Shëndet

Çfarë duhet të dini për përdorimin e multivitaminave?

Ekspertët e shëndetit paralajmërojnë se ato nuk janë të përshtatshme për të gjithë.

Published

3 years ago

on

Gjëja më e mirë që mund të bëni për shëndetin tuaj është që të merrni të gjitha vitaminat dhe mineralet nga ushqimi dhe rrezet e diellit.

Megjithatë ndodh që kjo të mos jetë e mundur, e në disa raste të keni mangësi të vlerave ushqyese në organizëm.

Në këtë pikë suplementet janë ata që vijnë në ndihmë për të marrë lëndët e nevojshme ushqyese.

Edhe pse miliona njerëz mbështeten tek multivitaminat për të plotësuar boshllëqet, ekspertët e shëndetit paralajmërojnë se ato nuk janë të përshtatshme për të gjithë.

AgroWeb.org ju njeh më poshtë rreth asaj çfarë duhet të dini për multivitaminat.

Çfarë duhet të dini përpara se të merrni multivitamina?

Gjëja e parë që duhet të pyesni veten kur vendosni të merrni vitamina është nëse keni vërtetë nevojë për to apo jo.

Shumica e njerëzve i marrin vitaminat dhe mineralet që u nevojiten drejtpërdrejt nga ushqimi dhe nuk kanë nevojë për suplemente.

Çfarë duhet të kërkoni tek një multivitaminë?

Nëse vendosni të merrni një multivitaminë, zgjidhni ato që vijnë në një shishe në xhami të errët ose plastikë që bllokon rrezet e diellit.

Sigurohuni që nuk përmbajnë sheqer shtesë dhe vitamina të tretshme në yndyrë.

Më e mira është të merrni vitaminat nga burimet natyrore, pasi vitaminat dhe suplementet e prodhuara në mënyrë sintetike mund të mos veprojnë në të njëjtën mënyrë në trupin tuaj.

Si mund të ndihmojnë multivitaminat?

Multivitaminat mund të ndihmojnë në marrjen e vitaminave thelbësore që ju nevojiten.

Për shembull, nëse jeni shtatzënë ose po përpiqeni të mbeteni, është e rëndësishme të siguroheni që po merrni mjaftueshëm acid folik (vitaminë B9).

Vitaminat B në përgjithësi janë shumë të rëndësishme dhe shpesh funksionojnë më mirë si pjesë e një multipleksi, kështu që nëse vendosni të merrni multivitamina, sigurohuni që ato të përmbajnë vitamina B.

Nëse jeni mbi 50 vjeç, rreziku për osteoporozë rritet. Ndaj në këtë periudhë marrja e suplementeve me vitaminë D mund të jetë e nevojshme, sidomos në rastet kur nuk merrni mjaftueshëm vitamina e minerale nga ushqimi që konsumoni.

Pse marrja e multivitaminave mund të jetë e dëmshme?

Edhe pse vitaminat dhe suplementet shpesh paraqiten si të padëmshme, nuk është gjithmonë e këshillueshme që të merret më shumë se 100% e dozës së rekomanduar. Trupi nuk mund të përpunojë ose përdorë gjithmonë një sasi më të lartë ditore nga sa ka nevojë.

Ka disa vitamina dhe suplemente që të bashkëveprojnë me vitamina të tjera apo suplemente.

Për shumë arsye, është më mirë të flisni me mjekun ose nutricionistin tuaj përpara se të filloni të merrni vitamina dhe suplemente. /AgroWeb.org

Related Topics:
Continue Reading

Shëndet

Sekreti i çokollatës së zezë për një trup më të ri

Published

4 hours ago

on

December 11, 2025

By

Një studim i ri ka gjetur një lidhje mes teobrominës, një përbërësi natyral i çokollatës së zezë, dhe ngadalësimit të plakjes biologjike.

Studiuesit analizuan mbi 1,600 persona në Britani dhe Gjermani dhe vunë re se ata me nivele më të larta teobromine kishin një moshë biologjike më të ulët se mosha reale.

Mosha biologjike mat gjendjen reale të trupit duke u bazuar në qelizat, indet dhe organet, dhe lidhet me faktorë si stili i jetesës, mjedisi dhe gjenetika.

Studiuesit përdorën ndryshimet në ADN dhe gjatësinë e telomereve për këtë matje.

Ekspertët theksojnë se nevojiten më shumë studime për të kuptuar ndikimin e teobrominës dhe paralajmërojnë që sheqeri dhe yndyra në çokollatë mund të ulin përfitimet.

Shija e çokollatës mund të shijohet në sasi të vogla dhe rrallë. /A.Z/UBT News/

Continue Reading

Shëndet

Varianti K: Mutacioni më infektues që po përhapet shpejt në botë

Published

1 day ago

on

December 10, 2025

By

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Continue Reading

Shëndet

Kombinimet e rrezikshme të suplementeve! Çfarë nuk duhet marrë kurrë bashkë?

Published

1 day ago

on

December 10, 2025

By

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/

 

Continue Reading

Shëndet

Uleni temperaturën pa ilaçe, këshilla të thjeshta dhe efektive

Published

2 days ago

on

December 9, 2025

By

Virozat e ndryshme shkaktojnë temperaturë të lartë trupore, e cila mund të shkaktojë lodhje dhe ndjesi jo komode.

Ekzistojnë disa mënyra për të ulur temperaturën pa përdorur ilaçe, por është e rëndësishme të mbani mend se nëse zgjat për disa ditë, duhet të konsultoheni me mjekun.

Kjo sepse trupi mund të jetë duke luftuar ndonjë infeksion më serioz.

Ja dy metoda të thjeshta dhe efektive që mund t’ju ndihmojnë:

1. Patate:

Merrni një patate dhe pritini në rrathë të hollë. Vendosini rrathët brenda çorapeve dhe vishni, duke i mbajtur derisa të ndjeni se temperatura ka rënë. Patatja ndihmon në ftohjen e trupit në mënyrë natyrale. Kujdes: mos e mbani shumë gjatë, pasi mund të ulë temperaturën në nivele të tepërta.

2. Dush me ujë të vakët:

Kur keni temperaturë, dush me ujë të vakët ndihmon në uljen e saj. Mos përdorni ujë të ftohtë, sepse kjo shkakton të dridhura dhe të përkeqësojë gjendjen tuaj. Një dush i vakët ndihmon trupin të freskohet pa stres dhe rrit komoditetin gjatë shërimit.

Përveç këtyre, është e rëndësishme të qëndroni të hidratuar, të pushoni, të hani ushqime të lehta.

Kujdesi natyral dhe pushimi janë çelësi për rikuperim më të shpejtë. /A.Z/UBT News/

Continue Reading

Të kërkuara