Magazinë

Chiara Ferragni pranë marrëveshjes me gjyshen Adriana në çështjen “Pandoro”

Published

on

Chiara Ferragni, sipërmarrësja dhe influencuesja italiane, duket se është pranë arritjes së një marrëveshjeje me një nga konsumatorët e përfshirë në çështjen e njohur “Pandoro”.

Bëhet fjalë për Adrianën, një pensioniste 76-vjeçare, e cila kishte blerë ëmbëlsirën e Krishtlindjeve dhe në shtator iu bashkua padisë civile kundër Ferragni-t dhe dy të pandehurve tjerë.

Marrëveshja parashikon një kompensim prej 500 eurosh, pas të cilit gruaja do të tërheqë kërkesën e saj në seancën e ardhshme gjyqësore të planifikuar për 4 nëntor. Avokatët e pensionistes kanë bërë të ditur se klientja “kishte qëllim të dhuronte për bamirësi” dhe se “në prill kuptoi se donacioni i saj nuk ishte përdorur sipas qëllimit të deklaruar”.

Çështja “Pandoro” dhe hetimi për bamirësinë

Rasti ka në qendër shitjen e ëmbëlsirës “Pandoro Krishtlindje Rozë”, një iniciativë që u prezantua si fushatë bamirësie, por që më vonë u bë subjekt i një hetimi të Prokurorisë së Milanos për dyshime mbi menaxhimin e fondeve të mbledhura. Pensionistja kishte blerë produktin me bindjen se po mbështeste një kauzë humanitare, por sipas hetimeve, fushata mund të ketë pasur parregullsi në transparencën e donacioneve.

Nëse marrëveshja mes palëve konfirmohet, ajo do të mbyllte mosmarrëveshjen individuale me konsumatoren, ndërkohë që procedura penale kryesore vijon për të pandehurit tjerë. Për gruan 76-vjeçare, kjo shumë përfaqëson një kompensim simbolik, i vlerësuar në të njëjtin nivel me dëmin e pretenduar fillimisht.

Seanca e 4 nëntorit: çfarë pritet të ndodhë

Në seancën paraprake të 4 nëntorit, gjykatësi pritet të shqyrtojë tërheqjen e padisë civile nga konsumatorja, si dhe kërkesat e dy shoqatave të konsumatorëve që kërkojnë të njihen si palë të dëmtuara në proces.

Gjatë seancës, mund të diskutohet edhe pranimi i procedurave alternative, si gjykimi i shkurtuar, i cili do të siguronte një proces më të shpejtë dhe, në rast dënimi, një ndëshkim më të lehtë për të akuzuarit.

Hetimi për “vezët e Pashkëve”

Përveç “Pandoro-s”, hetimet përfshijnë edhe një nismë tjetër promovuese, të quajtur “vezët e Pashkëve”, gjithashtu e lidhur me qëllime bamirësie.

Në këtë rast, nën hetim janë tre persona, mes tyre edhe Chiara Ferragni, e cila ka mohuar vazhdimisht akuzat, duke deklaruar pafajësinë dhe transparencën e veprimtarive të saj të biznesit.

Kjo marrëveshje e mundshme mund të jetë hapi i parë drejt zgjidhjes së një prej kapitujve më të diskutuar të karrierës së Ferragni-t, që ka vënë në qendër të vëmendjes etikën e bashkëpunimeve komerciale me qëllime bamirësie. /A.Z/UBT News/

 

Lajmet

Alix Earle kërkon deri në 500 mijë dollarë për një postim reklamues

Published

on

Influencuesja amerikane Alix Earle kërkon nga 250 mijë deri në 500 mijë dollarë për një postim të vetëm në kuadër të bashkëpunimeve me marka të ndryshme, raporton revista “The Hollywood Reporter”.

Sipas revistës, për 25-vjeçaren, e cila ka ndërtuar një audiencë të madhe në TikTok, një nga kriteret kryesore për pranimin e bashkëpunimeve është nëse i pëlqen vërtet produkti që i ofrohet për promovim.

