Shëndet

Cilat janë ndryshimet midis çajit matcha dhe çajit jeshil?

Çaji matcha vjen nga e njëjta bimë si të gjithë çajrat e gjelbër, por ka ndryshime në rritjen dhe prodhimin e tij.

Published

on

Çaji jeshil është një nga pijet më të njohura që kcnsumohen në të gjithë botën dhe nuk është e vështirë të kuptosh pse.

Ai ofron një përzierje unike të stimulimit dhe relaksimit, me një shije të lehtë bimore dhe është gjithnjë e më i njohur për përfitimet shëndetësore.

Ekzistojnë lloje të ndryshme të çajit jeshil që kanë origjinë nga pjesë të ndryshme të botës, të korrur në faza të ndryshme të rritjes dhe të përpunuar me teknika të ndryshme.

Një lloj i veçantë i çajit jeshil në formë pluhuri, që vjen nga Japonia i njohur si çaji matcha, ka fituar shumë popullaritet kohët e fundit.

Çaji matcha vjen nga e njëjta bimë si të gjithë çajrat e tjerë të gjelbër, por ka disa ndryshime në mënyrën e rritjes dhe prodhimit të tij.

AgroWeb.org në këtë artikull, ju sjell një vështrim nga afër të ndryshimeve midis çajit matcha dhe çajit jeshil. Duke përfshirë këtu origjinën e tyre, përfitimet shëndetësore dhe profilin e lëndëve ushqyese.

Çaji jeshil dhe përfitimet shëndetësore

Çaji jeshil bëhet nga gjethet dhe sythat e bimës Camellia Sinensis.

Farat e C. sinensis u sollën për herë të parë në Japoni e më pas në Kinë, në shekullin e 8-të, ku dhe u zhvillua një kulturë e pasur çaji.

Sot ekzistojnë shumë lloje të çajit jeshil, i cili prodhohet kryesisht në Kinë dhe Japoni.

Megjithëse vijnë të gjitha nga e njëjta specie, këto lloje çaji kanë karakteristika unike. Tek to ndikon klima ku janë rritur ose mënyra se si gjethet dhe sythat janë korrur dhe përpunuar.

Kërkimet sugjerojnë se kafeina në çajin jeshil rrit përqëndrimin, përmirëson humorin, kohën e reagimit dhe kujtesën.

Çaji jeshil është i pasur me një grup të larmishëm të mikroelementëve bimorë të njohur si polifenole.

Studimet e kryera sugjerojnë se polifenolet mund të sigurojnë një farë mbrojtje nga kanceri, sëmundjet e zemrës, dëmtimi i mëlçisë dhe problemet neurologjike, por ende nuk ka prova të sigurta tek njerëzit.

Gjithashtu polifenoli kryesor që gjendet tek çaji jeshil, epigallocatechin-3-gallate, ka efektet anti-aterosklerozë, anti-diabet dhe anti-inflamator.

Çaji matça dhe përfitimet shëndetësore

Mendohet se çaji matcha mund ta ketë origjinën në Kinë dhe thuhet se u prezantua në Japoni në shekullin e 12-të nga murgu budist Eisai.

Ky çaj u ngulit thellë në kulturën japoneze, duke u përdorur gjerësisht në ceremoninë tradicionale të çajit japonez.

Disa nga faktorët që e dallojnë matçën nga çajrat e tjerë të gjelbër janë: mënyra si rritet bima, si përpunohen gjethet dhe si bëhet vetë çaji.

Bima e këtij çaji duhet të rritet në hije të pjesshme, duke bërë që gjethet të prodhojnë më shumë klorofil si përgjigje ndaj niveleve më të ulta të rrezeve të diellit.

Kjo i kthen gjethet në një jeshile më të errët, rrit përqendrimin e disa lëndëve ushqyese dhe ndryshon paksa shijen.

Gjethet e reja zgjidhen me dorë, zihen në avull, thahen dhe bluhen derisa arrijnë formën e pluhurit.

