

Shëndeti
Cili duhet? Të vërtetat e sheqerit të errët dhe të bardhë
Për fat të keq, sheqeri kaf, i përpunuar ose jo nuk është më i shëndetshëm se sheqeri i bardhë.
Published
2 years agoon
By
UBT newsParaqitja e këndshme, shija dhe mineralet janë avantazhet e sheqerit kaf, e megjithatë nuk bëjnë ndonjë ndryshim thelbësor.
Është koha të zbehni entuziazmin. Për fat të keq, sheqeri kaf, i përpunuar ose jo nuk është më i shëndetshëm se sheqeri i bardhë.
Të mirat e sheqerit kaf janë më të thjeshta dhe më të pakëta në numër.
Procesi i përpunimit
Sheqeri i papërpunuar që ka ngjyrë kafe i nënshtrohet më pak procesit të përpunimit se sheqeri i bardhë apo ai kaf.
Kallami i sheqerit zhvishet nga të gjitha lëngjet të cilat zihen dhe filtrohen.
Gjatë centrifugimit prodhohen kristale sheqeri të papërpunuar që përmbajnë melasën.
Sheqeri i bardhë i nënshtrohet një përpunimi të mëtejshëm dhe granulimi që hollon kristalet dhe zhduk melasën. Sheqeri kaf që gjejmë në supermarket është sheqer i bardhë i përpunuar me melasë të shtuar.
Paraqitja
Kristalet e sheqerit të papërpunuar janë më të vrazhdë dhe më të trashë në krahasim me sheqerin e bardhë ose kaf.
Një karakteristikë që i jep produktit një pamje më organike dhe më natyrale. Në shumë ushqime, sheqeri kaf plotëson ngjyrën e produktit përfundimtar.
Mineralet
Sheqeri i papërpunuar dhe ai kaf përmbajnë më shumë minerale se sheqeri i bardhë, por mineralet janë aty si pasojë e melasës.
Sheqeri kaf mund t’ju ofrojë pak kalcium, kalium, hekur dhe magnez. Megjithatë, sasitë janë shumë të vogla për të gjeneruar ndonjë përfitim shëndetsor.
Në një lugë çaji me sheqer kaf gjenden 0.02 miligram hekur.
Një sasi aspak domethënëse në nevojën ditore prej 8 miligramësh për meshkujt dhe 18 miligramësh për femrat në moshën e pjekurisë
Në krahasim me sheqerin me ngjyrë kafe që në vetvete është thjesht sheqer i bardhë i ngjyrosur me melasë, sheqeri i papërpunuar ose i përpunuar pjesërisht është kokërrmadh dhe krokant.
Ai ka një ngjyrë kafe të çelët dhe prodhohet nga kristalet e para që dalin gjatë përpunimit të lëngjeve të kallam sheqerit.
Ky sheqer ka një shije natyrale që i përngjan karamelit. Në tregun botëror të sheqerit, ky variant njihet si Demerara ose Turbinado. Kjo i referohet përpunimit në turbina të kallam sheqerit.
-1 lugë çaji me sheqer të bardhë përmban 4 gramë sheqerna dhe 15 kalori.
-1 lugë çaji me sheqer Demerara (të papërpunuar ose pjesërisht të përpunuara) përmban 4 gramë sheqerna dhe 15 kalori.
Megjithatë ky lloj sheqeri është shumë herë më i shijshëm dhe shton një dimension tjetër ëmbëlsie në gatimet tuaja ose edhe në caj.
Deri tani asnjë nuk ka qenë në gjendje të provojë që ky sheqer është më i shëndetshëm se sheqeri i bardhë./AgroWeb.org
Shëndeti
Dylli i veshit mund ta parashikojë sëmundjen e Parkinsonit
Published
11 hours agoon
June 21, 2025
Studiuesit nga “American Chemical Society” po pretendojnë se kanë zhvilluar një sistem të ri që ndihmon në zbulimin e hershëm të sëmundjes neurologjike, Parkinson.
Ky zbulim lidhet me erën e veçantë të sebumit, përbërës kryesor i dyllit të veshit, është substancë yndyrore që trupi e prodhon për të mbrojtur dhe lubrifikuar lëkurën. Studiuesit kanë deklaruar se te personat me Parkinson, sebumi mund të marrë një erë karakteristike dhe paksa të rëndë, pasi sëmundja ndikon në mënyrën se si trupi prodhon komponimet organike që lëshohen përmes sebumit, ka raportuar The Independent.
