Shëndeti

Cilat janë frutat që përmbajnë më shumë dhe më pak sheqer

Frutat më të mira që mund të konsumoni në këto raste janë ato me më pak sheqer.

Published

4 years ago

October 6, 2021

Betim Gashi

Sheqeri tek frutat vjen bashkë me fibrat, mineralet dhe vitaminat, gjë që balancon situatën në organizëm. Kështu që ai është shumë herë më pak i dëmshëm se sa sheqeri i përpunuar. Sidoqoftë, sheqeri mbetet sheqer, ndaj edhe në rastin e frutave, nuk duhet tepruar, ose më saktë duhet vendosur një ekuilibër.

Sidomos në rastet kur po përpiqeni të humbisni peshë ose vuani nga sëmundje ku sheqeri përkeqëson më tepër gjendjen tuaj. Frutat më të mira që mund të konsumoni në këto raste janë ato me më pak sheqer dhe me më shumë minerale, antioksidantë, vitaminadhe fibra. Në këtë artikull ju njeh me frutat që përmbajnë më shumë sheqer dhe ato me më pak sheqer.

Mango
Mango përmban shumë fibra dhe lëndë ushqyese që i nevojiten organizmit tuaj. Por gjithashtu ato janë një ndër frutat që përmbajnë më tepër sheqer natyral. Për shembull, një mango ka rreth 45 gram sheqer dhe ky frut mund të mos jetë zgjedhja juaj më e mirë nëse po përpiqeni të humbisni peshë. Megjithatë, ju mund shijoni disa feta dhe të ruani pjesën tjetër për më vonë.

Rrushi
Një filxhan me rrush ka rreth 23 gram sheqer. Nëse po mundoheni të reduktoni sheqerin në regjimin tuaj ushqimor, këshillohet të konsumoni sasi të vogla.

Qershitë
Ato janë të ëmbla dhe përmbajnë shumë sheqer. Vetëm një filxhan me qershi përmban 18 gram sheqer. Dhe nëse mbushni një tas të madh me to, mund të humbisni llogarinë se sa sheqer po konsumoni.

Dardha
Një dardhë e mesme ka 17 gram sheqer. Nëse po përpiqeni të zvogëloni sasinë e sheqerit që konsumoni përgjatë ditës, mos e konsumoni të gjithë dardhën menjëherë.

Shalqiu
Ai është i ngarkuar me ujë dhe ka minerale të veçanta që i nevojiten trupit tuaj për tu hidratuar gjatë ditëve të nxehta të verës. Por vetëm një copë e vogël trekëndore përmban 17 gram sheqer.

Fiqtë
Dy fiq me madhësi mesatare kanë 16 gram sheqer. Prandaj nëse po përpiqeni të mbani nën kontroll sheqerin, këshillohet të reduktoni konsumin e tyre.

Bananet
Një banane e mesme ka 14 gram sheqer. Nëse kjo ju duket e tepërt, konsumoni gjysmën e saj ose mund të zgjidhni banatet jeshile të cilat përmbajnë më pak sheqer.

Frutat me më pak sheqer
Avokado
Po, avokado konsiderohet një frut! Dhe jo të gjitha frutat janë të mbushura me sheqer. Vetëm në një avokado gjenden 1.33 gram sheqer. Edhe pse ato janë të ulëta në sheqer, avokadot janë të larta në kalori, kështu që mund të mos jetë një ide e mirë t’i konsumoni rregullisht.

Mjedrat
Ato përmbajnë 8 gram fibra për filxhan dhe vetëm 5 gram sheqer. Fibra është e mirë për tretjen dhe mund t’ju ndihmojë të ndiheni më të ngopur.

Papaja
Gjysma e një papaje të vogël ka rreth 6 gram sheqer. Dhe gjysma është e mjaftueshme për t’u ngrënë në një vakt.

Luleshtrydhet
Një filxhan me luleshtrydhe ka vetëm 7 gram sheqer. Shtojini ato në një sallatë ose konsumojini si një vakt i ndërmjetëm./AgroWeb

Shëndeti

Ushqimet më të mira kundër fryrjes së stomakut

Published

1 day ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

1 day ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!