Për të pëftuar çajin matcha ky pluhur i hollë dhe i verdhë tundet në ujë.

Kjo përzierje e çajit matcha me ujë, përmban më shumë antioksidantë dhe polifenole se çajrat e zakonshëm përfshirë edhe atë jeshil.

Kjo për shkak se jeni duke konsumuar gjethet në formë pëluhuri.

Gjithashtu edhe kafeina në çajin matcha është në sasi më të lartë se në çajin jeshil./AgroWeb.org

Vendi

United Hospital ngrit vetëdijen për kancerin e lukthit: Diagnostikimi i hershëm mund të shpëtojë jetë

Published

on

Prishtinë – Kanceri i lukthit mbetet një ndër sëmundjet serioze të sistemit tretës, ndërsa një nga sfidat kryesore në luftimin e tij është identifikimi i hershëm, pasi në fazat fillestare mund të zhvillohet pa simptoma të qarta ose me shenja që shpesh ngatërrohen me probleme të zakonshme të tretjes.

Në kuadër të aktiviteteve për ndërgjegjësimin mbi kancerin e lukthit, United Hospital, si një nga institucionet më të mëdha private spitalore në Kosovë, ka rikujtuar rëndësinë e vëmendjes ndaj simptomave të mundshme dhe kryerjes së kontrolleve mjekësore në kohën e duhur.

Dhimbjet e vazhdueshme të barkut, fryrjet, humbja e oreksit, ndjenja e ngopjes pas konsumimit të sasive të vogla të ushqimit dhe humbja e pashpjegueshme e peshës janë disa nga shenjat që kërkojnë vlerësim profesional mjekësor.

Sipas mesazhit sensibilizues të spitalit, këto simptoma nuk duhet të neglizhohen, veçanërisht kur janë të vazhdueshme ose përkeqësohen me kalimin e kohës. Edhe pse jo domosdoshmërisht tregojnë praninë e një sëmundjeje malinje, ato mund të jenë sinjal i problemeve që kërkojnë ekzaminim të mëtejshëm.

Gastroskopia, një ndër ekzaminimet kryesore diagnostikuese

Në kuadër të shërbimeve të saj shëndetësore, United Hospital ofron shërbime të avancuara gastroenterologjike dhe diagnostikuese, përfshirë gastroskopinë, një ekzaminim që mundëson vlerësimin e drejtpërdrejtë të ezofagut, lukthit dhe pjesës së parë të zorrës së hollë.

Gastroskopia ka rëndësi të veçantë në diagnostikimin e ndryshimeve të mukozës së lukthit dhe, kur është e nevojshme, mundëson marrjen e mostrave të indeve për ekzaminim histopatologjik.

Vëmendje e veçantë i kushtohet edhe infeksionit me bakterin Helicobacter pylori, i cili është një nga faktorët e njohur të rrezikut për zhvillimin e kancerit të lukthit.

Mesazh për kujdes dhe diagnostikim në kohë

Përmes këtij aktiviteti ndërgjegjësues, United Hospital synon të përcjellë mesazhin se kujdesi ndaj shëndetit të sistemit tretës duhet të jetë pjesë e rëndësishme e kujdesit të përgjithshëm shëndetësor.

Identifikimi i simptomave, konsultimi me specialistët dhe diagnostikimi në kohë janë hapa të rëndësishëm për menaxhimin e sëmundjeve të lukthit.

United Hospital – Kujdesi për shëndetin fillon duke dëgjuar sinjalet e trupit tuaj.

Për informata dhe termine:

Telefon: 046 60 70 70

Lokacioni: M2 Prishtinë–Ferizaj, kilometri i 7-të, Prishtinë./rajonipress/

 

Continue Reading

lajme

United Hospital avancon shërbimet e kirurgjisë kardiovaskulare, bypass-i koronar ndër ndërhyrjet kryesore për trajtimin e sëmundjeve të zemrës

Published

on

By

Prishtinë – United Hospital po promovon shërbimet e specializuara në fushën e kirurgjisë kardiovaskulare, duke vënë në pah rëndësinë e ekspertizës mjekësore, teknologjisë bashkëkohore dhe bashkëpunimit multidisiplinar në trajtimin e pacientëve me sëmundje të zemrës.

Në kuadër të këtyre shërbimeve, kirurgu kardiovaskular, PhDc. Dr. Raif Çavolli, prezanton mundësitë e trajtimit që ofrohen në këtë institucion shëndetësor, përfshirë bypass-in koronar (CABG), kirurgjinë e valvulave të zemrës, kirurgjinë e aortës dhe operacionet e kombinuara kardiake.

Bypass-i koronar, ndërhyrje për përmirësimin e qarkullimit të gjakut në zemër

Një ndër procedurat kryesore të kirurgjisë kardiovaskulare është bypass-i koronar, i cili realizohet për të krijuar rrugë alternative për qarkullimin e gjakut, duke anashkaluar arteriet koronare të ngushtuara ose të bllokuara.

Kjo ndërhyrje synon të përmirësojë furnizimin e muskulit të zemrës me gjak dhe oksigjen. Te pacientët e përzgjedhur sipas vlerësimit mjekësor, bypass-i koronar mund të ndihmojë në lehtësimin e dhimbjeve të gjoksit, përmirësimin e tolerancës ndaj aktivitetit fizik dhe rritjen e cilësisë së jetës.

Sipas materialeve informuese të publikuara nga United Hospital, procedurat CABG mbështeten edhe nga përdorimi i ekokardiografisë transesofageale (TEE), një metodë diagnostikuese që mundëson vlerësimin e strukturave dhe funksionit të zemrës gjatë ndërhyrjes kirurgjikale.

Përdorimi i kësaj teknologjie i ndihmon specialistët të monitorojnë gjendjen e zemrës në kohë reale dhe të marrin informacione të rëndësishme gjatë operacionit. Zgjedhja e metodës së trajtimit dhe e teknikave të monitorimit përcaktohet në bazë të gjendjes klinike dhe nevojave individuale të pacientit.

Ekipi multidisiplinar në qendër të trajtimit

Përveç ndërhyrjeve kirurgjikale, United Hospital thekson rëndësinë e bashkëpunimit ndërmjet specialistëve për planifikimin dhe realizimin e trajtimit.

Në këtë proces, rol të rëndësishëm ka Heart Team (Ekipi i Zemrës), i cili përfshin kardiokirurgë, kirurgë vaskularë, kardiologë, radiologë, anesteziologë dhe profesionistë të tjerë shëndetësorë, sipas nevojës së rastit.

Përmes këtij bashkëpunimi, synohet që secili pacient të vlerësohet në mënyrë gjithëpërfshirëse dhe të përcaktohet qasja më e përshtatshme e trajtimit, duke marrë parasysh diagnozën, gjendjen e përgjithshme shëndetësore dhe përfitimet e mundshme të ndërhyrjes.

Kujdesi për zemrën kërkon vlerësim të hershëm dhe trajtim të përshtatshëm

United Hospital u bën thirrje qytetarëve që të mos i neglizhojnë shqetësimet që lidhen me shëndetin e zemrës dhe të kërkojnë këshilla profesionale kur paraqiten simptoma apo faktorë rreziku për sëmundje kardiovaskulare.

Vlerësimi nga specialistët është i rëndësishëm për identifikimin e problemit dhe përcaktimin e trajtimit të nevojshëm. Jo çdo pacient me sëmundje të arterieve koronare ka nevojë për bypass, ndaj vendimi për ndërhyrje kirurgjikale merret pas ekzaminimeve përkatëse dhe vlerësimit të ekipit mjekësor.

Për konsultime kardio-kirurgjikale dhe informata rreth shërbimeve, të interesuarit mund të kontaktojnë United Hospital në numrat 038 60 70 70 dhe 046 60 70 70.

Spitali ndodhet në magjistralen M2 Prishtinë–Ferizaj, në kilometrin e shtatë, në Prishtinë.