Babai i saj, Thomas Earle, ka treguar se kur vajza e tij e pëlqen mjaftueshëm një produkt, ndonjëherë është e gatshme ta promovojë edhe pa pagesë.

“Duket e çmendur të shpenzosh kaq shumë para, por unë vërtet besoj te jetëgjatësia dhe te ruajtja e besimit që kam ndërtuar me audiencën time”, është shprehur Earle.

Përveç bashkëpunimeve reklamuese, influencuesja ka nisur të investojë edhe në kompani të ndryshme. Ajo ishte ndër investitorët e hershëm në kompaninë e pijeve me bazë prebiotike Poppi, të cilën PepsiCo e bleu vitin e kaluar për 1.95 miliardë dollarë.

Earle zotëron gjithashtu aksione në markën e produkteve të mirëqenies Cymbiotika, ndërsa është investitore dhe ambasadore e markës së koktejeve të gatshme SipMARGS.

Në mars, ajo prezantoi edhe markën e saj të produkteve për kujdesin e lëkurës, Reale Actives, duke zgjeruar aktivitetin në industrinë e bukurisë.

Gjatë intervistës, Earle foli edhe për kritikat që kishte marrë pas deklaratës se nuk kishte lexuar asnjë libër gjatë jetës së saj.

“Le ta bëjmë të qartë: E kam lexuar patjetër librin, por jo, nuk lexoj në mënyrë aktive. Për momentin nuk jam duke lexuar asgjë”, u shpreh ajo.

Alix Earle u bë e famshme gjatë pandemisë së COVID-19, përmes videove në TikTok, ku fitoi miliona ndjekës me përmbajtje rreth përditshmërisë, bukurisë dhe stilit të jetesës.

Vitin e kaluar, ajo arriti në vendin e dytë në sezonin e 34-t të spektaklit “Dancing with the Stars”. Ndërkohë, në shtator, në Netflix debutoi reality show i familjes së saj, “Earle Meets World”, i cili, sipas raportimeve, është rinovuar për një sezon të dytë./A.K/

Continue Reading

Lajmet

GTA 6 vjen për PS5 dhe Xbox, zbulohet çmimi në Evropë

Published

on

Loja e shumëpritur “Grand Theft Auto VI” (GTA 6) është paralajmëruar për PlayStation 5 dhe Xbox Series X|S, ndërsa përdoruesit e PC-së do të duhet të presin për një version të veçantë.

Loja është zhvilluar për gjeneratën aktuale të konzolave, çka do të thotë se nuk do të jetë e disponueshme për PlayStation 4 dhe Xbox One. Ndërkohë, Rockstar Games ende nuk ka konfirmuar datën e lansimit për PC, ndërsa Nintendo Switch 2 nuk figuron në listën e platformave të mbështetura.

Sipas kompanisë kërkimore Enders Analysis, versioni për PC mund të publikohet në muajin shkurt, por ky informacion mbetet i pakonfirmuar.

Sa i përket çmimeve, loja ofrohet në dy versione, Standard dhe Ultimate. Në Evropë, versioni Standard kushton 79.99 euro, ndërsa Ultimate 99.99 euro. Në SHBA, çmimet janë 79.99 dhe 99.99 dollarë, ndërsa në Britaninë e Madhe 69.99 dhe 89.99 funte.

Çmimet përfundimtare mund të ndryshojnë varësisht nga rajoni dhe taksat./A.K/

Continue Reading

Lajmet

Filmi “Zero A.D.: The Birth of Christ” me buxhet prej 44 milionë dollarësh, producent ekzekutiv shqiptari Noli Molla

Published

on

“Zero A.D.: The Birth of Christ” është një nga filmat më të shumëpritur të këtij viti, i cili pritet të shfaqet në kinema gjatë muajit dhjetor.

