Lajmet

Cilat vende kanë evakuuar qytetarët e tyre nga Sudani?

Konflikti ka vrarë 420 njerëz.

Published

3 years ago

on

Ndërsa vendet e huaja evakuojnë qindra shtetas të tyre pas konfliktit në Sudan, qeveria e Mbretërisë së Bashkuar është akuzuar se nuk ka bërë mjaftueshëm për të larguar shtetasit e saj.

Konflikti ka vrarë 420 njerëz dhe ka bllokuar miliona qytetarë sudanezë pa akses në shërbimet bazë.

Megjithatë, çfarë po bëjnë vendet e tjera për të shpëtuar qytetarët e tyre nga kriza?

Shtetet e Bashkuara

Forcat speciale amerikane evakuuan të gjithë personelin e qeverisë amerikane dhe vartësit e tyre nga ambasada e tyre të shtunën duke përdorur helikopterë që fluturuan nga një bazë në Xhibuti dhe furnizoheshin me karburant në Etiopi.

Uashingtoni thuhet se nuk po planifikon të koordinojë një evakuim të amerikanëve të tjerë, por po shikon opsionet për t’i ndihmuar ata të largohen.

Franca

Ndërkohë, një aeroplan francez me rreth 100 persona u largua nga Khartoum të dielën për në Xhibuti, tha Franca. Operacionet rifilluan të hënën.

Avioni mbante edhe delegacionin e Bashkimit Evropian së bashku me disa kombësi të tjera.

Vendet e tjera të BE-së

Qeveria irlandeze konfirmoi gjithashtu se po dërgon një ekip për të evakuuar qytetarët e saj nga kriza.

Forcat ajrore të Gjermanisë janë përfshirë edhe në evakuime, duke nxjerrë gjithsej 313 persona nga Sudani deri më tani.

Zvicra

Zvicra thotë se ka mbyllur ambasadën e saj në Khartoum dhe ka transportuar stafin dhe familjet e tyre jashtë.

“Kjo u bë e mundur falë një bashkëpunimi me partnerët tanë, në veçanti Francën”, tha ministria e jashtme zvicerane në Twitter.

Vendet e Lindjes së Mesme

Arabia Saudite mori 91 sauditë dhe rreth 66 njerëz nga vende të tjera nga Porti i Sudanit me anije detare në portin Suadi të Jeddah, përtej Detit të Kuq.

Egjipti thotë se kishte rreth 10,000 shtetas në Sudanin fqinj, 436 prej të cilëve ishin evakuuar.

Rusia

Ambasadori rus në Khartoum i tha medias shtetërore se 140 nga afërsisht 300 rusë në Sudan kishin thënë se donin të largoheshin.

U bënë plane evakuimi, por ishin ende të pamundura për t’u zbatuar sepse ato përfshijnë kalimin e vijave të frontit, tha ambasadori./UBTNews/

Related Topics:
Continue Reading

Lajmet

FSK organizon Ditën e Vizitorëve në “Ujku Shigjetë”

Published

37 minutes ago

on

October 28, 2025

By

Forca e Sigurisë së Kosovës do të organizojë sot Ditën e Vizitorëve në kuadër të ushtrimit fushor “Ujku Shigjetë”.

Ky organizim do të mbahet në poligonin ushtarak në Babaj të Bokës, Gjakovë me fillim nga ora 11:00, sipas njoftimit për media.

Ushtrime të tilla, FSK ka realizuar edhe herë të tjera, ku shihen pamjet më poshtë.

Continue Reading

Lajmet

Xhiro e 11-të e Superligës nis sot me dy supersfida

Published

42 minutes ago

on

October 28, 2025

By

Kampionati i Kosovës në futboll ka zhvilluar tashmë dhjetë xhiro mjaftë interesante dhe në këtë mesjave do të zhvillohen ndeshjet e xhiros së 11-të.

Në qytetin e Gjilanit do të ndeshjen Gjilani dhe Dukagjini, skuadra të cilat po kërkojnë të gjejnë stabilitet në këtë fillim sezoni. Dukagjini i drejtuar nga Ismet Munishi e nisi shumë fuqishëm edicionin, por në pesë ndeshjet e fundit ka tri humbjen, një barazim dhe një fitore dhe ka mbledhur 14 pikë pas dhjetë ndeshjeve duke u renditur në venin e katër në tabelë.

Nga ana tjetër, Gjilani ka mbledhur vetëm 11 pikë pas dhjetë ndeshjeve duke mbajtur vendin e tetë në tabelë.

Ballafaqimi tjetër është ai ndërmjet Malishevës dhe Ballkanit, duke që sjellë emocione pas të dy skuadrat synojnë kreun e tabelës. Momentalisht Ballkani ka 19 pikë në vendin e dytë, kurse Malisheva është e gjashta me 13 pikë.

Të dy ndeshjet nisin nga ora 13:00./S.K/KP/

Continue Reading

Lajmet

Uragani Melissa: Xhamajka përgatitet për stuhinë më të fortë në botë të vitit 2025

Published

49 minutes ago

on

October 28, 2025

By

Mediat e huaja kanë raportuar se tashmë tre persona kanë vdekur në Xhamajka, mirëpo thuhet nga meteorologët amerikanë se ajo po përgatitet për stuhinë më të fortë në botë këtë vit, dhe ndoshta më të fortën e regjistruar ndonjëherë në ishull.

Me shpejtësi ere deri në 282 km/orë, Uragani Melissa është një stuhi e kategorisë pesë- forca maksimale.

“Po intensifikohet dhe pritet të arrijë në ishullin e Karaibeve herët të martën”, thuhet në njoftim të BBC.

Ekspertët paralajmërojnë se ritmi i ngadaltë i Melissës mund të nënkuptojë shira të zgjatur të rrëmbyeshëm në disa zona, duke rritur rrezikun e përmbytjeve vdekjeprurëse dhe rrëshqitjeve të dheut./S.K/KP/BBC/

Continue Reading

Lajmet

Makina përplaset me motorin, humb jetën 18-vjeçari në Vlorë

Published

1 hour ago

on

October 28, 2025

By

Një aksident i rëndë është regjistruar mbrëmjen e djeshme në Vlorë, ku një 18-vjeçar ka humbur jetën si pasojë e përplasjes së motorit me një makinë.

Ngjarja e rëndë ka ndodhur rreth orës 12:00 të mesnatës, në bulevardin kryesor të qytetit, pranë Teatrit “Petro Marko”.

Si pasojë e përplasjes, nga plagët e marra, thuhet se 18-vjeçari ka ndërruar jetë në vendngjarje.

Autoritetet po hetojnë mbi shkaqet e aksidentit dhe faktorët që mund të kenë kontribuar në ngjarjen tragjike./S.K/KP/

Continue Reading

Të kërkuara