Për konsultime kardio-kirurgjikale dhe informata shtesë, të interesuarit mund të kontaktojnë spitalin në numrat 038 60 70 70 dhe 046 60 70 70, ose ta vizitojnë në adresën M2, Prishtinë–Ferizaj, kilometri i 7-të, Prishtinë, Kosovë./rajonipress/

Continue Reading

Vendi

Prof. Ass. Dr. Bedri Braha – ekspertizë në kirurgjinë abdominale dhe qasje bashkëkohore ndaj trajtimit kirurgjikal

Published

on

By

Prishtinë – Në fushën e kirurgjisë së përgjithshme dhe veçanërisht të kirurgjisë abdominale, Prof. Ass. Dr. Bedri Braha përfaqëson një profil profesional të lidhur me përvojën klinike, mësimdhënien universitare dhe përdorimin e teknikave bashkëkohore kirurgjikale. Si specialist i Kirurgjisë së Përgjithshme, subspecialist i Kirurgjisë Abdominale dhe laparoskopist, Dr. Braha ushtron veprimtarinë profesionale në United Hospital, duke ofruar vlerësim dhe trajtim kirurgjikal për një gamë të gjerë patologjish.

Një ndër fushat me rëndësi të veçantë në kirurgjinë abdominale është trajtimi i tumoreve të zorrës së trashë, përfshirë pjesën rektosigmoide. Në rastet kur diagnostikohet një tumor i tillë, trajtimi përcaktohet në bazë të lokalizimit, stadit të sëmundjes dhe karakteristikave histopatologjike, shkruan “Rajoni Press”.

Në shumë raste, ndërhyrja kirurgjikale është pjesë qendrore e trajtimit, ku synohet heqja e segmentit të prekur së bashku me nyjet limfatike përreth, ndërsa pas ndërhyrjes mund të rekomandohen trajtime shtesë, si kimioterapia apo radioterapia, në varësi të stadit dhe vlerësimit të ekipit mjekësor.

Një rëndësi të veçantë ka diagnostikimi në kohë. Ndryshimet e vazhdueshme në zakonet e jashtëqitjes, prania e gjakut në jashtëqitje, dhimbjet ose ngërçet e përsëritura të barkut, fryrja e vazhdueshme, humbja e pashpjegueshme e peshës dhe lodhja e zgjatur janë simptoma që nuk duhet të neglizhohen. Ato nuk nënkuptojnë domosdoshmërisht praninë e një tumori, por kërkojnë vlerësim mjekësor, veçanërisht kur janë të vazhdueshme ose përsëriten.

Në praktikën moderne kirurgjikale, qasja laparoskopike mund të ofrojë alternativa më pak invazive për pacientë të përzgjedhur, gjithmonë në varësi të diagnozës, gjendjes së pacientit dhe indikacionit kirurgjikal. Vendimmarrja duhet të bazohet në ekzaminimin klinik, imazherinë, analizat përkatëse dhe vlerësimin multidisiplinar.

United Hospital

Prof. Ass. Dr. Bedri Braha është gjithashtu profesor i kirurgjisë në UBT, anëtar i Shoqatës së Kirurgëve të Përgjithshëm të Kosovës dhe anëtar i Bordit në Kolegjin Kosovar të Kirurgëve. Kjo ndërthurje e aktivitetit klinik me atë akademik e vendos profesionin e tij në një dimension ku kujdesi për pacientin, edukimi mjekësor dhe zhvillimi i praktikave bashkëkohore kirurgjikale plotësojnë njëri-tjetrin.

Në një kohë kur ndërgjegjësimi shëndetësor dhe diagnostikimi i hershëm kanë rëndësi gjithnjë e më të madhe, mesazhi kryesor mbetet i qartë: simptomat e pazakonta dhe të vazhdueshme nuk duhen injoruar. Konsultimi me mjekun specialist dhe vlerësimi profesional janë hapat e parë drejt një diagnoze të saktë dhe një plani të përshtatshëm trajtimi.

