Lajmet

Çfarë duhet të dini në lidhje me vaksinat kundër COVID për fëmijët e vegjël?

COVID-19 është përgjithësisht më i butë tek fëmijët sesa tek të rriturit.

Published

on

Një panel këshilltarësh në Administratën e Ushqimit dhe Barnave të SHBA-së votuan njëzëri të mërkurën për të rekomanduar vaksinën COVID-19 të Moderna Inc, për fëmijët nën 6 vjeç dhe Pfizer Inc dhe BioNTech SE për fëmijët nën 5 vjeç.

Më poshtë janë disa detaje të rëndësishme për të ditur në lidhje me këto dy vaksina të ARN-së (mRNA) për këtë grupmoshë.

Sa doza nevojiten?

Moderna i ka kërkuar FDA-së që të autorizojë një regjim me dy doza të vaksinës së saj për fëmijët e moshës 6 muajsh deri në 6 vjeç. Dozat 25 mikrograme jepen me 28 ditë diferencë. Të rriturit morën 100 mikrogramë për injeksion për dy dozat e para.

Pfizer dhe BioNTech po kërkojnë një kurs me tre doza të vaksinës së tyre për fëmijët e moshës 6 muajsh deri në 5 vjeç. Dy dozat e para jepen me 21 ditë largësi dhe e treta jepet të paktën dy muaj pas të dytës. Çdo dozë është 3 mikrogramë, nën 10 mikrogramë që u jepet fëmijëve të moshës 5 deri në 11 vjeç dhe 30 mikrogramë për personat 12 vjeç e lart.

Të dy kompanitë kërkuan versione me dozë më të ulët për fëmijët më të vegjël në përpjekje për të reduktuar efektet anësore të vaksinës.

Sa efektive janë vaksinat?

Vaksina e Moderna-s u vlerësua të ishte 50.6% efektive në parandalimin e infeksioneve simptomatike tek fëmijët 6 muajsh deri në 2 vjeç dhe 36.8% efektive për ta bërë këtë te fëmijët e moshës 2 deri në 6 vjeç në një provë klinike me mbi 5000 subjekte.

Nuk dihet ende se sa efektive është vaksina Pfizer/BioNTech në parandalimin e infeksionit te personat nën moshën 5 vjeç për shkak të numrit të ulët të rasteve simptomatike të COVID-19 tek fëmijët në provë. Një analizë e hershme e bazuar në 10 raste simptomatike të COVID-19 sugjeroi një efikasitet vaksine prej 80,3% në këtë grup. Sapo 21 fëmijë në provë të kontraktojnë simptomatike COVID-19, kompanitë mund të finalizojnë efikasitetin e vaksinës.

Të dy provat e kompanisë treguan se vaksinat gjeneruan një përgjigje imune të ngjashme me ato që shiheshin në grupmoshat më të vjetra.

A janë të sigurta vaksinat për fëmijët?

Asnjëra nga vaksinat nuk ka ngritur ndonjë çështje serioze të sigurisë gjatë provave.

Inflamacioni i zemrës i njohur si miokarditi dhe perikarditi është gjetur të jetë një efekt anësor i rrallë i vaksinave tek meshkujt e rinj, por ka pasur pak raste të raportuara në Shtetet e Bashkuara tek fëmijët e moshës 5 deri në 11 vjeç dhe asnjë në asnjërën nga këto prova për grupmoshën më të re

Cilat janë efektet anësore?

Disa fëmijë kanë raportuar dhimbje dhe ënjtje në vendin e injektimit pas vaksinimit nga të dyja vaksinat.

Vaksina me dozë të ulët të Pfizer në përgjithësi u tolerua më mirë, me vetëm pak më shumë pjesëmarrës që morën vaksinën që ankoheshin për ethe, nervozizëm ose lodhje krahasuar me ata që morën një placebo. Në moshat 2 deri në 4 vjeç, 33.7% e pjesëmarrësve që morën dozën e dytë të vaksinës raportuan një nga këto efekte anësore, krahasuar me 32.2% të cilët morën placebo.

Për vaksinën e Moderna-s, 58.9% e moshave 3 deri në 5 vjeç raportuan një lloj reagimi si temperaturë, dhimbje koke ose lodhje pas marrjes së dozës së dytë, krahasuar me 37.2% të pjesëmarrësve që morën placebo.

Pse të vaksionojmë fëmijët e vegjël?

COVID-19 është përgjithësisht më i butë tek fëmijët sesa tek të rriturit, por sipas zyrtarëve të FDA-së, ka pasur më shumë se 440 vdekje nga COVID-19 në ShBA në mesin e atyre nën moshën 5-vjeçare.

Të dhënat kanë treguar se te fëmijët më të rritur dhe të rriturit, vaksinat mbrojnë nga shtrimi në spital dhe vdekja, sipas Dr. Matthew Harris, një mjek i mjekësisë së urgjencës pediatrike në Northwell Health në Nju Jork.

