Një datë e re është caktuar për gjyqin e Blake Lively dhe Justin Baldoni.

Padia e aktores fillimisht ishte planifikuar të fillonte më 9 mars 2026, por është shtyrë për në 18 maj.

Gjykatësi Lewis J. Lyman e bëri njoftimin gjatë një seance dëgjimore pas përfundimit të procesit të shkëmbimit të provave të martën, më 9 dhjetor, duke shpjeguar se ai ka dy gjyqe penale dhe se “sado e rëndësishme të jetë kjo çështje, ato kanë përparësi”.

Ai u bëri thirrje të dyja palëve të kontaktojnë një gjyqtar paqeje për të diskutuar një zgjidhje të mundshme.

Grindja midis dy aktoreve filloi në dhjetor 2024, kur Blake ngriti një padi kundër Justin Baldonit, duke e akuzuar atë për ngacmim seksual, sjellje hakmarrëse dhe shkaktim të shqetësimit emocional.

Në padinë e saj, aktorja pretendoi se gjatë bashkëpunimit në “It Ends With Us”, Baldoni e ngacmoi në shumë mënyra, duke përfshirë komente për trupin e saj dhe se organizoi një fushatë shpifjesh kundër saj me qëllim dëmtimin e reputacionit të saj, akuza që ai i ka mohuar.

Baldoni, nga ana tjetër, fillimisht kishte kërkuar 250 milionë dollarë dëmshpërblim nga New York Times, duke cituar një artikull gazete mbi rastin, dhe kishte ngritur një padi prej 400 milionë dollarësh kundër Lively dhe bashkëshortit të saj, Ryan Reynolds.

Paditë nga Justin u rrëzuan qershorin e kaluar, ndërsa në nëntor gjyqtari kompetent nxori një vendim përfundimtar, duke deklaruar se aktori kishte refuzuar të paraqiste një padi të ndryshuar në kundërpadinë e tij për shpifje dhe zhvatje kundër Lively dhe Reynolds. /A.Z/UBT News/

Pamela Anderson dhe Liam Neeson u bënë kryefjalë të mediave pas zërave për një lidhje të mundshme gjatë promovimit të filmit “The Naked Gun”.

Fansat u entuziazmuan, ndërsa shumë kritikë e quajtën këtë thashethem një manovër publicitare.

Pamela vendosi të flasë hapur, ajo konfirmoi se mes saj dhe aktorit ka pasur një romancë, por vetëm pasi përfunduan xhirimet.

“Po, unë dhe Liam patëm një lidhje të shkurtër romantike. Kaluan një javë shumë të afërt në veri të Nju Jorkut,” tregoi ajo.

Sipas saj, ata kaluan një periudhë të bukur së bashku, por më pas u ndanë për t’u fokusuar në projekte të tjera.

Pamela hodhi poshtë pretendimet se romanca e tyre ishte një truk marketingu: “Qeshja kur njerëzit thoshin se ishte publike. Ishte e vërtetë. Kishim ndjenja të ndërsjella.”

Ajo theksoi se marrëdhënia e tyre romantike nuk vazhdoi, por mbetet një respekt i madh mes tyre.

“E dua Liamin, por jemi më mirë si miq,” tha Anderson, duke shtuar se ai vazhdon ta mbështesë në fazën e re të karrierës së saj.

Edhe pse jo më çift, Pamela theksoi se ata do të mbeten pjesë e jetës së njëri-tjetrit. /A.Z/UBT News/

Leonardo DiCaprio, ylli 51-vjeçar i Hollywood-it, ka treguar pse shpesh del në publik me maskë ose kapelë.

Aktori, i njohur për karrierën e tij të suksesshme dhe çmimet e shumta, thotë se përpiqet të qëndrojë larg vëmendjes së publikut për të ruajtur jetëgjatësinë e karrierës.

“Mendoj se mënyra më e mirë për të pasur një karrierë të gjatë është të mos jem vazhdimisht në sy të publikut. Dal vetëm kur kam diçka për të treguar, përndryshe përpiqem të zhdukem sa të mundem,” u shpreh ai.

DiCaprio nisi të mbante maskë gjatë pandemisë dhe e ka vazhduar këtë zakon edhe sot.

Në dasmën e Jeff Bezos në Venecia, ai u pa sërish i mbuluar me kapuç për të shmangur vëmendjen. /A.Z/UBT News/

Christina Aguilera ka folur për atë që fansat mund të presin nga albumi i saj i ardhshëm.

Këngëtarja fituese e Grammy-t dha një paralajmërim për muzikë të re dhe një dokumentar të ardhshëm gjatë një interviste në The Jennifer Hudson Show.

Në pyetjen e Jennifer nëse ka muzikë të papublikuar në arkivin e saj, Christina tha se nuk ka shumë, por po punon në këngë të reja:

“Ka disa gjëra që ndoshta do të mbeten gjithmonë në kasafortë, por ka muzikë të re që po krijohet”. /A.Z/UBT News/