Sport

Challandes: Unë nuk dorëzohem kurrë, e respektoj shumë Kosovën

Published

6 years ago

April 14, 2021

Betim Gashi

Gjatë muajit mars Kosova i zhvilloi tri ndeshje, njëra nga ato miqësore kundër Lituanisë që u zhvillua në “Fadil Vokrri”, takim ky që Kosova e fitoi me rezultat 4:0.

Por, dy ndeshjet në kuadër të fazës para-kualifikuese për Kampionatin Botëror “Qatar 2022”, “Dardanët” i humbën kundër Suedisë me rezultat 0:3 në Prishtinë dhe 3:1 kundër Spanjës në Sevilla.

E edhe përkundër rezultateve jo të mira, trajneri i Kombëtares së Kosovës Bernard Challandes tha në emisionin Rubikon në Klan Kosova se nuk e ka ndërmend të largohet nga Kosova.

Challandes tha se nuk do të dorëzohet.

“Jo, nuk mund ta pranoj këtë ndjenjë, jo, jo, në të kundërtën, unë kurrë nuk dorëzohem. Unë nuk jam trajneri më i mirë në i mirë në botë, e di këtë”, tha fillimisht Challandes.

Ai theksoi se me këtë skuadër ka një të ardhme shumë të mirë.

“Jo, unë e respektoj Kosovën, jam shumë i lumtur me Kosovën dhe ekipin, mendoj se ne kemi një të ardhme me këtë ekip, dhe jo unë, ne kemi nevojë për më shumë kohë. Ne kemi pasur sukses, ndoshta shumë shpejtë, tani është një kohë tjetër, në rregull, por tani duhet ta pranojmë, duhet mësohemi me këtë kohë e vështirë dhe të japim në mundësinë e ardhshme, për hapin e ardhshëm”, vazhdoi selektori i Përfaqësueses së Kosovës, Bernard Challandes.

Strategu zviceran shtoi se është i kënaqur me ekipin dhe se i beson këtij ekipi.

“Po, e qartë, unë i besoj ekipit, dhe jam i kënaqur me ekipin, dhe unë mund të punoj me ekipin, në rregull unë kam probleme me disa lojtarë, ju e dini, por është jetë normale e një trajneri”, përfundoi tekniku zviceran që tani drejton Përfaqësuesen e Kosovës.

Up Next

Kompletohet sot faza gjysmëfinale e Ligës së Kampionëve

Don't Miss

Sancho do të mungojë në ndeshjen e kthimit kundër Manchester Cityt

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/