Njerëzit të cilët kishin një infeksion COVID-19 dhe morën një vaksinë përforcuese kishin mbrojtjen më të madhe kundër COVID-19, tha ai. /UBTNews/

Lajmet

Abdixhiku: Asnjë lëvizje e Kurtit nga dëshirat partiake, ky takim nuk ka kurrfarë kuptimi

Published

on

By

Kryetari i LDK-së, Lumir Abdixhiku, tha se është habitur nga deklarata e kryeministrit Albin Kurti gjatë takimit, ku ky i fundit ka thënë se situata aktuale politike në vend “nuk ka urgjencë”.

Abdixhiku theksoi se asnjë propozim, asnjë lëvizje nga dëshirat e tij partiake, sipas tij, ky takim nuk ka pasur asnjë kuptim.

Nuk ka ndodhur ndonjë zgjidhje eventuale për ngërçin politik. Është për keqardhje. Në këtë takim kam elaboruar idenë e një qeverie të unitetit për një periudhë të shkurtër. Jam i lumtur që pati konsideratë nga dy parti. Është mirë që sa më parë presidentja ta dërgojë këtë çështje në Gjykatën Kushtetuese”, tha Abdixhiku.

Asnjë propozim, asnjë lëvizje nga dëshirat e tij partiake. Si i tillë, ky takim nuk ka kurrfarë kuptimi. Ajo që më habit është fakti që na tha se nuk ka asnjë urgjencë – pritja është më shumë mediatike sesa për popullin”, përfundoi ai.

Continue Reading

Lajmet

Samiti i Komunitetit Politik në Tiranë, Starmer: Evropa është e bashkuar, e fortë dhe e sigurt

Published

on

By

Kryeministri britanik, Sir Keir Starmer, gjatë konferencës me homologun e tij shqiptar, Edi Rama tha se është privilegj për të të jetë në Tiranë.

Lidhur me Samitin e Komunitetit Politik Evropian, në Shqipëri, Starmer tha se përmes tij po përçohet mesazh i qartë, se Evropa është e bashkuar, dhe se janë të fortë e të sigurt.

Në këtë moment kritik, ne po përçojmë mesazh shumë të qartë, që Evropa është e bashkuar, jemi të fortë, jemi të sigurt brenda shtëpive tona, po vendosim paratë aty ku duhen edhe në xhepat e qytetarëve tanë, dh epo thellojmë partneritetet tona. Ishte privilegj për mua që isha këtu”, tha Starmer.

Continue Reading

Lajmet

Osmani takon partitë parlamentare në përpjekje për ta zhbllokuar ngërçin në Kuvend

Published

on

By

Presidentja Vjosa Osmani i ka nisur të enjten takimet me shefat e partive parlamentare, në përpjekje për ta zhbllokuar ngërçin politike, pas dështimeve të njëpasnjëshme të deputetëve për konstituimin e Kuvendit të Kosovës edhe tre muaj pas zgjedhjeve parlamentare.

Në takim – që i cili nisi pak pas orës 13:00 në zyrën e presidentes – po marrin pjesë Albin Kurti i Lëvizjes Vetëvendosje, Memli Krasniqi i Partisë Demokratike të Kosovës, Lumir Abdixhiku i Lidhjes Demokratike të Kosovës dhe Ramush Haradinaj i Aleancës për Ardhmërinë e Kosovës.

Pas takimit me shefat e partive shqiptare, Osmani do të zhvillojë bisedime me pakicat në orën 15:00.

Takimi vjen në ditën kur deputetët nuk arritën ta konstituojnë Kuvendin as në tentimin e gjashtëmbëdhjetë – pikërisht një muaj pasi filluan përpjekjet – për shkak të ndarjeve politike. Konstituimi i Kuvendit është i domosdoshëm për të hapur rrugë për formimin e Qeverisë së re.

Partia fituese, Lëvizja Vetëvendosje, nuk po arrin t’i sigurojë 61 votat e nevojshme për ta zgjedhur Albulena Haxhiun në postin e kryetares së Kuvendit.

Haxhiu shihet nga Partia Demokratike e Kosovës (PDK) dhe Aleanca për Ardhmërinë e Kosovës (AAK) si një “figurë përçarëse”, ndërsa Lidhja Demokratike e Kosovës (LDK) thotë se nuk do ta mbështesë asnjë kandidat të Vetëvendosjes për kryeparlamentar.

Vetëvendosje ngul këmbë se Haxhiu e meriton të zgjidhet dhe, ndonëse ka kërkuar marrëveshje politike me partitë e tjera, e ka përjashtuar mundësinë të sjellë kandidat tjetër pos saj.

Për krijimin e institucioneve të reja nevojitet arritja e ndonjë marrëveshjeje politike, duke parë se asnjëra parti nuk e ka fituar shumicën për të qeverisur e vetme.

