Lajmet

Çfarë është matcha dhe përse duhet ta bëjmë pjesë të dietës sonë?

Matcha bën pjesë në familjen e çajit jeshil, por është një anëtar unik i saj.

Published

on

Në vitet e fundit çaji matcha është bërë shumë popullor si trend dhe me siguri keni dëgjuar për të, por për benefitet që përmban, ndoshta nuk jeni në dijeni. Një ndër produktet më trend si superushqim, matcha ka ruajtur një status vërtet të mirë, prandaj është koha të njihemi më mirë me cilësitë e çmuara të tij.

Matcha bën pjesë në familjen e çajit jeshil, por është një anëtar unik i saj. Ndryshe nga format tradicionale të çajit jeshil, çaji matcha është në formë pluhuri të përftuar nga thërrmimi i gjetheve të çajit jeshil. Për këtë arsye, kur konsumoni matcha, merrni një përqëndrim të lartë të nutrientëve të gjetheve. Këto janë disa nga benefitet e çajit matcha të cilat mund t’ju bindin të ‘gllabëroni’ një filxhan çaji matcha:

Është i pasur me antioksidantë

Çaji jeshil përmban njëlloj antioksidanti të quajtur katekinë si dhe disa lloj polifenolesh. Sipas nutricionistet Jenna Gorham, pluhuri matcha ofron antioksidantë të fuqishëm që ndihmojnë në reduktimin e dëmtimit të qelizave dhe parandalimin e sëmundjeve kronike.

Jep më shumë energji se çajrat e tjerë

Çaji matcha është  përmban tre herë më shumë kafeinë se tipet alternative të çajrave me gjethe dhe jep po aq energji sa një filxhan kafe.

Nuk do të ndiheni më aq të mërzitur pas një filxhani çaji matcha

Pluhuri matcha përmban L-theanin, një aminoacid që ka vërtetuar se zvogëlon stresin. Një studim i vitit 2016 ka zbuluar se një pije e pasur në L-theaninë mund të jetë shumë efektive për personat që vuajnë nga ankthi. Gjithashtu njerëzit që pinë matcha, kanë vigjilencë të qëndrueshme dhe nuk përjetojnë simptomat e forta të kafeinës si dridhje trupi, etj.

Do të ndiheni më shumë produktivë

Një studim i publikuar në Food Research International në vitin 2017 ka zbuluar se personat që pijnë çaj matcha kanë përjetuar një rritje të vigjilencës falë L-theanine dhe kafeinës. Kështu që në ditët me ngarkesë të lartë, porosisini një filxhan çaj matcha në zyrë.

Ndihmon në parandalimin e kancerit

Ndërsa nuk ka ende kërkime specifike që provojnë benefitet antikancerogjene të pluhurit matcha, shkencëtarët i kanë studiuar prej vitesh këto veçori tek çaji jshil dhe kanë zbuluar se ka një lidhje të fuqishme mes antioksidantit EGCG në parandalimin e kancerit, sidomos të tipit kolorektal, por edhe gjirit, prostatës e mushkërive. Ky përbërës mesa duket paranalon rritjen e qelizave kancerogjene duke nxitur apoptozën, pra duke vrarë qelizat malinje.

Siguron nivele të shëndetshme të kolesterolit

EGCG godet sërish: Një studim i vitit 2016 ka zbuluar se falë EGCG të gjendur tek çaji jeshil, mund të reduktohet kolesteroli i keq i quajtur ‘LDL’. Ky kolesterol çon në rritjen e acideve yndyrore në arterie duke rritur riskun për sulme në zemër dhe goditje në tru.

Ndihmon për kocka të forta

Shumica e njerëzve zakonisht nuk marrin masa për të pasur kocka të  forta, por është diçka shumë e rëndësishme për mobilitetin dhe fintess-in, sidomos me kalimin e moshës. Çaji jeshil mund të rrisë nivelet e mineraleve në kocka duke zvogëluar rrezikun e zhvillimit të osteoporozës. Mos e lini pas dore këtë benefit.

Mund të jetë një alternativë më e mirë se një filxhan kafe ose çaj i zakonshëm

Çaji matcha ka shije të fortë toke dhe shpesh shërbehet i përzier me qumësht të zkonshëm ose qumësht bajame apo qumësht tërshëre, për këtë arsye kjo pije ka tendencë t’ju mbajë të ngopur krahasuar me një ekspres.

Funksionon shumë mirë si një ngjyrues natyral ushqimor

Sipas disa studimeve, ngjyruesit artificiale të ushqimit mund të jenë kancerogjene ose të shkaktojnë reaksione hipersensitiviteti. Pse të mos e përdorni çajin matcha në vend të burimeve artificiale të ngjyrosësve?/neps.al

Continue Reading

Lajmet

Punëtorët e “Pastrimit” fillojnë grevën para Komunës së Prishtinës

Published

on

By

Punëtorët e Kompanisë Rajonale të Mbeturinave “Pastrimi” kanë nisur sot grevën duke u mbledhur para ndërtesës së Komunës së Prishtinës. Kjo për të shprehur pakënaqësinë e tyre ndaj situatës së rëndë financiare në të cilën ndodhet ndërmarrja, për shkak të mos-shlyerjes së obligimeve nga Komuna.

