

Kulturë
Çfarë do të ndodhte nëse do të provonit dietën e Beyoncé?
Published
4 years agoon
By
UBT newsNëse mendoni sa bukur do të ishte po të kishit trupin e Beyonce-s, duhet të interesoheni më shumë për dietën rigoroze që ajo mbajti në mënyrë që të ishte në formë për perfomancën e saj pas shtatzënisë në festivalin Coachella.
Por ndërsa disa prej jush mund të bëjnë komplot për të provuar “dietën Beychella” pët të përfituar trupin “ideal”, ekspertët e ushqimit paralajmërojnë kundër ndjekjes së planit dietik “pa bukë, pa karbohidrate, pa sheqer, pa qumësht, pa mish, pa peshk, pa alkool”.
Ndërsa është e pashmangshme që ju do të humbni peshë në çdo kohë që eliminoni grupet e ushqimit, Angela Lemond, një zëdhënëse e Akademisë së Ushqyerit dhe Dietikës, thotë se dieta nuk është e qëndrueshme, as nuk është mënyra më e mirë për të humbur peshë.
“Ne duhet të kujtojmë se ushqimi është energji për trupin tonë, dhe ne nuk duhet të kemi frikë të hamë ushqime të tëra të shëndetshme, dhe ne duhet të përqëndrohemi në ushqimet që duhet të hamë përkundrejt atyre që nuk duhet t’i hamë”, thotë ajo.
Lemond sugjeron se është më mirë të keni një dietë të ekuilibruar mirë sesa të eliminoni ushqime të caktuara. Ajo tregon gjithashtu se disa nga ushqimet që artistja e hitit “Lemonade” po eleminonte ishin në të vërtetë grupe ushqimore që do të kishin qenë të dobishme për performancën e saj. Mjeku dietolog thotë se peshku yndyror është i pasur me Omega 3, të cilat kanë efekte anti-inflamatore.
“Për dikë si ajo që vallëzon shumë, peshku yndyror do të jetë i mirë për muskujt e saj të copëtuar dhe për rindërtimin e tyre”, thotë ajo. “Është mirë për shëndetin kardiovaskular pasi ajo po bën presion të madh për të kërcyer me orë të tëra dhe nga gjithçka që ajo po eliminon, është e trishtueshme të shohësh”.
Por pyetja e vërtetë mbetet: Nëse ndjekim dietën e Beyoncé Beychella, a do të dukemi si Beyoncé? Fatkeqësisht, JO. Lemond thotë se personi mesatar do të dështonte në një dietë të tillë dhe ka shumë të ngjarë të fitojë peshë përsëri.
“Ne duhet ta shohim këtë objektivisht. Beyoncé ka kaq shumë njerëz që e ndihmojnë atë të përgatitet për Coachella, dhe ka shumë të ngjarë që personi mesatar do të ketë një kohë më të vështirë për të arritur atë që bëri Beyoncé”.
Dietologia gjithashtu thekson se artistja “Love on Top” ka të ngjarë të ketë trajnerë personalë që e ndihmuan atë të merrte formë dhe kuzhinierë që ndihmojnë në përgatitjen e ushqimit, gjë që do t’ia lehësonte asaj dietën.
“Një person mesatar do duhej ta bënte i vetëm, duke ekuilibruar punën dhe ndoshta fëmijët. Nuk do të funksionojë”, thotë Lemond. “Unë besoj se nuk duhet të krahasohemi. Beyoncé është një grua e bukur që shkon përtej fizikut të saj, mirëpo ne duhet të fokusohemi që të jemi vetja jonë më e mirë”.
Magazinë
Justin Bieber ngjall shqetësim për shëndetin e tij pas gjobës në Los Angeles, fansat të shqetësuar nga pamja
Published
11 hours agoon
May 24, 2025
Justin Bieber është parë në Beverly Hills dhe pamja e tij ka ngjallur sërish shqetësime mes fansave. Këngëtari 30-vjeçar u fotografua i veshur me xhinse shumë të gjera dhe shapka të zakonshme, ndërkohë që dukej i lodhur, i zbehtë dhe shpesh kapte pjesën intime të trupit para kamerave.
Kjo paraqitje është e para që prej një debati të raportuar me Hailey Bieber. Ajo që e ka bërë më të dukshme është fakti se Justin u duk i dobësuar dhe me pamje të pashëndetshme, duke rikthyer shqetësimet për mirëqenien e tij, shkruan The Sun.
Mediat amerikane si TMZ raportojnë se këngëtari mori një gjobë parkimi pasi pati vështirësi në parkimin e makinës G-Wagon, e cila e tejkalon kufirin e lejuar të lartësisë për parkim. Si pasojë, ai vendosi ta parkojë në një zonë të dedikuar për ngarkim-shkarkim, pa targë të përparme – gjë që solli ndërhyrjen e menjëhershme të policisë rrugore, e cila i la gjobën në xhamin e përparmë.
