Lajmet

Çeku: Serbia mobilizon tifozëri për mesazhe lufte ndaj Kosovës

Sipas tij, Serbia nuk po e kursen as sportin për promovimin e politikës luftënxitëse.

Published

on

Paraqitja e një tanku si koreografi në tribuna me simbolikën kundër Kosovës ishte akti më i fundit që Serbia, përkatësisht tifozët serb e bënë gjatë ndeshjes mes Crvena zvezdas dhe Fiorentinës.

Ndeshja mes “Yllit të Kuq” dhe Fiorentinas u zhvillua në Beograd, ku në stadium u shfaq një koreografi me paraqitjen e një tanku, dhe me shkrimi nën të “Kur të kthehet ushtria në Kosovë”.

Tani, për këtë gjë ka reaguar edhe ministri i Ministrisë së Kulturës Rinisë dhe Sportit, Hajrulla Çeku, i cili tha se Serbia po mobilizon tifozëri për mesazhe lufte ndaj Kosovës.

“Serbia mobilizon tifozëri për mesazhe lufte! Koreografia e organizuar në ndeshjen miqësore të futbollit të zhvilluar dje ndërmjet ‘Yllit të kuq dhe Fiorentinës në Beograd, tregon qartazi për mendësinë e pandryshuar të Serbisë. Grupi i tifozerisë ‘Delije’ mbrëmë ka shfaqur një koreografi ku shihet një tank i madh me sfondin e flamurit serb dhe me shkrimin nën të ‘Kur të kthehet ushtria në Kosovë’”, shkroi Çeku në Facebook.

Më tej, Çeku tha se Serbia nuk po e kursen as sportin për promovimin e politikës luftënxitëse, ndërsa kërkoi që komuniteti ndërkombëtar nuk duhet të hesht.

“Serbia edhe një herë tregoi që nuk e kursen as sportin si platformë për promovimin e politikës së saj luftënxitëse. Kërcënimet me luftë nga stadiumi i futbollit duhet të kundërshtohen nga organizatat ndërkombëtare të futbollit, të cilat i ftojmë për marrjen e masave të duhura ndëshkuese. Këto veprimeve të Serbisë janë të papranueshme, andaj komuniteti ndërkombëtar nuk duhet të qëndrojë në heshtje”, shkroi Çeku.

Edhe Federata e Futbollit të Kosovës (FFK) ka kërkuar nga UEFA dhe FIFA që të marrin masa më të ashpra kundër Serbisë për shkeljen e parimeve dhe vlerave bazë të lojës së futbollit.

Lajmet

Prishtina hap procesin e digjitalizimit nëpër shkolla, Rama: Panele digjitale dhe Inteligjencë Artificiale për kushte më të mira edukative

Published

on

By

Komuna e Prishtinës ka nisur procesin e digjitalizimit nëpër shkolla, me një ceremoninë të mbajtur në shkollën fillore “Dardania”.

Kryetari i Prishtinës, Përparim Rama, theksoi se deri në fund të vitit do të instalohet një sistem digjital në të gjitha klasat, duke përfshirë panele digjitale dhe qasje në kutikulën digjitale për studentët.

Kemi filluar instalimin e paneleve digjitale, që të cilat tash po instalojmë në shkollë Dardania’, vazhdojmë të instalojmë në shtatë shkolla të tjera. Deri fund të vitit pretendojmë me instaluar nëpër të gjitha klasat, kjo është pjesë e zhvillimit të programit tonë. Të gjithë studentët tashmë kanë qasje në kutikulën digjitale që i lehtëson shumë edhe problemet që kanë pasur më parë, deklaroi kryetari”, tha ai.

Rama shtoi se procesi përfshin gjithashtu implementimin e Inteligjencës Artificiale në shkolla dhe instalimin e sensorëve për monitorimin e cilësisë së ajrit, me qëllim që të sigurohen kushte optimale për nxënësit.

Ai e vlerësoi këtë projekt si një hap të rëndësishëm në avancimin e sistemit arsimor në kryeqytet.

Kemi një sistem të avancuar në shkollat e kryeqytetit tashmë me panele të mençura, jemi duke punuar që ta implementojnë edhe Inteligjencën Artificiale si pjesë e zhvillimit edukimit në të gjitha shkollat e kryeqytetit. Në të gjitha shkollat synojmë që të instalojmë sensor që përveç këtyre zhvillimeve për nxënësit të kemi monitorimin edhe të ajrit që në të gjitha klasat të jetë në nivelit të duhur që me mundësuar të nxënësit të kenë kushtet sa më të mira”, ka theksuar Rama.

Continue Reading

Lajmet

Regjistrohen disa raste me fruth në Kosovë – IKSHPK thirrje që të vaksinohen fëmijët

Published

on

By

Instituti Kombëtar i Shëndetësi Publike të Kosovës (IKSHPK), u ka bërë thirrje prindërve që të vaksinojnë fëmijët kundër fruthit, shytave dhe rubellës.

IKSHPK ka njoftuar se gjatë këtij viti janë regjistruar disa raste sporadike me fruth në vendin tonë.

Në kuadër të mbrojtjes së shëndetit publik dhe me qëllim të parandalimit të përhapjes së sëmundjeve ngjitëse dhe ruajtjes së shëndetit të fëmijëve, është shumë e rëndësishme që të siguroheni që fëmijët e juaj të jenë të vaksinuar me vaksinat MMR (fruthi, shytat dhe rubella). Gjatë këtij viti (periudha janar-mars 2025) janë regjistruar disa raste sporadike me fruth në vendin tonë, ndërkohë që vaksina mbetet mënyra më e sigurt për parandalimin e rasteve të reja”, thuhet në njoftim.

IKSHPK ka dhënë edhe informacione për vaksinën MMR që merret në këto raste.

Vaksina MMR jepet për të parandaluar fruthin, shytat dhe rubellën. Ajo është e sigurt dhe e efektshme dhe është një nga mënyrat më të mira për të mbrojtur fëmijët nga këto sëmundje. Kur duhet të vaksinohen fëmijët? Vaksina MMR, sipas Kalendarit të rregullt të vaksinimit, jepet në dy doza: Doza e parë në moshën 12-15 muaj dhe doza e dytë në moshën 5-6 vjeç”, njofton IKSHPK.

IKSHPK thekson se fëmijët të cilët për arsye të ndryshme nuk kanë arritur që ta marrin vaksinën sipas Kalendarit të rregullt, mund të vaksinohen në çdo kohë, duke qenë se vaksina mund të jepet edhe pas moshës 6 vjeçe.

Është e rëndësishme që fëmija ta kompletojë serinë e vaksinimit duke i marrë të dy dozat e vaksinës MMR, për ta siguruar mbrojtjen e plotë”, njofton Instituti Kombëtar i Shëndetësisë Publike të Kosovës.

IKSHPK shton se për shkak të rasteve të fundit të fruthit në vend dhe në shtetet fqinje, është thelbësore që çdo fëmijë të jetë i vaksinuar, për të parandaluar shpërthime të mundshme dhe për të siguruar shëndetin e tyre dhe të fëmijëve të tjerë.

Vizitoni Qendrën e Mjekësisë familjare më të afërt, aty mund ta vaksinoni fëmijën. Të gjithë fëmijët që janë të vaksinuar me vaksinat MMR janë të mbrojtur nga këto sëmundje ngjitëse, dhe ndihmojnë kështu në parandalimin e përhapjes së tyre”, thuhet në njoftim.

Continue Reading

Lajmet

Konfirmohet gripi i shpendëve në Shqipëri, një fermë në karantinë, ndalohen vezët e mishi i saj

Published

on

By

Ministria e Bujqësisë në Shqipëri ka njoftuar se është konfirmuar me anë të testit RT-PCR sëmundja e Influencës Aviare, tipi H5N1, apo siç njihet si gripi i shpendëve.

Për të marrë masa shtesë, Ministria e Bujqësisë atje ka vendosur në karantinë një fermë të pulave në fshati Maliq Muҫo, Njësia Administrative Rashbull.

Në këtë fermë janë raportuar raste të ngordhjes së shpendëve dhe raportohet se autoritetet kanë ndaluar vezëve dhe mishin në këtë fermë dhe se nuk do lejohen që produkte të dalin në treg.

Continue Reading

Lajmet

Vendoset gurthemeli i çerdhës së re në Gjilan, investim i MASHTI-t në vlerë prej rreth 855 mijë euro

Published

on

By

Kryeministri i Republikës së Kosovës, Albin Kurti, së bashku me ministren e Arsimit, Shkencës, Teknologjisë dhe Inovacionit, Arbërie Nagavcin dhe Kryetarin e Komunës së Gjilanit, Alban Hysenin, vendosën gurthemelin e çerdhes së re në Gjilan.

Gurthemeli i çerdhës, e cila është e gjashta në komunën e Gjilanit në këtë mandat të Qeverisë, arrin koston e shumës rreth 855 mijë euro. Me afër 900 metra katrorë, kjo çerdhe ka kapacitet për 80 fëmijë dhe punimet e këtij projekti parashihen të përmbyllen për 12 muaj.

Me këtë rast tha se ky është lajm i mirë për Komunën e Gjilanit, për fëmijët dhe prindërit, pasi para qeverisjes aktuale, ka munguar kujdesi për fëmijët në kuptimin institucional dhe social.

Kur e kemi marrë pushtetin ekzekutiv, kemi ardhur në qeverisje të këtij vendi të cilin e kemi realizuar pas fitores së madhe të shkurtit të vitit 2021 nuk e kemi gjetur asnjë çerdhe në Gjilan të finacuar nga MASHTI. Gjithashtu, kur ka ardhur në pushtet ekzekutiv në Gjilan, Alban Hyseni, kur ka fillu qeverisja e mirë në komunën e Gjilanit, pas zgjedhjeve të vjeshtës së vitit 2021, këtu nuk ka pasur kujdes për fëmijët as në kuptimin institucional dhe as në kuptimin social. Prandaj, është ditë e lumtur për të gjithë qytetarët e Gjilanit”, tha ai.

Me këtë rast, kryeministri përgëzoi qytetarët, deputetët e pranishëm dhe aktivistët, për këtë ditë të shënuar në vendosjen e gurthemelit për çerdhen e gjashtë në komunën e Gjilanit.

Continue Reading

Të kërkuara