Shëndeti

Çfarë është virusi i stomakut dhe si ndryshon nga problemet e tjera?

Viruset më të shpeshta që shkaktojnë “gripin e stomakut” janë Rotavirus, Norovirus, Adenovirus.

Published

on

Virusi i stomakut ose gastroenteriti është një inflamacion i traktit gastrointestinal i shkaktuar nga viruset.

Ka një rritje të sasisë së lëngut në zorrë, kryesisht në zorrën e trashë, indi i përflakur nuk mund të thithë ujin ose lëndët ushqyese, kështu që shfaqet diarre.

Tek fëmijët në vitet e para të jetës, diarreja mund të jetë aq e rëndë sa të shkaktojë dehidrim dhe nevojën për rihidrim në kushte spitalore.

Cilat viruse shkaktojnë një virus në stomak?

Viruset më të shpeshta që shkaktojnë “gripin e stomakut” janë Rotavirus, Norovirus, Adenovirus.

Këto janë simptoma të zakonshme të një virusi të stomakut:

  • -të përziera
  • -të vjella
  • -diarreja
  • -dhimbje barku
  • -temperatura e ngritur e trupit

Por nëse ka gjak në jashtëqitje ose gjatë të vjellave, jashtëqitje të yndyrshme me erë të pakëndshme, duhet të konsultoheni me mjekun, si dhe nëse simptomat nuk kalojnë pas disa ditësh apo edhe përkeqësohen.

Sa zgjat dhe kush është në rrezik të veçantë nga një virus i stomakut?

Simptomat janë më të theksuara në ditët e para, pas së cilës ato duhet të fillojnë të zhduken edhe pse ka mundësi të zgjasin deri në dhjetë ditë.

Grupet më të rrezikuara janë fëmijët e vegjël, të moshuarit dhe personat e rraskapitur, personat me imunitet të dobësuar dhe ata që kalojnë shumë kohë në kolektivë të mëdhenj, si dhe personat që jetojnë në kushte johigjienike ose nuk kujdesen sa duhet për higjienën.

Cilat ilaçe dhe masa trajtimi rekomandohen për njerëzit që vuajnë nga virusi i stomakut?

Nuk ka barna specifike, por ka terapi simptomatike që mund të lehtësojë simptomat dhe të përshpejtojë kohën e rikuperimit.

Prandaj rekomandohet pushim, antipiretikë, ujë, supa dhe çaje për të parandaluar dehidratimin, dietë e përshtatur (oriz, patate të ziera, bukë të thekur, banane) dhe probiotikë.

Cilat ushqime duhet të shmangen gjatë sëmundjes?

Duhet të shmangen ushqimet e yndyrshme, të skuqura, të kripura dhe pikante, alkooli, qumështi dhe produktet e qumështit.

Si dhe në çfarë mënyre mund të parandalohet një virus në stomak?

Para së gjithash, duhet të forconi imunitetin, të merrni mjaftueshëm vitamina dhe minerale, të zbatoni masa higjienike (të lani duart më shpesh dhe të dezinfektoni objektet dhe sipërfaqet që përdorim çdo ditë).

Probiotikët mund të merren edhe në mënyrë parandaluese në stinën e virozave të stomakut sepse ndihmojnë në ruajtjen e shëndetit të mirë, përmirësojnë funksionet imunitare duke ruajtur funksionin normal gastrointestinal.

Continue Reading

Shëndeti

Boronica, fruta që ul rrezikun nga harresa

Published

on

Një studim i ri sugjeron se boronica, një frutë e zakonshme, por e fuqishme, mund të ndihmojë në mbrojtjen e trurit nga harresa, ka raportuar Getsurrey.

Shkencëtarët kanë zbuluar se boronicat, falë përbërësve të pasur me antocianinë, një lloj antioksidanti që u jep ngjyrën karakteristike të kaltër, ofrojnë mbrojtje kundër sëmundjes së demencës për personat në moshë të mesme.

Këto përbërje, që ndihmojnë frutën të mbrohet nga infeksionet, ka efekte të ngjashme mbrojtëse edhe për trurin e njeriut.

“Ne kemi vërejtur përmirësim të funksioneve të aftësive njohëse te të moshuarit që konsumojnë boronica dhe menduam se mund të jenë efektive edhe te personat më të rinj”, ka thënë profesori Krikorian.

Sipas tij, edhe sëmundja tjetër neurodegjenrative, Alzheimeri, ashtu si shumica e sëmundjeve kronike të pleqërisë, fillon të zhvillohet vite përpara se të shfaqen simptomat, që në moshë të mesme.

Profesori ka shpjeguar se vetitë që e ndihmojnë boronicën të mbijetojë, mund të reduktojnë inflamacionin, të përmirësojnë metabolizmin dhe të rrisin prodhimin e energjisë brenda qelizave të trupit të njeriut, përfshirë të trurit.

Studimi, i publikuar në revistën Nutrients, përfshiu 33 persona të moshës 50 deri në 65 vjeç, me mbipeshë dhe me nivele të larta të sheqerit në gjak, një grup i rrezikuar nga problemet e kujtesës dhe zhvillimi i demencës.

