Kulturë

Çfarë do të ndodhë me karrierën e Smith pas ceremonisë Oscar?

Smith mund të ketë shpresuar se nuk do të ketë pasoja.

Published

on

Aktori Will Smith u shndërrua nga i preferuari i publikut te më i përfoluri kur e goditi me shuplakë prezantuesin Chris Rock në skenë gjatë ceremonisë Oscar fundjavën e kaluar. A i ka bërë dëm të përhershëm imazhit dhe karrierës së tij dhe çfarë mund të ndodhë më pas?

Pas përfundimit të asaj mbrëmje, Will Smith mund të ketë shpresuar se nuk do të ketë pasoja. Fjalimi i tij emocionues gjatë pranimit të çmimit, ku edhe i kërkoi falje Akademisë dhe tentoi ta cilësonte veten si “mbrojtës i familjes”, ngjalli shumë reagime. Më pas publikoi një video duke kërcyer sikur të mos ketë ndodhur asgjë.

Por kur u zgjua mëngjesin e nesërm, stuhia nuk kishte marrë fund. Situata veçse u tensionua.

“Është një lloj çmendurie të mendosh se ky incident i vetëm mund të fshijë kaq shumë dekada të vullnetit të mirë”, thotë kryeredaktorja e The Wrap, Sharon Waxman.

“Por gjithçka ishte publike, jashtë kontrollit. Një agjent me të cilin folëm ne deklaroi se ishte ‘gjest i narcizmit’. Emri i tij është njollosur keq”, deklaroi ajo.

Faqja e saj në internet ka publikuar një artikull duke pyetur të brendshëm të industrisë së filmit nëse karriera e Smith është “plagosur për vdekje” nga ky gjest.

“Përfundimi është po”, thotë ajo. “Plagë vdekjeprurëse” citohet të ketë thënë një agjent.

“Ideja që njerëzit ende lidhen me Will Smith dhe ndihen sikur ai është shembulli që duan ta ndjekin, e admirojnë dhe pretendojnë se – ai është shembulli ideal – mendoj se tani u shfaq ndjenja që kjo lidhje me të mund të jetë zhdukur për shkak të gjestit të tij”, deklaroi ai.

Kim Masters, kryeredaktore e Hollywood Reporter, pajtohet se Smith – i njohur për hitet si “Men In Black”, “Independence Day” dhe “Bad Boys” – i ka bërë dëm të madh imazhit të tij.

“Ai ka ndërtuar një personazh gjatë shumë, shumë vitesh dhe kjo ishte një shkëputje e plotë nga ai personazh”, tha ajo për programin Today të BBC Radio 4.

“Njerëzit ishin absolutisht të tronditur nga sjellja e tij dhe më pas një fjalim mjaft i çuditshëm gjatë pranimit të çmimit dhe më pas shfaqet duke kërcyer sikur të mos kishte ndodhur gjë, në festën e Vanity Fair. Pra ky është një ndryshim i madh i asaj që njerëzit dinë dhe presin nga Will Smith”, deklaroi ajo.

53-vjeçari nuk ka këso historie të mëhershme dhe njihet për sjelljen e tij fisnike, shtoi ajo.

“Por megjithatë shumë njerëz kanë thënë se s’mund ta shikojnë njëjtë më”, deklaroi ajo.

Çka mund të presim nga ai në muajt në vijim?

Mbase mund të nisë punë bamirësie, një njoftim publik në lidhje me terapinë apo menaxhimin e zemërimit dhe një intervistë të detyrueshme rreth këtij rrëfimi – mbase edhe në emisionin e familjes së tij në rrjetin social Facebook – Red Table Talk. Pikërisht kështu vepruan edhe më herët, saktësisht kur ai dhe gruaja e tij, Jada Pinkett Smith, u qartësuan rreth problemeve në lidhjen e tyre në vitin 2020, që shënon skandalin më të madh të tij në të kaluarën. Gjithashtu përmes asaj platforme ata treguan rreth çrregullimit me të cilin po përballet Pinkett Smith.

Filmat e tij të ardhshëm

Smith ka një numër filmash në të cilët ka punuar së fundi, por që tani nuk dihet e ardhmja e tyre. Përfshirë këtu “Bad Boys 4”, “Bright 2” dhe “Apple’s Emancipation”.

