Shëndet

Cilat janë pasojat që shkakton djegia e diellit?

Çfarë i ndodh lëkurës kur digjemi nga Dielli.

Published

4 years ago

August 2, 2021

Betim Gashi

Të gjithë ne e kemi përjetuar djegien nga dielli kur e ekzagjerojmë me ekspozimin në diell.

Lëkura skuqet dhe në rastin më të keq krijohen disa flluska të mbushura me ujë të cilat dhembin.

Përveç dhimbjes, djegia nga dielli ka dhe pasoja në shëndetin e organizmit të njeriut. Por cilat janë pasojat që shkakton djegia e diellit? Lexoni listën e AgroWeb.org për të zbuluar gjithçka.

Dëmtimi i ADN-së

Djegia nga dielli përcaktohet nga ekspertët si djegie nga radiatimi i tepërt.

Gjithçka lidhet me kontaktin e rrezeve ultraviolet me sipërfaqen e lëkurës.

Nga ky kontakt dëmtohet struktura e shtresës së parë të qelizave të lëkurës.

Këto rreze kur lëkura është e pambrojtur, përthithen nga qelizat e ADN-së, duke shkaktuar kështu një deformim në lidhjen e gjeneve të ADN-së.

Nga ky deformim qelizat nuk arrijnë të rigjenerohen dhe fillojnë të shkatërrohen me ritëm më të shpejtë.

Sulmi në Sistemin Imunitar

Në momentin që qelizat e shtresës së parë të lëkurës kuptojnë që ‘sulmohen’ nga rrezet e dëmshme ato fillojnë të prodhojnë molekulat mbrojtëse.

Këto molekula nxisin enët e gjakut që të mbushin hapësirat mes qelizave dhe strukturave të tjera të lëkurës.

Ky vërshim i lëngjeve si gjaku dhe limfa, shkakton ënjtjen dhe skuqjen e lëkurës, si dhe ndjesinë e nxehtësisë dhe ndjeshmërinë e lartë.

Një proces i tillë fillon që në momentin që ju jeni duke qëndruar në plazh dhe zgjat për disa ditë, prandaj dhe ju duket sikur gjendja e lëkurës suaj po përkeqësohet.

Disa qeliza mbrojtëse pastrojnë lëkurën nga zonat e dëmtuara ndërsa të tjera merren me eliminimin e kimikateve që shkaktojnë dëmtimin e mëtejshëm të lëkurës.

Aksioni i tyre mund të shkaktojë dhe një reagim alergjik, prandaj dhe ju keni nevojë që të kruheni.

Përgatiteni Veten Për Të Parandaluar Një Herë Të Dytë

Në momentin që inflamacioni fillon të qetësohet, lëkura fillon të ndërtojë një shtresë të shëndetshme.

Ky proces njihet nga shumica si rënia e lëkurës së vdekur apo rrjepja.

Dëmtimi nga rrezet e diellit gjithashtu nxit trupin që të prodhojë melaninë, pigmentin që i jep ngjyrë lëkurës dhe flokëve tuaj. Melanina na dhuron ngjyrën e bukur të nxirjes që që të gjithë e synojmë.

Por edhe pse skuqja ka kaluar në nxirrje nuk do të thotë që lëkura juaj tanimë është imune ndaj rrezeve të diellit.

Masat Mbrojtëse

Është shumë e rëndësishme që gjatë kohës që jeni në plazh të pini sa më shumë lëngje dhe fruta.

Pasi këto të dyja ndihmojnë lëkurën tuaj të jetë e hidratuar dhe e shëndetshme.

Nëse digjeni përdorni kompresa të freskëta duke i vendosur lehtë në zonat ku jeni djegur.

Gjithashtu kosi është një nga produktet perfekte që freskon dhe ndihmon shërimin e shpejtë të lëkurës nga dielli.

Por mos hezitoni të përdorni edhe kremra të cilët përdoren pas diellit.

Nëse ndjeni marrje mendsh, të vjella apo dhimbje të forta koke AgroWeb.org ju këshillon që të kërkoni menjëherë ndihmën e një mjeku./AgroWeb.org

Shëndet

Si ta mbroni lëkurën nga tharja gjatë vjeshtës dhe dimrit?

Published

7 hours ago

November 3, 2025

UBT News

Nuk janë vetëm muajt me diell që ndikojnë në tharjen e lëkurës – vjeshta dhe dimri janë periudhat që e vënë më shumë në provë atë.

Ndryshimet e shpeshta midis ajrit të ngrohtë dhe të thatë brenda shtëpisë dhe erërave të ftohta jashtë, bëjnë që lëkura të humbasë lagështinë, të bëhet e ndjeshme dhe të fillojë të zhvishet.

Në këtë periudhë, është e rëndësishme të përshtatni rutinën tuaj të kujdesit për lëkurën për të ruajtur butësinë dhe shëndetin e saj.

Ja disa këshilla kryesore për ta mbajtur lëkurën të hidratuar dhe të mbrojtur gjatë stinës së ftohtë:

1. Zgjidhni një krem më të pasur

Në vend të locioneve të lehta që përdorni në verë, zgjidhni një krem hidratues që përmban lipide, ceramide, gjalpë shea ose vajra natyralë. Këto përbërës ndihmojnë në forcimin e barrierës mbrojtëse të lëkurës dhe parandalojnë humbjen e lagështisë.

2. Fokusohuni në hidratim të thellë

Përbërës si acidi hialuronik dhe skualani ofrojnë hidratim intensiv dhe ndihmojnë në parandalimin e kruajtjes apo ndjesisë së tendosjes së lëkurës.

3. Pastroni me kujdes

Përdorni pastrues të butë, në formë vajrash ose balsamesh, që pastrojnë pa e irrituar lëkurën. Shmangni larjet me ujë shumë të nxehtë dhe skrabet e ashpra, pasi mund të dëmtojnë shtresën mbrojtëse të epidermës.

4. Mos harroni ujin

Hidratimi nuk vjen vetëm nga kremrat – pirja e mjaftueshme e ujit është thelbësore për një lëkurë të shëndetshme dhe të ushqyer nga brenda.

5. Mbrohuni nga rrezet e diellit

Edhe pse dielli është më i butë në vjeshtë dhe dimër, rrezet UV mbeten të dëmshme. Përdorni çdo ditë një krem me mbrojtje SPF, veçanërisht nëse qëndroni gjatë në ambiente të hapura.

6. Kujdes me ajrin e thatë brenda shtëpisë

Nëse përdorni ngrohje gjatë dimrit, vendosni një lagështues ajri për të shmangur tharjen e tepërt të lëkurës. Kujdesuni që ta pastroni rregullisht për të parandaluar grumbullimin e mikrobeve.

Sipas ekspertëve të kujdesit për lëkurën, vjeshta është koha më e mirë për trajtime rigjeneruese, pasi lëkura ka nevojë për rikuperim pas ekspozimit ndaj diellit veror dhe përgatitje për temperaturat e ulëta të dimrit. /A.Z/UBT News/

Shëndet

Si të kuptoni nëse trupi juaj nuk e duron glutenin?

Published

9 hours ago

November 3, 2025

UBT News

Për shumë njerëz, konsumimi i glutenit mund të shkaktojë probleme të fshehta shëndetësore, të cilat shpesh interpretohen gabimisht si lodhje ose shqetësime të zakonshme të tretjes.

Më poshtë janë pesë shenja paralajmëruese që mund të tregojnë se trupi juaj nuk e duron mirë glutenin:

1. Probleme të tretjes

Simptoma si fryrja e barkut pas vakteve, gazrat, dhimbjet e barkut, diarreja e shpeshtë ose kapsllëku mund të jenë tregues të intolerancës ndaj glutenit. Kur gluteni irriton zorrët, përthithja e ushqimit ndikohet, duke shkaktuar shqetësime të vazhdueshme dhe problemet e tretjes.

2. Lodhje e vazhdueshme

Nëse ndiheni të lodhur edhe pas gjumit, shkaku mund të jetë mungesa e përthithjes së hekurit dhe lëndëve tjera ushqyese, për shkak të dëmtimeve në zorrë nga gluteni. Kjo çon në anemi, ulje të energjisë dhe ndjesi të përgjithshme të dobësisë gjatë ditës.

3. Dhimbje koke dhe “mjegull mendore”

Disa persona përjetojnë dhimbje koke, vështirësi për t’u përqendruar ose ndjesinë e “mjegullimit” në tru pas konsumimit të ushqimeve që përmbajnë gluten. Këto simptoma lidhen me proceset inflamatore që gluteni mund të shkaktojë në trup.

4. Probleme me lëkurën

Lëkura shpesh reflekton shëndetin e brendshëm. Skuqjet, aknet e papritura ose dermatiti herpetiformis mund të jenë tregues të intolerancës ndaj glutenit. Në shumë raste, këto probleme të lëkurës përmirësohen ose zhduken kur gluteni hiqet nga dieta.

5. Ndryshime të pashpjegueshme në peshë

Humbja e peshës pa arsye, ose përkundrazi shtimi i pashpjegueshëm, mund të ndodhë kur zorrët nuk funksionojnë siç duhet dhe trupi nuk përthith lëndët ushqyese mjaftueshëm. Kjo është një tjetër shenjë që mund të tregojë se gluteni është një problem. /A.Z/UBT News/

Shëndet

Ushqimet që ndihmojnë në largimin e nikotinës nga trupi

Published

10 hours ago

November 3, 2025

UBT News

Mushkëritë janë të ndjeshme ndaj shumë kimikateve, ndër të cilat nikotina është një nga më të dëmshmet.