Çdo vit, rreth 90,000 persona diagnostikohen me Parkinson në Shtetet e Bashkuara, dhe numri i vdekjeve të shkaktuara nga kjo sëmundje është rritur dukshëm në dekadat e fundit. Lidhja në mes të erës së sebumit dhe sëmundjes së Parkinsonit është vërejtur edhe në studime tjera, tani ekspertët kanë arritur të identifikojnë disa komponime specifike që mund të shërbejnë si shenja biologjike të Parkinsonit.
Morën mostra nga kanalet e 209 personave, ku më shumë se gjysma ishin të diagnostikuar me Parkinson, mostrat u analizuan me teknika të avancuara të:
-Kromatografisë së gazit (analizë që tregon se cilët përbërës janë të pranishëm në një mostër dhe ndihmon të kuptohet saktësisht se çfarë substancash përmban dylli i veshit), si dhe
-Spektrometrisë së masës (analizë që ndihmon të identifikohen me saktësi se cilat janë përbërësit kimikë që gjenden në mostër dhe në çfarë sasie janë).
Studiuesit kanë zbuluar se te personat me Parkinson, katër komponime organike ishin të ndryshme krahasuar me ata që nuk kishin sëmundjen. Këtu përfshihen komponimet e quajtura Ethylbenzene, 4-ethyltoluene, Pentanal, 2-pentadecyl-1 dhe 3-dioxolane.
Këto komponime shërbejnë si shenja për diagnostikimin e Parkinsonit, krijuan sistem që përdoret si metodë praktike për zbulimin e hershëm të Parkinsonit, studiuesit ndërtuan sistem të inteligjencës artificiale që simulon nuhatjen njerëzore, model robotik që mund të “ndiej” aromën duke përdorur të dhënat nga dylli i veshit. Sistemi ishte në gjendje të dallonte me 94 për qind saktësi mostrat e njerëzve me Parkinson nga ata pa sëmundjen.
Aktualisht, rreth 1.1 milionë amerikanë jetojnë me Parkinson.
Ekspertët kanë bërë të ditur se zbulimi i hershëm është shumë i rëndësishëm, sepse shumica e trajtimeve ekzistuese vetëm e ngadalësojnë përparimin e sëmundjes, por nuk e shërojnë. Sipas tyre, metodat aktuale të diagnostikimit janë të kushtueshme dhe ndonjëherë të paqarta.
Studiuesit kanë deklaruar se ky sistem me inteligjencë artificiale mund të përdoret si mjet i shpejtë dhe i parë për të zbuluar sëmundjen në fazat e hershme.
“Kjo metodë është në fazë fillestare, është testuar vetëm në një qendër kërkimore në Kinë. Hapi i radhës është të zhvillojmë studime në faza të ndryshme të sëmundjes, në qendra dhe grupe të ndryshme etnike, për të vlerësuar nëse kjo metodë ka vlerë praktike më të gjerë”, ka shpjeguar autori Hao Dong.
Shëndeti
Aktiviteti fizik i rregullt ndihmon trurin të harrojë kujtimet traumatike
Published
11 hours agoon
June 21, 2025
Një studim i ri i realizuar nga Universiteti i Kyushus në Japoni dhe Universiteti i Torontos ka zbuluar se aktiviteti fizik i vazhdueshëm mund të ndihmojë në zbehjen e kujtimeve traumatike apo të lidhura me varësinë.
Studiuesit testuan këtë teori te minjtë, të cilëve u ishin dhënë tronditje elektrike, duke shkaktuar tek ta sjellje të ngjashme me çrregullimin e stresit post-traumatik, si frikë, ankth dhe shmangie të mjediseve që lidhen me traumën.
Kur minjtë u lanë të ushtronin, filluan të prodhonin më shumë neurone në pjesën e trurit të quajtur hipokampus, zonë kyçe për kujtesën dhe simptomat e traumës u pakësuan ndjeshëm.
Edhe ndërhyrja gjenetike për të përshpejtuar prodhimin e neuroneve dha rezultate pozitive, ndonëse jo aq efektive sa aktiviteti fizik.
E njëjta metodë u aplikua edhe për sjellje të lidhura me varësinë. Minjtë që më parë shfaqnin preferencë për një dhomë të lidhur me përdorimin e kokainës, pas rritjes së neurogjenezës, nuk tregonin më të njëjtën tërheqje ndaj saj.
Sipas studiuesve, rezultatet hapin rrugën për trajtime të reja ndaj PTSD-së dhe varësive, duke u fokusuar në riformësimin e lidhjeve në tru.
Por deri atëherë, aktiviteti fizik mbetet një mënyrë e fuqishme dhe lehtësisht e arritshme për të ndihmuar trurin të çlirohet nga e shkuara.