Vetëvendosje i ftoi 48 ulëse, PDK 24, LDK 20, koalicioni AKK-NISMA 8, Lista Serbe 9, Partia për Drejtësi dhe Mbijetesë 1 dhe pakicat joserbe 10.

Osmani paralajmëroi të martën se mund të ketë një sërë takimesh mes saj dhe partive politike, varësisht se si shkojnë bisedimet të enjten.

Ajo tha se moskonstituimi i Kuvendit e rrezikon “pikërisht funksionimin kushtetues të institucioneve që është edhe arsyeja pse i kam ftuar liderët që të diskutojmë rrugën përpara”.

Si institucion i Presidencës jemi në zbatim të detyrave kushtetuese, sepse, siç e dini, neni 84 përcakton që presidentja e vendit ka për detyrë të garantojë funksionimin kushtetues të institucioneve”, tha ajo.

Ndërkohë, Bodo Weber, bashkëpunëtor i lartë në Këshillin Joqeveritar për Politikat e Demokratizimit në Berlin, në një bisedë për Radion Evropa e Lirë tha se “në krizën aktuale, e vetmja rrugëdalje është angazhimi i fuqishëm i Perëndimit, pra i Evropës.”

Sidoqoftë, ndryshe nga të gjitha krizat e mëparshme që nga viti 2010, ky angazhim mungon, sepse politika perëndimore, ajo e BE-së ndaj Kosovës, ndodhet në një fazë kalimtare të një vakumi strategjik pas rrënimit të plotë të dialogut politik dhe mungesës së udhëheqjes nga kryeqytetet e shteteve anëtare më të rëndësishme. Për këtë arsye, më duket se kjo krizë politike dhe institucionale është më e thella që nga shpallja e pavarësisë”, tha ai.

Sipas tij, kriza aktuale institucionale në Kosovë është, nga njëra anë, rezultat i përshkallëzimit të marrëdhënieve mes partisë në pushtet në largim, Lëvizjes Vetëvendosje, dhe partive opozitare – për të cilën, krahas Qeverisë Kurti, “përgjegjësi të madhe mbajnë edhe bartësit e dialogut politik gjatë katër viteve të fundit, pra nisma franko-gjermane dhe veçanërisht Gjermania; dhe nga ana tjetër, kjo krizë rrjedh nga karakteri i papërfunduar i rendit politik, institucional e kushtetues të Republikës së Kosovës – për të cilin përgjegjës janë të gjithë aktorët: elitat politike vendore dhe aktorët perëndimorë që në vitet 2007-2008 ishin të përfshirë në procesin kushtetues”.

Kjo papërfundueshmëri e sistemit politik e institucional del në pah sa herë që vendi përballet me kriza të rregullta politike”, vlerësoi ai.

Në prag të takimit të së enjtes, Osmani u takua me të ngarkuarën me punë të Ambasadës e Shteteve të Bashkuara në Prishtinë, Anu Prattipati

Presidenca tha në një njoftim për media se ky ishte takim i rregullt mes tyre dhe se në të u diskutua për “rëndësinë e konstituimit sa më parë të institucioneve të Kosovës dhe për pasojat me të cilat përballet vendi ynë për shkak të kësaj zvarritjeje”./REL/

Continue Reading

Lajmet

Peci: Emri i Haxhiut nuk është problemi, po bëhen përpjekje për zhbllokimin e ngërçit

Published

on

By

Deputeti i Lëvizjes Vetëvendosje (LVV), Faton Peci, ka deklaruar se partia në pushtet po bën përpjekje të vazhdueshme për të zhbllokuar ngërçin politik.

Ai theksoi se problemi nuk është emri i Albulena Haxhiut, duke shtuar se LVV është angazhuar në mënyrë të vazhdueshme për të përmbushur detyrimet ligjore dhe kushtetuese.

“Ne si grup parlamentar vazhdimisht po punojmë për të zhbllokuar këtë situatë. Jemi të angazhuar duke marrë pjesë në çdo seancë dhe duke kontribuar në procesin e votimit. Është e rëndësishme të sqarohet se përkundër spekulimeve të shumta për ndërrimin e emrit të kandidates për kryeparlamentare, ne nuk kemi arritur ende deri tek propozimi i një emri tjetër. Kërkojmë një proces të votimit të fshehtë. Emri i Haxhiut nuk është problemi, dhe po bëhet një padrejtësi ndaj saj pa nevojë,” tha Peci.

Ai gjithashtu foli për takimet që janë mbajtur me presidenten Vjosa Osmani, duke shpresuar që të dalin me propozime që mund të përbëjnë një rrugëzgjidhje për situatën aktuale. Sipas Pecit, shumë nga propozimet janë tashmë të njohura, por ai mbetet optimist se një marrëveshje mund të arrihet.

Continue Reading

Të kërkuara