Sindikata njoftoi se rreth 300 punëtorë dhe të punësuar janë pjesë e grevës paqësore, me rreth 20 kamionë të parkuar në mënyrë që të mos bllokohen rrugët emergjente.

“Pastrimi” ka ndalur shërbimin e grumbullimit të mbeturinave për shkak të një borxhi prej 2.7 milionë eurosh që pretendon se Komuna nuk ka paguar.

Komuna ka mohuar ekzistencën e këtij borxhi dhe ka akuzuar ndërmarrjen për sabotazh. Ndërkohë, qyteti është mbushur me mbeturina dhe ka shqetësime për rreziqe shëndetësore. Prokuroria ka nisur hetimet për të sqaruar situatën.

Continue Reading

Lajmet

Osmani takon presidenten e Zvicrës: Po e shkruajmë bashkë kapitullin e ri

Published

on

By

Presidentja Vjosa Osmani, ka nisur vizitën shtetërore në Zvicër, me ftesë të Këshillit Federal të Zvicrës.

Në një postim në Facebook, e para e shtetit tonë ka falënderuar për mikpritjen, miqësinë dhe nderimin presidenten zvicerane Karin Keller-Sutter.

Kjo vizitë e parë shtetërore në Zvicër që po fillon në rezidencën zyrtare të Këshillit Federal të Zvicrës është dëshmi se bashkë po shkruajmë kapitullin e ri të historisë së partneritetit midis shteteve dhe popujve tanë”, ka shkruar Osmani.

Continue Reading

Lajmet

Maqedonia e Veriut pritet të nënshkruajë marrëveshje për partneritetit strategjik me Britaninë

Published

on

By

Maqedonia e Veriut pritet të bëhet vendi i parë nga Ballkani Perëndimor që nënshkruan marrëveshje për partneritetit strategjik me Britaninë e Madhe.

Marrëveshja në vlerë rreth 6 miliardë euro pritet të nënshkruhet të enjten në Londër nga një delegacion i Qeverisë maqedonase, i udhëhequr nga zëvendëskryeministri Aleksandar Nikolovski.

Megjithatë, hollësitë e këtij partneriteti dhe kushtet sipas të cilave Maqedonia e Veriut do të marrë burimet financiare nga Britani, nuk janë bërë të ditura ende.

Autoritetet maqedonase dhe Londra e mohojnë se marrëveshja përfshin pranimin e emigrantëve në Maqedoni, të cilëve nuk u është pranuar azili në Britani.

Është diçka që nuk na ka shkuar kurrë në mendje dhe askush nuk na e ka kërkuar”, u tha kryeministri Hristijan Mickoski anëtarëve të partisë së tij VMRO DPMNE në Shkup, të dielën.

Për të, marrëveshja është “historike”, sepse qasja në 6 miliardë euro kredi të favorshme, “do të sjellë një revolucion investimesh në vend, një cikël investimesh vërtet historik, që do të thotë punë, ndërtim, zhvillim”, tha Mickoski, duke përmendur ndërtimin e hekurudhave, autostradave, spitaleve dhe konvikteve studentore.

Ambasadori britanik në Shkup, Mattheë Laëson, gjithashtu mohoi spekulimet për dërgimin e emigrantëve në Maqedoni, duke theksuar se bashkëpunimi në këtë fushë do të lidhet me luftën kundër rrjeteve kriminale dhe shkëmbimin e informacionit të inteligjencës./REL/

Continue Reading

Lajmet

Presidentja Osmani nis vizitën në Zvicër, pritet nga presidentja zvicerane

Published

on

By

Presidentja e Republikës së Kosovës, Vjosa Osmani, është pritur sot nga Presidentja e Konfederatës Zvicerane, Karin Keller-Sutter, në Lohn Manor – rezidenca zyrtare e Këshillit Federal të Zvicrës.

Kjo pritje u zhvillua në kuadër të vizitës shtetërore që Presidentja Osmani po realizon këto ditë në Zvicër.

Në takim me Presidenten Osmani janë edhe kryetari i Drenasit, Ramiz Lladrovci, kryetari i Obiliqit, Xhafer Gashi dhe Qemajl Aliu, kryetari i Komunës së Shtimes.

Pas takimit bilateral, Presidentja Osmani do të pritet me nderime ushtarake në Sheshin Federal në Bernë. Më pas, të dyja presidentet do të japin deklarata për media nga Ndërtesa e Parlamentit/Këshilli Federal.

Vizita do të vazhdojë me një konferencë të përbashkët për media të dy lidereve, ku pritet të diskutohen marrëdhëniet dypalëshe, bashkëpunimi ndërkombëtar dhe roli i diasporës kosovare në Zvicër.

Gjatë qëndrimit në Zvicër, Presidentja Osmani do të zhvillojë gjithashtu një takim me mërgatën shqiptare në qytetin e Gjenevës.

Continue Reading

Të kërkuara