Përveç emrave të njohur të kinematografisë botërore që janë pjesë e kastit, si Jim Caviezel, Deva Cassel dhe Sam Worthington, filmi veçohet edhe për përfshirjen e shqiptarit nga Kosova, Noli Molla, në rolin e producentit ekzekutiv.

I pranishëm së fundmi në pre-premierën e filmit në CineStar, Molla ka ndarë detaje rreth produksionit, buxhetit dhe përfshirjes së tij në këtë projekt ndërkombëtar.

“Buxheti i filmit ka qenë 44 milionë dollarë”, ka deklaruar ai në një intervistë për Telegrafi.com.

Filmi trajton ngjarjen e Lindjes së Krishtit, ndërsa një nga veçoritë e tij është përzgjedhja e aktores Deva Cassel në rolin e Shën Mërisë. Ajo është vajza e aktorëve të njohur Vincent Cassel dhe Monica Bellucci.

Molla ka treguar se për këtë rol kishin audicionuar më shumë se 3 mijë aktore dhe se regjisori e kishte përzgjedhur Deva Cassel pa e ditur fillimisht se kush ishin prindërit e saj.

Ai ka theksuar se përfshirja e saj në projekt ishte veçanërisht emocionuese për të, duke kujtuar edhe rolin e Monica Belluccit në filmin “The Passion of the Christ”.

Gjatë intervistës, producenti kosovar ka folur edhe për planet e tij të ardhshme në industrinë e filmit. I pyetur nëse synon të realizojë një projekt ndërkombëtar për historinë e Kosovës, Molla ka zbuluar se është duke shqyrtuar dy ide: një film për Skënderbeun dhe një tjetër për Adem Jasharin.

Ai ka thënë se realizimi i këtyre projekteve kërkon skenar të fuqishëm dhe përzgjedhje të aktorëve që mund t’u japin atyre jehonë ndërkombëtare./A.K/

Continue Reading

Lajmet

Brad Pitt shpreh dëshirën të luajë rolin e keqbërësit në filmin e ri të James Bond

Published

on

Aktori amerikan Brad Pitt ka thënë se do të dëshironte të luante një personazh negativ në filmin e ri të James Bond, ku Robert Pattinson pritet të marrë rolin e agjentit 007.

Pitt foli për “Extra TV” gjatë premierës së filmit “The Further Mis-Adventures of Cliff Booth”, të hënën në Los Angeles, ku vlerësoi edhe përzgjedhjen e Pattinsonit për rolin e spiunit britanik.

“Robert… E di çfarë, do të më pëlqente shumë. Javieri im e bëri një punë të shkëlqyer. Standardet janë të larta, por unë do ta bëja”, deklaroi Pitt.

Aktori iu referua bashkëpunëtorit të tij në filmin “F1”, Javier Bardem, i cili luajti personazhin negativ Raoul Silva në filmin e James Bond “Skyfall”, të vitit 2012.

Pitt shprehu gjithashtu mbështetje për zgjedhjen e Pattinsonit si agjenti i ri 007.

“Më pëlqen kjo ide. Më pëlqen ajo që bën dhe çfarë lloj rolesh zgjedh. Mendoj se është i duhuri. Është një vendim i mirë”, tha ai.

Pattinson u njoftua të hënën si aktori i shtatë që do të interpretojë James Bondin. Ai do të jetë protagonist në filmin e 26-të të kësaj serie, i cili do të drejtohet nga Denis Villeneuve, me skenar të Steven Knight.

Ai merr rolin nga Daniel Craig, i cili e interpretoi për herë të fundit agjentin 007 në vitin 2021.

Ndërkohë, në filmin e ri, Pitt rikthehet në rolin e kaskaderit Cliff Booth nga filmi i Quentin Tarantinos “Once Upon a Time in Hollywood”. Për këtë rol, ai fitoi çmimin Oscar për aktorin më të mirë në rol dytësor në vitin 2020./A.K/

Continue Reading

Të kërkuara