Ju blini banane, por nuk keni për t’i ngrënë ato, kështu që kur ato bëhen të zeza, zakonisht përfundojnë në plehra.
Me këtë trik të dobishëm, bananet do të qëndrojnë të freskëta, të forta, të shijshme dhe kryesisht të verdha më gjatë.
Bananet janë të shëndetshme, përmbajnë minerale, vitamina dhe fibra dhe janë të mira për t’u ngrënë çdo ditë.
Banania e pjekur ka njolla të vogla kafe dhe është e ëmbël. Njollat formohen ndërsa një enzimë zhvillohet në këtë frutë që përshpejton procesin e pjekjes.
Në disa dhoma, bananet piqen më shpejt – në një apartament që nxehet në njëzet gradë Celsius.
Njollat kafe janë shenjë që banania po piqet, zonat e mëdha kafe ose kur banania është nxirë janë të këqija, është shenjë që është e pjekur dhe ka shije të keqe.
Çfarë duhet të bëni për të mbajtur banane të freskëta për më gjatë?
E vetmja gjë që ju nevojitet janë foli transparente që ndoshta keni tashmë në kuzhinën tuaj.
Mbështillni bananet me foli, pasi ngadalëson procesin e pjekjes. Bananet që i ruani në këtë mënyrë mund të qëndrojnë të freskëta për një javë,

Kur temperaturat rriten dhe ndihesh i lodhur apo i etur, tundimi për të kapur një pije energjike të ftohtë është i madh. Por a është kjo zgjidhja e duhur për organizmin tonë?
Pijet energjike, megjithëse na japin një ndjesi të menjëhershme “rifreskimi”, nuk janë ideale për hidratim, veçanërisht në ditët e nxehta.
Ato përmbajnë kafeinë të lartë, sheqerna të përpunuar dhe substanca stimuluese, të cilat mund të rrisin rrahjet e zemrës, të ngrejnë tensionin dhe madje të çojnë në dehidrim nëse konsumohen në sasi të mëdha.
Çfarë rekomandojnë ekspertët?
Ujë i thjeshtë ose me limon;
Lëngje natyrale pa sheqer të shtuar;
Pije izotonike me elektrolite (nëse ke humbur shumë lëngje nga djersitja).
Në vend që të kërkojmë energji të shpejtë nga një kanaçe, zgjedhje më e mirë është të mbajmë trupin të hidratuar dhe të ushqyer mirë gjatë ditës.

Ja kushtet që Chris Brown duhet të respektojë pas akuzës për sulm në Londër

Dylli i veshit mund ta parashikojë sëmundjen e Parkinsonit

Aktiviteti fizik i rregullt ndihmon trurin të harrojë kujtimet traumatike

Këto janë dy periudhat e jetës sonë kur plakemi më shpejt

Si të ruani të freskëta bananet për një javë?

Opsioni i vetëm i Barcelonës për të nënshkruar me Williamsin

A duhet të pimë pije energjike në verë?

21 qershori – Dita Ndërkombëtare e Muzikës

Volkswagen ID. Buzz AD robotaxi gati për shitje nga viti 2026
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore