Shëndeti

Çfarë tregojnë studimet e reja rreth dozës përforcuese tek të moshuarit?

Një dozë përforcuese mund të luftojë tek individët mbi 60 vjeç, sipas hulumtimeve.

Published

4 years ago

October 12, 2021

UBT news

Të moshuarit kanë qenë një nga grupet më të rrezikuara për zhvillimin e simptomave të rënda nga COVID-19.

Kur procesi i vaksinimit filloi, ata ishin të parët në radhë për të bërë vaksinën.

Por shkencëtarët tashmë kanë zbuluar se me kalimin e kohës edhe me shfaqien e varianteve të reja, efektiviteti i vaksinave po bie.

Dhe sigurisht që kjo gjë është shumë shqetësuese për individët që rrezikohen më tepër nga koronavirusi.

Debati nëse është koha që individët më të rrezikuar të marrin një dozë tjetër përforcuese, mes ekspertëve të shëndetsisë dhe qeveritarëve në mbarë botën tashmë është bërë edhe më i ashpër.

Çfarë tregojnë studimet e reja rreth dozës së tretë përforcuese?

Hulumtimet e reja kanë zbuluar se një dozë përforcuese mund të luftojë më tej koronavirusin, veçanërisht për individët mbi 60 vjeç.

Një studim i botuar më 15 shtator në “The New England Journal of Medicine” (Revista E Mjekësisë Angleze) , zbuloi se të moshuarit që morën një dozë përforcuese Pfizer, ishin më pak të rrezikuar për t’u prekur rëndë nga COVID.

Sipas të dhënave të mbeldhura në nivel kombëtar në Izrael, për këtë studim, u vu re se njerëzit në këtë grupmoshë kishin më pak të ngjarë të zhvillonin simptoma të rënda nga virusi.

Kjo krahasuar me individët e së njëjtës moshë që kishin marrë vetëm dy doza të vaksinës.

Studiuesit gjithashtu zbuluan se shkalla e infeksionit ishte rreth 11 herë më e ulët në mesin e kësaj grupmoshe.

“Izraeli ka treguar qartë se, një dozë përforcuese mund të kryhet në mënyrë të sigurt në nivel kombëtar dhe se kjo është një strategji efektive për të rritur mbrojtjen në një periudhë kur Delta është lloji më dominues.”, deklaroi Pfizer në një raport të lëshuar më 15 shtator nga Administrata Amerikane e Ushqimit dhe Barnave (FDA), duke cituar studimin e Izraelit.

Në të njëjtën kohë, disa zyrtarë janë shprehur kundër marrjes për bazë së rezultateve të këtij studimi.

Ellie Murray, një epidemiologe në Universitetin e Bostonit, tha se rezultatet duhet të shihen me njëfarë skepticizmi, pasi studimi kishte kufizime të mëdha.

Duke e bëre të vështirë të kuptohet efekti i vërtetë i dozave përforcuese, si edhe përcaktimi i kohës së mbrojtjes që këto doza përforcuese ofrojnë./AgroWeb.org

Related Topics:doza e trete vaksina antiCOVID

Up Next

Disa mënyra si të hiqni dorë nga sheqeri – Sa gramë duhet të konsumoni në ditë?

Don't Miss

Lëng portokalli për të ulur kolesterolin e lartë – Sasia që ju duhet!

Shëndeti

Ushqimet më të mira kundër fryrjes së stomakut

Published

2 days ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

2 days ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!