

Lajmet
“Çfarë ndodhi në Brazil nuk ishte përsëritje e sulmit të 6 janarit në SHBA”
Kishte dallime të rëndësishme mes asaj që ndodhi në Uashington dhe asaj në Brasilia.
Published
2 years agoon
By
Betim Gashi
Nga Raphael Tsavkko Garcia
Më 8 janar, mbështetësit e ish-presidentit të ekstremit të djathtë të Brazilit, Jair Bolsonaro, sulmuan pallatin presidencial të vendit, Kongresin dhe Gjykatën e Lartë duke kërkuar që përmes një grusht shteti ta rikthenin atë në pushtet.
Të ashtuquajturit “bolsonaristët” thyen xhamat dhe mobiljet në godinën e Gjykatës së Lartë. Ata u ngjitën në çatinë e ndërtesës së Kongresit dhe shpalosën një pankartë ku shkruhej “ndërhyrje”. Ata shkatërruan dhe vodhën vepra arti dhe thyen panele xhami. Ata bredhën në pallatin presidencial duke brohoritur parulla pro Bolsonaros. Ata e sulmuan edhe një polic.
Këto skena tmerri në Brasilia ishin pothuajse të ngjashme me ato që u panë në Kapitol në Shtetet e Bashkuara të Amerikës më 6 janar të vitit 2021, kur selia e Kongresit u pushtua nga mbështetës të guximshëm të ish-presidentit amerikan, Donald Trump.
Dhe ngjashmëritë mes dy ngjarjeve nuk ishin rastësi. Dihet fare mirë se Bolsonaro është një admirues i ish-presidentit amerikan dhe inspirohet nga libri i tij i famshëm. Djali i Bolsonaros, kongresmeni Eduardo Bolsonaro, udhëtoi për në Shtetet e Bashkuara të Amerikës nëntorin e kaluar për të takuar presidentin Trump. Gjatë kohës sa ishte atje, u raportua se ai ka pasur diskutime me ish-këshilltarët e Trump, Stephen Bannon dhe Jason Miller, rreth hapave të mundshëm të ardhshëm të babait të tij pas humbjes së presidencës ndaj rivalit të tij të krahut të majtë, Lula de Silva.
Përkundër se refuzimi i mbështetësve të Bolsonaros për të pranuar rezultatet legjitime të zgjedhjeve dhe përpjekja e tyre për të rikthyer liderin në pushtet dukej se ishte përsëritje e skenarit të 6 janarit, pothuajse saktësisht dy vjet më parë, kishte dallime të rëndësishme mes asaj që ndodhi në Uashington dhe Brasilia – dhe këto dallime lënë të nënkuptojnë se Brazilit do t’i duhet të luftojë shumë më tepër se Shteteve të Bashkuara të Amerikës për të shëruar demokracinë e tij.
Dallimi i parë dhe më i dukshëm është se në SHBA kryengritja e mbështetësve të Trumpit kishte në shënjestër vetëm Kapitolin. Në Brazil, megjithatë, përkrahësit e Bolsonaros sulmuan edhe Gjykatën e Lartë. Kjo, natyrisht, nuk ishte befasuese pasi Bolsonaro kaloi pjesën më të madhe të presidencës së tij duke akuzuar gjyqtarët më të lartë të Brazilit se ishin të njëanshëm dhe kundër tij.
Dallimi tjetër dhe ndoshta më i rëndësishëm midis ngjarjeve në SHBA dhe Brazil është mënyra se si forcat e sigurisë iu përgjigjën atyre.
Në SHBA, pavarësisht dështimeve fillestare, forcat e sigurisë ndërmorën veprime kundër protestuesve të dhunshëm pa hezitim dhe nuk kishte asnjë dyshim se ushtria mund të ishte në të vërtetë mbështetëse e kërkesave të tyre për një grusht shteti kundër presidentit të sapozgjedhur. Në Brazil, megjithatë, ishte shumë më e vështirë të konstatohej se ku qëndronin besnikëria e forcave të sigurisë.
“Protesta” e dhunshme e së dielës në Brasilia nuk ishte befasi. Përkrahësit publikuan postime në lidhje me pushtimin e Kongresit në platforma sikurse WhatsApp dhe Telegram me dhjetëra mijëra ndjekës që nga të paktën 3 janari. Po ashtu në rrjete sociale u diskutua se mbështetësit radikalë të Bolsonaros në të gjithë vendin merrnin me qira autobusë për të shkuar në aksionin e dhunshëm qeveritar në Brasilia.
Pavarësisht gjithë kësaj, dhe pavarësisht se padyshim ishin të vetëdijshëm për kritikat e ashpra me të cilat u përballën homologët e tyre amerikanë për shkak të papërgatitjes së tyre për ngjarjet e 6 janarit, forcat braziliane të sigurisë me sa duket nuk morën asnjë veprim për t’u përgatitur për veprimet antidemokratike të së dielës. Madje edhe më keq, të gjitha provat tregojnë se pjesë të mëdha të Policisë Ushtarake të Qarkut Federal (FD), ku ndodhet Brasilia, dhe forcat e armatosura, në përgjithësi, janë mbështetëse të sulmeve.
Që nga humbja elektorale e Bolsonaros, forcat e armatosura kanë mbyllur njërin sy ndaj bolsonaristëve që po qëndronin rreth kampeve të tyre dhe po kërkonin grusht shtet. Dhe më 8 janar, zyrtarët e policisë në vendngjarje u panë duke buzëqeshur, duke bërë fotografi dhe duke u vëllazëruar të lumtur me ata që sulmonin institucionet më të rëndësishme demokratike të Brazilit.
Marrëveshja e fshehtë midis policisë së FD dhe përkrahësve të Bolsonaros më 8 janar ishte aq e dukshme sa guvernatori i Distriktit Federal, Ibaneis Rocha, ndjeu nevojën për t’i kërkuar falje publike presidentit Lula, presidentes së Gjykatës së Lartë, Rosa Weber dhe udhëheqësve të Kongresit, Arthur Lira dhe Rodrigo Pacheco, për atë që ndodhi në kryeqytet atë ditë. Ai gjithashtu shkarkoi nga detyra Sekretarin e Sigurisë Publike të DF, Anderson Torres, i cili më parë kishte shërbyer si Ministër i Drejtësisë i Bolsonaros dhe shihet nga shumë njerëz si personi përgjegjës për përndjekjen e policisë së FD ndaj bolsonaristëve të dhunshëm.
Kjo përpjekje e minutës së fundit nga Guvernatori Rocha për të dëshmuar besnikërinë e tij ndaj institucioneve demokratike të Brazilit, megjithatë, nuk ka qenë e mjaftueshme për të shpëtuar punën e tij dhe për të parandaluar ndërhyrjen e qeverisë federale në punët e FD. Gjatë dy ditëve të fundit, Gjykata e Lartë vendosi ta shkarkojë atë nga detyra për 90 ditë dhe presidenti Lula caktoi një përfaqësues federal për t’u kujdesur për sigurinë në FD për një periudhë 30-ditore.
Tani, pyetja e të gjithëve është se si do ta sigurojë Lula të ardhmen e qeverisë së tij të re, të mbrojë demokracinë e brishtë të Brazilit dhe të parandalojë trazira të mëtejshme sociale?
Nga ana e tyre, bolsonaristët nuk tregojnë asnjë shenjë tërheqjeje. Vetëm një ditë pas ngjarjeve të 8 janarit, ata i vunë flakën gomave dhe bllokuan rrugët e ngarkuara në Sao Paulo dhe u përpoqën të bllokonin hyrjen në rafineritë e naftës në shtete të tjera.
Shumë në Brazil, si sociologu Celso Rocha de Barros, besojnë se opsioni i vetëm i Lulës përballë një sulmi kaq të paturp dhe të vazhdueshëm të ekstremit të djathtë ndaj qeverisë së tij është të “fillojë një dialog me të djathtët demokratë, të cilët denoncuan grushtin e shtetit, dhe dërgojnë fashistët në burg”.
Qeveria Lula njoftoi se do të bëjë gjithçka që është e nevojshme për të identifikuar dhe ndëshkuar të gjithë në pozitat e pushtetit, nga pushteti vendor e deri te ushtria, të cilët duket se kanë mbështetur sulmin e dhunshëm ndaj tri fuqive të Republikës. Një dialog me krahët e djathtë që dënuan ngjarjet e së dielës mund të fillojë së shpejti, pasi Lula tashmë arriti të fitojë mbështetje nga disa parti të qendrës së djathtë që kishin qenë afër Bolsonaros në të kaluarën.
Por vetëm koha do të tregojë nëse këto lëvizje do të mjaftojnë për të riparuar një demokraci të thyer dhe për të bashkuar një popull të ndarë.
Shumë besojnë se qeveria e Lulës do të dalë nga ky kaos edhe më e fortë se më parë. Gazetarja dhe ekspertja e shtetësisë dixhitale, Madeleine Lacsko, për shembull, më tha se ajo beson se e djathta braziliane në thelb “ka kryer vetëvrasje” duke lejuar të djathtën ekstreme të përshkallëzojë veprimet e tyre nga interneti në sulme të jetës reale ndaj institucioneve demokratike. Ndërkohë Marcos Cavalcanti nga Universiteti Federal i Rio de Zhaneiros, tha se është i bindur se artikulimi i një përgjigjeje demokratike ndaj krimeve të përkrahësve të Bolsonaros do të forcojë apelin politik të Lulës.
Por edhe ata që mendojnë se Lula mund të përdorë ngjarjet e së dielës për të forcuar dhe zgjeruar bazën mbështetëse të qeverisë së tij, pranojnë se pabesia e shfaqur nga forcat e sigurisë atë ditë është thellësisht shqetësuese.
Në të vërtetë, shteti brazilian nuk mund të mbështetet më në forcat e tij të sigurisë kur përballet me sulme antidemokratike dhe të dhunshme nga e djathta ekstreme. Rritja e mbështetjes për ideologjitë e ekstremit të djathtë brenda ushtrisë dhe forcave të tjera të sigurisë përbën një rrezik të jashtëzakonshëm për të ardhmen e demokracisë braziliane.
Tani që e vërteta është hapur, përtej ndëshkimit të individëve përgjegjës dhe përpjekjes për të ndërtuar ura të reja me të djathtët me mendje demokratike, qeveria Lula duhet gjithashtu të marrë masa të menjëhershme kundër kapjes ideologjike të Bolsonaros ndaj aparatit të fuqishëm të sigurisë të Brazilit.
Fakti është se forcave braziliane të sigurisë nuk mund t’u besohet më në një skenar të trazirave sociale. Kjo do të thotë se ata që mbështesin demokracinë do të duhet të mobilizohen dhe të fillojnë të kërkojnë mënyra të reja për të garantuar sigurinë dhe stabilitetin e institucioneve demokratike të Brazilit./UBTNews/

Një zëdhënës i ushtrisë izraelite tha se Irani ka lëshuar më shumë se 100 dronë drejt Izraelit gjatë orëve të fundit, pasi vendi premtoi hakmarrje për sulmet izraelite.
Zëdhënësi tha se 200 aeroplanë luftarakë izraelitë morën pjesë në sulmet kundër më shumë se 100 objektivave në Iran gjatë natës.
Sipas reuters, ai tha se Izraelin e presin “disa orë të vështira”. Sirena ajrore ranë paraprakisht në Izrael, ndërsa vendi u përgatit për hakmarrjen.
Në reagim të menjëhershëm pas sulmit, udhëheqësi suprem i Iranit tha se Izraeli “duhet të presë një ndëshkim të ashpër”.
“Regjimi sionist i ka sjellë vetes një fat të hidhur dhe të dhimbshëm, dhe me siguri do të përballet me të”, u shpreh ai.
Ndryshe, Izraeli ka nisur një fushatë të paprecedentë sulmesh ajrore mbi territorin iranian, në një operacion të koduar “Luanin që Ngrihet” (Operation Rising Lion), duke goditur objektiva strategjike që përfshijnë uzina bërthamore, baza ushtarake dhe ndërtesa të lidhura me Gardën Revolucionare Iraniane.
Lajmet
Vijon gjykimi për rastin “Banjska”, dëshmojnë dy zyrtarë policorë
Published
4 hours agoon
June 13, 2025By
UBTNews
Po mbahet seanca gjyqësore në rastin “Banjska”, ku sot pritet të dëgjohen dëshmitë e dy zyrtarëve policorë, Fahri Shala dhe Sedat Dushi.
Të akuzuarit Dushan Maksimoviq, Blagoje Spasojeviq dhe Vladimir Toliq, të cilët ndodhen në masë paraburgimi, u sollën në seancë nën masa të rrepta sigurie.
Më 11 shtator 2023, kryeprokurori i Prokurorisë Speciale të Kosovës, Blerim Isufaj, kishte konfirmuar aktakuzën për këtë rast, në të cilin mbeti i vrarë rreshteri i Policisë së Kosovës, Afrim Bunjaku.
Deri më tani, në këtë proces gjyqësor kanë dëshmuar edhe zyrtarët policorë Avni Shala, Elez Peci, Mirsad Kryeziu, Çlirim Shaqiri dhe Alban Rashiti.
Lajmet
Presidentja Osmani pritet në takim nga Perandori i Japonisë
Published
5 hours agoon
June 13, 2025By
UBTNews
Presidentja e Republikës së Kosovës, Vjosa Osmani, është takuar me Lartmadhërinë e Tij, Perandorin e Japonisë, gjatë vizitës së saj zyrtare në Tokio.
Në këtë takim, Presidentja Osmani theksoi lidhjet e veçanta dhe miqësinë e qëndrueshme mes Kosovës dhe Japonisë, të ndërtuara mbi vlerat e përbashkëta, respektin dhe besimin e ndërsjellë.
Ajo shprehu mirënjohjen e popullit të Kosovës për mbështetjen e vazhdueshme që Japonia ka dhënë ndër vite, si dhe falënderoi Perandorin për mikpritjen.
Në fund të takimit, Presidentja uroi popullin japonez për mirëqenie, shëndet dhe zhvillim të mëtejshëm.

Në Gjykatën Themelore në Prishtinë, edhe sot do të vazhdojë seanca për rastin “Banjska”, ku pritet dëshmia e dy zyrtarëve policorë.
Deri më tani kanë dëshmuar policët Avni Shala, Elez Peci, Mirsad Kryeziu, Çlirim Shaqiri dhe Alban Rashiti.
Ndërsa tashmë të arrestuar dhe nën masën e paraburgimit për këtë rast janë: Blagoje Spasojeviq, Vladimir Toliq dhe Dushan Maksimoviq.

Eva Longoria shkëlqen në kopertinën e Byrdie, bukuri që sfidon vitet

Lëngu i qepës për rritjen e flokëve – A funksionon vërtetë?

Xabi Alonso ka vendosur 11-shen më të mirë të Real Madridit për sezonin 2025/26 – duket e frikshme

Brad Pitt foli për mësimet e jetës: Pavarësisht gabimit, mëson prej tij dhe ecën para

Irani ka lëshuar mbi 100 dronë drejt Izraelit

Rriten çmimet e naftës pas sulmit të Izraelit ndaj Iranit

Vijon gjykimi për rastin “Banjska”, dëshmojnë dy zyrtarë policorë

Trump: SHBA nuk mori pjesë në sulmin ndaj Iranit, por ishte në dijeni

Izraeli vret gjashtë shkencëtarë bërthamorë iranianë në sulm ajror
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 week ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT1 week ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore