësia ekstreme.

Antioksidantët e fuqishëm si Vitamina A dhe E ndihmojnë në ruajtjen e strukturës së qelizave të lëkurës që kjo e fundit të jetë e lëmuar dhe e re.

Këto janë vetëm disa nga përftimitme kryesore sepse lista është e gjatë!/AgroWeb.org

Related Topics:
Continue Reading

Shëndet

Xhinxheri i përditshëm, efektet që nuk i dinit mbi trupin tuaj

Published

1 day ago

on

December 5, 2025

By

Xhinxheri është një nga erëzat më të njohura në botë, i përdorur si në gatimet e ëmbla ashtu edhe në ato të kripura.

Shpesh na sjell ndër mend aromat e festave, por në të vërtetë ai ka vlera të rëndësishme gjatë vitit.

Përveç shijes karakteristike, xhinxheri përmban përbërës natyralë që ndikojnë pozitivisht në shëndet.

Konsumimi i rregullt i saj lidhet me një sërë përfitimesh të mundshme, që variojnë nga tretja dhe imuniteti deri te inflamacioni dhe funksionet e trurit. Ngrënia e xhinxherit sjellë benefite të dukshme.

Çfarë ndodh në trup kur e konsumoni çdo ditë?

1. Mund të keni më pak të përziera

Xhinxheri është i njohur për aftësinë e tij për të lehtësuar të përzierat, sidomos te gratë shtatzëna, tek ata që vuajnë nga sëmundja e lëkundjes gjatë udhëtimit, apo kur stomaku është i irrituar. Ai vepron mbi receptorët e serotoninës në zorrë, gjë që e bën shumë efektiv.

2. Ndihmon kundër gazrave dhe fryrjes

Stimulon tretjen dhe nxit lëvizjen më të shpejtë të ushqimit në sistemin tretës. Si karminativ, qetëson stomakun dhe redukton gazrat e tepërt dhe fryrjen.

3. Ul inflamacionin

Përbërësi aktiv i xhinxherit, gingeroli, ka veti të forta anti-inflamatore dhe antioksiduese. Ai zvogëlon dhimbjet e kyçeve, inflamacionin kronik dhe dhimbjet e muskujve pas stërvitjes. Studime të ndryshme tregojnë se xhinxheri mund të ndihmojë personat që vuajnë nga artroza.

4. Mund të sëmuresh më rrallë

I pasur me antioksidantë që forcojnë sistemin imunitar. Nuk e parandalon plotësisht ftohjen, por mund të ulë ndjeshmërinë ndaj infeksioneve.

5. Mund të lehtësojë dhimbjet menstruale

Xhinxheri mund të zvogëlojë dhimbjet menstruale falë efektit të tij relaksues dhe anti-inflamator.

6. Përmirëson nivelin e kolesterolit

Sipas studimeve, konsumimi i rregullt i xhinxherit mund të ulë nivelin e LDL-së (“kolesteroli i keq”) dhe trigliceridet, duke kontribuar në një zemër më të shëndetshme.

7. Stabilizon sheqerin në gjak

Xhinxheri mund të ndihmojë në mbajtjen e një niveli të qëndrueshëm të sheqerit në gjak, duke përmirësuar energjinë dhe metabolizmin. Studimet tregojnë përfitime edhe tek personat me diabet.

8. Mbështet shëndetin e mëlçisë

Ai mund të ulë disa enzima të mëlçisë e përmirëson funksionimin e saj, ndoshta falë ndikimit të tij në uljen e rezistencës ndaj insulinës.

9. Mund të përmirësojë shëndetin e trurit

Falë vetive antioksiduese e anti-inflamatore, xhinxheri kontribuon në mbrojtjen e trurit në afat të gjatë.

Disa përbërës lidhen me uljen e rrezikut për sëmundje neurodegjenerative si Alzheimeri, Parkinsoni dhe skleroza multiple. /A.Z/UBT News/

Continue Reading

Shëndet

Orkidea: Aromë, bukuri dhe shëndet në një bimë

Published

2 days ago

on

December 5, 2025

By

Orkidea është një nga bimët më të bukura dhe më të dashura, e njohur për simetrinë e dyanshme që tërheq njerëzit.

Familja Orchidaceae përfshin rreth 25,000 specie, përfshirë edhe Vaniljen, e përdorur gjerësisht për aromë dhe gatim.

Që në lashtësi, orkidea ka pasur përdorime medicinale. Grekët e përdornin si afrodiziak dhe për trajtime të ndryshme shëndetësore, ndërsa mjekësia tradicionale e ka shfrytëzuar që nga viti 2800 para erës sonë.

Sot, vetëm 50 specie përdoren në mjekësinë popullore.

Përdorimet kryesore të orkidesë për shëndetin:

Qetësim dhe gjumë të mirë: Çaji i orkidesë ndihmon në relaksim dhe përmirëson energjinë emocionale.

Sistem imunitar: Orkidea e thatë forcon trupin kundër infeksioneve.

Shikim dhe trajtime alternative: Ndihmon në mbrojtjen e qelizave dhe përdoret në aromaterapi.

Përbërës ushqimor dhe kozmetik: Vanilja përdoret në gatim, parfume, terapitë aromatike dhe produkte kozmetike.

Përveç vlerave shëndetësore, orkidea është e bukur, simbol i dashurisë, bukurisë dhe luksit, dhe mund të kultivohet lehtë në shtëpi për zbukurim. /A.Z/UBT News/

Continue Reading

Shëndet

Si të plakemi më ngadalë? Tre perime që nuk duhet t’i humbisni

Published

2 days ago

on

December 5, 2025

By

Ushqyerja ka një ndikim të drejtpërdrejtë në mënyrën se si plakemi dhe në sa të fortë jemi përballë sëmundjeve.

Perimet, që janë të pasura me vitamina, minerale dhe antioksidantë, luajnë rol kyç në mbrojtjen e qelizave nga dëmtimet, reduktimin e inflamacionit dhe forcimin e sistemit imunitar.

Kur konsumohen rregullisht, ato përmirësojnë jo vetëm imunitetin, por edhe shëndetin e lëkurës dhe nivelin e energjisë.

Mes tyre, disa perime dallohen për efekte të veçanta kundër plakjes dhe në mbështetje të imunitetit.

Brokoli

Renditet ndër ushqimet më të dobishme për plakjen e shëndetshme. Ai përmban sasi të larta të vitaminës C, e cila ndihmon në prodhimin e kolagjenit dhe forcon imunitetin. Antioksidantët dhe përbërësit si sulforafani kontribuojnë në mbrojtjen e qelizave nga dëmtimet.

Ekspertët rekomandojnë konsumimin e brokolit të zier lehtë apo të zbutur, pasi kështu ruan nivele më të larta të lëndëve ushqyese.

Përfshirja e tij disa herë në javë mund t’i japë trupit një mbështetje të rëndësishme.

Spinaqi

I mbushur me vitamina A, C dhe K, folat dhe hekur, kombinim për energji dhe imunitet. Antioksidantët që përmban luftojnë stresin, një nga faktorët kryesorë që përshpejton plakjen qelizore. Luteina dhe zeaksantina mbrojnë shëndetin e syve, duke qenë veçanërisht të vlefshme me kalimin e moshës. Për shkak të shijes së butë, spinaqi është i lehtë për t’u futur në receta, nga sallatat te supat, makaronat apo smoothie-t.

Domatet

Janë të pasura me likopen, antioksidant i fuqishëm që mbron lëkurën nga rrezet UV, ul inflamacionin e ngadalëson humbjen e kolagjenit. Likopeni përthithet më mirë kur domatet gatuhen lehtë ose konsumohen me vaj ulliri. Përveç kësaj, domatet përmbajnë vitaminë C, e cila mbështet imunitetin dhe lëkurën e shëndetshme. Konsumi i rregullt mund të jetë mënyrë e thjeshtë për të mbrojtur trupin nga brenda.

Përfundimi:

Brokoli, spinaqi dhe domatet janë tre përbërës të fuqishëm që mund të ndihmojnë në ngadalësimin e procesit të plakjes dhe forcimin e sistemit imunitar—aleatë të thjeshtë, por jashtëzakonisht efektivë për shëndetin. /A.Z/UBT News/

 

 

Continue Reading

Shëndet

Bima që shpesh e nënvlerësojmë, por mbron fuqishëm mëlçinë

Published

2 days ago

on

December 5, 2025

By

Thistle, ose në shqip gjembaç është një bimë e klasit të parë që mbron mëlçinë nga toksiciteti kimik.

Ajo stimulon fazën I dhe fazën II të rrugëve enzimatike të detoksifikimit të mëlçisë, është shumë e efektshme në parandalimin e kancerit dhe ndihmon njerëzit që janë duke marrë kimioterapi ose duke marrë ilaçe të tjera toksike.

Silymarin, përbërësi aktiv te gjembi është treguar të jetë një nga substancat më të fuqishme për mbrojtjen e mëlçisë .

Gjembi është aprovuar për përdorim në dëmtimin e mëlçisë sepse është treguar se stimulon sintezën e hepatociteve të reja që zëvendësojnë ato të vjetra të dëmtuara.

Përdorimi i gjembaçit për disa javë është veçanërisht i dobishëm për njerëzit që pinë shpesh alkool, konsumojnë ushqime të yndyrshme, kanë nivele të larta të lipideve në gjak ose marrin mjekime të rregullta.

Shumë studime kanë gjetur rolin mbrojtës të kësaj barishte kundër kancerit. /A.Z/UBT News/

Continue Reading

Të kërkuara