Të gjithë pjesëmarrësit kishin filluar të ndienin vështirësi me kujtesën për shkak të moshës.

Continue Reading

Shëndeti

Çdo ditë bëni këtë gabim derisa i lani dhëmbët, prandaj ju bëhen të verdhë!

Published

on

Higjiena orale dhe dentare është shumë me rëndësi për shëndetin e përgjithshëm.

Ka gabime te larja e dhëmbëve të cilat me siguri i bëni çdo ditë dhe nuk keni haber që po e rrezikoni shëndetin e dhëmbëve tuaj.

Të gjithë e dimë që dhëmbët është e nevojshme t’i lani së paku dy minuta dhe së paku dy herë në ditë. Atë që e bëjmë gabimisht është kur i lajmë dhëmbët në shpejtësi, prandaj në ta ende ekzistojnë mbetje të ushqimit, gjë që mundësojnë zhvillimin e baktereve në gavrën e gojës.

Gurëzit e dhëmbëve, kariesi, inflamacioni janë disa nga problemet me të cilat përballen dhe luftojnë ata që nuk kujdesen në mënyrë të drejtë për higjienën e gavrës së gojës. Shumica gabojnë edhe me sasinë e pastës së dhëmbëve të cilën e vënë në brushë.

Nuk është e nevojshme të vihet pasta në gjithë sipërfaqen e brushës, sepse mund t’i dëmtoni dhëmbët dhe ata me kalimin e kohës marrin ngjyrë të verdhë.

Zmalti në dhëmbë dëmtohet, njerëzit i lajnë dhëmbët me brushë me qëllim t’ua kthejnë bardhësinë dhe shkëlqimin, mirëpo ata bëhen gjithnjë e më të errët.

Prodhuesit e pastave të dhëmbëve rekomandojnë larjen me brushë me sasinë e pastës së madhësisë së kokrrës së bizeles, mirëpo njerëzit shpesh e injorojnë këtë informacion dhe e mbushin brushën me pastë.

Kini parasysh këtë këshillë herën tjetër kur i lani dhëmbët!

Continue Reading

Shëndeti

Sheqeri po dëmton seriozisht shëndetin tuaj, ja çfarë duhet të dini!

Published

on

Konsumimi i tepërt i sheqerit është kthyer në një ndër rreziqet më të mëdha për shëndetin publik, sipas studimeve më të fundit të publikuara nga organizatat ndërkombëtare të shëndetit.

Ndonëse sheqeri është pjesë e pandashme e dietës moderne, efektet anësore mund të jenë më të rënda sesa mendohej më parë.

Sipas ekspertëve të shëndetit, konsumimi i rregullt i produkteve të pasura me sheqer lidhet ngushtë me një sërë sëmundjesh kronike si diabeti i tipit 2, obeziteti, sëmundjet kardiovaskulare dhe madje edhe probleme me kujtesën dhe përqendrimin.

Mjekët paralajmërojnë se sheqeri “i fshehur” në produktet e përpunuara është burim rreziku, përdoruesit nuk janë të vetëdijshëm për sasinë që konsumojnë.

“Është koha të fillojmë të shohim etiketat e produkteve me më shumë kujdes,” thotë dietologe Dr. Elira Gashi. “Një jogurt i zakonshëm apo një pije energjike mund të përmbajë më shumë sheqer sesa një kanaçe me pije të gazuar.”

Autoritetet shëndetësore po kërkojnë ndërhyrje më të forta nga qeveritë për të kufizuar përmbajtjen e sheqerit në ushqime dhe për të informuar më mirë publikun rreth pasojave të konsumit të tij të tepërt.

Continue Reading

Shëndeti

Këto ushqime nuk duhet t’i hani gjatë ditëve të nxehta

Published

on

Gjatë sezonit veror është e rëndësishme shmangia e disa ushqimeve, që jo vetëm ndikojnë keq, por edhe mund të bëhen shkaktarë për infeksione.

Nuk duhet të konsumoni ushqimet pikante dhe ato që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit. Vera nuk është koha më e mirë për të konsumuar mish, peshk apo të gjitha llojet e ushqimeve të detit.

Nëse konsumoni shumë mish do të djersisni më shumë e do keni probleme me tretjen.

Është e rëndësishme të shmangni ushqimet e gatshme apo të fast-food-eve që janë të pasura me yndyrë dhe vaj. Nuk duhet të konsumoni salcat, se përmbajnë sasi të lartë të një lënde që ndikon në shtimin në peshë. Ushqimet mund t’i konsumoni në gjendjen natyrale e nuk keni pse t’u shtoni salcë.

Duhet të tregoni një kujdes shumë të madh edhe ndaj ushqimeve të mbetura nga vaktet e kaluara. Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në problem, sepse hyn në një zonë problematike të temperaturës.

Nëse ushqimi lihet jashtë për më shumë se 4 orë, duhet hedhur menjëherë në kosh të plehrave.

Continue Reading

Të kërkuara