“Një indikator tejet i fuqishëm që do të tregojë se sa i është dëmtuar reputacioni i tij vjen kur Apple do të tregojë se çka do të bëjë me këtë film. Të gjithë menduan se do të dilte në gjysmën e dytë të vitit dhe do të ishte në garë për çmime për vitin e ardhshëm, dhe ne nuk e dimë se çfarë do të bëjë Apple. Nëse vendosin ta shtyejnë prapë, i bie që s’duan të dalin në treg me Will Smithin këtë vit”, deklaroi ajo./UBTNews/

Magazinë

Van Damme thotë se ka simpati për Putinin: Dua të shkoj në Rusi dhe të bëhem ambasador i paqes atje

Published

on

Në një video të publikuar në Telegram nga gazetarja pro-ruse me origjinë nga Ukraina, Diana Panchenko, aktori dhe ish-bodybuilderi Jean-Claude Van Damme i është drejtuar presidentit rus Vladimir Putin me një mesazh të pazakontë, duke shprehur dëshirën për të vizituar Rusinë si një “ambasador i paqes”.

Panchenko, e cila më 2023 u akuzua për tradhti nga Shërbimi i Sigurisë së Ukrainës, ndau videon ku Van Damme shprehet se është i gatshëm të shkojë në Rusi për të përçuar mesazhe paqeje.

“Ne duam të vijmë në Rusi. Do të përpiqemi ta bëjmë këtë ashtu siç dëshironi ju, si një ambasador i paqes. Do ta doja shumë këtë… Do të ishte nder për mua të mbaja një titull të tillë”, – tha aktori belg.

Më tej, ylli i filmave aksion rrëfen një histori disi të çuditshme për një takim të mëparshëm me Putinin në një ngjarje të arteve marciale në Sochi, ku, sipas tij, “këpucët e tyre u prekën”. Van Damme ka vizituar më parë Rusinë në vitet 2007 dhe 2010, duke marrë pjesë në aktivitete të ndryshme kulturore dhe sportive.

Në fund të videos, i njohur si “Muskujt nga Brukseli”, ai përmbyll mesazhin me fjalët: “Le ta bëjmë këtë. Ambasador i paqes. Nuk do të flasim për politikë – vetëm për paqe, sport dhe lumturi. Ju duam shumë”.

Van Damme mbyll mesazhin duke dërguar një puthje drejt Rusisë dhe një tjetër “të madhe për Putinin dhe familjen e tij”.

Përtej deklaratave të shprehura me adhurim, Jean-Claude Van Damme është përfshirë në një skandal që ka tërhequr vëmendjen e mediave. Fillim këtij muaji, aktori u përfol se kishte pasur një takim me disa persona të dyshuar për trafikim seksual që i ofruan “dhuratë” pesë modele rumune për marrëdhënie seksuale. Ish-kryeministri italian Silvio Berlusconi, Jean Claude Van Damme dhe Vladimir Putin në Shën Petersburg, Rusi – 14 prill 2007 (Foto: AP)

Drejtoria për Hetimin e Krimit të Organizuar dhe Terrorizmit në Rumani thuhet se ka dorëzuar një kallëzim penal ndaj Van Damme, duke pretenduar se ngjarja ka ndodhur në Kanë, ndonëse pa specifikuar një datë të saktë. Sipas avokatit Adrian Cuculis, i cili përfaqëson një prej viktimave të supozuara:

“Në një ngjarje të organizuar nga Jean-Claude Van Damme në Kanë, disa shtetas rumunë – aktualisht nën hetim për krijimin e një grupi kriminal dhe shfrytëzim prostitucioni – dyshohet se i kanë ofruar Van Damme pesë gra rumune, modele të njohura në vendin e tyre, për marrëdhënie seksuale”.

Ai shtoi se “personi që i ka marrë këto ‘shërbime’ ka qenë në dijeni të gjendjes së tyre”.

Van Damme ka mohuar çdo përfshirje të qëllimshme në këtë çështje, duke deklaruar përmes agjentit të tij, Patrick Goavec, se akuzat janë “të pabazuara”.

“Jemi informuar për disa artikuj që flasin për një lidhje të supozuar në Kanë që përfshin zotin Jean-Claude Van Damme”, thuhet në deklaratë. “Faktet e raportuara janë qesharake dhe të pavërteta. Z. Van Damme nuk dëshiron të komentojë apo të ushqejë këtë thashethem, i cili është po aq absurd sa edhe i pabazë”. 

Continue Reading

Magazinë

Jennifer Lopez pas divorcit bleu rezidencë 18 milionë dollarë?

Published

on

Pasi finalizoi divorcin e saj me aktorin Ben Affleck, Jennifer Lopez bleu një shtëpi të re prej 18 milionë dollarësh, shkruan Page Six.

Burimet raportuan  se 55-vjeçarja ka blerë një vilë në ndërtesat e reja pranë Los Anxhelosit.

Këngëtarja e “Let’s Get Loud” ka qenë duke kërkuar një shtëpi që pranverën e kaluar, pikërisht në momentin kur martesa e saj me Ben u shkatërrua.

Lopez dhe fituesi i Oscar, 52 vjeç, e finalizuan divorcin e tyre në janar, më pak se pesë muaj pasi ajo paraqiti kërkesën për t’i dhënë fund martesës së tyre dyvjeçare.

 

Continue Reading

Magazinë

“Miliona dollarë borxhe”/ Justin Bieber në krizë të thellë financiare?

Published

on

Njerëzit të afërt të Justin Bieber janë shumë të shqetësuar për këngëtarin.

“Ai po përballet me shumë demonë të ndryshëm tani”, thotë burimi, sipas medias së njohur ‘People‘. “Ai po merr disa vendime vërtet të këqija kohët e fundit, duke ndikuar më tej në miqësi, para dhe biznes.”

Ndër faktorët stresues me të cilët po merret Bieber janë gjyqi i Sean “Diddy” Combs (me të cilin ishte i lidhur në mesin e viteve 2010) dhe marrëdhëniet e tij të tensionuara me ish-menaxherin Scooter Braun, i cili njoftoi tërheqjen e tij në 2024.

Bieber gjithashtu ka ndërprerë publikisht lidhjet me markën e tij të modës Drew House.

“Unë Justin Bieber nuk jam më i përfshirë në këtë markë. Drew House nuk përfaqëson mua, familjen apo jetën time,” shkroi ai më 10 prill.”

Burimet pohuan se artisti kishte mbetur me miliona dollarë borxhe pasi anuloi turneun e tij në 2022. /UBT News/

Continue Reading

Lifestyle

Kjo është mënyra më e mirë e përgatitjes së kafes

Published

on

Provojeni në mënyrën e vjetër, më të mirë kurrë nuk keni pasur rastin të pini! Ka diçka të veçantë në kafen turke.

E para dhe themelorja, për kafe të mirë turke është e nevojshme përzierja cilësore e mos kurseni në të, pini për t’u kënaqur, jo vetëm sa për ta pirë.

E dyta, pakkush e di që për kafen turke për fillim uji nuk duhet të vlojë!

Në xhezve uji nxehet deri mu para vlimit, pastaj hiqet nga zjarri. Një pjesë e ujit qitet në filxhan, ndërkaq në pjesën tjetër shtohet kafja (nga një lugë të vogël të plotë për çdo filxhan apo më shumë nëse filxhanët janë të mëdhenj apo nëse dëshironi kafe shumë të fortë).

Përzieni të mos mbeten droçka, ktheni në zjarr, kur të bymehet deri në skajin e xhezves hiqeni nga zjarri e shtoni ujin të cilin e keni qitur në filxhan.

Sërish ktheni në zjarr e lëreni të vlojë. Hiqeni nga zjarri, prisni pak e shtoni një lugë ujë të ftohtë, kafja do të jetë e gatshme për t’u pirë.

Gabimet themelore te përgatitja e kafes:

– Përzierja e tepërt e shkatërron shijen;

– Lënia që disa herë të ngrihet deri në skajin e sipërm të xhezves shkatërron shkumën dhe ndryshon shijen e kafes;

– Përzierja pasi që kafja të jetë e vluar, shumë e nxehtë dhe e hequr nga zjarri gjithashtu do të ndryshojë shijen e pijes së parapëlqyer të mëngjesit;

– Nëse kafja ëmbëlsohet, sheqerin më së miri është t’ia shtoni derisa është uji i ftohtë në xhezve, para zierjes së kafes.

Provoni, edhe vetë do të bindeni që shija është ndryshe – më e mirë. /UBT News/

Continue Reading

Të kërkuara