Prof. Ass. Dr. Bedri Braha, Dr. Sci.
Specialist i Kirurgjisë së Përgjithshme
Subspecialist i Kirurgjisë Abdominale | Laparoskopist
Profesor i Kirurgjisë në UBT

United Hospital
📍 M2 Prishtinë–Ferizaj, Km 7, Prishtinë
📞 038 60 70 70 / 046 60 70 70

Continue Reading

Lajmet

Interesim rekord për drejtimin e Teknikut të Laboratorit Mjekësor në UBT International Smart Schools – profesionet e së ardhmes po zgjedhen sot

Published

on

By

Interesimi i të rinjve për regjistrimin në drejtimin Teknik i Laboratorit Mjekësor në UBT International Smart Schools ka arritur nivele rekord, duke e shndërruar këtë program në një nga drejtimet më të kërkuara për vitin e ri shkollor.

Kërkesa e lartë reflekton besimin në cilësinë e arsimit që ofron UBT International Smart Schools, e cila është forcuar edhe më tej pas akreditimit të plotë ndërkombëtar nga Cambridge International Education.

Një nga arsyet kryesore që ky drejtim po tërheq një numër kaq të madh të nxënësve është modeli unik i mësimit, i cili ndërthur përgatitjen teorike me praktikën profesionale. Nxënësit e drejtimit Teknik i Laboratorit Mjekësor zhvillojnë praktikën profesionale në United Hospital, duke fituar përvojë të drejtpërdrejtë në një ambient real shëndetësor dhe duke u njohur me standardet bashkëkohore të punës në laboratorët mjekësorë.

Në një kohë kur teknologjia po transformon diagnostikën dhe shërbimet laboratorike, UBT International Smart Schools ka ndërtuar një program modern, i cili kombinon shkencat mjekësore me teknologjinë informative, duke përgatitur nxënësit për sfidat reale të profesionit që në bankat e shkollës.

Përveç njohurive profesionale në laboratorinë mjekësore, nxënësit zhvillojnë kompetenca të avancuara digjitale, duke mësuar të krijojnë dhe menaxhojnë baza të të dhënave, të analizojnë informacione, të përdorin sisteme moderne informatike, si dhe të ndërtojnë aplikacione dhe ueb-faqe funksionale. Programi përfshin përdorimin e teknologjive bashkëkohore për menaxhimin e të dhënave laboratorike, dizajnimin e bazave relacionale të të dhënave, krijimin e pyetësorëve, raporteve dhe formave për analizimin e informacionit, si dhe zhvillimin e aftësive në dizajnimin dhe publikimin e ueb-faqeve.

Mësimi zhvillohet në laboratorë modernë të pajisur me teknologjinë më të avancuar, ku nxënësit punojnë me kompjuterë, pajisje laboratorike dhe platforma profesionale, duke fituar përvojë praktike që i përgatit për studime universitare dhe për tregun e punës.

Krahas aftësive teknike, programi zhvillon edhe kompetenca të domosdoshme të shekullit XXI, si komunikimin efektiv, bashkëpunimin në grup, mendimin kritik, zgjidhjen e problemeve, hulumtimin, analizimin dhe përpunimin e të dhënave, duke krijuar profesionistë të kompletuar për sektorin e shëndetësisë dhe teknologjisë.

Interesimi i madh i prindërve dhe nxënësve dëshmon se zgjedhja e një profesioni me perspektivë fillon që në arsimin e mesëm. Drejtimi i Teknikut të Laboratorit Mjekësor në UBT International Smart Schools ofron një rrugë të qartë drejt studimeve universitare në fushat e mjekësisë, laboratorisë, biokimisë, farmacisë dhe shkencave shëndetësore, duke u mundësuar nxënësve të ndërtojnë një karrierë të suksesshme në një nga sektorët më të rëndësishëm dhe më të kërkuar të kohës.

Vendet janë të limituara andaj nxitoni të siguroni vendin Tuaj në UBT International Smart Schools!

Continue Reading

Të kërkuara