Kjo substancë futet në gjak dhe mund të qëndrojë aty 6-8 orë, ndërsa për t’u larguar plotësisht nga trupi duhen 2-3 ditë. Nikotina shkakton varësi, por disa ushqime mund të ndihmojnë pastrimin e organizmit dhe eliminimin e toksinës.

Lëngu i karotës

Karrota është burim i pasur i vitaminave A, C, K dhe B, dhe ndihmon ushqimin e lëkurës. Konsumimi i lëngut të karrotës ndihmon në largimin e nikotinës dhe rivendos gjallërinë e lëkurës.

Lëngu i limonit

Një litër lëng limoni në ditë përmirëson funksionin e veshkave dhe ndihmon pastrimin e trupit nga nikotina.

Brokoli

I pasur me vitamina C dhe B5. Duhanpirja ul nivelin e vitaminës C, dhe konsumimi i brokolit e rrit atë, duke neutralizuar toksinat dhe duke dhënë energji.

Shega dhe frutat e pyllit

Janë të pasura me antioksidantë dhe acide që ndihmojnë në eliminimin më të shpejtë të toksinave dhe zbutin simptomat e lënies së duhanit.

Xhenxhefili

Xhenxhefili ndihmon në reduktimin e dëshirës për duhan, largimin e toksinave nga gjaku dhe mund të kontribuojë edhe në humbjen e peshës.

Portokalli

Ky agrum rikthen nivelin e vitaminës C, i cili ulet nga nikotina, dhe ndihmon në reduktimin e stresit dhe ankthit që shoqëron lënien e duhanit.

Uji

Pini shumë ujë për të qëndruar të hidratuar, pasi duhanpirja shkakton dehidratim dhe uji ndihmon në largimin e nikotinës nga trupi.

Për të mbrojtur shëndetin dhe për të ndihmuar pastrimin natyral të trupit, përfshini këto ushqime në dietën tuaj të përditshme. /A.Z/UBT News/

Shëndet

7 arsye pse duhet të shtoni kanellë në ushqimet tuaja

Published

10 hours ago

November 3, 2025

UBT News

Kanella, dikur një erëz luksoze që vetëm të pasurit mund ta blinin gjatë Mesjetës, sot gjendet pothuajse në çdo kuzhinë.

Përveç aromës së saj të veçantë, kanella ka shumë përfitime për shëndetin dhe lëkurën tuaj.

Ja disa mënyra se si mund t’ju ndihmojë:

1. Pakëson aknet

Ka veti antimikrobike që ndihmojnë në luftimin e akneve, duke eliminuar bakteret dhe kërpudhat që shkaktojnë njolla, burim antioksidantësh të fuqishëm.

2. Parandalon shenjat e plakjes

Radikalet e lira kontribuojnë në plakjen e lëkurës. Antioksidantët në kanellë ngadalësojnë këtë proces dhe mbrojnë qelizat nga dëmtimi. Ajo gjithashtu mund të nxisë prodhimin e kolagjenit, duke mbajtur lëkurën më të fortë dhe të shëndetshme.

3. Përmirëson dukshmërinë e lëkurës

Rrit qarkullimin e gjakut, duke sjellë më shumë oksigjen dhe lëndë ushqyese në lëkurë. Ajo përmban përbërës që zvogëlojnë ose ngushtojnë indet e trupit, duke e bërë lëkurën më të butë dhe më të njëtrajtshme.

4. Ka veti anti-inflamatore

Inflamacioni i kontrolluar është i dobishëm, por kur shkon kundër indeve të trupit mund të shkaktojë dëme. Kanella ka veprim anti-inflamator, duke ndihmuar në reduktimin e ënjtjeve dhe inflamacionit.

5. Mbështet shëndetin e zemrës

Shtimi i kanellës në dietë mund të ndihmojë të mbani zemrën të shëndetshme. Studimet tregojnë se tek minjtë që konsumuan kanellë, rreziku i fitimit të peshës dhe sëmundjeve të zemrës ishte më i ulët, krahasuar me ata që konsumuan ushqime të yndyrshme pa kanellë.

6. Ndihmon në humbjen e peshës

Kanella është e pasur me fibra, që rrisin ndjesinë e ngopjes dhe reduktojnë dëshirën për ushqim. Gjithashtu, rrit metabolizmin, sepse trupi përdor më shumë energji për ta përpunuar, duke kontribuar në humbjen e peshës.

7. Përmirëson kujtesën

Kanella mund të ulë stresin e qelizave të trurit e stimulon plasticitetin e hipokampës, pjesë e trurit e lidhur me kujtesën dhe mësimin. Shtimi i kanellës në çajin tuaj, kafenë, drithërat ose ëmbëlsirat mund të jetë një mënyrë e thjeshtë për të përfituar nga këto avantazhe shëndetësore. /A.Z/UBT News/