Aktualitet

Certifikata Europiane COVID-19, manuali për verën

Published

4 years ago

on

Certifikata Europiane Covid, që do të hyjë në fuqi nga 1 korriku, pritet të lehtësojë udhëtimet brenda Bashkimit Europian, pavarësisht nga pandemia, por si do të funksionojë?

“Certifikata Dixhitale Europiane Covid”, emri zyrtar i kësaj karte shëndetësore, do të njihet dhe lexohet në të gjithë BE-në dhe pa pagesë.

Ajo vërteton që një person është vaksinuar kundër COVID-19, ose që ka një test negativ të shpejtë PCR ose antigjeni, ose që është imun pasi ka kaluar sëmundjen.

Vlefshmëria e testeve nuk është e harmonizuar, u takon Shteteve Anëtare të vendosin (aktualisht ndryshon nga 24 në 72 orë para mbërritjes).

Shteteve Anëtare u kërkohet të pranojnë në tokën e tyre udhëtarët e vaksinuar me katër vaksinat e autorizuara në nivelin europian: Pfizer/BioNTech, Moderna, AstraZeneca dhe Johnson & Johnson.

Ato mund, por nuk janë të detyruara, gjithashtu të pranojnë të vaksinuar me vaksina të autorizuar në disa vende të BE-së (të tilla si Sputnik), ose të miratuara nga OBSH (si Sinopharm).

Certifikata ka një kod QR që përmban një nënshkrim elektronik, që vërteton vërtetësinë e tij, që mund të lexohet nga të gjitha vendet e BE-së.

Varet nga Shtetet Anëtare të vendosin nëse duan ta integrojnë këtë certifikatë në aplikacionin e tyre kombëtar të gjurmimit ose nëse përdorin një aplikacion të veçantë.

Legjislacioni parashikon që certifikata duhet të përmbajë vetëm të dhëna personale “të domosdoshme”, në përputhje me rregulloret europiane (GDPR).

Këto të dhëna nuk shkëmbehen midis vendeve, vetëm çelësi që lejon verifikimin e vërtetësisë së certifikatës që duhet të transmetohet.

Në parim, certifikata e përjashton mbajtësin e saj nga karantina, megjithatë parashikohen përjashtime, nëse situata në vendin ose rajonin e origjinës së udhëtarit përkeqësohet.

Në këtë rast, vendi i destinacionit duhet të njoftojë Shtetet e tjera Anëtare dhe Komisionin 48 orë përpara për futjen e kufizimeve të reja dhe për kohëzgjatjen e tyre.

Ndryshe nga të rriturit, shumica e fëmijëve ose adoleshentëve nuk do të kenë qasje në vaksinimin deri në këtë verë dhe mund të kërkohet që të testohen për të udhëtuar.

Rregulloret europiane kanë të bëjnë me lëvizjen e lirë, por Shtetet Anëtare mund të vendosin ta përdorin këtë certifikatë për qëllime të tjera (koncerte, festivale, etj.) brenda kornizës së ligjit të tyre kombëtar.

Sistemi i Certifikatës Covid do të zbatohet në 30 vende (27 Shtetet Anëtare të BE, plus Islandën, Norvegjinë dhe Lihtenshtajnin).

Në lidhje me udhëtarët e vendeve të treta, BE është në bisedime me disa prej tyre, përfshirë Zvicrën, BM dhe SHBA, por gjithashtu me organizata ndërkombëtare, si OBSH dhe shoqatat e transportit ajror për njohjen reciproke dhe ndërveprimin e sistemeve të vendosura në vend.

Related Topics:
Continue Reading

Aktualitet

Trajnime praktike dhe certifikime ndërkombëtare në UBT, nga shtatori deri në nëntor

Published

5 minutes ago

on

August 26, 2025

By

UBT ka njoftuar nisjen e një cikli të gjerë trajnimesh profesionale dhe praktike për periudhën Shtator–Tetor–Nëntor 2025, të hapura për studentë, profesionistë dhe të gjithë të interesuarit për zhvillim të aftësive. Sipas njoftimit, çdo muaj do të hapen grupe të reja, duke ofruar fleksibilitet në orar dhe mundësi për t’iu përshtatur angazhimeve të pjesëmarrësve.

Programi mbulon fusha kyçe të menaxhimit të projekteve, IT-së, analizës së të dhënave dhe aftësive të buta, me fokus në standarde ndërkombëtare dhe punë praktike në laboratorë modernë të UBT-së.

Trajnimet e planifikuara:

  • PRINCE2 – 24 orë
  • ITIL Foundation – 24 orë
  • Analiza e të Dhënave me SPSS – 24 orë
  • MS Project – 18 orë
  • Hyrje në Programim – 30 orë
  • MS Excel i Avancuar – 24 orë
  • Marketingu Digjital – 24 orë
  • Shitja & Kujdesi ndaj Klientëve – 2 muaj
  • Instalues Elektrik – 3 muaj
  • Zhvillues i Aplikacioneve me AI – 2 vite

Trajnimet do të zhvillohen në kampuset e UBT-së në Prishtinë, Lipjan, Prizren, Ferizaj dhe Gjilan. Pjesëmarrësit përfitojnë nga ligjërues të certifikuar, mjedise laboratorike të avancuara, certifikatë pjesëmarrjeje dhe kompetence, si dhe mundësi certifikimi ndërkombëtar për programet PRINCE2 dhe ITIL.

Aplikimet kryhen online: APLIKO TANI!

Continue Reading

Aktualitet

Edhe pak vende të lira në programin Inxhinieri e Mekatronikës në UBT

Published

1 hour ago

on

August 26, 2025

By

UBT njofton se kanë mbetur edhe pak vende të lira për programin Inxhinieri e Mekatronikës, një nga drejtimet më inovative dhe të kërkuara nga të rinjtë në fushën e inxhinierisë.

Ky program ndërthur mekanikën, elektroniken dhe teknologjinë digjitale, duke përgatitur studentët për të qenë pjesë e transformimit teknologjik në fushat e automatizimit, robotikës dhe sistemeve të mençura.

Studentët e këtij programi përfitojnë nga laboratorë të avancuar, ligjërues me eksperiencë ndërkombëtare dhe projekte praktike, duke ndërtuar kompetenca të plota për tregun e punës. Përmes këtij kombinimi, ata përgatiten të udhëheqin zhvillimet më moderne në industri dhe teknologji.

Aplikimet janë ende të hapura dhe mund të bëhen online në linkun: APLIKO TANI ONLINE!

Continue Reading

Aktualitet

Gjendet pa shenja jete një person në një banesë pranë burgut në Mitrovicën e Veriut

Published

2 hours ago

on

August 26, 2025

By

Një person është gjetur pa shenja jete në një banesë në afërsi të Qendrës së Paraburgimit në Mitrovicën e Veriut. Lajmin e ka konfirmuar zëvendësdrejtori i policisë atje, Veton Elshani.

Siç tha ai, nuk dihet ende shkaku i vdekjes së këtij personi, mirëpo i ndjeri ka jetuar i vetëm dhe ishte përdorues i narkotikëve.

“Rreth orës 14:30, policia është njoftuar për një trup të pajetë që ndodhej në një banesë në afërsi të Qendrës së Paraburgimit në Mitrovicën e Veriut. Policia ka shkuar në vendin e ngjarjes dhe ka hasur në trupin e pajetë, ndërsa shkaqet e vdekjes do t’i mësojmë pasi që në vend të ngjarjes të vijë Mjekësia Ligjore. Personi ka jetuar i vetëm dhe ishte i njohur për policinë si përdorues narkotikësh”, tha Elshani

Continue Reading

Aktualitet

Kurti takon Komisionerin e Lartë të OSBE-së për Pakicat Kombëtare

Published

3 hours ago

on

August 26, 2025

By

Kryeministri në detyrë i Kosovës, Albin Kurti ka takuar Komisionerin e Lartë të OSBE-së për Pakicat Kombëtare të cilin e falënderoi për angazhimin e gjatë të OSBE-së në Kosovë dhe theksoi përparimin e arritur në fushat e të drejtave të njeriut, demokratizimit dhe sigurisë.

Ai theksoi zhvillimin e vendit si një nga demokracitë më të avancuara në Ballkanin Perëndimor dhe përkushtimin ndaj rritjes ekonomike dhe mirëqenies sociale dhe sigurisë.

Më tej, kryeministri në detyrë Kurti nënvizoi kornizën kushtetuese dhe ligjore të Republikës së Kosovës që garanton të drejta dhe përfaqësim për komunitetet, përtej standardeve ndërkombëtare, duke theksuar nevojën që këto të drejta të shfrytëzohen për integrim.

Ai shprehu gatishmërinë e Qeverisë së Republikës së Kosovës për të forcuar bashkëpunimin me OSBE-në.

Continue Reading

Të kërkuara