Fotot e momentit u shpërndanë menjëherë në rrjetet sociale, duke shkaktuar reagime të shumta nga fansat. “Duket i sëmurë,” shkroi një ndjekës. Një tjetër komentoi: “Po devijon sërish. Më vjen keq për fëmijën e tij.”
Kjo situatë vjen vetëm pak ditë pasi Justin dhe Hailey u panë në një ndeshje hokeji të Toronto Maple Leafs në Scotiabank Arena. Edhe aty, pamja e Justin nuk kaloi pa u komentuar. Në një foto ndjekësi shkroi: “Ky djalë duket keq.” Një tjetër pyeti: “A është i sëmurë?” një tjetër shtoi: “Çka ndodhi me fytyrën e tij?”
Në fillim të muajit maj, Justin kishte ndarë në Instagram disa foto nga një udhëtim në studio muzikore, ku shihej duke përdorur një bong (pajisje për pirje marihuane). Në një nga fotot, shoku i tij – këngëtari australian Eddie Benjamin – shihet duke luajtur kitarë, ndërsa në cep të majtë të fotos, Justin duket përmes një dere të hapur, duke tymosur nga bong-u.
Në një tjetër foto, ai qëndron në një ballkon me një pamje malore pas tij. Në pamje të parë gjithçka dukej normale, por në dysheme vërehej një bong, duke ndezur sërish spekulimet për përdorimin e lëndëve narkotike. Nuk është hera e parë që Bieber poston foto të tilla – më herët gjatë vitit ai ndau edhe disa të tjera ku përdorte të njëjtën pajisje.
Megjithatë, pavarësisht spekulimeve dhe shqetësimeve për shëndetin e tij apo përdorimin e drogës, përfaqësuesit e këngëtarit mohojnë çdo gjë. “Narrativa që Justin përdor drogëra të rënda është absolutisht e pavërtetë,” tha përfaqësuesi i tij për TMZ në muajin mars.
Ata shtuan se thashethemet për gjendjen e tij janë “të lodhshme dhe të mjerueshme”, dhe tregojnë se njerëzit janë të përkushtuar të mbajnë gjallë narrativa negative dhe dëmtuese, edhe kur e vërteta është e qartë.
Përfaqësuesi i Justin theksoi më tej se këngëtari ndodhet “në një nga periudhat më të mira të jetës së tij”, pavarësisht pamjes që ngjalli shqetësim më herët këtë vit, kur u shfaq me sy të zbrazët dhe fytyrë të lod
Kulturë
“Valley Film Festival”, event unik për të rinjtë e Luginës! Flet organizatori Kushtrim Asllani
Published
1 day agoon
May 23, 2025
Java u mbyll me një intervistë ekskluzive me aktorin Kushtrim Asllani i i cili flet për organizimin e “Valley Film Festival”.
Ky event i rëndësishëm që do të mbahet në qytetin e Bujanocit, në datat 20, 21 dhe 22 qershor 2025, pritet të sjellë panele, trajnime dhe shfaqje filmash të metrazhit të shkurtër dhe të gjatë nga autorë vendorë dhe ndërkombëtarë.
“Valley Film Festival” vjen si një hap i ri për zhvillimin kulturor dhe promovimin e krijimtarisë artistike të të rinjve në Luginën e Preshevës.
Emisioni “n’RITËM”, me autore dhe moderatore Albina Zeneli vjen në frekuencën 100.7 çdo ditë pune nga ora 13:00-15:00 në Campus Radio.
Linku për ta dëgjuar online: https://www.ubt-uni.net/en/media-events/ubt-radio-campus/
Magazinë
Miley Cyrus foli për problemin shëndetësor dhe varësinë ndaj alkoolit
Published
1 day agoon
May 23, 2025
Miley Cyrus foli për aventurën e vështirë shëndetësore që kaloi gjatë një performance live, si dhe për transformimin që solli në jetën e saj vendimi për të lënë alkoolin dhe marihuanën.
Këngëtarja nuk ngurroi të pranonte se si kthimi drejt kthjelltësisë dhe sprova fizike që përjetoi e shtynë drejt limiteve, por e ndihmuan të gjente veten përsëri.
Ajo zbuloi se pësoi një këputje të kistit ovarian gjatë shfaqjes së Vitit të Ri “Miley’s New Year’s Eve Party” që prezantoi me Dolly Parton më 2023.
“Pata një përvojë traumatike në një shfaqje që bëra me Lorne Michaels, kur bëra shfaqjen time të Vitit të Ri“, tha ajo dhe shtoi: “Pata një urgjencë mjekësore. Pata një këputje të kistit ovarian. Nuk e dinim saktësisht se çfarë po ndodhte, kështu që e bëmë. Ishte shumë traumatike, sepse ishte e padurueshme dhe unë po e bëja shfaqjen normalisht. Por ishte vërtet shumë e vështirë për mua.”
Ky incident e bëri të mendonte të hiqte dorë nga muzika, por një bisedë me Lorne Michaels rezultoi vendimtare:
“Ai më tha: ‘Gjashtë muaj. Secili ka gjashtë muaj për të ndjerë keqardhje për veten dhe pastaj fillojmë rindërtimin’. Nuk keni idenë se sa artistë janë ulur në këtë karrige dhe më kanë thënë se po e lënë muzikën. Të gjithë e bëjnë këtë, të gjithë kalojnë nëpër këto përvoja traumatike .”
Në të njëjtën kohë, Cyrus rrëfeu se vendimi për të ndaluar pirjen e alkoolit dhe përdorimin e marihuanës ishte ndoshta momenti më përcaktues në jetën e saj:
“Kam mësuar diçka për veten time gjatë viteve: maturia është si Zoti im.” Kam nevojë për të, jetoj për të. Dua të them, kjo më ka ndryshuar tërë jetën.
Edhe pse pranoi se gjatë pandemisë u largua nga maturia për një farë kohe, ndjeu se duhej të kalonte edhe nëpër këtë situatë: “E di që më është dashur të bie edhe një herë… Kishte momente që më lënduan. Nuk jam krenare për to, por ato më shtynë të shkruaja “Flowers”, e cila ishte një çelës që zhbllokoi të gjithë shërimin. Më shëroi shumë .
Ajo e përshkroi fitoren e saj në Grammy për “Flowers” si një moment prekës afirmimi: “Ndoshta ishte fëmija brenda meje.” Nuk e di çfarë ishte, por kisha nevojë për diçka për t’u mbajtur fort që do të më bënte të ndihesha sikur kisha fituar vërtet. “Marrja e çmimit Grammy për këngën ‘Flowers’ ishte si një fashë për një zemër të thyer .”
Pavarësisht vështirësive, këngëtarja po përgatit albumin e saj të ri “Something Beautiful” dhe deklaron se është gati t’ia riprezantojë veten publikut të saj, këtë herë me më shumë qartësi dhe të vërtetë.
Magazinë
Xhaxhai i William dhe Harry lë një pasuri marramendëse: ky është përfituesi kryesor
Published
1 day agoon
May 23, 2025
Lord Robert Fellowes, xhaxhai i Princit William dhe Princit Harry, ndërroi jetë në korrik 2024 në moshën 82 vjeçare.
Figurë kyçe në Familjen Mbretërore Britanike për dekada, shërbeu si sekretar privat i Elizabeth II midis viteve 1990/1999, pas daljes në pension zyrtar, mbeti i lidhur me monarkinë si kalorës shtesë i Mbretëreshës deri në vdekje më 2022.
Tani, testamenti ka dalë në dritë, duke zbuluar një vendim të habitshëm: as William dhe as Harry nuk janë të listuar si përfitues. Sipas dokumenteve të gjykatës, pasuria e tij, e vlerësuar në gati 1.75 milionë euro , iu la e tëra gruas së tij, Baroneshës Jane Fellowes, së bashku me donacione të ndryshme për familjen, miqtë dhe organizatat bamirëse.
Gjykata e Lartë dha lejen për ekzekutimin e testamentit, të datës qershor 2012, në mesin e majit.
Në të, Lord Fellowes ia la pasuritë dhe të ardhurat nga pasuria e tij gruas së tij, por shtoi një klauzolë që kërkonte që pasuria të përdorej edhe për “përparimin dhe përfitimin e përgjithshëm” të familjes.
Këtu përfshihen tre fëmijët e tij: Alexander, Laura dhe Eleanor , të cilët, me Baroneshën Fellowes, do të veprojnë si ekzekutorë të trashëgimisë.
Përfitues të tjerë përfshijnë Andrew Grange, i cili mori 1,170 euro, dhe disa institucione: hospisin Tapping House në West Snettisham, Rhodes Trust, Kishën e Shën Marisë dhe Kolegjin Eton, të cilët gjithashtu morën fonde.

UBT organizon Akademi Përkujtimore për të nderuar jetën dhe veprën e profesorit dhe arkitektit Arsim Murseli

UBT organizon Akademi Përkujtimore në nder të Prof. Dr. Naser Kamberit

“Fortnite” rikthehet në iOS në SHBA

Justin Bieber ngjall shqetësim për shëndetin e tij pas gjobës në Los Angeles, fansat të shqetësuar nga pamja

Sa hapa duhet të bëjmë në ditë për të humbur peshë?

Mëngjesi ideal: Çfarë duhet dhe nuk duhet të hani?

Kujdes me planet! Moti do të ndryshojë këtë fundjavë

“Valley Film Festival”, event unik për të rinjtë e Luginës! Flet organizatori Kushtrim Asllani

Miley Cyrus foli për problemin shëndetësor dhe varësinë ndaj alkoolit
Të kërkuara
-
Lajmet nga UBT4 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati