Lajmet
Çfarë i ndodh trupit kur papritmas e lini kafenë?
Trupi bëhet i varur nga kafeja dhe eliminimi i tërësishëm nga dieta mund të shkaktojë simptoma të pakëndshme.
Ndonëse kafeja ka një numër të madh të përfitimeve shëndetësore, për disa njerëz është më mirë ta lënë kafenë. Megjithatë duhet të keni kujdes, është më mirë ta reduktoni gradualisht sasinë e kafesë që pini çdo ditë dhe t’i jepni kohë trupit të përballet me ndryshimet.
Trupi bëhet i varur nga kafeja dhe eliminimi i tërësishëm nga dieta mund të shkaktojë simptoma të pakëndshme.
Mund të keni dhimbje koke
Nëse ndonjëherë jeni zgjuar me dhimbje të tmerrshme koke, ju ndoshta e dini që një filxhan kafe, madje nga ajo e forta, mund ta bëjë dhimbjen të zhduket. Kjo ndodh sepse kafeja ngushton enët e gjakut në trurin tuaj. Kur papritmas vendosni ta eliminoni kafenë nga dieta juaj, kjo shkakton hapjen e enëve të gjakut, gjë që rrit rrjedhjen e gjakut në tru.
Trupi juaj mund të reagojë ndaj këtij ndryshimi të papritur në rrjedhën e gjakut me dhimbje koke të dhimbshme që do të zgjasin ndërsa truri po përshtatet me rritjen e rrjedhës së gjakut.
Mund të përjetoni ankth
Sado kontradiktore të tingëllojë, eliminimi i kafesë nga dieta juaj mund t’ju bëjë edhe më nervoz. Megjithëse kafeina mund t’ju bëjë të ndiheni të shqetësuar, trupi juaj bëhet i varur mendërisht dhe fizikisht prej saj. Ndërprerja e kafesë krejt papritmas mund t’ju bëjë të ndiheni të shqetësuar dhe të stresuar.
Mund ta prekë lëkurën
Ankthi mund t’ju bëjë të djersiteni dhe zemra juaj të rrahë shumë më shpejt, dhe nuk është e mirë as për lëkurën tuaj. Kjo për shkak se shkakton prodhimin e kortizolit, i njohur gjithashtu si hormoni i stresit, i cili ndikon në poret e lëkurës tuaj dhe shkakton rritjen e prodhimit të yndyrës. Kjo, nga ana tjetër, mund të çojë në pore të bllokuara, pika të zeza dhe lëkurë që duket e yndyrshme. Stresi dhe ankthi janë armiqtë më të këqij të lëkurës tuaj dhe madje mund të shkaktojnë plakjen e parakohshme të lëkurës tuaj.
Mund ta keni të vështirë të përqendroheni
Përveçse ju ndihmon të zgjoheni në mëngjes, kafeja mund të përmirësojë fokusin tuaj para provimeve ose një ditë të madhe në punë. Kafeina rrit nivelet e adrenalinës, duke bërë që presioni i gjakut të rritet dhe gjithashtu stimulon trurin. Fillimisht kur vendosni të jetoni pa kafeinë, do të keni probleme me përqëndrim, por trupi juaj do të mësohet pa të./UBTNews
Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.
Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.
Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.
Rajoni
Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë
Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.
Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.
Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.
Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.
Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.
Dilema e perdeve: cilat i përshtaten më mirë ambientit tuaj?
Publikohet traileri i filmit biografik për Michael Jackson
5 gabime që bëjmë pas ngrënies së drekës
Hilary Duff rrëfen pse nuk u bë mentore për Selena Gomez dhe Demi Lovato
Plaçkitet shtëpia e yllit të Interit
5 ushqime që njerëzit konsumojnë që nga kohët e lashta
Mos e merrni stresin në shtëpi: Si të mos mendoni për punën në fundjavë?
Rektori Hajrizi viziton UniMarconi në Romë
Gaz Ejupi: “Reporting House, një pikë reference për historinë e Kosovës
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën