Lajmet

Çekia ndihmon Kosovën me pajisje mbrojtëse në vlerë 193 mijë euro

Publikuar

Më 15 dhjetor, një ndihmë materiale humanitare me 30 mijë copë respiratorë, 30 mijë palë të dorëzave vinil, 10 mijë palë mbështjellëse të këpucëve dhe 5 mijë copë veshje mbrojtëse, u sollën në Prishtinë me një aeroplan special të Armatës së Çekisë, në vlerë prej rreth 193 mijë euro.

Në Aeroportin Ndërkombëtar “Adem Jashari”, zëvendësudhëheqësi i Ambasadës së Çekisë, Juraj Melioris, dorëzoi ndihmën çeke për Kosovën tek zëvendësministri Luan Gola, i cili shprehu falënderimin e Qeverisë së Kosovës për Republikën e Çekisë.

Juraj Melioris përmendi zhvillimet e tashme pozitive bilaterale të bashkëpunimit Çeki-Kosovë, në veçanti në lëminë ekonomike, si dhe në fushën e bashkëpunimit zhvillimor e në fushat tjera./UBTNews

Lajmet

​KQZ mblidhet pas situatës në veri

Zëdhënësi i KQZ-së tha se janë duke pritur raportet e këtyre zyrtarëve për të kuptuar se çfarë ka ndodhur.

Publikuar

nga

Komisioni Qendror i Zgjedhjeve do të mblidhet në ora 18:00 për të diskutuar situatën e sotme (e martë) ku zyrtarët e tyre kanë shkuar në veri për të funksionalizuar zyrat e tyre atje por kjo nuk është arritur. 

Zëdhënësi i KQZ-së, Valmir Elezi, u shpreh se janë duke pritur raportet e këtyre zyrtarëve për të kuptuar se çfarë ka ndodhur.

“Jemi në pritje të njoftimeve nga zyrtarët komunalë të zgjedhjeve të cilët gjatë ditës së sotme, nën përcjelljen e Policisë së Kosovës kanë shkuar në zyrat e tyre, në Mitrovicë të Veriut dhe në Zubin Potok, me qëllim të ushtrimit të detyrave zyrtare, por kjo nuk ishte e mundur. Në këto raporte do të sqarohet situata e krijuar. KQZ-ja është në koordinim të vazhdueshëm me institucionet tjera. Lidhur me situatën e krijuar, KQZ-ja do të mbajë mbledhje, sot, me fillim në orën 18:00”, tha Elezi.

Për shkak të tentative të zyrtarëve të KQZ-së për të shkuar në zyrat në veri të vendit janë dëgjuar shpërthime, që thuhet se janë organizuar nga strukturat paralele serbe.

Vazhdo të lexosh

Lajmet

Sulmi ndaj Sali Berishës, reagon Edi Rama

Përmes një njoftimi, thuhet se kreu i qeverisë dënon aktin e dhunës mbi Berishën.

Publikuar

nga

Kryeministri i Shqipërisë, Edi Rama reagoi në lidhje me sulmin e sotëm fizik ndaj ish-kryeministrit Sali Berisha.

Përmes një njoftimi të shpërndarë për media, thuhet se kreu i qeverisë dënon pa asnjë ekuivok aktin e pajustifikueshëm e të patolerueshëm të dhunës mbi organizatorin dhe udhëheqësin e protestës së sotme.

“Kryeministri i Shqipërisë Edi Rama dënon pa asnjë ekuivok aktin e pajustifikueshëm e të patolerueshëm të dhunës mbi organizatorin dhe udhëheqësin e protestës së sotme! Dhuna s’ka qenë, s’është e s’do jetë kurrë një mjet për të adresuar çfarëdo çështje apo shqetësimi dhe kushdo e përdor këtë mjet duhet të përballet me të gjithë forcën e ligjit“, u shpreh Rama, shkruan A2.

Kreu i PD-së, Sali Berisha është goditur me grusht nga një protestues. Ndërkohë, shumë protestues i janë vërsulur personit, i cili ka goditur me grusht Berishën. Ai është shoqëruar nga efektivët e policisë.

Vazhdo të lexosh

Lajmet

Kuleba: Pako të rrezikshme janë dërguar në ambasadat e Ukrainës në Rumani dhe Danimarkë

Ai diskutoi “fushatën e terrorit dhe frikësimit” që filloi të mërkurën e kaluar kundër ambasadave të Ukrainës.

Publikuar

nga

Më shumë “pako të rrezikshme” janë dërguar në ambasadat e Ukrainës në Rumani dhe Danimarkë, tha ministri i Jashtëm ukrainas Dmytro Kuleba në një konferencë për shtyp të martën.

Kuleba diskutoi “fushatën e terrorit dhe frikësimit” që filloi të mërkurën e kaluar kundër ambasadave dhe konsullatave të Ukrainës me “një pako me eksploziv në Madrid”, e ndjekur nga “letra të përgjakshme me sy kafshësh në kryeqytete të tjera”.

“Unë vetëm mund ta përsëris këtë për të gjithë armiqtë e diplomacisë ukrainase dhe Ukrainës: nuk do të keni sukses të na frikësoni apo ndaloni”, tha Kuleba.

“Ne kemi pasur raste të reja të paketave të rrezikshme të dërguara në ambasadat tona. Sot, kjo iu bë ambasadës sonë në Rumani dhe ambasadës së Ukrainës në Danimarkë”, tha Kuleba.

Ai nuk specifikoi nëse këto pako përmbanin sy kafshësh si ato që janë dërguar në misionet diplomatike të Ukrainës në vende të tjera anembanë Evropës gjatë javës së kaluar.

“Të gjithë atyre që vazhdojnë t’i dërgojnë këto pako dhe të terrorizojnë ambasadat tona, ju them ju lutem relaksohuni, mos e humbni kohën dhe paratë tuaja për postë. Nuk do të arrini asgjë”, shtoi ai./UBTNews/

Vazhdo të lexosh

Lajmet

Pas sulmit ndaj Berishës, reagon presidenti Begaj

Begaj tha se ky është akt i papranueshëm.

Publikuar

nga

Presidenti i Shqipërisë, Bajram Begaj dënoi ashpër sulmin fizik të ndodhur gjatë protestës së sotme të opozitës ndaj kryetarit të Partisë Demokratike, Sali Berisha.

“Presidenti Begaj i konsideron këto akte të papranueshme dhe që bien ndesh me parimet e demokracisë dhe zhvillimin e protestave paqësore. Kreu i Shtetit inkurajon autoritetet të hetojnë këtë rast dhune dhe të zbardhin sa më shpejt dinamikat e ngjarjes. Liria e fjalës dhe tubimeve paqësore janë e drejtë kushtetuese dhe si të tilla duhet të garantohen dhe mbrohen”, thuhet në deklaratën e presidencës.

Teksa po i afrohej Bulevardit “Dëshmorët e Kombit”, ku po zhvillohej protesta e opozitës, një person goditi me grusht Sali Berishën në fytyrë, duke e gjakosur. Menjëherë ai u neutralizua nga truprojat e tij dhe mbështetës të tjerë, të cilët e rrahën personin duke e goditur me grushte dhe shkelma./A2

Vazhdo të lexosh

Të kërkuara